جيت وجبت لكم سالفه صارت وياي ,, وودي الكل يستفيد منها لأنها فعلاااااا مفيده .... (f)
انا من فتره كتبت لكم موضوع إن زوجي أصلا عصبي ’’ ويتنرفز بسرعه ... وجات له فتره تغييير وصار صبوور وطيب وياي ... ويتحمل طلباتي // ... بس هالشي كان في وقت محدوود .. وعقب رجع لعادته ويوتررررررني وايد ... :(
تميت أفكر وأفكر إشلووووووون أخليه يرجع لي نفس هالفتره إلي انا كنت مرتااااحه فيها وماأتردد من طلب أي شي أبغيه ...
قعدت وسولفت معاه بكل هدووء ... قلت له ترى في فتره إنته تغيرت ,, وصرت تهتم بطلباتي وطيب وياي .. وتطوول بالك علي في السوق ’’’ اما الحين رجعت نفس قبل ’’ متوتررر وتوترني وااااايد وياك ... :ss:
قال لي صجججج .. انا بعد حسيت بهالشي ...
قلت له طيب ليش رجعت نفس اووول ...
قال : يمكن من ضغط الشغل والتعب والتفكير ’’’ صرت اتضايق ’’ !!! << ومن جوابه حسيت إنه مايعرف وشو يقول ’’ وكانه يقول لي .... فشلتيني .. او إعتراف قوي ...
بس مب مني غصب عني ... قلت أريح نفسي وأتكلم .. مهما يكون هو زوجي ويمكن يراعي شوي ...
سكتتت وبعدين قلت له ... إنزين إرجع مثل ذيك الأيام ... وخلني على راحتي وانا معاك ... طوول بالك ولا توترني ...
قال إن شالله ....
المهم .. هو نفسه نفسه .. ماغيير طبعه الجاف ... وإستمر الحال فترره .... وانا مصبره نفسي ’’
لكن بعدها .. تعدل .. وحسيته يبي يرجع راحة بالي ’’ ويخليني آخذ راحتي وأتكلم بحريه وياه بدوون مايزعل ولا يصرخ علي ,,, :o
وهنييييي فعلاااا تغير روتين حياتنا .. وإكتشفت إن انا الغلطانه ... لأنه هو بعد ماكان ياخذ راحته وياي ... وحطيت نفسي بمكانه ,, وفعلااااا حسيت إن صار لي مده وانا نكديه ... وتقريبا أدوور على الهواش ...
والتغيير إلي فيني ماكان واضح بالنسبه لي ’’’ :ss:
بس اول ماعرفت السبب ’’’ بطل العجب ’’ وإعترررررفت بتغييره الحلوو إلي صار ’’’ وشكرته ,,,,
قلت له شكراا حبيبي ... لأنك الحين تعاملني معامله طيبه .. ومخليني آخذ راحتي بالكلام وياك .. وماأخااااف أطلب منك شي ’’ مهما كان ردك ’’ ماعاد يصير جاااف مثل اووول ... :o
عطيته هديه ... ايييييي وكتبت عليها ... ((( شكرا حبيبي ))) ....
صدقوني ياخواتي الزوج لازم يلقى شكر من زوجته عشان يستمر بالمعامله الطيبه ,, والي ترضيها ....
بس لو كان تماااام وياها ’’ ومالقى من يقول له مشكووور ياحبيبي على هالمعامله الحلوه ... صدقوني حتى لو مايبي يتغيييير .. بيتغيييير وبيصير جااااف غصب عنه ....
هالسالفه فادتني ... وحبيت أفيدكم ... الحيييين الحيييين وقبل بكره .. لو زوجج قاعد ’’ وهو طيب ويعاملج بما يرضي الله ....
قولي له ... ((( شكراااا حبيبييي ))) ......
اتمنى التوفيق لي ولكم جميعاااا ....
ماشالله ولا قوة إلا بالله ....