تجهيزات عرايس مصر الجزء126 يارب كلنا نتجوز ياااااااااارب

ghayod;9210609:
يابناتيت وحشتونى معلش مشغوله عنكم بقالى يومين
انا اخيرا روحت لنور نوح النهارده عندهم حاجات حاوه بجد وفساتين ايجار اول مره تجنن
وكمان فى واحده كويسه جدا فى الوطنيه فوق عندها فساتين بيع ب1000ج وكويسه جدا وبتفاصل
قولولى بقا ايه الاخبار


طيب ممكن لو سمحتى ياقمر تقوليلى اسعار نور نوح لاول لبسه ايه النظام وبتدينى الطرحه وعندها حاجات جديده غير الشغل السورى الملزق بشمع ده
انا فرحى 25-7 ابدأ اشوف امتى الفستان والكوافير والاستوديو

maiada;9205464:
الله يكرمكوا على المجهود الحلو ده بجد
معلش ده اول جزء اقرأه من اوله لأخره ... فأكيد هسأل اسأله اتسألت قبل كده فياريت تفيدونى بالله عليكوا

موضوع الأجهزه الكهربائيه ايه افضل الأنواع؟؟
انا حابه اجيب نوع للكل يعنى مثلا يكون LG او White wheel ايه رأيكوا فى النوعين دول وايه اللى افضل؟للتلاجه والبوتجاز والغساله؟؟

اجيب توستر احسن وللا ميكرو ويف ؟؟ الكل بيقولى التوستر افيد وان الميكرويف ده خطر واى؟؟

موضوع الكيراتين..شعرى الحمد لله ناعم بس بدأ ينشف شويه وبأى بيهيش الكيراتين يكون حلو له؟؟؟

افضل محلات فى دمياط للذوق ال light style يعنى ولا كلاسيك اوى ولا مودرن حاجات كلاسيك بس سمبل اوى فين الاءى؟؟؟؟
حاجات زى American furniture ؟؟
American furniture غالى اوى وللا ممكن الاءى فى حاجات معقوله؟؟؟

معلش اسألتى كتيره :o اتمنى تفيدونى...
وجزاكم الله كل خير

crazy ananas;9210705:





طب ياكريزي ربنا يكرمك لو ينفع تورينا الصور يابطة تكوني جامدة جدااااااااا

CuTie KaTkOoTa;9204598:
يا بنات انا النهاردة حجزت في فندق الشانزليزي خلاص الحمدلله الباكيدج التانية اللي هي ب 4666 وحاولنا ننزل شوية في السعر قال مش هاينفع بس حطلنا 20 فرد زيادة فري من عندهم فوق العدد الأساسي اللي هو 100، ورحت كوافير ام اس اللي هو مجدي سيد وطلعنا نشوف الباكيدجات وكده المهم فقلنا طيب هنفكر ونشوف ونبقي نيجي ومحجزناش ولقينا الفلوس هاتبقي كتيرة علينا، لأني عايزاها تيجيلي البيت ودي فيها 300 جنيه زيادة، المهم خرجنا بره وكنا خلاص رايحين نركب العربية لقينا نوارة كانت مروحة ونادتلنا وهي اصلا مكنتش سمعت الحوار بس لقتنا شكلنا حزين ومشينا عالطول، فقعدت تتكلم معانا كتير المهم دخلنا تاني معاها ودخلت للمدير ونزلوا 300 جنيه، يعني الاول الباكيدج كان ب 750 + 300 عشان البيت يبقي 1050 هي بقي خلته 750 بس، ومفروض اروح اليوم اللي قبلها اعملي وشي ومانيكير وباديكير، وتاني يوم بقي في البيت للميكاب والطرحة.
وكلمت البنت بتاعة السويت وحجزت معاها بردو اليوم اللي قبل الفرح بردو بس قلتلها سويت بس، وطلبت الست بتاعة الكيراتين بردو وقالتلي اعملي الصبغة قبل الفرح ب 10 ايام مثلا وتعاليلي بعدها تاني يوم عالطول.
رحنا بردو الاول اتفرجنا علي فندق في مصر الجديدة قرب نادي الشمس اسمه هيليو كايرو واتصدمنا ومعجبناش خالص ومشينا عالطول علي الشانزلزيه وتم الحمدلله.

runnoya;9204975:
بنات انا نسيت اقولكم حاجه مهمة بالنسبة لليلة الحنة اننا ممكن نعمل ليلة حنة كويسة وبتكاليف اقل
بصوا بقى انا فى فرح اخت صاحبتى قلنا احنا هنعمل كل حاجة لوحدنا فاتقفنا اننا نعمل فقرات فجيبنا اول حاجة جلابية زى بتاعة نانسى عجرم وحضرنا طبق بلاستك وحبل صغنتوت ومشابك وشغلنا الاغنية والعروسة عملت شو حلو وبعدها اشترينا توب نوبى وشغلنا اغانى نوبية ورقصنا كلنا عليها والعروسة فى الوسط
وبعدين جبنا عباية مطرزة خليجى وعملنا رقصة بالمباخر كده جوالين العروسة وكل بنت مسكت عود بخور وكانت حلوة قوى
وكمان لفينا التوب النوبى ده لفة هندى وعملنا الاكسسوارات على الراس زى الهنود وشغلنا اغانى هندى واديناها
اه كمان لبسنا العروسة فستان قصير وجبنا طرحة كبيرة وطرزناها زى الملاية اللف وشغلنا اغانى اسكندراني وعملنا حركات
ودى كانت افكار بسيطة بس ومش مكلفة بس جامدة موت
وربنا بتمم لكل العرايس بخير

miramiro;9206101:
بنات ازيكم كلكم

بليز يا بنات ايه رايكم فى الصابون المغربى بتاع اصاله؟ حد جربه قبل كده؟؟؟؟؟؟؟؟؟

كتكوت حبيبتى
ما بلاش يا كتكوته حكايه الكراتين دى لاحسن فى ناس بتقول انها بتوقع الشعر بعد كده ما تحاولى تعملى حمامات كريم و زيت الاول و تجربى جايز توصلى لنتيجه المطلوبه و بلاش الفرد ده فى ناس كتير بتحذر منه والله اعلم

bosycat2008_562;9207455:
ازيكم يا بنات مبروك عليكم الجزء الجديد انا طبعا اول مره اشوف الموضوع ده وحابه انى اشارك معاكم
ياريت تبقوا تعدلوا اللسته بتاعتكم وتحطونى فيها يحسن اعيط واموت نفسى من العياط :cry::cry::cry::cry: فرحى يوم 26 / 06 / 2009


بوصوا بقى يا بنات انا مشكلتى كلها بتنحصر فى فستان الفرح ومش عارفه انزل فين والأماكن اللى روحتها مش عاجبنى حاجه حتى فكرت فى التفصيل وتأجيره اول لبسه بس مش عارفه حد يكون كويس وشغله نظيف
انا نزلت فى الهرم وعباس العقاد بس مش كلها وروحت المطريه لسه هنزل روكسى وميدان الجامع واكمل عباس العقاد
يابنات ارجوكم ردوا عليا اعمل ايه الوقت عمال بيسرقنى . :sm215::sm215:

miobello;9207497:
ممكن يا جماعه عنوان فندق الشانزلزيه اللى كتكوت قالت عليه ضروووووووووووووورى جدا اصلى واقعه فى مشكله وكده ممكن الفرح يتأجل والتفاصيل ولو اى مكان كويس تانى وادعولى والنبى يا بنات

missy2009;9207870:
بنات حد راح المعرض الى موجود دلوقتى فى ارض المعارض بتاع الاسر المنتجة دة و لا اية

miko85;9210696:
رجب العطار ده فين وهو احسن ولا حراز...انا عايزه عطار كويس

flower20009;9211343:

انا اختى نزلتوا بتقولى كويس بس طبعا مش زى المعرض اللى فات

واشتريت منو حاجات للديكور يعنى ورد تابلوهات وجابت بيجامة برمودا عسوله كده

manafola;9210151:

يا بناااااااااااات عايزة اشوف فستان حبيبه مادو مكن عايزا اعرف ايه حكايه الفرانيش اللي هتطير دي ممكن يا حبيبه مادو بعد اذنك
عايزة صور انتريهات مودرن او لينك لموضوع فيه صور كتير

dollyferfer;9210373:
انا لقيت سايت بالصدفة عالنت بينزل كتب الطبخ الجامدة اوى من غير فلوس واى كتب تانية كمان ونزلت كتاب منال العالم واسامه وحجات مخصوص للسلطات بس مش عارفه غلط انى اكتب اسم الموقع ولا عادى كمان عاوزة اعرف البنات الى جابو المايوة الشرعى منين وبكام وشكلو اية

الحب هو الحياة;9210645:

الف سلامة عليكى ياقمروربنا يشيفكىوتجيبى احلى بيبى يارب قوللنا بتعملى ايه فى يومك وبتقسميه ازاى وكمان ايه الحاجات اللى جبتها زيادة ومش بستخدميها

اعتقد ربع ساعة وتعملى بعده

العرض بتاع كليوباترا على السيراميك مش طقم الحمام

بياخد كام تاجير اول لبسة ياقمر

بتنزلى بيه البحر ياقمر

نغمة القمر;9211388:
هو لازم لو سخان غاز يابنات يبقا اجيب شفاط في الحمام ولا مش شرط وانا عندي حاطة السخان في الحمام بتاع الضيوف يعني مش هاخد شاور فية طبعا عشان البخار يعني ولا انتوا رايكوا اية

نغمة القمر;9211245:
هو يابنات البنت اللي بترسم الحنة بيكون معاها صور او كتالوجات نختار منها الرسمة اللي احنا عايزينها ولا هي بترسم علي مزاجها لحسن انا ساعات بشوف رسومات بتبقا اوفر ووحشة اوي وديه حاجة مفيهاش هزار لو اتعملت مش بتتمسح

miko85;9210696:
رجب العطار ده فين وهو احسن ولا حراز...انا عايزه عطار كويس

ve*هيما&موني*lo;9207418:
أحسن نوع مراتب اية؟؟؟ تاكى ولا هابيتات ولا يانسن ولا فور بد ؟؟؟




ممكن حد يفهمني يعني اية الحاجات دي بليززززززز