تجهيزات عرايس مصر الجزء126 يارب كلنا نتجوز ياااااااااارب

crazy ananas;9235781:

ايوه هو بيكون بعد الزفه واول مايدخلوا يقعدوا ثوانى وبعدين يكتبوا الكتاب وبعدها يرقصوا كدا

الزفه مع باباكى ازاى بئا انتى كدا شقلبتى الفرح

ههههههه لا اصل نفسي لما اتزف نص الزفه تبقا مع بابا وبعدين بابا يسلمني لعريسي ونكمل الزفه سوا انا وعريسي
فلو هعمل كتب الكتاب في القاعه بفكر ان ادخل مع بابا وبعدين يكتبوا الكتاب وبعدين بابا يسلمني لجوزي ان شاء الله والفرح يبداء
ايه رايكم؟ ولا هتبقى فكره منتقده؟

مرسى لكل البنوتات الى ردوا عليه وربنا ما يحرمنى منكم بس محدش فدنى فى مقاس الغساله والتلاجه عشان الراجل بتاع المطبخ

هنودة هنانيدو;9234116:
[QUOTE=الحب هو الحياة;9232906]

ميرسى على النصيحة قوللى انتى بتجبيبى الزيت العطرى منين ياقمر

بجيبه اما من فتح الله عند العطار اللى جوا انا بجيب من فرع المنتزة هو عنده زيت الورد والنعناع والمسك ولافندر
اما زيوت اللى بريحة الفواكه والفل والعنبر وكدا بجيبه من محل سفير اللى واخد توكيل المسيب بتاع اسعودية وده بردو موجود فى فتح الله المنتزة ادام مانا وانتى خارجة من فتح الله

مكن تقولي بتجيبيه بكام الجرام ياقمر

moon_eyes;9234688:
بنات معلش الجهل وحش برضة

انا كنت لما بروح للكوافير كنت بلاققى العروسة حطة رجليه فى مة كدة لحد ما تبوووش وتيجى واحدة تقعد تطلع لها جلد كتير قوووى

دة اسمة اية بقى عشان عاوزة اروح اعملة عند الكوافيرر

وهل الحمام المغربى دة ضرورى يعنى ولا اخرنا ناخد دش وخلاص قبل الفرررررررررح

ده الباديكير ياموووووووووووووون والحمام المغربي حلو للجسم بيشيل الخلايا الميته بيفتح وينعم الجيم بس تعمليه اكتر من مره قبل الفرح يلا الحقي روحك ياقمر وربنا يتمملك بخير ياقمر انا رايي فموضوع الميك اب انتي هتسافري من عندك بدري اوي وعلي ماتروحي المطار وتوصلي بالسلامه هيكون الميك اب راح بلاش تجيبي حد يعملك واعملي انتي لنفسك احسن واهدي ياقمر وهتكوني قمر باذن الله

حبيبه مادو;9234915:
بجد انا ناويه على كده فععلالالالالا يا مووووووووون بس مش عارفه مين يصور انا مش عندى اخوات ولاد
؟؟؟ اعمل ايه

وانا كمان كتب كتابى فى البيت ان شاء الله طيب تفتكرى اعمل ايه تااانى للذكرى دى
انتى عملتى ايه تااانى اليوم ده ؟؟؟؟؟؟

اي حد من العيله ياقمر او اخوات العريس او هاتي حد يصور فيديو

jessy2009;9235235:
انتي تقصدي No Lye Relaxer وعلبته لونها بني تقريبا وعليها صوره ست سمرا وشعرها اسود ومفرود؟؟






فتافيت السكر ممكن معلومات ورقم الست بتاعت الحمام المغربي
وهي في القاهره ؟


بنات انا عايزه اجيب الماذون يوم الفرح في القاعه ويكتب الكتاب قدام الناس كلها هل الكلام ده ينفع؟
ولو ينفع ممكن تدوني افكار الموضوع ده يتم ازاي يعني الماذون والشهود وبابا وبابا العريس يقعدوا فين وكده

فكره حلوه وانا شفتها ففرح هنا وكانت جميله بس كانت خطوبه مش فرح

jessy2009;9235932:
ههههههه لا اصل نفسي لما اتزف نص الزفه تبقا مع بابا وبعدين بابا يسلمني لعريسي ونكمل الزفه سوا انا وعريسي
فلو هعمل كتب الكتاب في القاعه بفكر ان ادخل مع بابا وبعدين يكتبوا الكتاب وبعدين بابا يسلمني لجوزي ان شاء الله والفرح يبداء
ايه رايكم؟ ولا هتبقى فكره منتقده؟

بالعكس دي فكره جديده مش هتكون منتقده باذن الله ياقمر

patotus;9235970:
مرسى لكل البنوتات الى ردوا عليه وربنا ما يحرمنى منكم بس محدش فدنى فى مقاس الغساله والتلاجه عشان الراجل بتاع المطبخ

:D:wink:

موووونى;9226921:
يسلااااااااااااااااام كل الدعاوى دا علشان لبان ولا نعناع بجنيه هههههههههههههههههههههههههههههههههههههههههههههه
ههههههههههههههههههههههههههههههههههههه
ربنا يكرمك ياقمرويجعلك خطيبك على خير ويتملك على خير يارب ويحببكم فى بعض ويجمعكم فى الخير ويحببك فى اهلوا ويحبب اهلوا فيكى دى بقى من عندى
انا بهزر انا بحبك والله ومتبعاكى وبدعلكوا من غير حاجه
كمان انا فى دماغى المعلومه دى كويس انك فكرتينى بيها انا سعات بنام باللبانه اصلا
ههههههههههههههههه
انا كمان ادعيلى خطيبى ييجى بالسلامه ويتمملنا بخير ويجمعنا فى الخير
عشان المخالفه هو ينفع اجيب كبه ومضرب بيض وخلاط لوحدهم ومونيليكس بردوا احلى من الكيتشن وسعرهم يكون ازاى؟؟

خدي بالك انا مرتين نمت باللبانة لقيتها بدل م تكون في بؤي لقيتها في شعري واضطريت اقصه مع اني كنت ساعات بنام ومش بيحصل كدة بس مش كل مرة بتسلم الجرة وخلاص توبت من ساعتها وكمان اصلا غلط عشان الميكروبات
اما بقى يا ستي بالنسبة لاجهزة المطبخ انا بصراحة مش من مشجعي الكيتشن ماشين وجبت كل حاجة لوحدها وبردو مولونيكس ولو انتي من محبي العصاير جيبي عصارة الفواكه اما الاسعار فمعنديش فكرة لاني مش جيباهم من مصر

moon_eyes;9227357:
بناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااات
اخيرا
حشوف اسمى فى الليستة
فرحى اتحدد الحمد لله
23/4/2009
يلا بقى حطونى فى اليستة وعاوزة زغاريط من هنا لحد يوم الفرح
لولولولولوللولولولولولوللللللللللللللللللللللى

مبروك يا مون ولولولولولولولولولولللللللللوووووووووووووووووويييييي
مع اني مبعرفش ازغرط
عملتي اية مع البريود؟؟؟؟:D:wink:

emyy_ae;9228843:
Stay With me
ميرسي ياحبيبتي علي ردك انا برضو رايي من رايك ان المفارس مهمة للنيش بس صاحبتي لقيتها بتقولي دا دلوقتي محدش بيحط مفارش وكدا قولت اخد الاراء.........
وبعدين مامتي جيبالي كوبايات ماية كتيرةةةةة وجيباها فرنساوي وتقولي هحطها في النيش يعني هحطها في النيش وكل يوم اتخانق معاها واقولها استحالة احطها في النيش مش عارفة اعمل ايةةة ؟؟؟


معلش هتعبك معايا لو تجبلي رص النيش بتاع اختك تاني لاني مبعرفش خالص في الرص.........

ومعلش قولولي انا عاملة مكتبة كبيرة للتلفزيون وفي جمبين احط فيها تحف وحاجات من دي بس احط تحتيهم مفارش ولا احطهم كدا...عشان انا مختراها من كتالوج وكانت فيها تحف من غير مفارش في الكتالوج يعني..زاعملكدا ولا ايةةةةةةةةةةة؟؟؟؟؟؟؟؟؟؟؟

واروح اعمل توضيب الشقة قبل الفرح بقد اية ؟؟؟؟

فيها اية يا بنتي اما تحطي كوبايات في النيش عادي حطيها م في كوبايات مدهبة وفي كوبايات مودرن وبتتحط عادي بس متكتريش منها لان في صيني وكاسات اهم منها

والمكتبة شوفي انتي عاملة مودرن ولا استيل المودرن عامة بيعتمد عالبساطة ممكن متحطيلهوش مفارش ووممكن تحطي حاجة سمبل وجربي الاتنين وشوفي الاحسنلك والاريحلك

وتوضيب الشقة ياخد يومين تلالتة بالكتير لو انتو كتير لكن لو انتي وماماتك بس خدي اسبوع عشان توضبي برواقة وبمزاج وخلصي قبل الحنة بيومين عشان متدربكيش كل حاجة على دماغك قبل الفرح

flower20009;9235888:

اه فعلا بتبقى تحفه جدااااااااااااااااا وبتحصل حاجات مش متوقعه ساعات انا صحبتى ساعة كتب كتابها باباها ياعينى نسى اسمها وفضل 10دقايق مش عارف يقول اسمها وعلق على أأأأأ:D والقاعه اترجت من ضحك الناس وكل ما نشوفها نعد نضحك

مش لازم ولاد ممكن اى واحده من صحابك عادى انا كنت بصور لبنت خالتو وكانت فى البيت عادى اى حد


اه ينفع عادى طبعا بيجيبوا ترابيزة صغيره كده ادام الكوشه وحواليها الكراسى ليكى وللعريس وباباكى وبابا العريس حضرت افراح كتير كده

البنوته اللى بتسال على ميكب بتاع دينا الكردى هى بتريحك اووى وزوق جدا وفاهمه شغلها وكانت عامله لاختى ميكب رقيق اووووووووووووى كنت نزولت صورتها قبل كده هنزلها تانى ان شاء الله

انا الى كنت بسال عليها يا فلور اة ياريت تنزلى الصورة عوزة اشوف الميكاب تاعها شكلو اية و ياترى هى بتعمل فرم شعر و لا ميكاب بس

بنات هيه التلاجه التوشيبا ال14 و13 قدم بتكون سعتها كام لتر

فتافيت السكر;9208944:

بصي هوه مخدر املا بيتساب ساعه او ساعتين قبل ما تعملي السويت موش عارفه النوع اللي انتي جايباه اد ايه بس اسالي الدكتوره الصيدليه او لو حد هنا يعرف يقولك

بنات عاوزه اعرف هيه مرتبه هابيتات اجيب سمك كام ان شاء الله او لو في اسم او موديل زي ماستر بد ياريت تقولولي

هابيتات 32 سم ال soft

bocy.cate;9232312:
اولا الف مبروك ياعسل وربنا يتمملك بخير :9_33:

بصى ياحبيبتى انا كتب كتابى بكره ان شاء الله بعد تأجيل مرتين :sm2441:
والمأذون طلب منى
اربع صور ليا واربع صور لخطيبى والشهادات الطبيه وصورتين للبطاقه ليا ولخطيبى ولبابا

اما بقا بالنسبه لطابع الاسره دا ف بيكون واحد بس مش اتنين والواحد بيكون ب50 جنيه يعنى انتى بتجيبى طابع واحد ليكى وله مش اتنين

وملحوظه عرفتها من المأذون لما جيه يطلب الطلبات من بابا عشان عارف بابا ف قالو ان فى مأذون بيطلب 2 طابع وبياخد واحد بس بيستعمله والتانى بيبيعوا لاى عرسان تانين لكن هوا واحد بس اللى بيحطو ف ال قسيمه وكمان اخويا ليسه متجوز قريب برضو طلب منه واحد بس

ع العموم اتأكدى من الموضوع دا وربنا يتمملك بخييييييييييييييييييير:21_140:

مبروك يا جميلة الف مبروك، وميرسي ليكي عشان لفتي نظري للنقطة دي هسأل تاني واتأكد منها.

nonastar;9233046:

الف الف مبروك عليكى حاجتك يا كتكوته ويارب تتهنى بيها وماشاء الله الحاجه حلو اوى وياريت تبعتيلى الايميل على الخاص علشان اعرف نظامهم بليز

ربنا يخليكي يا جميلة، الله يبارك فيكي، حاضر هبعتهولك حالا.

princes_lolo;9234265:
حاجاتك جميله اوى ما شاء الله تتهنى بيها كمان حلو اوى لون الركنه مع الحيطه

ميرسي يا جميلة ده من ذوقك، انتي الأحلي :wink:

رشروش84;9234500:

ألف مبررروك يا بت يا كتكت على جزمة الفرررررررررررررح:wink:
ماليش دعوة بقة أن عايزة أشوف الصورة بتاعتها
وفين موووووول الأستاذ ده يأوختتتشى :o

الله يبارك فيكي يا رشرش عقبال حاجات ان شاء الله مع اللي انتي تختاريه :wink:
مول الأستاذ اللي هو في شارع رمسيس اول تقاطع مع بطرس غالي، وهتلاقي علي ايدك اليمين.

حبيبه مادو;9234770:

كتكوووتى هااااا ايه اخبااااار اللى بالى بالك

رحت بس هو كان البروفة بس بيسموها بافتة باين حاجة كده قستها وطنط ظبتتلي المقاسات عليا بالظبط وكانت بتشوف الطول ولبست الجزمة بردو عشان يبقي مظبوط وجربت جيبونة تل حلوة اوي تحته وحسيت بجد بشعور جميل اوي مع ان القماشة نفسها لسه مجربتهاش، واحتمال تاني بروفة ان شاء الله تبقي الخميس اللي جاي بردو، اه وورتني عينة للتطريز اللي هتعملهولي عليه وكان حلو اوي، بس هي دخلتلي فيه روز عشان توريني لو حبيت عشان انا في الاول كنت بقول هدخل لون تاني مع الابيض بس قلتلها لا خليه كله سيلفر وبس.

flower20009;9235385:

مبرووووووووووووووووووووووووك على جزمة الفرح
معلش سؤال
هو فى سنتر الاستاذ فى فصال ؟؟؟
عشان بتقولى ب 75وخدناها ب 65

جميله الوان مع العفش يا كتكوته
ربنا يهنيكى يارب

الله يبارك فيكي يا قمراية عقبالك بقي يا رب، بصي انا مكنتش اعرف بردو بس خطيبي جرب ونفع حتي انا كنت فاكرة الراجل مرضاش في الاول واتفاجأت لما خرجنا انه وافق فعلا ونزل في الاتنين.

هي دعوات الفرح يابنات بتتعمل قبل الفرح بقد اية يعني ماكسمم وقت عشان تطلع قد اية

نغمة القمر;9236658:
هي دعوات الفرح يابنات بتتعمل قبل الفرح بقد اية يعني ماكسمم وقت عشان تطلع قد اية

اسبوع كده عشر ايام

patotus;9236059:
يابنات بالله عليكم فدونى فى مقاس الغساله والتلاجه

بصي تقريبااااا التلاجة مش بتقل عن 70 سم من 70 الى 73 والغسالة 60

النهاردة رحت جنينة مول جبت من محل فام : كورسيه ابيض بس حلو اوي ب 138 وبرا ابيض بوش اب لفستان الفرح بس بجد بجد تحفة في اللبس وشكله كمان شيك اوي ب 94 واندروير للفستان بردو ابيض قطن سادة خالص بس وسطه والحاردة بتاعة الرجل مخرمة كده وبردو رقيق اوي ومريح ب 22 كل دول ماركة اسيل سوري باين قالتلي، وجبت حمالات شفافة ب 10 والكوبشة بتاعتها معدن مش بلاستيك، وجبت برا شفافة ب 62 بس لذيذة جبتها لحاجات معينة في اللانجيري، كان فيه الناشفة وفيه الطرية انا جبت الطرية.

ورحت محل دانتيلا شفت الجيربات، لقيت الصغير ب 150 والكبير منه ب 300 دول الل عجبوني يعني، متعرفوش يا بنات اجيبه منين جاهز من محل مثلا زي كده.

وجبت كمان من اسواق العتبة والموسكي دماسة الزنوكي مقاس 2 ب 24.30 ومنفضة وجوانتي للفرن ومعاه مريلة ونشابة وقطاعة للحلويات وطفاية زجاج.

وسؤال كمان معلش مالوش لزمة بس عايزة اعرف اجيب البخاخة البلاستيك منين وكمان هو مفيش غير الرياشة السودة او الملونة المعروفين دول من قديم الازل اصل دول بيبقوا ضعاف جدا وريشهم بيقع بسرعة مع التنضيف، مفيش بديل امتن شوية ليهم.

فتافيت السكر;9232127:
شوفوا ده
http://www.forums.3roos.com/showthread.php?p=9175736#post9175736

بنات حد جرب التشقير للجسم الظهر والبطن؟

بنت عمتي جربت تشقر وشها والتانية جربت تشقر اول جزء من معصم الايد وما شاء الله الشعر مش باين خااااااااااااااالص واللي عملته في وشها مش بتحتاج تعمله خالص
يعني هي عملته مرة واحدة فحياتها وعشان شعر الوش مش بيطول ففضل نفس اللون متغيرش ومعملتهوش تاني خالص وانا ناوية اعمله ان شاء الله لمناطق معينة بس قبل الفرح بإذن الله
بس للأمانة في ناس قالت ليه اضرار عالبشرة وبيأذي البشرة الحساسة بس معتقدش هيعمل كدة من مرة واحدة

dandona we bas;9232509:


يا بناااااااااااااااات كده محدش دعى لآلاء أختي عملت عملية الزايدة امبارح و لحد دلوقتي في المستشفى و قالولنا انها مش هتطلع قبل أسبوع او 5 ايام على الاقل بالله عليكو ادعولها ربنا يتم شفاها على خير و يا حبيبتي عندها امتحانات و ثانوية عامة ربنا يشفيها يارب اللهم اشفيها شفاء لا يغادر سقما

[/CENTER]

لا حول ولا قوة الا بالله الف سلامه عليها وشفاها الله وعافاها
اسأل الله العظيم رب العرش العظيم ان يشفيها

شيك SHIKO و;9232858:
بناااااااااااااااااات وحشتونى اوى اوى اوى انا حاسه انى بعدت عندكم جدا والله مشغوله وطالع عينى كل ما دخل القى جزء جديد مش عارفه ليه كده مباتش عارفه ادخل امبارح كان عندنا مقابله مع دكتور نظيف والجو كان مكهرب جدا قبلها بس الحمد لله اليوم كان كويس جدا


قولولى اجيب كام لحاف وكام بطانيه وايه الانواع الكويسه للبطاطين ؟؟؟؟

ربنا يعينك يا قمر وجيبي لحاف وبطانية لكل سرير لو عاملة اودة اطفال يعني
واحسن بطاطين الاسباني ثم الكوري ثم الصيني
والاسباني في نوع اسمه مورا بس نضيف وغالي وخدي الك في اسماء مشابهه تقليد

nonastar;9236761:

بصى يا قمر اولا اهلا بيكى ثانيا اه حلوه فكره البيجامه الستان وممكن بقيت الحاجه تجيبها وتوديها الشقه على طول بس الافضل انه يشوفها علشان لو عندو اى ملاحظه عليها وربنا يتمملك على خير

تسلمى يا سكر على الرد الواحد بيحس ان الدنيا لسة بمبي لما يلاقي رد على اسئلته :D

بالنسبة للبنوتة اللى عايزة تلبس بيبي دول اول يوم انا اختى لما اتجوزت عملت كده من اولها و بصراحة ندمت خالص لان جوزها بنفسه قالها انه كان بيحلم انه يبذل مجهود على ما يقنعها تلبس كده و تكون جريئة انما مش من اولها :wink:
ومش لازم اللون الابيض مع ان ماما مصممة انه لازم لكن المهم يكون طويل و سيمبل و مش مكشوف اوى :o

CuTie KaTkOoTa;9236767:
النهاردة رحت جنينة مول جبت من محل فام : كورسيه ابيض بس حلو اوي ب 138 وبرا ابيض بوش اب لفستان الفرح بس بجد بجد تحفة في اللبس وشكله كمان شيك اوي ب 94 واندروير للفستان بردو ابيض قطن سادة خالص بس وسطه والحاردة بتاعة الرجل مخرمة كده وبردو رقيق اوي ومريح ب 22 كل دول ماركة اسيل سوري باين قالتلي، وجبت حمالات شفافة ب 10 والكوبشة بتاعتها معدن مش بلاستيك، وجبت برا شفافة ب 62 بس لذيذة جبتها لحاجات معينة في اللانجيري، كان فيه الناشفة وفيه الطرية انا جبت الطرية.


ورحت محل دانتيلا شفت الجيربات، لقيت الصغير ب 150 والكبير منه ب 300 دول الل عجبوني يعني، متعرفوش يا بنات اجيبه منين جاهز من محل مثلا زي كده.

وجبت كمان من اسواق العتبة والموسكي دماسة الزنوكي مقاس 2 ب 24.30 ومنفضة وجوانتي للفرن ومعاه مريلة ونشابة وقطاعة للحلويات وطفاية زجاج.

وسؤال كمان معلش مالوش لزمة بس عايزة اعرف اجيب البخاخة البلاستيك منين وكمان هو مفيش غير الرياشة السودة او الملونة المعروفين دول من قديم الازل اصل دول بيبقوا ضعاف جدا وريشهم بيقع بسرعة مع التنضيف، مفيش بديل امتن شوية ليهم.

ازيك كتكوته...اولا الجريبات ال انتي قولتي عليهاهي اشيك من البوكيهات الطبيعيه ولا ايه رايك...
....تانيا ايه البرا ال شفافه ال جزء ال فيها ال شفاف
كمان البرا البوش اب هحيتي انها بتكبر ولا ايه اصلي عندي واحده ب75تركي مش بتكبر

kitty_kity;9234635:
تسلمي ياقمر بس سؤال ذكي يعني من اسئلتي المعتاده :D
ربنا مايحرمكو مني ومن ذكائي هههههههههه...هو ابو ذكري ده بتاع ايه؟؟
ومكانه فين بالظبط

ابو ذكرى ده سوبر ماركت كبيييييير وفى كل حاجه وفيه شبه من كارفور كده وهو فى شارع الفاتح قل الاشاره من النحاس او الفاتح من طه الحكيم يارب اكون عرفت اوصفلك

miko85;9236814:
ازيك كتكوته...اولا الجريبات ال انتي قولتي عليهاهي اشيك من البوكيهات الطبيعيه ولا ايه رايك...
....تانيا ايه البرا ال شفافه ال جزء ال فيها ال شفاف
كمان البرا البوش اب هحيتي انها بتكبر ولا ايه اصلي عندي واحده ب75تركي مش بتكبر

بصي انا كان نفسي في الاول بصراحة في ورد طبيعي عشان بيبقي له رونقه كده، بس فكرت قلت هايتبهدل ومش هايعيش معايا بعد كده وانا عايزة احتفظ به للذكري فقلت خليني في كله صناعي وكمان عشان انا عايزة يدخل فيه لون سيلفر يعني ابيض وسيلفر بس، بس بجد بيبقوا حلوين اوي واكتر من الملونين كمان.

البرا الشفافة اهي حطتلك صورتها، والبوش اب فعلا فرق فظيع المهمانك تجيبي مقاسك مظبوط عشانيبان معاكي الفرق مش تجيبي صغير اوي فيصغر مش يكبر، وكمان اصله مبطن تحسي دابل من بطانة واحدة زي الباقي هما كل البوش اب مفروض بيبقوا كده غير المبطن العادي، انا عندي تركي بردو حلو بس مش زي ده عشان بطانة عادية مش جامدة كده.

CuTie KaTkOoTa;9236861:
بصي انا كان نفسي في الاول بصراحة في ورد طبيعي عشان بيبقي له رونقه كده، بس فكرت قلت هايتبهدل ومش هايعيش معايا بعد كده وانا عايزة احتفظ به للذكري فقلت خليني في كله صناعي وكمان عشان انا عايزة يدخل فيه لون سيلفر يعني ابيض وسيلفر بس، بس بجد بيبقوا حلوين اوي واكتر من الملونين كمان.

البرا الشفافة اهي حطتلك صورتها، والبوش اب فعلا فرق فظيع المهمانك تجيبي مقاسك مظبوط عشانيبان معاكي الفرق مش تجيبي صغير اوي فيصغر مش يكبر، وكمان اصله مبطن تحسي دابل من بطانة واحدة زي الباقي هما كل البوش اب مفروض بيبقوا كده غير المبطن العادي، انا عندي تركي بردو حلو بس مش زي ده عشان بطانة عادية مش جامدة كده.

انا جابيه البوش اب بتاعتي اصغر مقاس لاني المواضيع عندي بايظه خالص...يعني رايك اجيب بوش اب ولا ال عامله زي البلاستيك دي احسن علشان تكبر وتظبط عندي في الفستان...
بخصوص الجريبات يعني نشوف صناعي رايك كده...
كمان في واحده بتعمل جربيات حلوه علي فيس بوك وهي بتاخد سعر كويس وانا قيمتك ياجميله...منتظره صوره البرا
كتكوته انتي هاتبقي محجبه ولا ايه في الفرح ...لو محجبه حجزتي عن مين...واشتريتي بندانه الفرح

سوال محيرني جدا....البندانه دي حاجه اساسيه للعرايس وهي لسه قاعده موضه...اصلي انا هابقي محجبه....يعني مافيش بديل ليها زي الشرايط..او اكسسوارات