]ديه تفاصيل الفستان للى عوزها ومشفهاش
crazy ananas;9215732:
بصراحه الفستان حلو مش عشان بتاعى لا والله بس انا بتكلم على خامته نفسها مخليه اللون الابيض حلو قوى وعلى فكره هو فيه تظريز رقيق مالضهر كله
وكان معاه البادى تل وطرحه وبندانه وحلق وجيبونه بس انا اللى بختار البادى والطرحه والبندانه
عندهم كذا شكل وانتى تختارى اكتر حاجه عجباكى
وهو كان تانى لابسه ب 850 بعد 1300 من محل حبيبه فمصر والسودان وعلى فكره هما تبع نورهان اللى فجسر السويس بس انا ارتحت اكتر لحبيبه الناس اللى فيه كويسين
وانا اخدت الفستان يوم البروفه اللى هو قبل الحنه لان كان كله خلصان ومش محتاج يتظبط عليا الحمد لله المقاس كان مظبوط فاخدته فاليوم اللى قبل الحنه ورجعنا تانى يوم الصبحيه اخو جوزى اخده لان معاه عربيه
وبصراحه المحل فى حاجات زفاف حلوه جدا وعلطول بيجددوا
وعقبال فستانك يارب
ghadghoda;9217151:
بجد مشاء الله عليكى يا كريزى انتى ودينا بجد الفساتين اكتر من روووووووووووووووووووووووووووووووووووعة بجد
واصلا حبيبة ملوش حل فى فساتين الزفاف والله فعلا عنده تشكيلة رهيبة بجد والابيض بتاعها هينطق جدااااااااااااا
سؤال بقى مهم اوووووووووووووووووووووووى معلش يعنى هو المفروض العروسة تجيب كام ازازة برفان ولو اوريجينال تبقى كام واحدة ولو تركيب برضة تبقى كام واحدة ؟؟؟؟؟؟؟؟؟؟؟؟؟
ربنا يخليكى يا بت يا غدغووووود عقبالك يارب
بصى بالنسبه للبرفانات بجد متكتريش عن 5 ومش مهم يكونوا اصلى لانك مش هتخرجى بيهم وفالبيت ممكن لما الريحه تروح تحطى تانى عادى وحتى الخمسه متستخدمهمش كلهم يعنى مثلا تستخدمى 3 واحد كل اسبوع عشان انتى نفسك تحسى بالفرق بينهم
وفعلا حتى لو بتستخدمى واحده كل يوم هتفضل معاكى اكتر من شهرين تلاته متقلقيش
5 كفايه قوى
Love You 7abibi;9217154:
الفستان جميل قوي ماشاءاللة واللي لفت نظري أكتر الطرحة أكثر من رائععععععععة
ربنا يخليكى عقبال فستانك يارب طبعا مصر كلها عرفت انا عمله الطرحه فين هههههههههه
onaze;9217194:
عازة اسأل لو نزلت على نص شهر 6 و انا فرحي في نص 7
الحق اشوف موضوع فستان الفرح و حجوزات الكوافير و للل لازم من قبلها؟
لا تلحقى ان شاء الله انا حجزت الفستان بتاعى قبل الفرح ب اسبوعين وكذالك الكوافير وصحبتى حجزت قبل الفرح ب 10 ايام متقلقيش المهم انك تكونى عارفه اماكن المحلات
وخدى واقتك فاللف وفالاخر حطى عينك عالمحلات اللى فيها حاجه عجباكى وانزلى احجزى مره واحده والموضوع ده مش هياخد اكتر من اسبوع لان معظم الاماكن اللى فيها محلات بتكون قريبه من بعض والكوافير برضو زى الفستان شوفى فكذا حته واتاكدى انك مرتاحه فالكوافير ومطمنه لشغله وفالاخر احجزى مش هيقوله حاجه لو حجزتى قبل الفرح باسبوع متقلقيش
موووونى;9217702:
كريزى الفستان حلو اوى ياقمر كنت هقول تتهنى بيه ههههههه بس الحمد لله اتهنيتى بيه وخلاص عقبال فستان بنتك بقى ان شاء الله
بصوا عايزة اسال على البرنس عايزة برنس مفرد يعنى واحد بس من غير الحجات اللى معاه المشط وكدا يكون بكام
وكمان هو دلوقتى فى بوتجازات الوان يعنى عرفت انوا تكنو احلى حاجه دلوقتى هو ينفع يكون لونوا بنى مثلا زى المطبخ ولا ايه
والله يا موووووووووونى انا نفسى البسه تانى انا فعلا حبيت الفستان ده قوى لانه الفستان الوحيد اللى قسته وكان مقاسى اكنه بتاعى الحمد لله
كل ماشوف الليسته بتاعت العرايس يبئا نفسى اشوف اسمى فيها تانى ههههههههههه انا اساسا ملحقتش اشوف اسمى فالليسته اصلا هههههه
ربنا يخليكى يا موونى وعقبالك يارب
بصى البرنس هتلاقيه طبعا فالغوريه اللى فالازهر او فالتوحيد والنور لكن معرفش بكام بالظبط
اما البوتجازات احلى حاجه بصراحه الاستانليس بحسه اشيك
[/CENTER]
.* اميرة *.;9218273:
فستانك عسول ياأناناسة ياعسل قوليلى بقى عنوان حبيبة بالتفصيل
ربنا يخليكى يا اميره عقبالك يارب بصى قوليلى انتى ممكن تروحى مصر والسودان منين وانا اوصفلك وياريت عالخاص عشان ممكن مشفش رسالتك هنا
at2ota;9218447:
بنات قلولى فستان كريزى صفحه كام تقريبا لانى مش لاقياه
http://forums.3roos.com/showthread.php?t=447110&page=38
فالصفحه ديه فالمرفقات بتاعت المشاركه بتعتى اللاولى
يارب يعجبك
