تسريحه الغرفه

هلا اختي انا رحت لهوم سنتر وخذت كذا مفرش للتسرحه يركب على لون التسريحه والغرفه ووخذت براويز للصور وعلى كل فتره اغير المفرش بس اللي على التسريحه ما اغيره الا اللي خلص يعني من عطور وكريمات وطبعا البراويز حطيت واحد على كل طرف واحد لصورة زوجي والثاني لصورتي وخذت اكسسوارات صغيره وخفيفه من هوم سنتر بعد وزينت التسريحه فيهم

ياقلبوو عادى ما يبغالها شىء ..

شوفي حبيبتي ..

اولا : العطورات والكريمات حلو تكون فوق التسريحه .

ثانيا : واشتري علب تكون تحطين فيها اشياتك زى مثلاا البكل والشبصات << هذى العلبه الاولى

العلبه الثانيه تحطين فيها المكياج الي في البيت زى القلوس والكحل والاحمر خدود . ومزيل المكياج

وباقي المكايج حطيها في علبه وحطيها في الدرج احسن ..

العلبه الثالثه اتحطين فيها الأمشاط والفرش حقت الاستشوار والفرش العاديه

وانتى اشتري العلب تكون فخمه وزينها كمان بتول والورود عشان عروسه ..

ثالثا .. حطي ايطار في صوره زواجك انتى وزجك برضو حلو يكون الايطار نفس لون العلب والقماش الي على ارضيه التسريحه خليها طقم يعني

رابعا .. اشتري شموع كبيره تلقينها عند .. ستي بلازا .. برضو نفس لون الاقمشه الي انتى بتغلفين فيها العلب وحقت الارضيه ..

وخامسا والاخير .. اختار لون الاقمشه حقت التسريحه نفس لون مفرش السرير ...

ان شاء الله اكون افدك .. واذا قصرت في شىء الله يخلي بنات عروس يفيدونك .. ^_^

ياعمري شكرا عل المرور بس يا ليت بصور خخخ طمعه لا والله بس ابي اطبق في غرفتي الحين تدرون بكره الحريم بيشوفون غرفتي وانا متزوجه حوسه فشله

الله يسعدك

الهم امين جزاك الله خير حبيبتبي

أخذي صواني عادية واوديهم محلات التنجيد وخلهم يلبسون لج الصينية بالمخمل وأزيج الكرستال مثل الملحف إلي على السرير أو على الأقل نفس ألون( توني مسوية صنيتين وحدة للعطور والثانية لعلب البخور والمدخن ) بتطلع فعلاً فخمة الغرفة أبهم.(ومو بشرط تحطين الصنيتين جمب بعض وحدة على التسريجة والثانية على طاولة جانبية وطبعاً متخلى من حركات الأكسسوارات من شمعدان أوبراويز.........

وباقي الأغراض داخل الدرج مثل ماتفضلوت خواتي وشرحولج تقسيمهم في علب

ومبروك مقدماً

ان شااالله البنات يفيدوكى