missy2009;9229483:
بنات هو اية المرشدى دة الى فى 6 اكتوبر بيبيع اية و فين من 6 اكتوبر
CuTie KaTkOoTa;9229847:
بنات انا المأذون اللي هنكتب معاه ان شاء الله قال عايز 5 صور لكل واحد فينا وصورتين للبطاقة ليا وله ولوكيلي والشهادات الطبية وطابعين زواج بس كده يعني بسيطة الحمدلله.
.
فتافيت السكر;9231285:بصي ياقمر انا اعرف واحده كويسه جدا والله ومحترمه وانا بدأت اروح عندها اعمل حمام مغربي والله ومش غاليه هقولك الخطوات اللي عملتهالي بالظبط
الاول دخلتني غرفه قلعت فيها هدومي انا كنت لابسه مايوه قطعتين وبعدين قعدت في الساونا ربع او تلت ساعه وكانت سخنه موووت وصدقيني مهما قفلتي الحمام عندك موش هيكون بقوه البخار دي وبعدها طلعت ودخلتني غرفه فيها مغطس صغير وفيه مايه سخنه قوي اتلسعت:eek:
وفيها اعشاب تفتيح وورد بلدي وزيوت عطريه وقعدت فيها ربع او نص ساعه لحد مابشت :D
وبعدها جت البنت اللي هتعملي وحطت الصابون والطمي علي جسمي ربع ساعه وبعدين اخدت دش سخن نزلت الصابون و كنت واخده الليفه المغربي بتاعتي ودعكتلي جسمي كله وبعدها حطت ماسك تفتيح ربع ساعه وبعدين اخدت دش بارد حسيت بانتعاش ووشي ماشاء الله كان منور ماما قالت لي اني افتحيت وجسمي نور كده
كل اللي قلت هولك ده اخدت 50 جنيه بس وانا اديت للبنت اللي تعبت معايه تبس علشان تاخد بالها مني بعد كده لاني بأذن الله هروح كذا مره قبل الجواز بس صدقيني مهما عملتي في البيت موش هتملكي نفسك زيها ومش هتعرفي تعملي كل حاجه لو عاوزه رقمها قوليلي
طيب يا قمر ممكن تسأليلي الست دي لو هتعمل لعروسة هتاخد كام و لو هتعمل سويت كمان يبقى يقف بكام كله على بعضه و هل هيا هتيجيلي و لا ارحلها في القاهرة اوكي يا قمر بالله عليكي تسأليلي لأن سعرها فعلا حلو ماشاء الله و هل لازم حجز و لا لأ و كده
يا بناااااااااااااااات كده محدش دعى لآلاء أختي عملت عملية الزايدة امبارح و لحد دلوقتي في المستشفى و قالولنا انها مش هتطلع قبل أسبوع او 5 ايام على الاقل بالله عليكو ادعولها ربنا يتم شفاها على خير و يا حبيبتي عندها امتحانات و ثانوية عامة ربنا يشفيها يارب اللهم اشفيها شفاء لا يغادر سقما
هنودة هنانيدو;9228686:
البنوتة اللى بتسال على الماذون بياخد كام ؟؟ اللى فاكرة من كتب كتابى انه اخد على كل 1000 موخر 30 جنيه عير 50 طوابع معرفش بتاعه ايه و 150 كانت ايده مش عارفة هو كدا سعره كويس ولا ايه
نغمة القمر;9228791:
هو الشرابات الكلون اللي بيقا عليها قلوب كدة ورسومات سيمبل ولذيذه خلاص مش بقت تنزل
moon_eyes;9232045:
يا بنات هو انا لازم البس بيبى دوول ابيض فى يوم الدخلة
بجد انا مش حابة الابيض فى اليبى دوول بالذات
اية رايكوووو.
emyy_ae;9228843:
Stay With me
ميرسي ياحبيبتي علي ردك انا برضو رايي من رايك ان المفارس مهمة للنيش بس صاحبتي لقيتها بتقولي دا دلوقتي محدش بيحط مفارش وكدا قولت اخد الاراء.........
وبعدين مامتي جيبالي كوبايات ماية كتيرةةةةة وجيباها فرنساوي وتقولي هحطها في النيش يعني هحطها في النيش وكل يوم اتخانق معاها واقولها استحالة احطها في النيش مش عارفة اعمل ايةةة ؟؟؟
معلش هتعبك معايا لو تجبلي رص النيش بتاع اختك تاني لاني مبعرفش خالص في الرص.........
ومعلش قولولي انا عاملة مكتبة كبيرة للتلفزيون وفي جمبين احط فيها تحف وحاجات من دي بس احط تحتيهم مفارش ولا احطهم كدا...عشان انا مختراها من كتالوج وكانت فيها تحف من غير مفارش في الكتالوج يعني..زاعملكدا ولا ايةةةةةةةةةةة؟؟؟؟؟؟؟؟؟؟؟
واروح اعمل توضيب الشقة قبل الفرح بقد اية ؟؟؟؟
هنودة هنانيدو;9228824:
بنات على السريع وصفة تعطير سهلة تحطى الشاور بتاعك عادى على الليفة وعليها زيت عطرى زى زيت الورد تمام وتستحمى عادى وبعد ما تشطفى جسمك تيجبى بيى جونسون وتكونى حاطة عليه بردو زيت ورد وتحطى على جسمك وهو مبلول .. حتلاقى نعومة حلوة وكمان ريحة تجنن وتفضل معاكى
طبعا اللى مش بيحب زيت الورد فيه الفواكه والمسك والنعناع وغيره اختارى اللى تحبيه وحطى منه على الليفة مع الشاور وجزء على بيبى جونسون .. انتى ممكن تقسمى زجاجة بيبى جونسون لكذا نوع يعنى جزء تجطى عليه مثلا زيت الورد وجزء زيت المسك وهكذا يعنى حسب ما تحبى وكل مرة تاخدى شاور تطلعى بريحة اجمل ماشى ؟؟؟ ايه رايكم ؟؟؟
manafola;9227581:امنه الهايتمي ليها جروب ايوه علي الفيس بووك و ليها سايت مجمعه فيه كل الصور بس صور الفيس بووك جديدة (y)
النهارده بقي اتمشيت 50 دقيقه طبقا للجدول الزمني الزضوع للخسسان بقي عشان ابقي حلوة كده و اموره ان شاء الله في الجواز (})(})
و كنت ماشيه في ش دمشق لاقيت حاجات كتير قوييييي ركزوا معايا :-
- محلين بيبعوا اكسسوار مودرن تحفه بعد مستشفي دمشق التخصصي بس عندهم شويه مرايات و اباليك خشبيه روعه بس غالي لو حد اتفرج عنده يقولي ممكن نلاقي زيها الارخص فين و لا نتكل علي الله و نجيب حاجه حاجه و خلاص ؟
- ايهاب منسي ميكب ارتيست شكله فنانين بس دخلت لاقيت باكيدج العروسه من غير صبغه 1500 جنيه طرحه ميكب وش باديكير سشوار كل حاجه بس شكلهم فخم جدا من جوه و رايق شكله جامد اللي عايز الرقم يقول ابعتله علي الخاص
- ليف ان ليه فرع جديد و عامل خصومات حلوة ركنات حلوة مووت ب 8 و شويه و عامل عرض 3 اوض ب 14000 جنيه بس معرفتش اسال عشان اتخضيت من سعر الركنه :eek::eek:
لاقيت بالصدفه حليم بيوتي صالون بالصدفه في شارع تاني اسمه ش حماد و طبعا معروف ان حليم هو دايما اللي بيمكيج يسرا فمجاليش قلب ادخل اسال :(:(
كان معكم تقرير من شارع دمشق متفرع من سوريا و خارج من نص شهاب
منال
Stay With me;9227995:اسمها مفارش بلاستيك دانتيل
وبتبقي رول كدا علي بعضة وعلية ورود او حاجات متفرغة بكرة الصبح ان شاء الله انزلك صورتة
بس بصي بقي وانتي بتشتري هاتي الالوان السادة اللي مفيهاش دهبي علشان في الغسيل الدهبي دا بيروح وكمان بيبقي فيه متقسم منه مربعات برضة مع تكرار الغسيل بيتقطع
احنا بتاعنا لونة ابيض بنغسلة بشويه اريال ونص غطا كلور بيبقي زي الفل
وهاتي للسفرة مفرش بلاستيك علشان الاكل بيبقي فيه رول كدا استعمال مرة واحده بتقطعي منة وترمية بعد الاكل هتلاقية في اي سوبر ماركت
مفيش حاجة اسمها لازم في حاجة اسمها انا محتاجة ايه ؟
لو شايفة ان الحلل اللي عندك كفاية ومش متعودة تطبخي في استانلس خلاص الحياة يعني مش هتقف
ماما واختي ولا انا عندنا استنالس وعايشين الحمد لله
وبصي للطاسات احلي حاجة التيفال هاتي 3 مقاسات مختلفة وللفرن هاتي المونيوم و في طقم بيبقي 3 او 4 مقاسات مختلفة فيه منه المدور والمربع انا جايبة الزنوكي وحلو اوي
طيب ما تكملي جميلك وتقولي علي الكوافير اللي عملت عنده علشان يمكن مش كل الكوفيرات يعرفو يعملوه
بنات انا عايزة حد يقولي عنوان الحناوي فين
تقريبا تيوليب كانت جايبة حاجتهامن عنده وبسم الله ماشاء الله حلوة اوي
وعايزة اعرف اسعارة ايه
اطقم للمحجبات صيف2009 الجزء الاول
نغمة القمر;9228015:
عايزة رايكوا يابنات بصرااااااااااااااااااااااااااااااااااحه في البطانية ديةhttp://www.forums.3roos.com/uploaded/287863_11239828299.jpg
http://www.forums.3roos.com/uploaded/287863_11239828369.jpg
عروس مع وقف التنفيذ;9228071:
مبروك يا كوكي
عايزنهاااااااااااااااااااااااا وان شاء الله تبقى اجمل عروسة شيتا فعين جوزك والمعازيم:D
emyy_ae;9228120:
حلوين اوووي بس انا بقي مش بفهم في الانواع .....تتهمني بيهم ياعسللللللل
اقتباس
المشاركة الأصلية بواسطة موندانة
؟
كل البنانيت الحلوين اللي سألوا على الكريم :
أول مرة جابت كريم علبته لونها بينك وأمريكي وب65 جنيه ،وتقررررريبا اسمه سوفت ان بيوتفل..
والمرة التانية جابته إيطالي وعلبته حمرا وغطاها رمادي وب85 جنيه ، واسمه No Lie وده في رأيي ورأيها كان أحلى .. وبس كده .
وياريت كل وحده أمانة عليكم جربت حاجة منهم تنقلنا التجربة بالأمانة عشان الكل يستفيد والخير يشمل الجميع ... وشكرا .
انا جربت سوفت اند بيوتفل وبصراحه كان جميل جدااااااااااا بس الكريم التاني دا مجربتوش لو هو احسن فعلا قوليلي لاني عايزة اعمل تاني
نغمة القمر;9229023:
انا بيعجبني اوي بجد شغل غادة دية وكلمتها مرة في التليفون وهما فعلا ذوق اوي وقالتلي الباكدج كل حاجة ب1700 متهيالي شامل كلة بقا صبغة وقص وحنة وتكييس وميكب وطرحه كلة وهي نقلت من عباس العقاد راحت ميدان سفير وانا سالت كتير هنا في المنتدي لو حد عمل عندها عشان اطمن واحجز عندها بس تقريبا هي مش مشهورة اوي
moon_eyes;9229380:
بنات
هو البدى يتحط علية جليتر ازاى
نازلة اجيب بدى للفستان بتاعى وهو ستان اجيب كارينا ولا اية الى يمشى معاة
وانا حطرزة ان شاء الله ازاى بقى اخلية يلمع با لججليتر
ولو اى حد عندة افكار يقولى
garfeild;9232771:
كارينا منزله كلونات cute
حبيبه مادو;9232625:
ربنا يشفى اختك يااااااااااارب ويقومها بالسلامه يا دندن يااااااااااااارب
اجيب ايه تحت ال3 طرح التل بتوع الفستاان يا جماااعه ؟؟؟؟
N0rma;9226343:
كريزى ربنا يخليكى انك لفتى نظرى للدهون الى شايله الكلى دى لانى بشرب شاى التخسيس بقالى 3شهور متواصله وهو وظيفته اصلا يننزل الدهون ربنا يخليكى ويباركلك يارررررررررررب
ومعلش ممكن تقوليلى فستانك انتى نزلتيه فى انهى صفحه؟
عيون حمودي;9226558:يا بنات انا محتاجاكوا اوي اوي بخصوص فحص الزواج
انا دي الوقت بمصر مع خطيبي وعايزين نعمل فحص الزواج ..اتصلنا على الفا دي وقالولنل فحوصات كتير لخبطتنا..فحص السائل المنوي بتاع الزوج وماعرفش ايه!!! وغير كده انه الفحص حيكلف 1200 جنيه ! انا مش عارفة هل قعلا الفحص بيكلف المبلغ ده ؟
انا عايزة اروح مكان كويس بس عايزة اعمل فحص بتاع الزواج بس يعني فحص الدم وكده
(f)
لو قصدك تحاليل اللى بيطلبها المازون يبئا اى مستشفى حكومى ومش هتتكلف اكتر من حاجه و30
اما لو عوزه تعملها لنفسكم عشان تطمنوا على نفسكم بصراحه معرفش تتكلف كام
miko85;9226566:
بنات هو ال مفارش البلاستيك ال بتحط في الدولاب اسمها ايه علشان اقول الراجل عليه...مفارش السفره انا جبت واحد ب 400 اجيب واحد بلاستيك ولا ملهوش لازمه
كمان معلش سوال انا جبت اوده نوم بتاعتي بس من غير مقابض و ركبتها ..بس صغيره المقابض عليها ينقع اشيلها واحط بدالها اكبر ولا ايه هتبان لو حد يعرف
مفارش الدولاب ممكن تلاقيها فالتوحيد والنور هتلاقيها فى رول كدا ويقطلعك على اد الامتار اللى عوزاها مش هيقل عن 8 متر تقريبا
وهاتى مفرش سفره تانى بلاستك عشان ده عملى فالاكل اكتر وخالى التانى لما يجى الضيوف حطيه
اما المقابض فلو شيلتيها مكنها هيبان وشكلها هيبئا وحش
m@hy;9226632:
سؤالى بئة اصبغ شعرى قبل الفرح بئد اية؟
قبلها باربع ايام او خمسه انا الكوافيره اللى عملت عندها قالتلى كدا وانا عملت قبل الفرح ب 3 ايام وكان نفسى اعملها قبل كدا عشان اخد عاللون الجديد
بنت من الزمن ده;9226726:
كنت عايزة اسالكوا عن ايمى الكاشف هى ممكن تعمل الميكب سموكى ايز زى اسلوب ميكب جيلان كده اصل بصراحة انا بيليق عليا الميكب ده اوى التركيز ع العين انا شفت معظم شغل ايمى بتحط الوان في العين كده والعين بتبقى فاتحة
ايمى بتعمل اللى انتى عوزاه مش بتفرض شغل معين عليكى بالعكس خالص اهم حاجه عندها انها تعمل اللى العروسه عوزاه وتخليها واثقه فنفسها
موووونى;9226768:
كمان فى حاجه هو يابنات يامتزوجات يعنى اممم مش عارفه اقول بس ريحه البق مثلا بتبقى صحيه من النوم محتاجه تغسلى اسنانك طب لو الرجل قرب منك تعملى ايه مفيش حاجه كدا فى السريع تزبط المسئله دى ؟؟ :o:o:o:o:o:o
طب مفكرتيش هو شايل هم الموضوع ده وله لا والله البنات بجد ليها الجنه فاللى بيفكروا فيه ده بصى انتى قبل ماتنامى اغسلى سنانك كويس وبس وان شاء الله الصبح مش هياخد باله مالموضوع ده حتى لو حطيتى لبان او اى حاجه هتفتكريها مره ومره لا
بتحسسونى انكم هتعيشوا مع حد غريب ولزم يشفكم بتلمعوا من كل حته ده جوزك يا بنتى هيشوفك وانتى منعكشه وبتغسلى المواعين وبتطبخى وبتمسحى الارض وهيشوفك وانتى عندك اول يوم بيريود مثلا وكل الاشكال هيشوفك فيها اللى مكنش بيشفها قبل الجواز وده عادى جدا
لانك برضو هتشوفيه فكل الاشكال اللى حتى متتوقعهاش عادى جدا
ده جوزك واه طبعا مفيش مانع انك تخدى بالك مالحاجات ديه بس مش بحساسيه قوى كدا انتى لو بتغسلى سنانك علطول خلاص اعتقد مش هيبئا فى ريحه وحشه قوى
بنت من الزمن ده;9227160:
لو وقفت عند قاعة المؤتمرات وخدت تاكسي هتبقى بعيد اوى يعنى ؟ والتاكسي هياخد كام ههههههههههههههههههه :D
لو من قاعه المؤتمرات لحد مصر والسودان مش اقل من 7 ج ده لو طيب وحنين
وعموما لو انتى عند قاعه المؤتمرات ممكن تركبى اى اتوبيس او ميكروباص رايحه كوبرى القبه ومن هناك خدى تاكسى لحد مصروالسودان ب4 او 5 ج
Princess_miro;9227458:
بنات اجيب مفرش عادى للسفرة منننننننننننننييييين؟
فى فالتوحيد والنور انا جبت بتاعى من هناك روحى قسم البلاستك هتلاقى مفارش فى كيس مقفول وعليها ورد وحلوه قوى والله كان بحاجه و40 تقريبا
emyy_ae;9228207:
يابنات قولولي هوا الماذون المفروض ياخد كام؟؟؟؟
واعمل التحاليل بتاعت كتب الكتاب دي فين وامتي قبليها بقد اية يعني؟؟؟
تعمليها فى اى مستشفى حكومه زى منشيه البكرى او الحسين كدا
وقبل الكتب الكتاب بس عشر ايام وهى بتطلع فى نفس اليوم او تانى يوم بالكتير
mashimaro16;9229672:
سؤال عن ايمى الكاشف بليز اللى راحلها يرد عليا
هيا عندها حد بيعمل مانيكير وباديكير وماسكات بفلوس تانيه غير حساب الميك اب والطرحه؟
انا سمعت كده ومش عارفه صح ولا غلط؟:D:D:D
اصوت ويقولوا الست اتجننت يعنى وله اعمل ايه هو انا هغانى بئا فى حكايه ايمى الكاشف وله
ايه والله العظيم مابتعمل غير ميكب وطرحه وانا اللى حطيت لنفسى هناك المناكير وهو المكان اصل عباره عن مكان للبس وحمام وصاله كبيره وحجره المكياج والطرحه واحده ومفيش حد فيها غير العروسه واللى بتعملها المكياج او الطرحه بس
فين بئا المكان اللى هيعملوا فيه الماسكات وبعدين مسكات ايه يوم الفرح ديه وتجيب نتيجه احسن حاجه اعملوها انتوا فالبيت قبلها باسبوعين او بشهر عشان يبان الفرق ومتعكوش الدنيا بميت ماسك كفايه قوى 2 وكل يوم واحد بس كفايه
روضه 2006;9231327:
كريزى فستانك حلو اوى مع انه مش واضح كويس والطرحه عملاها حلو اوى انا نفسى الطرحه زيك كده فى فرحى ان شاء الله قوليلى بئه هيا الطرحه بتاعتك دورين وعملاها ازاى يعنى قولتلى للكوافير عاوزه الطرحه تكون ازاىياريت تقوليلى ضررررررررررررررررررررورى
الطرحه بتعتى ادوار لوحدها يعنى كذا دور ورا بعد
البنت هى لبستنى الاول بونيه قطن ابيض وعليه تل جيليتر وبعدين البندانه بتاعت الفستان ولفت على حته منها بباقى التل الجيليتر وحطت الطرحه تحت شويه عن كدا قولتلها انا عوزاها قوى ومنفوشه شويه لان كدا كدا زوجى طويل ومش هتاثر فالشكل العام فحطها فوق شويه وبئا كدا الحمد لله
هى الطرحه نفسها ادوار مش كانت طويله وهى تنتها لا ولو لاقيت صوره ليها من ورا هحطها
حبيبه مادو;9232625:
اجيب ايه تحت ال3 طرح التل بتوع الفستاان يا جماااعه ؟؟؟؟
هاتى بنادنه قطن او حاجه زى البونيه قطن لان صحبتى لبست الطرحه من غير بندانه واتزحلقت الطرحه وقرفتها هاتيها لو اول طرحه هتلبسيها لو مش عوزها تبان
CuTie KaTkOoTa;9229859:
بصوا يا بنات في جروب علي الفيس بوك للحنة عامل اوفر اهو:
عرض خاص لاول 5 عرايس هتحجز ليلة حنة لشهر 5
اختارى مابين 20 عرض مميز
رسم الحنة
وكمان فى
عدد ليزر كاملة للفيلات و القاعات
وغيرهم
واسعارنا لاتقبل المنافسة
انا لقيته جالي فقلت احطهلكم عشان لو واحدة حابة تشوف نظامهم ايه تقولي ابعتلها الرقم والإيميل اللي هما حطينه