تعالوا ناخذ من بعض خبرات في تنضيف البيت ممكن؟

10 مشاهدات ولا رد واحد ماتوقعت انا قلت بلقى ردود

موضوع حلو
انا عت تفسي ببدا بترتيب البيت غرفة النوم والجلوس بعدين المطبخ واذا الحمامات كانت محتاجة تنظيف بنظفها بعد المطبخ.بعدين برجع اكمل نومتي مع بنوتي اللي بتكزن لسى نايمة ولما فيق بوقت الضهر تقريبا ببدا بالطبخ.على فكرة انا عاملة يوم كل عشر ايام او اسبوعين بنظف فيه البيت كامل من خزاين المطبخ لترتيب خزانة وكومدين اوضة النوم وتنظيف كامل وباقي الايام مجرد ترتيب عادي وتنظيف الغبرة عالماشي.ومخصص يوم في الاسبوع بغسل الصبح قبل ما تفيق بنتي وتاني يوم بعدو بكوي كمان الصبح وهي نايمة واحيانا بتكون فايقة وبتلعب قريب مني. ولما يكون في يوم مخصص للتنضيف الشامل كل فترة بترتاحي باقي ايام الاسبوع لان ما بكون عندك الا ترتيب بسيط. انا بنتي سنة و5 شهور يعني ابنك في عمر الاربع شهور ما بغلبك ابدا رضعيه ولعبيه شوي وتركيه وروح اشتغلي بس طبعا كل شوي تفقديه والشغلات الصعبة اللي بدا وقت خليها لما يكون نايم .يعني مش مشكلة وجود الطفل لو عرفتي تنظمي وقتك

مشكوره اختى على الموضوع
يختلف طريقه كل وحده فى التنظيف كلنا على حسب المكان اذا شقه او بيت
اما انا ساكنه فى بيت دورين
بما ان الدور الثانى غرف نوم كل وحده من خواتى تنظف غرفتها
اما الشباب على الفراغه
ابتدى من الصبح اغسل الحمامات
و اكنس الصاله والمقلط والمطبخ
بعدين امسحه الارضيات بعد اغسل مواعين الفطور وارتب المطبخ وبتكون وصلت الساعه 9 اكون منقع االودام
واجهز عده الطبخ
واريح لين الساعه 10
بعدين ابتدى فى التقطيع والطبخ
وانتهى من الطبخ واستعد لصلاه الظهر ثم اجهز السفره ونتغد ونغسل مواعين الغداء ونخلص من تنظيف المطبخ وبعدين اخذ لى قيلوله
اصحا العصر
ونسوى القهوه والشاى ونتقهوا او نسير او يجونا الجيران
واحيانا اذا فيه شغل ماطلع اما الغسيل يوم وترك
بعض الاشياء اسويه كل اسبوع مثل مسح الزينات والتحف
غسل الحوش تنضيف الثلاجه
وكل شهر الفريزر والمخزن
وكل يوم اختار شى وانظفه كامل مثل غرفتى
الاولاد
بعد المغرب نتفرغ للعشاء وتحضيره

بما انك عندك طفل اصغير تكون تريبك وتنظيفك سهل لان الاطفال الاكبار مشكله عفستهم واجد
انشاء الله تستفيدى من طريقتى

انا عندي ولد عمره سنة
وحامل في نهاية التاسع ايام والد ان شاء الله دعواتكم يا عروسات ان الله يسهل ولادتي
وادرس بالجامعة باقي علي سنة واتخرج ان شاء الله
يعني ما عندي وقت ولا قوة اني انظف الشقة كلها كل يوم
رغم ان شقتنا صغيرة
بس قريب بننتقل الى شقة ثانية كبيرة

بشكل عام لا تضغطين على روحش اذا عندش ياهل توه 4 شهور
لانه هالشي بروحه متعب
ومو لازم يكون كل شي ( perfect )
واهم شي التنظيم
يعني تقسمين شغلج على كذا يوم

في اشياء مو لازم تنظفينها كل يوم
مثلا الحمامات مرة كل اسبوع كفاية
مسح الارضيات مرة كل اسبوع
غسل مفارش ولحاف السرير كل ثلاث اسابيع (( انا اوديهم المغسلة ))
كناس البيت ومسح الغبار كل يومين ثلاثة او اذا توصخ المكان
التهوية ضرورية بس ويه جونا الخايس ما تقدرين تهوين البيت كل يوم من الحر والغبار
غسل الملابس (( لو عندش غسالة وياها دراير dryer)) يكون وااااااايد تمام لتجفيف الملابس
تقسيم غسل الملابس على كذا يوم (( يوم للملابس البيضاء يوم للملابس الملونة يوم للملابس السوداء والداكنة ))
انا اول كنت اكوي ملابس زوجي للشغل بس من يوم حملت صار يوديهم المغسلة

انا ما اطبخ غير العشا وخفايف ... ماطبخ الغدا الا نادرا
لان للحين عايشين مع اهل زوجي ...
وام زوجي علمت الشغالة شلون تتطبخ فتتطبخ لنا والحمدلله نظيفة والاكل تضبطه مثل طباخ ام زوجي بالضبط

بس اذا انتي تطبخين
اتوقع تحتاجين حق (( dish washer )) حق غسل الصحون
اختي عندها وحدة ومرتاحة من هالناحية
وترى الdish washer فوق انها تغسل الصحون (( تعقمهم ))

اختي الثانية تشتغل مدرسة ... وعندها اثنين اولاد
تطبخ في الاجازة (( جمعة وسبت )) اكثر من طبخة تكون كميتها ليومين او ثلاثة
وتحطهم بالثلاجة
بعدين ايام الدوام مجرد انها تصخن الاكل

هذا اللي جا على بالي حاليا واتمنى اني افتدج