تجمع الحوامل اللواتي يلدن بشهر تموز (يوليو 7) الجزء الثاني ..

sha3oola;9325979:
يااااعمري عليك لاتشيلين هم ...
تساهيييل انشالله
واهم اثنين معاك ربنا وزوجك (y)

شعوله معك حق استغفر الله واتوب اليه

الله يهون عليك ياريم
الله معاك
لا يضيق صدرك
وانا بين اهلي كني في غربه
لما ولدت بنتي البكر كنت لحالي ماعندي احد الا ربي ثم زوجي الله خليه لي
وعادي كل شي تمام
توكيلي على الله

بنات انا تعبانه كثير ما اعرف هل انا متحسسة من هالحمل ولا شو بالضبط يا بنات انا وزوجي مو متعودين نخفي على بعض شي بس احسه مرة متغير ما اعرف من شو يعني احسه كان في فترة الخطوبة يحبني كثير الحين مو كثير غير كذا يا بنات انا اشتغل واللي تشتغل وتكون حامل بتحس فيني كثير وارجع اطبخ وارتب البيت وإذا في غسيل اغسل واتروش واتعطر مع ان نفسيتي بتكون سيئة جدا اخر شي يجي زوجي يقول ما اشتهي اكل وإذا اكل ياكل معلقتين ويوم اقوله ليش مااكلت يقول انتي مو مهتمة ببيتك شوفي اختك كيف تهتم وعندها ولدين مع ان اختي لا تشتغل ولا شي وكل وقتها في البيت وقلتله هالكلام بس يقول والله انا ما غصبتك على الشغل وبعدين جددي في الطبخات والله يا بنات كل يوم اطبخ له اشكال والوان والله تعبت تعبت يا بنات امس فوق ما انا نفسيتي تعبانة من الحمل ابكي لين ما نمت احس روحي مضغوطة وبنفجر اااااااااااااه يارب .

العولمه حبيبتي,,,,,,,,,

حااولي ماتقصرييييين على زوجك انا ما الومك حمل ودوام وشغل بيت


بس اذا زوجك من النوع الي مايقدر فهميه وووضعك

وووحاووولي تسوين له الي يريحه

ودوري حل بس لا تضايقين ولا تزعلين فيه رجال كثير كذااا


وشغل البيت مثلا<<<<<<<<<خلي بيت ابوك يرسلون لك شغالتهم ساعه او سااعتين تنظف لك البيت وتجههز لك اغراض الطبخه وتخلص كل شي بعدين ترووح قبل ما يجي زوجك او دوووري اي حل ثاني على حسب ظروفك

اختي تاتويه والله انا مو مقصرة وانا عمدا ما جبت شغالة عشان ما يقول والله انتي تتركين الشغل كله للخدامة انا من طبعي احب اعمل كل شي بايدي عشان اثبتله اني قادرة اعمل اي شي بدون مساعدة وما اريد اعتمد على حد ابدا اختي والله اني اطبخ واغسل واشتغل بس ما اعرف شو اللي يريده بالضبط ما اعرف والله الكتمة محشورة بصدري خليها على الله

الله يساعدك ويسهل عليك ياعسل ويبطل زوجك يسوي هالحركاااااااااااااااااات يااااااارب

توووووووقيعي غلط انا لسى بالشهر الساااااابع


يمااااااااااااااااااااااااااااااااااااااااميييي خفت لما شفته

لا اختي توقعيك صح بس تخلصين الاسبوع 31 تدخلين بالثامن والله يسهل عليكي يا قمر ومشكورة حبي على الدعاء ويسهل على البنات

تصدقين اختي يمكن لان ما حس في فترة حملي في اول الشهور لان كان حملي في اول الشور مريح وما حس اني حامل ابدا بس التعب بدأ في الشهر السابع

العولمه انتي من وين؟


وكيفك مع التجهيييييز خلصتي شي ايش بقى لك؟

انا ان شاء الله هالشهر بسووووووووي كل شي والله يعيني


نااااقصني اشياء كثيررررررررررررررررررره ولما اروح السووووووووق ما القى الي ابيه

اختي انا من الامارات وبالتحديد بالعين وايوه انا خلصت تجهيز تقريبا باقي الاشياء البسيطة وان شاء الله اول ما ادخل الثامن بخلصهم مثل الشامبو والبودر ومفارش السرير وانتي اختي

انا زيك وباااقي اغررراااضي ومفرش سريري والباسكيت حقت البيبي والشوكوووو

حصلتي بجايم الرضاااعه؟؟

ايوة اختي اخذت 6 بجايم من مول دبي حلوة للرضاعة

من اي محل تتوقعي مووجود عندنا بالسعودية؟؟

يسعد يومكم حبيباتي شخباركم؟؟

هلااااااااااااا شوووق كيفك اليوم وكيف البيبي والبنوته الحلوة؟

والله يا اختي ما اعرف شي بالسعودية اكيد اختي شوق تعرف وان شاء الله تلاقي منهم في اقرب وقتهلا اختي شوق احنا بخير انتي شو اخبارك وكيف البيبي

حبيبتي العولمه ..

أنا بقول لك شغله طبقيها وان شاءالله بإذن الله ربي بيفرج همك..

أول شي انا بسألك اذا كان وضعك كذا وهذا للحين البيبي ماوصل كيف بيكون رد فعل زوجك لما البيبي يوصل وتطلعين للدوام وتتركين البيبي والبيت؟؟ هل العمل ضروري بالنسبه لك؟؟
لو تقدرين تاخذين اجازة طويله بدون راتب ممكن ولا لأ؟؟ لأنها لو ممكن أنا اشوف انها الحل الأفضل..

ثاني شي ياقلبي طبيعي وضع زوجك في بعض الرجال يحس بغيييييييييره وقت حمل زوجته ومايظهرها وغير كذا لما يشوف زوجته مكتئبه هو بدوره يجيه اكتئااااااااب ..

انتي تقدرين تسوين حركة بسييييييييطه تكسبين فيها زوجك وتعرفين ايش اللي بخاطره يوم لاتداومين او بالويك اند وجهزي البيت وجهزي حالك اعملي له ليلة حلوه شموع وحركات بسيطه عشاء خفيف وكيكه حلوه والبسي له قميص نوم حلووووووو ويفضل لو كان جديد..
لاتقولين مافي شي يقديني لازم فيييييييه أنا استغرب ترا من البنات اللي في فترة حملهم تهمل نفسها وتضل طول يومها بالبجايم وتنسى زوجها ونفسيته ..
اجلسي معاه دلعيه كلميه يإسلوب رايق وهادي حبيبي أنا أتمنى اكون مثل ماتتمنى ياريت توضح لي اللي مضايقك وكل نقظه ناقشيها معاه حاولي تفهمينه ايش اللي يصير مع الحامل صدقيني بترتاحين وزوجك بيرتاح بيحس انك مهتمه فيه وباغيه رضاه ..

والله يعينا عليهم لأن الرجال كل فترة بنفسيه شكل واحنا اللي لازم نتأقلم مع نفسياتهم ونحاول نرضيهم..

وأهم شي الإهتمام مو بس بلبسك وشكلك لا تنتبهين لنفسيتك بوجوده حتى لو مالك خلق نفسك وانا عارفه هالشعور لازم تبتسمين فيه وجهه تحسسينه انك منعنشه مو كئيييييبه ودايخه ومنتهيه .. أعرف انه صعب شي بس لازم نحاول..

والله يعينك يارب.. ويسهل أمورك ويسخر لك زوجك يارب ويحنن قلبه عليك ..

هلا حوامل


شرفوني بموضوعي اللي في التوقيع



الله يسهل عليكم



^_^