تجهيزات عرايس مصر الجزء126 يارب كلنا نتجوز ياااااااااارب

هاى يابناويت ازيكوا الف الف مبروك للى فرحهم اتحدد
نغمة القمر الحجات بتاعة رجب العطار لو جبتها من الفرع اللى فى مصر الجديدة يبقى بنفس الجودة بتاعة الفرع بتاع الحسين ولا انتى متعرفيش اصلى انا المشوار بتاع الحسين دة بعيد عنى اوى فلو تعرفى ان كل الفروع كويسة اروح اجيب من رجب العطار اللى فى مصر الجديدة وكمان عشان عايزة اجيب زيوت عشان اعمل بيها حمامات زيوت لشعرى فعايزة حاجة مضمونة
حبيبة مادو الفكرة ان البدى يبقى سادة ويبقى لونة قريب من الفستان ويتحط عليها جليتور انا شايفاها دى احسن الافكار بصراحةوربنا يتمملك على خير
ومعلش ياينانيت انا اتاخرت عليكوا فى الصور بتاعة العفش بتاعى بس مش بروح الشقة اليومين دول اول لما اروح فى اقرب فرصة ان شاء اللة هنزلكوا الصور واقولكم على كل التفاصيل
بنات حد يعرف حنانة كويسة انا مش عايزة شو وحجات كدة انا عايزاها تيجى ترسملى انا واصحابى هنا فى البيت واحنا هنتكفل بالباقى اصحابى هيقوموا بالواجب الحقيقة فلو حد معاة نمرة حنانة كويسة يبعتهالى على الخاص:):)(f)(f)

ايوة صح هي اسمها الدلكة السودانية هي صحيح بتخلي الجسم بيلمع كده وناعم طب اجيبها منين هي موجوده عند العطارين

moon_eyes;9228001:
عااااااااااااا

عاوزة اسمى فى اليستة الى فى اول صفحة ..مليش دعوة يا حبيبة مادوووووووووو:confused::confused::confused:



بنات انا عندى دلوقتى مشكلة كدة عجيبة قوووى

ركزوا معايا انا ان شاء الله مسافرة لجوزى عروسة وطيارتى الساعى 2 الظهر ان شاء الله من مطار النزهة وانا من طنطا يعنى المفروض اتحرك من عندنا الساعة 9

يعنى اكون جاهزة من الساعة 7 او 8 الصبح

طب قوللى مين حيعمل لى ميك اب والطرحة

وهل الميك اب بتاعى حيبقى زى ماهو ولا هيتبهدل ويتمررمط من السفر

انا بجد شايلة هم الموضوع دة

ماما بتقولى اعملى ميك اب لنفسك انتى مسافرة
وانا اقولها مش حينفع قوليلى احل المشكلة دية ازااى

انا اعرف واحدة ممكن تيجى تعمل لى ميك اب بس الساعة 7 او 8 الصبح؟؟؟؟؟؟؟

اعمل اية ؟

[/CENTER]

افرضى مافيش وحداة هاتصحى من بدرى كدا علشان تيجى اتفقى قبليها بفتره كدا علشان تضمنيها وبعدين حاولى تشوفى وحدا من صحباتك الميك اب بتاعها بيعجبك وخليها تيجى تعملللك دا فى حححالة لاقدر اله لو ملقتيش وحدا تجيلك من كوافير وربنا يتممللك بخير بس هو السعوديه مش المفروض اول مابتوصلى بتغطى وشك ولا دا كان زمان؟:o

نغمة القمر;9228433:
اليكم يابنانيت التقرير التالي بعد جولة شاقة ................
رحت الحمد لله امبارح عند رجب العطار وجبت منة شوية حاجات كدة كنت عايزاها ....جبت الليفة المغربية ب15 جنية قلتلة بيقا فية اغلى من كدة واخشن قالي دية احنا لسة مستوردينها جديد وهي احسن حاجة عندنا .. جبت كمان صابو نةمغربي بخلاصة زيت الزيتون الاصلي ب20 جنية وقالي بردة انا هاديكى احسن الحاجات وهاتدعيلي .جبت كمان طمي مغربي انا جبت ب5 جنية قلت اجربة الاول وقالي اعجنية بمية ورد هايديلك نتيجة حلوة.
اداني كمان يابنات اعشاب كدة لتبيض الاسنان هي جاهزة عنده قالي تحطي منها عالفرشاة عادي وتعملي بيها.
وحد كان طلب مني يابنات اسالة علي حاجة لشد الترهلات للجسم انا سالتة قالي عندة كريم تخسيس بيدهن مرة واحدة قبل النوم ونتايجة حلوة عن تجربة ناس كتير هي العلبة ب20 جنية انا جبتها قلت اجربها في ماما :21_179:
وقالي حاجة غريبة ان الطمي المغربي اصلا بيشد ترهلات الجسم بس انا مش عارفة الكلام ده اية نظامة
الزيوت العطرية بقا كنت ناوية اشتري بس مس عارفة لية لما خليتة يشممني الازايز بتاعتعا صرفت نظر يمكن عشان كانت مركزة اوى والازازة كبيرة جابتلي حالة عطس فرجت عليا المحل كلة بس هو عالعموم عنده كل الانواع فراولة وتفاح وخوخ ومنجا وياسمين كلة كلة
درب البرابرة بقا كنت اول مرة الف فية كده فية فعلا حاجات حلوة كيس الكريستالات بتاعة النيش ب10 جنية وفية كتير وكل الالوان موجودة ....والورد المجفف كمان هناك تحسية ريحتة جامدة وحلوة اوي غير اللي كنت بجيبة من محلات 2.5 بصراحه وكمان الزرع والورد الصناعي هناك تحفة في شارع كدة كلة مخصص للحاجات دية بس انا نسيت اسمة الورد الصناعي فعلا في منتهي الرقة والشياكة اللي بيحب الحاجات دية متهيالي هايظبط نفسة هناك
والنجف كمان حلو اوي هناك بس المودرن قليل اوي اوي .........
كان نفسي اجيب لحاف بس ملقتش اي حاجة عجبتني ومش عاجبني اللحاف اللي نازل ظهرة فرو ده وماما مصممة تجيبهولي:sad:
اه صحيح اللي عايز يجيب يابنات الرول بتاع المفارش البلاستيك هناك في اخر درب البرابرة كدة ارخص بكتير من برة وفي اشكال حلوة وسيمبل الرول 20 متر ب80 خدناة ب75 والرول كنت سالت علية في كذا حتة كان ب100
اجيب منين بقا لحاف شيك .........اه وكمان هي الدلكة المغربية دية يابنات غير الطمي المغربي

اسمه ايه الكريم اللى بيبض السنان وياترى بيبضها اوى يخليها بروبروء ولا بياض عادى؟ والزيوت العطريه دى اللى انتم بتحطوها على كريمات الجسم وتدهنو بيها الجسم؟

لولا صيدلانيه;9228445:
يا بنات خدوا بالكم فعلا في ناس كتييييييير ادوية التخسيس بتعملهم اكتئاب
زي دايت ماكس و ميريديا و ريجتريم
لانها بتقفل مراكز الجوع في المخ

الادوية زي الشيتوكال و الزنيكال مش بتعمل كده لانها بتاثر على الاكل في المعدة و مش بتمتص جوة الجسم اصلا

فهي اامن كتير بس مفعولها ابطأ

(y)(y)(y)(y)(y)

dollyferfer;9228784:
نغمة القمر بليز قوليلى الصابون قد اية ولو ممكن صورتوا والبنت الى بتسال عن البطانية جميلة ماشاء الله وعاوزة اعرف رجب العطار فين ؟؟؟؟؟؟؟؟؟؟؟

رجب العععطار بيننن العععتبه وبين الموسكى فى النص وفى واحد تانى على ناصية حمام التلات تحت الكوبرى

[QUOTE=razminia;9229127]هاى يابناويت ازيكوا الف الف مبروك للى فرحهم اتحدد
نغمة القمر الحجات بتاعة رجب العطار لو جبتها من الفرع اللى فى مصر الجديدة يبقى بنفس الجودة بتاعة الفرع بتاع الحسين ولا انتى متعرفيش اصلى انا المشوار بتاع الحسين دة بعيد عنى اوى فلو تعرفى ان كل الفروع كويسة اروح اجيب من رجب العطار اللى فى مصر الجديدة وكمان عشان عايزة اجيب زيوت عشان اعمل بيها حمامات زيوت لشعرى فعايزة حاجة مضمونة
بصي مش عارفة بس متهيالي الحاجات هتبقا موجوده اه بنفس الجودة بس ممكن مش تكون كلها متوفرة زي فرع الازهر لانة المركز الرئيسي

نتوا بتنزلو صور ازاي
نغمه القمر ممكن تقوللي هو رجب العطار احسن من الحراز وانزل الازهر ياعني محطه العتبه واطلع اقولهم فين الازهر وكمان كيس الكريستالات بيتحط فين في النيش ومنين في درب البرابره

نغمة القمر;9228015:
عايزة رايكوا يابنات بصرااااااااااااااااااااااااااااااااااحه في البطانية ديةhttp://www.forums.3roos.com/uploaded/287863_11239828299.jpg
http://www.forums.3roos.com/uploaded/287863_11239828369.jpg

يابنات الحقوني انا عندي مشكله في الشقه انا ان شاء الله هنجيبها ايجار جديد وكنا متفقين اننا هنجيبها قبل الفرح بكام شهر كده والمفروض ان كنا عاملين حسابنا علي ان الفرح يبقي قبل رمضان بس لسه مش محددين وقت معين .بس المشكله دلوقتي اننا الحمد لله لاقينا الشقه بس هنستلمها علي اول شهر 5 كده وطبعا لسه مافيش عفش ولا جبت اي حاجه من السجاجيد والستاير لاننا كنا مستنيين لما نشوف الشقه الاول عشان نرتب عليها امورنا كلها وطبعا برده لسه مادورتش علي الفستان ولا قاعات افراح .تفتكروا يابنات اني هاقدر الحق واعمل الفرح قبل رمضان :sad::sad::sad::sad::sad::sad::sad:

بنات

هو البدى يتحط علية جليتر ازاى

نازلة اجيب بدى للفستان بتاعى وهو ستان اجيب كارينا ولا اية الى يمشى معاة

وانا حطرزة ان شاء الله ازاى بقى اخلية يلمع با لججليتر
ولو اى حد عندة افكار يقولى

semsema005;9229340:
يابنات الحقوني انا عندي مشكله في الشقه انا ان شاء الله هنجيبها ايجار جديد وكنا متفقين اننا هنجيبها قبل الفرح بكام شهر كده والمفروض ان كنا عاملين حسابنا علي ان الفرح يبقي قبل رمضان بس لسه مش محددين وقت معين .بس المشكله دلوقتي اننا الحمد لله لاقينا الشقه بس هنستلمها علي اول شهر 5 كده وطبعا لسه مافيش عفش ولا جبت اي حاجه من السجاجيد والستاير لاننا كنا مستنيين لما نشوف الشقه الاول عشان نرتب عليها امورنا كلها وطبعا برده لسه مادورتش علي الفستان ولا قاعات افراح .تفتكروا يابنات اني هاقدر الحق واعمل الفرح قبل رمضان :sad::sad::sad::sad::sad::sad::sad:

طيب ماهو فاضل اسبوعين بس على شهر 5 هانت يعنى


بنات حد يعرف منجد كويس قريب لحدايق القبه لانى عاوزه اغير بس المخدات بتاعة ماما يعنى بنفس القطن بس هاغير الغلاف الخارجى بتاعها واشتريت القماش وكله كله بس بسئل منجد هنا قال هياخد على المخده15 جنيه هو كدا كويس ولا ايه

بنات هو اية المرشدى دة الى فى 6 اكتوبر بيبيع اية و فين من 6 اكتوبر

missy2009;9229483:
بنات هو اية المرشدى دة الى فى 6 اكتوبر بيبيع اية و فين من 6 اكتوبر

ادوات منزليه وبلاستيكات وهو في الاردنيه

miko85;9229499:
ادوات منزليه وبلاستيكات وهو في الاردنيه

هى اية الاردنية دية يا ميكو منطقة فى اكتوبر دية و يعنى اية ادوات منزلية كبيات و اطباق و كدة و لا اية

missy2009;9229517:
هى اية الاردنية دية يا ميكو منطقة فى اكتوبر دية و يعنى اية ادوات منزلية كبيات و اطباق و كدة و لا اية

انتي ساكنه اصلا في اكتوبر الاردنيه حته معروفه اوي في اكتوبر فيها بتوع الخضار جنب الحي السابع...اه كبيات واطباق

نغمة القمر;9229140:
ايوة صح هي اسمها الدلكة السودانية هي صحيح بتخلي الجسم بيلمع كده وناعم طب اجيبها منين هي موجوده عند العطارين

اة يا بنات حد يقولنا اية الدلكة السودانية دية و بتيتعمل ازاى و بتجاب منين و بتعمل اية فى الجسم و زيها زى الحمام المغربى و لا حاجة غيرها

sweetyronaaa;9224767:
اولا الف مبروك لساره العروسه ربنا يهنيها و يسعدها



هو مش باين اوى حاولي تجيبي صورة اقرب من كده شويه



الف مبروك يا قمر



فستانك تحفه يا اناناسه بجد وهم ما شاء الله
و عايزه اقول للبنات كمان نصيحه بلاش الريجيمات الكيميكال دى لانها بجد بتبهدل الجسم و هى دي اللي بتعمل انيميا و سقوط الكلي و الكلام ده و اى دكتور يقولك هتخسي 5 و 6 كيلو في الاسبوع ابعدي عنه على طول لان ريجيمه اكيد كيميكال الريجيم الصح يخسسك بالكتير اوى 4 كيلو في الاسبوع و ده مش بيحصل الا اول كام اسبوع بس في الريجيم و بعد كده بيبقي المتوسط من 2 ل 3 كيلو بس في الاسبوع
و كمان بلاش ريجيم الموز و البرتقان و اللبن و الحاجات دي لان ضررها اكتر من نفعها بكتير



انا حاسه انك بتتكلمي عن سوفت اند بيوتفول
طيب قوليلنا لون العلبه ايه بتاعت الكريم لان فيه منه انواع كتير اوى




هاتى كمان المنشر الصغير بتاع الحمام ده عشان الاندرات و الحاجات دي و كمان النشابه و المفارش بتاعت الدولاب و هاتى شماعات ستان عشان اللانجري



كمان يا بنات السايت ده ممكن تنزلي منه اى كتب تانيه غير كتب الاكل زي تحفه العروس و كتب دينيه و كل حاجه



بصي موضوع المعازيم ده انسيه خالص و امرك لله خليهم يجوا و خلاص و كبري دماغك من الموضوع
الصيني بقي ممكن تقوليلي لخالاتك بدل ما كل واحده تجبلك هديه لوحدها يجبولك طقم صيني كلهم (احنا بنعمل كده مع اى حد بيتجوز في العيله بنجبله الحاجه اللي نقصاه او محتاجها)
و خفي على خطيبك شويه ليكرهنا و يبطلك تدخلي المنتدي بعد الجواز




بلاش اسبونش لانه كتر اوى ممكن تعملي ورق حيطه او في اشكال كتير نزلت بس مش عارفه اسمها روحي اى فرع ليوتن هتلاقي هناك افكار تحفه



طيب و اللي مبيعرفش يستخدم المانيوال اصلا يعمل ايه
و يا ستى لو النور قطع خلاص بقي مش لازم ملوخيه في اليوم ده:D



الف مبروك يا قمر ربنا يتمملك بخير



الفستان و الكوافير تحجزيهم قبل الفرح بشهر او شهر و نص
في الدار بقي تاخدي معاكي قميص الدخله و طقمين او تلاته للخروج و 4 قمصان نوم عشان لو خادتي اتنين بس ممكن تحسي انك مش عايزه تلبسي واحد فيهم و لا حاجه فمتضريش تلبسيه غصب عنك و كمان خدي كام بادي و جيبه قصيره مثلا لزوم الدلع كده

بنات قولولي بقي محدش شاف عفش كلاسيك سيمبل يقولي شافه فين
و كمان لما بنحجز للفرح بندفع اد ايه مقدما تقريبا
و كمان لو الفرح في نص 10 او اخر 10 نحجز القاعه امتى

روكا2010;9225537:
يابنات بالنسبه للكحك والبسكويت والبيتى فور اشتري اد ايه خاصة انى مش هعقد فى مصر وهسار بعد الجواز باسبوعين واسبوع منهم حكون فى الهانى مون يعنى كمان اشتري خزين للبيت والا ايه

m@hy;9226632:
بنااااااااااااات بالله عليكم خلو بالكم من المخالفات (6)
المشرفة قالت انذار المرة الجاية الموضوع هيتقفل وانتو شايفين كلنا بنستفاد ازاى(a)

ياريت تقروا القوانين(f)





سؤالى بئة اصبغ شعرى قبل الفرح بئد اية؟

موووونى;9226768:
البنوته اللى بتسال على الحجات اللى ممكن تكون ناقصه بصى

بتاعته البيتى فور وشياله الكحك وملمع اثاث وملمع زجاج ومشايه باب الشقه دا تقريبا مش فى الحجات اللى كتبتوها

بصوا ياجماعه انا جبت بانتيات طلعت فظيييييعه عارفين تمر حنه البنات اللى من بنها طبعا عارفين دخلنا انا وصحتى صحبتى بتدور فى بيجامات وكدا وانا وقفت ادام الاندر ويرز ولقيت بنتين قمورين شكلهم صغير قعد نتكلم على البنتيات ونتفرج فيهم وندور على حاجه قطن لقينا حجات قطن بس حجمهم صغير اوى وبعدين جبت واحد وبوريهلهم لقتهم بيقولوا بس دارى وانا واخدة حريتى ومش واخدة بالى لقيت واحد من اللى شغالين فى المحل واقف ورانا ههههههههههه وبعدين بقولهم بس البانتى دا مش نافع خالص مع المسائل بعد االزواج وبعدين قلتلهم استنوا كدا وبصيت فى ايدهم لقيت الاتنين بدبل قلتلهم ايوة كدا ناخد راحتنا هههههههههه:wink::wink::wink::wink:

طب البانتيات مالها صغيره كدا وجيت قستوا لقيت فظظظظظيع دا انا صغننه خالص فى الحجم وهو صغير عليا امال بعد الزواج بقى ان شاء الله:ss::ss:

كمان فى حاجه هو يابنات يامتزوجات يعنى اممم مش عارفه اقول بس ريحه البق مثلا بتبقى صحيه من النوم محتاجه تغسلى اسنانك طب لو الرجل قرب منك تعملى ايه مفيش حاجه كدا فى السريع تزبط المسئله دى ؟؟ :o:o:o:o:o:o

miko85;9229531:
انتي ساكنه اصلا في اكتوبر الاردنيه حته معروفه اوي في اكتوبر فيها بتوع الخضار جنب الحي السابع...اه كبيات واطباق

لا بس بروح هناك كتير طب يستاهيل ارحلو مخصوص و لا زية زى هايبر و كارفور مالهاش لازمة اروح يا ميكو

moon_eyes;9229380:
بنات

هو البدى يتحط علية جليتر ازاى

نازلة اجيب بدى للفستان بتاعى وهو ستان اجيب كارينا ولا اية الى يمشى معاة

وانا حطرزة ان شاء الله ازاى بقى اخلية يلمع با لججليتر
ولو اى حد عندة افكار يقولى

يا بنات محدش رد عليا لية

عندى سؤال تانى

انا نازلة اجيب طرح الفرح

اجيب اية ؟ اسكارف سوارية مطرز وطرحة الى هى بتتفرد دية وبندانة بيضا

واية كمان يا بنات؟

تل مثلا ابيض

miko85;9229191:
نتوا بتنزلو صور ازاي
نغمه القمر ممكن تقوللي هو رجب العطار احسن من الحراز وانزل الازهر ياعني محطه العتبه واطلع اقولهم فين الازهر وكمان كيس الكريستالات بيتحط فين في النيش ومنين في درب البرابره

اية يا بنات انا شيفاكو كلكو جيبين كيس الكرستلات دة بيتحط ازاى يعنى

miko85;9229492:
جميله اوي يابسكونه تتهني بيها

ربنا يخليكي يارب


مبروك يا قمر الاوضة جميلة و رقيقة اوى انت كنت جيبها منين يا قمر و بكام و دة مودرن صح عشان مفهاش اويمة و الحجات دية[/QUOTE]
ربنا يخليكي يارب هي مش مودرن هي ستيل بس سمبل وانا حجزتها من المعرض واستلمتها من دمياط وجت لحد البيت

missy2009;9229559:
اية يا بنات انا شيفاكو كلكو جيبين كيس الكرستلات دة بيتحط ازاى يعنى

ده بنفع اوي مع الحجات المودرن الفازات الزجاج وكده او الاطباق على السفره

هي الصور بتاع الاوضه هنا مخالف لو كده اشيلها ؟؟؟

missy2009;9229540:
لا بس بروح هناك كتير طب يستاهيل ارحلو مخصوص و لا زية زى هايبر و كارفور مالهاش لازمة اروح يا ميكو

لاه مايستاهلش انا افتكرتك عايشه في اكتوبر قولت مضطره يعني...اصلي كنت بروحو ايام الكليه