مواقف فى حياتنا الزوجيه..ياترى حصل معاكى إييييه؟؟

ههههههههههه
والله الحاجات دى بتحصل
بس انا معنديش حاجة احكيها لان جوزى مسافر
وقعد فى مصر فترة بسيطة
بس قبل سفرة كان بدا الروتين
اقوم الصبح اجهز الفطار وبعدها اعملة الشاى وانزل جرى عشلن اخدم الست الوالدة (حماتى )
وبعد ما اخلص تحت اطلع جرى عشان الحق اجهز الغدا وانظف شقتى
وبعدها اشطب المطبخ وانزل تحت تانى وبعدها اطلع اجهز العشاء لنا
شفت الملل يا اوختى
تخيلى على الرغم اننا كنا عرسان جداد عمرة ما فسحنى ولا طلعت برة البيت
كنت باقول بينى وبين نفسى هو دة الجواز يا ريتنى قعدت جمب امى والله قمة الملل
نفسى ارجع لشخصيتى القديمة وارجع اعيش حياتى












ههههههههههههههههه مهيناز قلبتى عليا المواجع ههههههههههههه

موضوع وايد حلو وان شاء الله نكتب مواقفنا عن قريب

موضوعك حلو جدا يا ماهى وفعلا دى حقيقة معظم البيوت عندنا سواء ف مصر أو الدول العربية بس أنا هختلف معاكم شوية فى بعض النقاط وأسمحيلى أعلق على المواقف بتاعتك ..

لأن فيه تصرفات الزوجة لو عملتها بذكاء ورتبت حياتها مش هتتعرض للمواقف دى ولا هترهق نفسها بالشكل ده :

بالنسبة للموقف الأول :

ليه تعمل كل ده ف نفسها ؟ ليه ما عودت زوجها م البداية أنه يشاركها بأبسط الأمور أو أنه مثلا يشيل البيبى لحد ما تخلص شغلها وليه ما ترتب يوم ف البيت للتنظيف ويوم تعمل فيه الأكل بالأسبوع مثلا وتخزنه ف الثلاجة وبعدين بعد كده هيكون سهل عليها تطلع أكل اليوم وتسخن بس ولا هتفكر تطبخ أيه وهتلاقى وقت فاضى تعرف تنام .. أنا مش قصدى أنى أتفه الأمور وممكن حد يقولى اللى أيده ف الماية مش زى اللى أيده ف النار .. بس أنا قصدى بشوية تفكير وترتيب هتلاقى وقت وتلاقى طرق كتيرة لعمل نظام ف حياتها وتلاقى وقت تهتم بنفسها علشان سبع البرومبا ما يشوف حد غيرها برغم كل هلاكها وتعبها ده ألا أن الراجل ما بيقدر ولا بيعذر وف الآخر ممكن برضه يقول دى مقصرة ومش مهتمة بيا .. أنا للأسف ما عنديش بس وقت أكتب بالتفصيل ممكن تعمل أيه الزوجة ف الموقف ده لكن هحاول أدخل مرة تانية وأقول بالتفصيل لو سمحتى لى

وبالنسبة للموقف التانى :

برضه هيكون نفس الكلام مع اضافة ان عندها وقت أكبر ف الأهتمام بزوجها وبيتها ونفسها وهقولك بعدين التفصيل


الموقف الثالث :

ممكن أوى وأنت ف السيارة مع زوجك تختارى الموضوع المناسب لجر رجله للكلام بطريقة ناعمة وبطريقة تخليه يرد عليكى ويرد كويس كمان وممكن وخصوصا ف حالة نوم الأولاد دى تكون فرصة كويسة لكام حركة تقضى على الملل بينكم ف حوارات البيت وبرضه هقولك تفاصيل بعدين لأنى بجد لازم أنزل لماما بس موضوعك شدنى جدا

وحركة الوردة أنا معاكى رده وحش أوى وده بيعبر عن المفاهيم الغلط اللى الراجل الشرقى بيحطها ف باله بس أنتى كان ممكن تكسرى الحركة دى وتحرجيه أكتر بأنك تأخدى الوردة من الراجل وتقوليله بعد أذنك يا روحى أنا اللى عايزة أهديها لك تعبير عن حبى وسعادتى معاك أو تاخديها من الراجل وبعد ما يمشى قوليله أنا حبيت أرجع ذكرياتى معاك قبل كده لما كنت بتهدينى الورد وعلى فكرة يا حبيبى لما أكون مراتك ده أحساس أجمل وأعظم وأنا عارفة أنك طبعا تتمنى تجيبلى أجمل بوكيهات ف الدنيا لأن الورد مش للمخطوبين بس ده لأى حد بيحب حد وأنا متأكده أنك بتحبنى بس أنت أكيد زهقت من طريقة عرض البياع .. يعنى مبدئيا كده لحد ما أكمل معاكى

وبالنسبة للموقف 4

فيه أنواع كتيرة من الرجالة بيعشقوا أن الست هى تكون المبادرة ف العلاقة الزوجية وده مش بيقلل منها بالعكس الراجل بيروح لعشيقة ليه ؟ لأنها بتحسسه أد أيه هتموت عليه وأد أيه نفسها تتمتع معاه وتمتعه بيها .. ليه الزوجة ما تبقاش هى العشيقة بدل ما تدفع زوجها أنه يدور على غيرها أو يقارن بينها وبين زوجات تانية أو فنانات أو أفلام ؟ لازم الزوجة تبدع فى كيفية جعل زوجها أسير لها وتدفعه بكل الطرق لأحتوائها والتعبير عن حبه لها هو حلالها ليه تقدمه على طبق من ذهب لأخرى ؟
انا بصراحة شايفة هنا أن الزوجة هى المسئولة فعلا عن بعد زوجها عنها وفيه مليون طريقة تقدر الزوجة تخلى زوجها دايما متلهف عليها وبيجرى وراها ..

المهم سامحينى على مداخلتى بس أنا والله قصدى دايما أن أى واحدة بتشتكى تفهم الأول عقلية زوجها ودماغه وتتعامل معاه بطريقة مختلفة علشان تكسبه وتخليه سعيد وفخور بيها وف نفس الوقت تسعد نفسها وترحم نفسها من كل التعب والأرهاق ده

وف أقرب فرصة لو سمحتيلى هدخل أقولك تفاصيل الرد وربنا يوفقك وبجد موضوع تحفة

نوجا بالمكسرات;9216665:
موضوعك حلو جدا يا ماهى وفعلا دى حقيقة معظم البيوت عندنا سواء ف مصر أو الدول العربية بس أنا هختلف معاكم شوية فى بعض النقاط وأسمحيلى أعلق على المواقف بتاعتك ..

لأن فيه تصرفات الزوجة لو عملتها بذكاء ورتبت حياتها مش هتتعرض للمواقف دى ولا هترهق نفسها بالشكل ده :

بالنسبة للموقف الأول :

ليه تعمل كل ده ف نفسها ؟ ليه ما عودت زوجها م البداية أنه يشاركها بأبسط الأمور أو أنه مثلا يشيل البيبى لحد ما تخلص شغلها وليه ما ترتب يوم ف البيت للتنظيف ويوم تعمل فيه الأكل بالأسبوع مثلا وتخزنه ف الثلاجة وبعدين بعد كده هيكون سهل عليها تطلع أكل اليوم وتسخن بس ولا هتفكر تطبخ أيه وهتلاقى وقت فاضى تعرف تنام .. أنا مش قصدى أنى أتفه الأمور وممكن حد يقولى اللى أيده ف الماية مش زى اللى أيده ف النار .. بس أنا قصدى بشوية تفكير وترتيب هتلاقى وقت وتلاقى طرق كتيرة لعمل نظام ف حياتها وتلاقى وقت تهتم بنفسها علشان سبع البرومبا ما يشوف حد غيرها برغم كل هلاكها وتعبها ده ألا أن الراجل ما بيقدر ولا بيعذر وف الآخر ممكن برضه يقول دى مقصرة ومش مهتمة بيا .. أنا للأسف ما عنديش بس وقت أكتب بالتفصيل ممكن تعمل أيه الزوجة ف الموقف ده لكن هحاول أدخل مرة تانية وأقول بالتفصيل لو سمحتى لى

وبالنسبة للموقف التانى :

برضه هيكون نفس الكلام مع اضافة ان عندها وقت أكبر ف الأهتمام بزوجها وبيتها ونفسها وهقولك بعدين التفصيل


الموقف الثالث :

ممكن أوى وأنت ف السيارة مع زوجك تختارى الموضوع المناسب لجر رجله للكلام بطريقة ناعمة وبطريقة تخليه يرد عليكى ويرد كويس كمان وممكن وخصوصا ف حالة نوم الأولاد دى تكون فرصة كويسة لكام حركة تقضى على الملل بينكم ف حوارات البيت وبرضه هقولك تفاصيل بعدين لأنى بجد لازم أنزل لماما بس موضوعك شدنى جدا

وحركة الوردة أنا معاكى رده وحش أوى وده بيعبر عن المفاهيم الغلط اللى الراجل الشرقى بيحطها ف باله بس أنتى كان ممكن تكسرى الحركة دى وتحرجيه أكتر بأنك تأخدى الوردة من الراجل وتقوليله بعد أذنك يا روحى أنا اللى عايزة أهديها لك تعبير عن حبى وسعادتى معاك أو تاخديها من الراجل وبعد ما يمشى قوليله أنا حبيت أرجع ذكرياتى معاك قبل كده لما كنت بتهدينى الورد وعلى فكرة يا حبيبى لما أكون مراتك ده أحساس أجمل وأعظم وأنا عارفة أنك طبعا تتمنى تجيبلى أجمل بوكيهات ف الدنيا لأن الورد مش للمخطوبين بس ده لأى حد بيحب حد وأنا متأكده أنك بتحبنى بس أنت أكيد زهقت من طريقة عرض البياع .. يعنى مبدئيا كده لحد ما أكمل معاكى

وبالنسبة للموقف 4

فيه أنواع كتيرة من الرجالة بيعشقوا أن الست هى تكون المبادرة ف العلاقة الزوجية وده مش بيقلل منها بالعكس الراجل بيروح لعشيقة ليه ؟ لأنها بتحسسه أد أيه هتموت عليه وأد أيه نفسها تتمتع معاه وتمتعه بيها .. ليه الزوجة ما تبقاش هى العشيقة بدل ما تدفع زوجها أنه يدور على غيرها أو يقارن بينها وبين زوجات تانية أو فنانات أو أفلام ؟ لازم الزوجة تبدع فى كيفية جعل زوجها أسير لها وتدفعه بكل الطرق لأحتوائها والتعبير عن حبه لها هو حلالها ليه تقدمه على طبق من ذهب لأخرى ؟
انا بصراحة شايفة هنا أن الزوجة هى المسئولة فعلا عن بعد زوجها عنها وفيه مليون طريقة تقدر الزوجة تخلى زوجها دايما متلهف عليها وبيجرى وراها ..

المهم سامحينى على مداخلتى بس أنا والله قصدى دايما أن أى واحدة بتشتكى تفهم الأول عقلية زوجها ودماغه وتتعامل معاه بطريقة مختلفة علشان تكسبه وتخليه سعيد وفخور بيها وف نفس الوقت تسعد نفسها وترحم نفسها من كل التعب والأرهاق ده

وف أقرب فرصة لو سمحتيلى هدخل أقولك تفاصيل الرد وربنا يوفقك وبجد موضوع تحفة

موضوعك جميل يا ماهى

ونوجا كلامك صح وعين العقل وفى انتظار التفاصيل علشان كلنا نستفيد

اه موضوعك جه على الجرح يا ماهى فعلا لخصتى الحياه الزوجيه ومشاكلها ومواقفها المزعجه
ليا رجعه مع مواقف كتيره اوى ان شاء الله

sokara;9227938:

السلام عليكم

انا قريت رد الاخت نوجا بالمكسرات ... و حبيت اختلف معاها فى نقطة .. مش مسالة ان اللى ايده فى المياه مش زى اللى ايده فى النار ... بس معظم المواقف حقيقية و بتحصل فعلا فى حياة معظم الازواج مهما حاولت الزوجة لدرجة ان الزوجة بتوصل لدرجة الياس فى الاخر .:confused:

و مسؤليه الاطفال مش سهلة ابدااااااااااااااااااا :confused::confused: ... انا ام لطفلة عمرها عام الان و موضوع تنظيم الوقت بين انى ارعاها و اخد بالى منها و من البيت و من نفسى كمان مسالة صعبة رغم انى بطبيعتى و قبل ولادتى ليها كنت منظمة فى كل حاجة ... يعنى بستغل الوقت علشان اخلص شغل البيت و الاقى وقت لنفسى ( مع العلم انى كنت بشتغل ) ... اما الان الوضع مختلف تماما ( لو سرحت شعرى بعمل فرح :21_133: ) .... و رغم ان زوجى و الحمد لله متفهم جدااااا و عارف انها فترة و هتعدى ان شاء الله الا انها مسالة مش سهلة بالمرة .

و انا معاكى فى ان موضوع الوردة موضوع بيكون صعب جدااااااااا على الزوجة :mad: لما بتحس ان جوزها اتغير معاها عن ايام الخطوبة و ان اللى كان بيعمله ساعتها بيختفى بعد الزواج ( كما له انه كان بيعمل كده علشان يقدم لها رشوة علشان تتجوزه ) ... و انه بيعاملها على انها بقت امر مسلم بيه و خلاص :mad:

على العموم انا هستنى ردودك بالتفصيل و ان شاء الله هيبقى لى عودة ساعتها

اسفة للاطالة

أختى سكره .. أولا أشكرك على الأختلاف معى , فالأختلاف فى شىء سبب مهم جدا لتوضيح شىء أكبر منه

ثانيا أحب أوضحلك الكلمة التى ذكرتها أنما كنت أعنى بها نفسى أنه قد تقول بعض الأخوات هنا عنى أن يدى بالماء يعنى مش حاسة فيهم أو بالنار اللى هما فيها .. يعنى كان الكلام عن نفسى وليس عنكم أو عن القصص المذكورة

لأنى على يقين تام بأن هذه القصص حقيقية وهناك الأفظع منها وهناك نساء تعيش معاناة أشد من هذه المعاناة فى تلك القصص .. وأعلم تماما ذلك

وبالرغم من أنى لست أم ولم أعيش هذه المشاعر الرائعة ولكنى عشت ورأيت أخوتى ف حياتهم ومعانتهم مع أطفالهم .. وسأحكى لكى موقف أنا عندى أخت أكبر منى بسم الله ما شاء الله لديها 4 بنات وولدين وعشت معها وقت معاناتها بين تلبية احتياجات أطفالها ورغبات زوجها وطلبات البيت وأهتمامها بنفسها .. وما رأيته من المجهود الجبار اللى تبذله حتى تستطيع التوفيق بين كل هذا خصوصا بوجود زوج أنانى لا يساعد أو يهتم ألا بتنفيذ طلباته
جعلنى أفكر فيها وفى حال كل من هى فى موقفها .. لماذا ترهق الزوجة نفسها هكذا وتلغى أحساسها كأنثى من حقها أن تحيا وتمتلك مشاعر الدلال والأهتمام وأن تعيش كملكة تجد من يساعدها ويسعدها ؟

بصراحة وجدت أن شرارة الغلطة الأولى تنبع من هذه الزوجة ... هى من عودت ووجهت نظر زوجها ألى أن يكون هو هكذا وأن تكون هى تلك المرأة المغلوبة على أمرها المرهقة لنفسها حتى الثمالة ..من أول لحظة وقع نظره عليها تفرسها وفتحها وقرأها ووضع جميع التعليقات فى كتابها وأعطى عقله الأشارة فى البدء بكيفية معاملتها وبرمجتها .. وكل هذا وهى فى غمرة فرحتها بالعريس والحبيب الفارس الذى سيخطفها على الحصان الأبيض ويرسم لها بيت الأحلام على ضفاف نهر الحب الدافق الذى ينبع من صميم قلبه .. لتفاجىء المسكينة وتصدم بهذه الحياة التى وصلت أليها وأن كنت لا أنكر أن بالرغم من السلبيات التى تظهر لنا ألا أن هناك مشاعر وأيجابيات رائعة تغلف هذه السلبيات ونعم كثيرة أنعم الله بها عليها ولكنها فى خضم هذه الأحداث التى تلعنها من داخلها كل لحظة لا تأخذ بالها من هذه النعم والمشاعر الجميلة فهى زوجة سترها الله بستر جميل ف بيت رجل يشاركها الحياة وكم من أخريات لا يتمتعن بهذه النعمة
وهى أم منحها الله هذه النعمة الرائعة وكم من كثيرات حرمهن الله من هذه النعمة لحكمة يعلمها هو .. وأشياء أخرى كثيرة ليس هناك داعى الآن حتى لا أطيل عليكى

المهم أنى وددت أن أوضح لكى أن رأيي ف هذا الموضوع ليس معناه أنى لا أقدر ما أنتم فيه من معاناة ولكن همى كله أن أساعد ولو بأفكار أو كلام بسيط من الممكن أن يكون غائب عند بعض الأخوات , والهدف ف النهاية هو المساعدة لأخت أرى أنها من حقها أن تعيش وتنعم بالراحة فى مملكتها .. أن يكون من حقها يوم كامل أجازة لنفسها تنعم فيه بأنوثتها .. تنعم فيه بالمساج والتدليك الذى تتقنه وتفعله لزوجها لتريح أعصابه بعد عناء العمل .. أليس من حقها هى أيضا أن تشعر بنفس شعوره عندما تلامس أناملها جسده لتزيح عنه التعب والأرهاق ؟
أليس من حقها أن تلتقى بصديقاتها المقربات تنعم معهم بالأحاديث وكلام البنات بتاع زمان وتشرب معهم فنجان النسكافيه أو مشروبها المفضل دون أن تجد كرباج واجبات البيت والزوج والأولاد يلهب ظهرها ؟
أليس من حقها أن تنام ملىء جفونها ولا تجد من ينهرها أو يعاقبها لغفوتها وكأنها مقصرة دوما فى حق الجميع ؟

كل أنثى وزوجة تستطيع أن تفعل ذلك .. بالطاقة الهائلة والأرادة القوية تستطيع وليس حلما لأن الذى جعل المرأة تستطيع القيام بكل هذه الأعباء فى وقت واحد وتعمل بطاقة تغلب طاقة الرجال تنعم تستطيع بالأرادة وبمساعدة زوجها كما تريد على أن تدلل نفسها ولو ف وقت بسيط وترتب حياتها لتستطيع الأستمتاع بها

وأسفة أنى طولت ف شرحى .. وف انتظار عودتك

sokara;9235569:

اختى الحبيبة نوجا

اولا انا مقصدتش من كلمت ( اللى ايده فى المياه مش زى اللى ايده فى النار ) انتى شخصيا لا انا كنت بتكلم فى العموم

و انا موفقاكى فى كل اللى قلتيه خصوصا كلامك من ان الزوجة ليها مشاعر و المفروض تدلع نفسها بس احب اجاوب على اسئلتك اللى انتى سئلتيها و الاجابة كانت فى كلامك .... ان الرجل بطبعه انانى

و دى مشكلة معظمنا بنواجها فى حياتنا الزوجية ... و المسالة مش ان الزوجة هى اللى رسخت الكلام ده فى عقل زوجها او انها هى اللى خلته بقى كده ( انانى ) ... بالعكس فى زوجات كتير حاولوا مع ازواجهم بعد الزواج انهم يغيروهم و لكن محاولتهم باقت بالفشل و النتيجة بتكون ان الزوجة بتتغلب على امرها و بتحاول تمشى الحياة لانها مش بتبقى عاوزة تخرب بيتها خصوصا لو فى اطفال

و انا هقول لك على مثل من واقع حياتى الشخصيه ... انا الحمد لله ربنا رزقنى بزوج متفاهم و حنون و بيحبنى و بيساعدنى فى حاجات كتير حتى من غير ما اطلب لكن فى مشكلة واحدة انه مش بيعرف يعبر عن حبه بالكلام بيكتفى بالفعل و الفعل البسيط ... و انا اتكلمت معاه علشان يعرف ان الموضوع مهم بالنسبة لى و انى بحتاج له لانه بيعتبر بالنسبة لى شحن لمشاعرى علشان اقدر اواصل و اكمل و ادى ... بس للاسف معرفتش اغيره و ياست من الموضوع ده و بطلت اطلبه

لان الحقيقة اللى كل الزوجات هيوفقونى عليها ان الرجل مستحيييييييييييييييل يتغير ( لو حتى عملتى قرد ) و لو حصل بيكون تغير بسيط و ممكن يكون وقتى فقط

أسمحيلى يا سكرة عبارتك الأخيرة ما تزعليش منى غلط لأن ما فيش راجل مش ممكن يتغير وبرضه وعن تجربة شخصية أنا بفضل الله قدرت أغير كتير من طباع كانت ف جوزى وكانت حياتى أتحولت لجحيم فعلا وللطلاق كمان وعلشان تفهمى كلامى اللى أقصده ف الموضوع ده بالذات أنا هطلب منك تشرفينى فى موضوعى ده الرابط بتاعه

:http://forums.3roos.com/showthread.php?t=441241


بس معلشى الموضوع كبير شوية ههههههههههه وهيوجع عنيكى بس كمليه وانتى هتفهمى قصدى
ولما بقول الزوجة هى اللى بأيدها الحل أو هى بتكون غلطانة ف البداية مش بيكون تقليل من شأن الزوجة بالعكس
أى ست تقدر تعمل المعجزات صدقينى .. وبعدين يا كوكو كل واحدة منا بتدخل قفص الزوجية وهى متخيلة أن الراجل ده الفريسة بتاعتها وتقدر تشكله زى ما هى عايزة لحد ما تصطدم بالواقع المر هههههههههه بس الموضوع محتاج شوية تكتيك وفن وبيحصل المراد :wink:

مشكوره اختي على الموضوع والله انك صادقه بجميع اللي قلتيه تصدقين عاد اني احيانا نايمه باحلى نومه يقومني زوجي ويقول لي العيال ماتغطوا زين بالشراشف او البطانيات وانا بما انه مغلوب على امري اقوم واصلح اللي قال لي عليه وانا متضايقه واقول بنفسي ليش انت بما انك شايف انهم ماتغطوا زين تغطيهم وبلاش تصحيني علشان اغطيهم والا وش رايكم يا اخوات صحيح ان الرجال انانيين الله يعيننا عليهم



انا مع الاخت نوغا بالمكسرات

عفوا أخواتى .. لا أريد ذكر تفاصيل لتعليقى دون السماح من الأخت مهينار صاحبة الموضوع حتى لا يضيع الهدف من موضوعها

فأن سمحت بحوارى وتعليقى أوكى سأكمل ذكر تفاصيل رؤيتى للحالات المذكورة وده طبعا من وجهة نظرى
فمن الممكن أن يختلف معى البعض ومن الممكن أن يتفق معى أخرون ولكنى أحب أن أوضح أنى لا أنتقد الزوجات ولكنى فعلا أحمل همهم وكل ما أردته هو المساعدة لأيصال افكار قد تساهم فى تخفيف العبء عليهم ..

وتقبلوا حبى وأحترامى

موضوعك حللو
بس اناا مس هتناقش لاني ده كلام متجوزين
ميرسي يا مهمووهة

نوجا بالمكسرات;9236681:
عفوا أخواتى .. لا أريد ذكر تفاصيل لتعليقى دون السماح من الأخت مهينار صاحبة الموضوع حتى لا يضيع الهدف من موضوعها

فأن سمحت بحوارى وتعليقى أوكى سأكمل ذكر تفاصيل رؤيتى للحالات المذكورة وده طبعا من وجهة نظرى
فمن الممكن أن يختلف معى البعض ومن الممكن أن يتفق معى أخرون ولكنى أحب أن أوضح أنى لا أنتقد الزوجات ولكنى فعلا أحمل همهم وكل ما أردته هو المساعدة لأيصال افكار قد تساهم فى تخفيف العبء عليهم ..

وتقبلوا حبى وأحترامى

اسفه لتاخرى فى الرد عليكى بس الله اعلم بظروفى ادعوالوالى كلكو بلله عليكو ربنا يعمالىى اللى فيه الخير وانا راضيه باللى ربنا يقسمه وطبعا وطبعا طبعا يشرفى ياقمر انك تتكلمى وتحللى كل المواقف وتفييدينى وتفيدى البنات


http://forums.3roos.com/showthread.php?t=448330

http://forums.3roos.com/showthread.php?t=447068

http://forums.3roos.com/showthread.php?t=447558

http://forums.3roos.com/showthread.php?t=251984

http://forums.3roos.com/showthread.php?t=446722


http://forums.3roos.com/showthread.php?t=447845

http://forums.3roos.com/showthread.php?t=445086

http://forums.3roos.com/showthread.php?t=445086

أشكرك مهينار وربنا يوفقك ويفرج كربك وبأذن الله يعملك كل خير .. يارب

sokara;9238594:

اختى الحبيبة نوجا

يمكن يكون فى رجالة سهل تغيرها ... بس فى نفس الوقت فى رجالة صعب تغيرها

و صدقينى كلامى ده من واقع الحياة و من اللى انا شيفاه فى حياة ناس كتير حواليا و من حياتى الخاصة و انا هقرا موضوعك ان شاء الله

و على فكرة انا ايام جوازى عمرى ما فكرت ان جوزى هشكله زى ما انا عاوزة .. كل اللى فكرت فيه انى ممكن احاول اغير بغض طباع هو اتعود عليها من اهله بس للاسف نجحت فى حاجات و فى حاجات لسه مش قادرة اغيرها و بحاول و ربنا يسهل و اقدر

و يمكن لما اقرا موضوعك الاقى فيه حل ان شاء الله

ربنا يكرمك فى حياتك يا رب و يوفقك ان شاء الله

أشكرك سكره .. وعموما برضه أنا لسة عند رأيى :tongue: وأسفة على تعبك فى قراءة موضوعى

الزوجة ف الحالة الأولى

خلاص اللى حصل حصل والزوج أتعود على حياة معينة بس علشان هى يكون من حقها أنها تتمتع حتى بنومها أو أبسط حقوقها وكمان علشان زوجها لا يمل من الروتين اللى هو فيه ويضطر يبص لغيرها .. من رأيى أنها تعمل الآتى :


أولا تكون فيه جلسة هادية للمصارحة بين الطرفين وطبعا هتطلبها الزوجة وتتكلم معاه بمنتهى الهدوء والنعومة وما تنساش وهى عاملة الجلسة دى تكون مهتمة طبعا بشكلها يعنى مش بهرجة لأ شوية أهتمام بسيط بشكلها ونظافتها وعطرها الأخاذ ونعمومة أيديها وبشرتها وتختار ركن حلو ف البيت مع اضاءة خفيفة وكاسين عصير وتطلب منه 10 دقايق بعد ما الأولاد يناموا تتكلم معاه وتقوله شوف حبيبى أنا حاسة أن الضغوط عليا كتيرة بين طلبات البيت وطلبات الأولاد وبحس أنى بقصر ف حقك وأنت طبعا شايف الهلاك اللى أنا فيه لدرجة أنى مش واخدة راحتى حتى ف النوم وأكيد ده بيأثر عليا أنى أوقات أكون عصبية مع الأولاد أو معاك من غير ما أقصد لأن جهازى العصبى مش ممكن يتحمل المجهود الجبار اللى أنا بعمله ده فكل حاجة هترتبك علشان كده أنا محتاجة مساعدتك ليا لأنى عايزة أرجع معاك زى أول جوازنا وأيام خطوبتنا بيكون جوايا حاجات كتيرة نفسى أعملها علشانك ومش قادرة ولا عارفة نفسى ألاقى الوقت أعملك مساج أو تدليك وأنت راجع من شغلك حبيبى بكون عارفة أنك تعبان ومرهق وبتتعب علشانا ومن حقك عليا أنى أعمل كده مثلا لكن ما عنديش فرصة علشان كده فكرت فى مساعدتك ليا ف أشياء بسيطة زى الوقت اللى أنت فاضى فيه تأخد منى الأولاد شوية أو تجلس معاهم لغاية ما أرتب الشغل اللى ورايا أو أنك تخرج بيهم فى يوم الأجازة بعض الوقت مش كل اليوم طبعا أو تشيل البيبى منى شوية لغاية ما اخلص شغل ده مبدئيا , وهيكون فيه يوم واحد لما نتفق هتودى ولادنا عند مامتى أو مامتك أستغل أنا الوقت ده أنى أنظم فيه حالى يعنى هعمل أكل الأسبوع كله وأرتب البيت علشان بعد كده ألاقى وقت أسهل أنى أعمل فيه الحاجة وأعرف أهتم بيك

وطبعا هى وشطارتها ف الأقناع مع شوية دلع وبوسة وقعدة على رجليه أو طبطبة عليه من غير ما يحس أنها بتعمل كده علشان عايزة حاجة تانية غير الكلام ف الموضوع ده وبعد ما يوافق طبعا تشكره وتقبله .. لو الزوج حاول يتملص أو يتوه ف الكلام تسد عليه كل الطرق وممكن كمان تدبسه وتقوله بسرعة قبل ما يفكر أنا كنت عارفة برضه أن قلبك حنين ومش هترفضلى طلب ربنا يخليك ليا وتجرى من أدامه ويكون خلاص أتدبس


الخطوة التالية هيا اللى فيها ارهاق اكتر بس هترتاح بعد كده أكتر
وهى :
ثانيا هتحدد يوم وليكن يوم الأجازة وفعلا تبعت الأولاد معاه ألى مامتها أو مامته وأول ما ينزلوا ياريت تكون مجهزة شغالة لليوم ده بس لأول مساعدة ودى بسيطة لو هتتحمل هى حتى مصاريفها ف اليوم ده المهم الشغالة تبدأ ف تنظيف البيت حسب تعليمات الزوجة ..وهى تجرى ع المطبخ تكون مجهزة قبلها قايمة بأكل الأسبوع والشغالة هتساعدها برضه ف تنظيف الخضار والذى منه .. المهم أنها تعمل أكل الأسبوع وبعد كده لما يبرد تلفه فى فويل وترمى فى الثلاجة أو الديب فريزر هتكون الشغالة خلصت تنظيف البيت .. تطلب منها فوطة نظيفة ومعها زجاجة دونى وتمر بالفوطة بعد ما تبللها بدونى على كل ترابيزات البيت والأبواب كلها وحتى باب الشقة وتمسح كل الأركان وتلمع كل الأبواب هتلاقى ريحة البيت كله تجنن وبتفضل 3 أو 4 أيام , ونسيت أقول أنها تجهز بره ف التلاجة أكل الأطفال وسندويتشاتهم بشكل يكون سهل أنها ف الصبح تحطه فى الميكروويف أو التوستر يسخن بس ومش هياخد دقايق
ولما يكون كله تمام تتصل ع الزوج يرجع بالأولاد وما تنساش تفرج الأولاد ع البيت أزاى نظيف وتفهمهم أزاى طبعا نفضل محافظين على نظافته

كل التعب هيكون ف اليوم ده أكتر بعد كده هتنظم بأه باقى أيام الأسبوع لو فرضنا انها بتصحى للأولاد علشان المدارس ف الساعة 6 صباحا هتقوم تصحيهم وتعودهم أنهم يلبسوا وحدهم وتروح تجهز لهم الفطار وما تنساش فطار الزوج معاهم ويفطروا مع بعض وما تنساش تودع الكل بابتسامة وقبلة قبل نزولهم مع دعوة حلوة للزوج قبل ما يروح شغله .. هيفضل معاها البيبى لو رضعتها وأكلتها كويس هتقدر تنام وقت طويل لحد قبل رجوعهم من المدرسة أو رجوع الزوج وتحضير الغدا ولو فرضنا الغدا بيكون ع الساعة 4 ظ قبل الغدا بنص ساعة كل اللى هتعمله هتطلع الأكل من الفريزر وتدخله الميكروويف وطبعا بعد الأكل لازم تكون معودة ولادها كل واحد يشيل طبقه ويدخله الحوض بالمطبخ وحتى زوجها برضه

نفرض أن الأكل من 4-5 الأولاد تغسل أديها وأسنانهم ويروحوا يذاكروا والزوج هيدخل ينام بعد الغدا .. ف الفترة دى تكون هى غسلت الأطباق وشطبت الحوض ( ويا سلام لو قدرت تقنع الزوج أنه يفضل مع الأولاد يذاكر لهم أو حتى يكون معاهم ويؤجل نوم بعد الظهر ده هيكون أحسن لها كتير أنها بعد ما تشطب الحوض تجهز عصير أو شاى أو مشروب حلو وتروح تجلس معاهم هتكون الساعة أصبحت 7 أو 8 بالكتير تعطى فيها الأولاد بريك أمام التليفزيون رسوم متحركة وحاجات خاصة بيهم وتروح للزوج وتكون دى فترة أهتمامها بيه تخصص ساعة له ف عمل تدليك أو مساج أو قاعدة يحبها أو لو حب يخرج شوية لوحده أو مع أصحابه برضه هيكون ف الفترة دى مثلا ساعتين وبعد كده الأولاد يناموا من 9 مساءا بعدها يأتى دور ها ف تدليل نفسها عندها وقت من 9 الى 12 أما تملأ البانيو بالماية الدافئة والمعطرات وتجلس فيه تريح أعصابها من عناء اليوم أو تخلى الزوج يعملها مساج أو تدليك أو جلسة هادية مع الزوج بعيد عن الأطفال أو جلسة هادية مع نفسها أمام التليفزيون ومعاها مشروبها المفضل أو الرغى ف التليفون مع صاحبتها المهم أنها تكون عملت ف يوم حاجة تحبها وتقسم الوقت بحيث كل يوم تعمل حاجة شكل غير اليوم اللى قبله لنفسها

طبعا أنا قلت تخيلى ف تترتيب الوقت لكن كل زوجة بأه عارفة الحاجة تاخد منها وقت أد أيه لكن اللى قلته ده .. فعلا نصحت بيه صديقة ليا وقدرت تنظم وقتها وفعلا عملت حاجات كتيرة حلوة وحياتها أرتاحت أكتر م الأول كتير



هكمل الحالة رقم 2 بعدين