تجاربنا في تعليم اطفالنا ع الحمام اكرمكن الله

عيون وليد;9237221:
حمستوني انا ولدي عمره سنه و4 شهور راح افكر في الموضوع

يعني بنتي من عمر ولدك يالله الله يقوينا بصراحة صرت أتمنى لو يعملوا لنا موضوع مثل شعار لا حفاظات بعد اليوم بس الله كريم والأخت الدمشقية ما قصرت بطرح تجربتها

حمستوني اعلم فطوم على الحمام والله نفتك من التبديل ومن صرف البامبرز كمان خخخخ

شكرا اختي الدمشقية على الافادة استفدت كثير من تجربتك

خلاص ببتدي يوم الاحد ان شاء الله

والله يعين

انا بديت مع عزوز لما كان عمره سنه و7 شهور
والله يعينا ع اخوووه

الله يعينكم

تجربتي ان اعطيهم عسل وخاصه قبل النوم وكل ما اصحى اخذه الحمام والحمد لله

سبحان الله العسل له تأثير

لان يمتص رطوبة الجسم

بنتي هيا الله يحفظها لي تاريخ 29 من هذي الشهر بتكمل الثلاث سنوات والحمد الله تعلمت وتروح احين بعد الروضة بس وايد تعبتني اول مرة علمتها يوم كانت عمرها سنة وشهرين وكانت متفاعلة معاي وكانت ما تشرب المرضعة وايد كله تشرب طبيعي وبعد يوم من علمتها اكتشغت اني حامل وقالولي لازم اتقطعين عنها الطبيعي والمسكينة قلت حرام اعلمها على الحمام وافطمها مرة وحدة صعبة عليها وفطمتها ولبستها البامبرز الين كان عمرها سنة ونص حاولت معاها وما نجحت وخليتها لان كنت حامل وخليتها الين عمرها سنة وتسعة شهور يعني قبل ولادتي بشهر قطعت عنها المرضعة قلت خلني اعلمها بس بعد ما تعلمت واقطعت المرضعة وخليتها اشوي وبعد علمتها وستجابت اشوي وبعدين بعد عاندت الين كان عمرها سنتين وسبع شهور وديتها الروضة وكانت فكرة حلوة ان اشوف الياهال معاها بدون البامبرز ويروحون الحمام ويوم رجعنا البيت قررت اعلمها وهي كانت راضية بعد وشريت لها الملصقات ودفاتر تلوين وهدايا للتحفيز و الحمد الله يوم صار عمرها سنتين وتسع شهور اعرفت اتروح الحمام ولان بعد فرحت وكانت مكافأتها ان سجلتها في الروضة وهي مستانسة والحمد الله بعد تعب ومشوار طويل بس صج كريه الطفل عمره سنتين ويلحين عليه البامبرز الله يقدرني اعلم اختها على ترك البامبرز احسن من اختها الكبيرة احين عمرها سنة وشهرين ان شاء الله الين بيصير عمرها سنة ونص او قبل اشوي اعلمها والله كريم سوالي يا امهات اعلمها احين او انطر اشوي لان قلت اعلمها مع بنت عمها ونفس الوقت بنت خالتها وعايشة معاها في البيت بيكون اسهل لان الياهال بيشوفون بعض وعلما بنت خالتها وهي في نفس الوقت بنت عمها عمرها احين سنة ونص وبعلمونها شهر سبعة بيتكون على عمر سنة وتسع شهور وبنتي تقريبا سنة وخمس شهور اشرايج احنا خوات ماخذين اخوان وشكرا

العفو بنات وربي يقويكم صدقوني ان الطفل بيتعلم ولا تقولوا صغير ومايفهم بالعكس تماما اذا عندك همة قولي يارب وابدئي وعن جد راحة بال وكمان متل ماقالت الاخت كربلاء توفير فلوس البامبرز وهذا عين العقل

وربي يقويكم يارب وممكن تعملولكم رابطة اذا حبيتوا وتطرحوا فيها تجاربكم اليومية بهالموضوع بس اللهم تكون الرابطة بهالموضوع ومانطلع عن النص ....
وانتو قدها وقدود والله يسمعنا الاخبار الحلوووة

موضوع جدا مهم

انا تعبت مع ولدي بعد كم شهر بيكمل 3 سنوات ومن شهور بديت معاه ومافي فايدة حتى الروضة طول الصبح يعلمونه وبعد مافاد ، هو يفهم انه يعملها في الحمام ودائما يعمل الثنتين:D بس مايتكلم انه فيه ابدا وفيه مشكلة العناد بدرجة كبيرة وولدي ماشاء الله يفهم وكلامه واضح . تعبت تعبت :( ماخليت شي ماسويته من تشجيع والعاب وكتب وغيرها . ومافاد .
أعطوني حل لانه الحلول الي عندي استنفذت ؟؟؟؟؟؟؟؟؟
على فكرة كم مرة يتعمد يعملها برا الحمام يعني اخليه ساعه في الحمام مرات يعملها ومرات بس اطلعه ثواني ويعملها على الارض :mad:.
الولد يفهم ويدرك بس موعارفة شسوي معاه
هل الوراثة لها دور في هالشي
لانه ابوه واعمامه لحد 7 سنوات عندهم تبول لا ارادي في الليل .