متخرجة ثانوية عامة حياش ويانا ( للبحرينيات )

fate88;9311270:
مشكورة خيو والله يعطيش العافية على الرد

على الاقل ادخل تدريب في اي مكان يمكن يوظفونا واذا ما وظفونا ماعليه ناخذ خبرة نستفيد منها :)

وان شاء الله يوظفونش يمكن يكون نقص عندهم ويثبتونش ماتدرين رزقش وين (f)

بيني و بينش خيوو البنية الا تدرب في السكرتاية مرة كانوا يسولفون وياهة قدامي

و عرفت منهم انهم بياخذونها وياهم

و سمعت بعد في القسم الثاني انهم يبون كاتبات

بس ما قالوا ليي انهم يبوني:(

يمكن لاني اغيب واجد

من التعب ما اقدر اداوم على طول

و هذا اخر اسبوع و قمت بس ما اروح

ان شاء الله احصل في مكان غير

و الله يوفقش خيووتي و تشتغلين بعد(f)

Love M;9315503:
بيني و بينش خيوو البنية الا تدرب في السكرتاية مرة كانوا يسولفون وياهة قدامي

و عرفت منهم انهم بياخذونها وياهم

و سمعت بعد في القسم الثاني انهم يبون كاتبات

بس ما قالوا ليي انهم يبوني:(

يمكن لاني اغيب واجد

من التعب ما اقدر اداوم على طول

و هذا اخر اسبوع و قمت بس ما اروح

ان شاء الله احصل في مكان غير

و الله يوفقش خيووتي و تشتغلين بعد(f)

الله يساعدش ان شاء الله وتولدين بالسلامة يارب :D

وبعدين ان شاء الله تحصلين ليش احسن شغلة ... بالتوفيق

فكرت اروح اقدم اوراقي حق تدريب في البلدية ماعندهم شغل واجد

بس قلت بروح في الصيفي لان المواد بتكون اقل باخذ مادتين بس وان شاء الله يوظفوني بعد التدريب يارب

خيتووو نادوها كان العااام شهر سبعة او ثمانية
وللحين تنتظر اتصالهم عشان تثبيت والشغل

fate88;9322532:
الله يساعدش ان شاء الله وتولدين بالسلامة يارب :D

وبعدين ان شاء الله تحصلين ليش احسن شغلة ... بالتوفيق

فكرت اروح اقدم اوراقي حق تدريب في البلدية ماعندهم شغل واجد

بس قلت بروح في الصيفي لان المواد بتكون اقل باخذ مادتين بس وان شاء الله يوظفوني بعد التدريب يارب

بالتوفيق ان شاء الله خيووووووووتي(f)

جربي قدمي في عدة أماكن عشان اذا ما حصلتين فرصة في مكان تقدرين تدربين في مكان ثاني

سمعت بنات يقولون بعد ان البنوك يثبتون بس ما ادري ما جربت

جربي قدمي في عدة بنوك

و ان شااااااااااء الله يا رب تحصلين الوظيفة الا تتمنينها

جربي هالمنتدى بعد يحطون اعلانات وظايف و استفسارات

ان شاء الله تستفيدين منه بعد:D

http://umm.biz/index.php?showforum=41

http://umm.biz/index.php?showforum=66

اي دايما ادخل عليه

ان شاء الله الله يوفقنا تعبنا من كثر مانحاتي الشغل

ماشاء الله عليكم خوواتي شكلكم عندكم خبرة انه ابي اشتغل جيذي يعني تدريب اخذ خبرة بس وخبركم مااعرف وووين اودي اوراقي

بدرة البدوور;9388571:
ماشاء الله عليكم خوواتي شكلكم عندكم خبرة انه ابي اشتغل جيذي يعني تدريب اخذ خبرة بس وخبركم مااعرف وووين اودي اوراقي

قدمي في بنوك

بس روحي شخصيا

احسن من الايميلات(y)

حلم العذارى;9410447:

ما شاء الله ..,

موضوع مخصوص لنا

وأخيراً أحد حس لحالتنا

أنا خريجة ثانوية ( أدبي ) , متخرجة من 3 سنين

تخرجت وعمري 17 سنة , و أشتغلت على طول هههههههههه

لأن كنت مستعجلة على تجربة الحياة

وفعلاً مو ندمانة على الشغل

أشتغل 2 سنتين , في مكتب وساطة تجارية "سكرتيرة "

و أشتغل 1 سنة أيضاً سكرتيرة في مكتب عقاري !..

و أشتغل أسبوعين ( رسبشن ) في شركة مواد بناء

عندي دورات في اللغة الإنكليزية

/
\

فرحانة لأني أكتسبت خبرة شغل .. بس محتاجة جداً الشهادة لأن مالنا غنى عنها أبداً

قررت إني أدرس ( موارد بشرية ) تخصص مطلوب جداً في السوق

أمممم وبعد التخرج أفكر أيضاً أخذ دروة ICDL "ليسن قيادة الكومبيوتر"

وبجذي بكون كونت نفسي من كل النواحي , لغتي , شهادتي , والكومبيوتر!

/
\

بس حالياً عاطلة عن العمل

ومتحاجة الوظيفة وايد

كل الوظايف هي لأصحاب الشهادات ..,

أو سيلز & كيشر .. وأنا ما أؤيد أبداً إني أشتغل هاللون ما أحب هالوظايف

/
\

يا رب .. يعطينا و يعطيكم الوظيفة

•

•

•

موفقة ان شاء الله

اني تخرجت سنة 2006

قعدت كورس واحد في البيت محتارة اي جامعة ادخل بعد الاحباط من جامعة البحرين

من بدايتها عطوني تخصص تطبيقي ومارضيت اروح

اشتغلت سكرتيرة 4 اشهر على مااعتقد بدون تامين وماعطوني شهادة خبرة والراتب 120

فنشت ماتحملت الوضع دخلت الجامعة الكورس الثاني والحمد لله صار لي 2.5 في الجامعة

باقي لي 1.5 واتخرج وافتك

ادور لي شغل يناسبني مثل ماقلتي مافي الا كيشر وسيلز واني مايناسبني

ولا احب الشغل في مجمعات حلمي اشتغل في وزارة او شغله عدله في شركه زينه

الحمد لله على كل حال الواحد مايدري وين رزقة ان شاء الله اتخرج واشتغل بشهادتي

يااختي لو عندنا واسطة جان اشتغلنا من زمان بس واسطتنا رب العالمين

اكو احنا خريجين بكالوريوس وقاعدين في البيت

للعلم تقريبا كملت سنة من تخرجت وقاعدة ماحصلت وظيفة للحين

يعني لا تقولون الاشغال والوظايف كلها حق اله عندهم شهادات !

لان من الواقع الا اشوفه ان اله عندهم ثانوية يحصلون وظايف أسرع منا


صح هذه أرزاق بس هذا حالنا في هالديرة !!


الله كريم وبي يوووفق للجميع بدون استثناااء !

:)

نفس حالج اختي حنين الروووح انه الحين باخلص السنتين وبادش في الثالثة وللحين لا حس ولا خبر الله المستعان بس وعندي بكالوريوووس

بسالكم الحين في دورات للدراسة من صوب وزارة العمل حق اللي يستلمون بدل التعطل لو وقفوهم ..


اني مو مسجلة في الوزارة بس اسال اذا في دورات للدراسة بروح اسجل بدل قعدتي بين اربع جدران

بدرة البدوور;9438359:
نفس حالج اختي حنين الروووح انه الحين باخلص السنتين وبادش في الثالثة وللحين لا حس ولا خبر الله المستعان بس وعندي بكالوريوووس

صدق مأساة الله يعينش اختي

:(

مُسك!!;9438367:
بسالكم الحين في دورات للدراسة من صوب وزارة العمل حق اللي يستلمون بدل التعطل لو وقفوهم ..


اني مو مسجلة في الوزارة بس اسال اذا في دورات للدراسة بروح اسجل بدل قعدتي بين اربع جدران

انا نفس الشي أسأل

هالمرة لازم بروح أراجع الوزارة ولين رحت بسألهم عن الدورات ويارب نحصل ونسجل بدل القعدة جدي


على الاقل نكتسب خبرة

مُسك!!;9438367:
بسالكم الحين في دورات للدراسة من صوب وزارة العمل حق اللي يستلمون بدل التعطل لو وقفوهم ..


اني مو مسجلة في الوزارة بس اسال اذا في دورات للدراسة بروح اسجل بدل قعدتي بين اربع جدران

اي والله ياريت احد يقدر يفيدنا اذا في دورات في وزارة العمل الي اشوف او تسمع لا تبخل علينا بالخبر ويش الدورات راح ينزلونها

مُسك!!;9438367:
بسالكم الحين في دورات للدراسة من صوب وزارة العمل حق اللي يستلمون بدل التعطل لو وقفوهم ..


اني مو مسجلة في الوزارة بس اسال اذا في دورات للدراسة بروح اسجل بدل قعدتي بين اربع جدران

للأسف مافي ولادورة

اتصلت فيهم قبل كم يوم سالتهم متى بنزلون دورات قالو ماندري حاليا مافي ولادورة

مافي الا مال معهد بيسان اللي مامنه فايدة حق اللي طالعين من المدارس

ملينا الصراحة بدون شغل

لاشغله ولا مشغله عطاليه بطاليه

يوم كنت صغيرة دايما احلم اني اشتغل

ماتخيلت يوم اني بيطلقون عليي مصطلح البطاله

صدق البطالة كابوس.. هذا واني ادرس في الجامعة واني اعاني من هذا الشي

اشوف البنات اللي وياي كلهم يشتغلون يصير خاطري اشتغل

ترى الشغل حظ وتأكدت من هذا الشي اني اني مع صديقتي مقدمين في الرفاع فيوز

صديقتي متخرجة من تجاري ومعدلها طايح في الارض وراسبة سنه كانت في الثانوي

وفي الجامعة توها داخله ثاني كورس لها وعندها كم مادة راسبه فيهم واني ماامدح روحي

متخرجة من علمي ومعدلي عالي الحمد لله وباقي لي سنه ونصف واتخرج من الجامعة ومعدلي في الجامعة

عالي والحمد لله قبلوها هي واني مااتصلو فيني !!!

الحين هي تشتغل براتب 300 دينار لمدة 3 شهور بعدين 350 دينار قبلوها بدون واسطة ولا شي

اني مااحسدها بالعكس مستانسه لها بس حبيت اوضح لكم ان الشغل حظ (قسمة ونصيب)

لها رزق في هذه الشغله واخذته

اي والله الاشغال كلها حظوظ .. اعرف بنات يحصلون اشغال بس القهر اهم يرفضونهم على كله الراتب ما يعجبهم مع انه اسمعهم يقولون الراتب اللي يقولون عنه واجد تمام والحمدلله يعني كله من 220 فما فوق

واني اروح مقابلات ووش كثرها واحس بالامل بس يمر اسبوع وبعدها افقد الامل عدل

وآخر مقابلة رحتها قالي على اسبوع بس برتب ويه المسؤول وبيتصل فيني لما مر اسبوع وما اتصل اني اتصلت فيه وقلت له اني مسك اللي من اسبوع جيت مقابلة الا يسوي اي اي بس اختي انتين ما عندش خبره قلت له الرسبشن يحتاج خبرة بعد؟؟ كل الشغله برد على تلفونات بس وقعد يهر وماادري شيقول سيدة قلت مشكور ومع السلامة وسكرته قهرني حده صراحة

وواحد من الاهل يشتغل بنفس المكان الا بعد اسبوع قال لي تدرين انه وظف وحدة توها متخرجة من المدرسة ومااشتغلت من قبل بس اللي فيها انها مو متحجبة

شفتون شلون لاي درجة وصلوا بعض مسؤولين التوظيف؟؟


يالله الحمدلله على كل حال

نكون واقعين يا جماعة ..,

الأشغال لا هي على الخبرة , و لا هي على الشهادة

على فيتامين " و "

ياما جامعيين مساكين كاهم يراكضون ورا رزقهم ومب لاقين

و كا رعاة الخبرة , مثل حالتي أيضاً مب لاقين شي

وناس ما عندها ولا شي .. بس عندها " و " تتوظف بسهولة وبسرعة

الأرزاق بيد الله .. و أحنا واسطتنا بهالدنيا ربنا

و الله ما يضيع أحد

ما شاء الله حكومتنا الكريمة مب مقصرة

وظايف هالديرة .. للأجانب

والقطاع الخاص , يا بيوظف لكم على الواسطة .. أو حسن المظهر

وعاد تعالي راكضي ورا رزقج ..,

يالله

الله كريم إن شاء الله

يا بنات أنا رحت اليوم الوزارة وسالتهم عن الدورات وقالوا لي كلش مافي ولا دورة حاليا



المهم حصلت شغلة سكرتيرة في مجلة وداومت من اليوم الراتب تقريبا 140 دينار تقريبا 5 ساعات يسوى اواصل او لا؟


خصوصا ان الشغلة فيها نفس الدعاية والماركتنق حق المجلة عن طريق التلفون ومحتاجين شوي انجليزي بس انا انجليزيتي تفشل قلت يمكن اتعود بس متفشلة الصراحة وقالوا ليي ترى في دورات يعطونا ايااهاا بس استحيت اقول ليهم امبي اسجل في الدورة بما اني اول يووم


ويش رايكم يسوى اروح اواصل ؟؟؟؟




للعلم عندي شهادة بكالوريوس بس قلت حاليا مايهمني الراتب في ظل ظروفنا الصعبة في هالبلد


ويش رايكم يا بنات ؟؟؟

وشنو اسوي بخصوص الانجليزي ؟ معورة رراسي السالفة عدل
:(

اهلين حنين الروح عندج بكالوريوس في اي تخصص؟

انا اقولج اتوكلي على الله اشتغلي و لين ما عجباج طلعي ام بالنسبه للغة اذا كانت ضعيفة بيتتعلمين مع الوقت لا تقولين ما اعرف قولي بتعلم:D و عن الدورات روحي الدورة و انتي مغمضه اذا تبين على حسابج عندج المعهد الأمريكي الحديث و معاهد وايد بس لازم اتاكد لج