حضانه في بيتي
س
09-04-2009 | 10:38 AM
مرحبا كيفكم خواتي بنات عروس ابي مشورتكم وارجوكم لاتقرو وتطلعو بدون رد انا متزوجه من 6 سنين وعندي 2 اولاد واحد 5 سنين والثاني سنتين المهم من تزوجت ابي اتوظف ومالقيت وظيفه وقررت اني اوظف نفسي ببيتي اني افتح في بيتي حضانه وبما ان شقتي صغيره 3 غرف وحمام غرفتين بستخدمها للاطفال وغرفتي اقفلها ومررررررره متحمسه بس خايفه من شي اذا اختلفو على الالعاب ولاضربو بعض ايش اسوي لو بقسى عليهم بيخافو مني وبيبكو واذا خليتهم بيتعورو واولادي مرررره رقيقين وحساسين اخاف انهم يغارو لما يجوني ااطفال اعتني فيهم وحبيت اسال كم استاهل اخذ بالشهر راتب فيه ناس قالو ماترضي باقل من 500 انتو ايش رايكم انتظر ردودكم
ا
09-04-2009 | 12:05 PM
هلا حبيبتي بالنسبة للاجر ما اقدر افيدك
بس بالنسبة اذا اختلفوا على لعبة لازم تعطينه للطفل اللي كانت بايده اول شي و تطلبين من الطفل الثاني انه ياخذ لعبه ثانية و بس تفرغ اللعبة الاولى ياخذها
انا شفتهم بحضانة ولدي جذي يسوون بهالموقف
بالتوفيق
بس بالنسبة اذا اختلفوا على لعبة لازم تعطينه للطفل اللي كانت بايده اول شي و تطلبين من الطفل الثاني انه ياخذ لعبه ثانية و بس تفرغ اللعبة الاولى ياخذها
انا شفتهم بحضانة ولدي جذي يسوون بهالموقف
بالتوفيق
ا
09-04-2009 | 05:49 PM
اختي انتي من صجج بتسوين شقتج حضانة!!؟؟ يعني قصدج اتكونين بيبي ستر و لا حضانة صجية تعليم و غيرة ؟؟ اذا فيها تعليم احسها مب لعبه يبي لها ادارة و ميزانية و الاهم مكاااان !! يعني مب شقتج
أ
10-04-2009 | 12:57 AM
مادري شنو اقولج
بس تعب احنا عيالنا ويالله هدور عيال ناس بروحج ماتقدرين
ويبيلج مزانيه العاب و اكل لليهال
بس تعب احنا عيالنا ويالله هدور عيال ناس بروحج ماتقدرين
ويبيلج مزانيه العاب و اكل لليهال
س
10-04-2009 | 12:18 PM
حطمتوني بدل التشجييع احس انا قايمه دايم مع عيالي قلت استفيد وامسك عيال المدرسات واخذ راتب وانا لاحظت عيالي لما يكون عندنا اطفال بس يلعبون ومحد يقرب مني ويفرحون لما يجون عيال عمتهم واخليهم من العصر الين 10 بالليل اختبر تحملي والمشاكل اللي بواجها والحمد لله احس مرتاحه للشغله بس المشكله معرف احد يعرف مدرسات
n
10-04-2009 | 12:24 PM
الله يصلحلك الحال حببتى
و
10-04-2009 | 02:30 PM
حبيبتب أظنك تقصدين تكونين جليسة أطفال مو يعني حضانة لأن لو حضانة يبالك اكثر من حد يساعدج ما تقدرين بروحك و تبغين بعد ممرضة حق الأطفال و ميزانية للألعاب و الأكل و ادارة و أماكن منفصلة للأطفال الرضع بمكان و الأكبر بمكان واللعب مكان غير عن مكان النوم و الشقة ما تكفيكي عزيزتي. اما اذا حبيتي تكونين جليسة اطفال تقدرين تحددين عدد الأطفال ما يتجاوز الخمسة و او الستة و يكونون كبار شوي يعني فوق السنة لأن الأصغر الرضع ما تقدرين توفقين بينهم و بين الكبار بس حبيبتي انصحج تبتعدين عن عوار الراس اذا مرض واحد و هذا شي اكيد راح يعدي المجموعة كلها و ما راح تفتكين من لسان اهاليهم