أريد أتطلق كيف والعيال؟

حبيبتي فيه موقع راح يساعدك ولو انو الافضل تروحي لمستشارة في الحياة الزوجية

"مركز ومملكة بلقيس للاستشارات والتأهيل الاسري" وهذا موقعه

مركز مملكة بلقيس للإستشارات والتأهيل الأسري


والله يعينك ويعين عيالك

الله يفرج همك

نشمية بنت سونيته;9179686:
أولا إستغفري ربج ترا الطلاق مب سهل والله والله مب سهل ما يغريج الراحة اللي تشوفينها فيه ترا والله الشيطان يزين لج إياه إستغفري ربج وحاولي تيلسين مع ريلج وتعالجين مشاكلكم وحتى تدخلين أحد مو من أهله ولا من أهلج و تخلينه يساعدج في حل القضية

شوفي أختي أنا مطلقة فعليا من ثلاث شهور بس نفسيا وعاطفيا من ثلاث سنوات يبت ولدي الأخير وهجرني لين طلقني
وشوفي صحيح إنه الحضانة عندي بس هم أختي تخيلي كل يوم أشوفهم جدامي أذكر معاناتي معاه وفي نفس الوقت أشوفهم أيتام يعني أبوهم تخلا عنهم بسبب تافه باعهم وإشترى راحته مب حرام أقول كيف بيتربون ها الأطفال الملائكة وأنا بروحي كيف بيراهقون وكيف بتصرف معاهم من بيساعدني فيهم والكل الكل تخلى عني هههه صدقيني الهم اللي بعد الطلاق أكثر بمليون مرة من هم الزوجية

أوكي وحتى لو خذاهم أبوهم هل بترتاح الأم لا لا لا أبدا والله كم وكم شفت حريم في المحكمة يصيحون يبون يشوفون عيالهم بس شوف نظرة ولو تحملت باجر بتكبر وبتكون بروحها ها بإعتقادج يحنون عليها لا صعب لأنهم ما حسوا بحنانها فبتكون معاناتها في شبابها وفي هرمها يعني طول حياتها

تعوذي من أبليس وبطلي البقرة إفتحي المعوذات في بيتج تصدقي بنية إصلاح العلاقة الي بينكم بعدي غيري في جو البيت
إذا ريلج يصلي وما يشرب ولا يضربج ضرب قاسي خليج في بيتج ترا والله بتبكين قهر طول طول عمرج

جزاكي الله كل خير على كلامك و جعله في ميزان حسناتك

دلوعةحناني;9181962:
حبيبتي الغاليه
بدل ما تفكري بالطلاق الي كله شر لك ولعيالك
فكري كيف تحلي مشاكلك مع زوجك وحاولي تطرحي نوعية المشاكل هنا بهالقسم
يمكن يكون لها حل غائب عن ذهنك ونساعدك فيهاا .
ولا للتسرع في مسألة الطلاق لان الضحيه الاولى والاخيره العيال الي مالهم اى ذنب.
تحياتي

اختي الغاليه ..

ان اردت رأيي ... بالنسبه اعتقد ان نصف الي يكتبون مشكلتهم ويطلبون الطلاق هم غير جادين فيه ابدا وكل ما كتبوه هو في لحظه غضب , واعتقد انهم يراجعون نفسهم الف مره خصوصا بعد كتابه الموضوع ,,, واجدهم يبحثون عن الحلول ويجدونها بإنفسهم .. ايضا ...

لهذا اقول لكي اختي نفس كلام اختي دلوعه حناني .. بدل ما تطلبين الطلاق وتشتتين العيال .. ومستحيل تلقين وحده هنا تطلقت وما عانت .. في ناس هنا من تطلقو .. يطلبون الدعاء ان الله يرزقهم بزوج ثاني.. يعني اختي الوضع ما يخلى المره مردها لبيت زوج.. ماتقدر تعيش وحيده.. والمرأه الغيره متزوجه غير عن المطلقه ... لان فرص المطلقه وخصوصا بعيال شبه مستحيله .. يا تتزوج بارمل او مطلق ايضا باولاد او شيبه تشتغل له ممرضه الا من رحم ربي..

يعني يا اختي نحن في انتظار مشكلتك الاساسيه وليس الطلاق ..

تحياتي

ام جنى

احتسبي الاجر في الصبر على زوجج و عشان خاطر عيالج

البنات ماقصروا كفوا ووفوا الله يهدي النفوس

الله يفرج همك