تجهيزات عرايس مصر الجزء126 يارب كلنا نتجوز ياااااااااارب

سما الحب;9240946:
اللهم امين بس الرابط مش بيفتح فيه حاجه غلط
كنت عايزه اعرف منين اجيب حاجات الحمام المغربي من الاسكندريه وكمان اماكن بيع نجف بس اسعارها معقوله

صوت العيون;9242146:
الله يسلمك يا جميله تسلمى
ممكن تشوفى اى دى جى وتسأليه لو بيعمل اغانى اسلاميه وهتلاقى ان شاء الله او هاتى بقا اغانى من النت وكمبيوتر وجيبيله من اى حد سماعات وربنا يتمملها بخير ان شاء الله يارب وكل البنات وكلنا يارب يارب يارب

mishmish2010;9239706:



كان فى بنوته بتسال على كتب الكتاب فى القاعه انايا قمر كتب الكتاب وانتى حسب ما بتتفقى مع القاعه وتشوفى ايه اللى ينفع وايه اللى لا بس هى فكرتك لذيذه وحلوه اوىىىى لكن انا بعد الزفه ولبسنا الشبكه كمان عملنا كتب الكتاب ومش رضوا اننا نكتب قبل الشبكه يعنى ظبطى مع القاعه وشوفى يمكن ينفع ان شاء الله وانا كانوا حاطين الترابيزه عند الدى جى ومتظبطه ومتزوقه حلو اوى ورتبوها عقبال مالبست الشبكه

kitty_kity;9237498:
ف فرح اخو خطيبي...جم عند اول باب القاعه قالوله ادخل انت وخدوا العروسة مكان تاني...دخل هو لوحده وبعدين وقفوا معاه بتوع القاعه واعدوا يسألوه حبة حاجات ويرد ف المايك...وهي بتتكلم بردو من المكان الي هي فيه..بيقولوه بتحبها وكدا؟ طب تيجي دلوقت ولا نخليها؟
طب مانتاش قلقان هي راحت فين
وكلام من ده وبعدين هي جت باباها الي جايبها...وطلع هو سلم على باباها واخدها منه
حسيتها حركة حلوة اوي
بس ف الخطوبة مش بيعملوا كدا دي كانت علشان جواز :)
فممكن تعملي نفس الفكرة ويكتبوا الكتاب وبعدين باباكي يروح يجيبك ويسلمك له (f)

pascotta;9239759:
اه بينفع وانا شفتها بيجيبو تربيزه في نص القاعه وبيقعد الماذون والعروسه والعريس والشهود وبكتبوا الكتاب وبتبقى حلوه اوي

صوت العيون;9242196:
بصى يا جميله الجارحى كان فيه صالون استيل وجميل جدا ما شاء الله وكان ب 8 قبل الفصال وشيك ما شاء الله وانتى ممكن اى صالون من الكتالوج عنده تقوليله عليه وهو ينفذهولك وتتفقى على السعر وربنا يتمملك بخير ان شاء الله

حواء الفاتنة;9242241:
لو عاوزة ادلك عاراجل الدمياطى اللى عمللى العفش
يعملهولك عمولة يفرجك عالكتالوج وانتى تنقى براحتك وانتى تختارى القماش على ذوقك
واسعاره فى كل حاجة مش هقوللك تحفة

حواء الفاتنة;9242201:
اكتبى عالنت اغانى اسلامية بلا طبل وهتلاقى اختيارات كتيرة نزلى منها اللى انت عاوزاه على سى دى واديها لبتاع الدى جى يشغلهالك
وربنا يوفقها

عروس مع وقف التنفيذ;9242210:


صحيح كان في بنوتة _تقريبا جيسي انا اسفة مش فاكرة اوي_بتسأل على الزفة قبل كتب الكتاب وكدة وانها تكون مع باباها
ده الصح طالما لسة مكتبتوش الكتاب لانه لسة مش زوجك وكدة احسنلك والله

حبيبه مادو;9238818:
فى سؤال كمان يا عرااايس

بصوا انا دلوقتى[BLINK] يوم كتب الكتاب [/BLINK] عامله ان شاء الله بوفيه يعنى غدا وكده و جاتوه وشوكولا وبيبسى وعصير وشربات

انا عاوزه اعرف دلوقتى المفروض اهل عريسى يتغدوا الاول قبل كتب الكتاب ولا بعده وكمان بقى الجاتوه والبيبسى اقدمهم اول ما يجوا ولا ايه هو الشربات عارفه هقدمه بعد كتب الكتاب بس الباقى محتاره اعمل ايه ؟؟؟
اول ما يجوا اقدملهم ايه العصير ولا الجاتوه مع البيبسى مش عاااارفه ؟؟؟؟؟ اعمل ايييه ؟؟؟
وكمان عاوزه اعرف حاجه لو المعازيم هيبقوا كتير المفروض كلهم يتغدوايعنى ولا ايه ؟؟ ولا ممكن جاتوه وبيبسى بس برضو انا مش عارفه قولولى بقى بليييز

manafola;9241572:
ده عنوان المحل اللي جبت منه الشماعه هي ب 12 جنيه يا بنات
الوصف بقي :
عارفين ش قصر النيل بتتدخلوا من الفتحه اللي قدام محل قمر الزمان اللي في اول قصر النيل يعني تعدوا الشارع و تدخلوا بقي الشارع ده هو شارع هادي قوي فيه تقريبا مقر سفاره المجر او حاجه كده و المحل واخد ناصيه كده اسمه هيلتون للهدايا و الادوات المنزليه عنده حاجات كتير و حلوة بس تحسوه محل قديم شويه بس كويس و اخر الشارع هتلاقي ش رشدي عند معمل المختبر مؤمنه كامل

محدش رد عليا هو فيه براهات بوش اب للمقاس الكبير عشان الصيني اللي نازل كله صغير قوي حتي مقاس 46 صغير اجيب منين حاجه ترفعهم زي هيفاء ؟

jessy2009;9242279:

ميرسي اوي يابنااات على ردودكم
ان شاء الله هنشوف مع القاعه ويرتبوهالنا لاني عايزه اتزف مع خطيبي وانا مراته مش خطيبته ههههه

فتافيت السكر ممكن رقم وعنوان الست بتاعت الحمام المغربي وهي ينفع تسافر ولا لا؟ وهل ده سنتر ولا سبا ولا بيت ولا ايه يعني وهي بس بتعمل حمام مغربي؟

*حبيبة حبيبي*;9236957:

السلاااااااام عليكم

ازيكم يا بنات
انا انهارده جيبتلكم التقرير المفصل للي انا اشتريته
واكيد هتستفيدوا
انا جبت سيلك ابيل الموديل ده

قولوا يا بنات ماشاء الله لا قوه الا بالله

رقم موديل الماكينه

بتهيألي الصور موضحه كل حاجه وهي سعرها 495

وجبت كمان بروان كيتشن ماشين
وانا اخترت براون لاني سألت في التوكيلات بتاعت مولينكس وكينوود
فلاقيت ان مولينكس مابقتش فرنساوي اصلي وكينوود بقي اسباني وهو اصلا انجليزي وفي كمان اتحاد اوروبي الوحيد اللي اطمنتله هو براون لانه الموتور بتاعي الماني يعني اصلي وتقفيله في المجر والمجر دول ناس جامدين جدا في الاجهزه حتي زمااااان الموبايلات اول ما نزلت نزلت مجري
دي الصور وهي بردو شارحه نفسها
هو بيتكون من موتور واحد وبيركب من فوق ليه خلاط - كبه- عجانه
بالاضافه لمضارب البيض والعجن+الاسلحه
هو 950 وات
وسعره 2750 جنيه
وانا جبته من سيتي سنتر اللي جنب العبد اللي في اول شارع 26 يوليو والسيلك ابيل كمان من نفس المكان

دي الحاجات اللي ممكن تتعمل بالاسلحه بتاعته

ده رقم موديل الخلاط

دي محتوياته من جوه الدور الاولاني :D

الدور التاني:D

دي العجانه وهي استانلس يا جماعه

ده الخلاط زي مانتو شايفين سعته كبيره ماشاء الله

دي الكبه وهي معموله من خامه ازاز بس مش عارفه ايه نوع الازاز ده لسه

دي الاسلحه بتاعت الخلاط واللي ممكن تقطع الخضروات بجميع الاشكال

وادي الكتالوج كمان عشان محدش يبقي نفسه في حاجه:D

الصور في منها من النت وفي من تصويري

يارب اكون افدتكو وادعولي بقي ربنا ييسر لي زواجي

manafola;9238091:

صباح الخير يا عرايس :21_102:

امبارح اشتريت اختراع جامد من محل في وسط البلد :up:
شماعه 4 ادوار للطرح بدل ما نحط كذا شماعه في الدولاب للطرح اشتريتها و جربتها و ان شاء الله هجيب منها لانها عجبتني بتلم تقريبا 12 طرحه و الراجل قالي ممكن يتحط فيها 4 بناطيل هجيب ليا بقي عشان الجهاز و اشيلها (i)
اول مرة اشوفها بصراحه دي صورتها فاضيه و صورتها بعد ما علقت عليها الطرح
و التانيه ده المفرش السوري اللي كنت بسال مشمش و ميرو عليه ينفع مع المودرن و لا لأ هو 100 * 100 شوفوا كده و قولولي ايه رايكم

miobello;9238650:
ثالثا فندق موفنبيك الهرم ومتضمن عشاء فاخر لمائه مدعو مع هدايا الفندق للعروسين
زفه دمياطى
تورته حتى سبع ادوار
دى جى
العاب الليزر والدخان
تصوير فيديو كاميرا واحده 3 ساعات
تصوير الزفاف(8صور)+صوره 30 *40 داخل برواز
تصوير فيلم 36 صوره مقاس 13/18 داخل البوم
كوشه النباتات الخضراء
شربات الفرح
زفه للشربات والتورته
ليله اقامه للعروسين

ويمكن اختيار اى فقره اضافيه وتكاليفها كالتالى
زفه كمنجات بدلا من الدمياطى 500
راقصه شرقيه مع فرقه ومطرب 1000
راقصه شرقيه على انغام دى جى 700
بى لايت داخل القاعه 350
تصوير فيديو ميكسر 2كاميرا 650
3 كاميرا 850
فيلم 36 صوره مقاس 13*18 داخل البوم 140
شاشه عرض مقاس 2.5*3.5 400
باند شرقى مع مطرب او مطربه 600
كسوه كراسى بالفيونكه لفرد 10
دانتيل للطربيزه 25

البوفيه بقى وهو اللى بيتاخد منه من الاخر تكاليف الفرح
فى بوفيه فضى 15 الف
اى فرد زياده عن ال 100 ب 140 جنيه
البوفيه الذهبى 18 الف
واى فرد زياده عن 100 ب 170

البوفيه الماسى ب 20 الف واى فرد زياده ب 190

بس الفندق جميل جدا والقاعه ممتازه فعلا وتستاهل

البوفيه بينزل على تلت مراحل بارد وساخن وحلو

حبيبه مادو;9238818:
فى سؤال كمان يا عرااايس

بصوا انا دلوقتى[BLINK] يوم كتب الكتاب [/BLINK] عامله ان شاء الله بوفيه يعنى غدا وكده و جاتوه وشوكولا وبيبسى وعصير وشربات

انا عاوزه اعرف دلوقتى المفروض اهل عريسى يتغدوا الاول قبل كتب الكتاب ولا بعده وكمان بقى الجاتوه والبيبسى اقدمهم اول ما يجوا ولا ايه هو الشربات عارفه هقدمه بعد كتب الكتاب بس الباقى محتاره اعمل ايه ؟؟؟
اول ما يجوا اقدملهم ايه العصير ولا الجاتوه مع البيبسى مش عاااارفه ؟؟؟؟؟ اعمل ايييه ؟؟؟
وكمان عاوزه اعرف حاجه لو المعازيم هيبقوا كتير المفروض كلهم يتغدوايعنى ولا ايه ؟؟ ولا ممكن جاتوه وبيبسى بس برضو انا مش عارفه قولولى بقى بليييز

حبيبه مادو;9239083:
يعنى عادى نحط اكل فى الشنطه دى ؟؟؟؟

بصى بنت خالتوا كانت بردو كتب كتابها فى البيت وكان فى عشا للكل لانو كان كلو ارايب بس فالاول اول ما الناس تيجى بتقدمى شيكولاته او عصير او الاتنين سوا زى ما تحبى
بعد ما يكتب الكتاب بقى لو عاملين ساندوتشات وكده ظبطوا كل حاجه قبل ما الناس تيجوا خللى البنات اللى فى عيلتك او صحابك او عماتك يجو بدرى ويوضبوا الاطباق عملنا كده فى بنت خالتوا رحنا بدرى بساعتين ووضبنا كلو وخلصنا على طول وكلو كان جاهز ولما كتب الكتاب يتكتب قدموا لكل واحد طبقوا
لو عاملين سفره وكده وضبوا السفره بردو قبلها وجهزو كل حاجه ولما تكتبوا دخللى الناس يتغدوا
واخر حاجه البيبسى
وبالهنا والشفا:D
بس خليكوا فى السندوتشات لانو لو اكل بشاميل والحاجت

دى هتتعبوا بجد وخاصة ياعينى مامتك

تستحقى التقيييم وتم تقييمك






قيمتك على الفكره الجمييله دى هى بكام ؟؟؟



الف مبررررررروك يا قمر وربنا يتمملك بخير




هو يعنى المندييل هههههههههه ايه حكايه الخطف دى ده انا اوريهم ههههههههه

ممكن سؤال هااام يعنى هى العروسه بقى بتحضر الكلام ده ولا مش بتحضر اصل انا السيد الوالد بيقولى انه مش ينفع العروسه تحضر بعد كتب الكتاب ممكن تطلع حتى الدفتره بيدخلها عشان تمضى ومش عارفه ايه ليييه بقى يعنى انا عااوزه اتفرررررج :D

والله هى بتدخل ولا بيضحكوا عليا ولا بتتفرج من بعيد ولا ايييه اومال اتصور انا ازااى معاهم انا عاوزاه اتصور مع المأذون مليش دعوه:o


ومتنسوووش بقى السؤال بتاع البوفيه والغدا واقدم ايه الاول اول ما يجوووووووا
عشان انا هتجنن انا وكل حد بيقولى حاجه وماما كمان بتقول حاجه تانيه وكده يعنى ههههه:tongue: