تجمع الحوامل اللواتي يلدن بشهر تموز (يوليو 7) الجزء الثاني ..

مرحبا بنااااااااات ..

ماشاءالله مبروووووووووووووووووك ساراااااا تتربى البنوته بعزكم يارب..

ياعمري نايس والعولمه الله يسهل عليكم وييسر لكم ولادة سريعه وسهله بإذن الله وتبشرونا ..


محبوبي في دوا بالصيدليه للمغص تعطينه البيبي مره باليوم كثييييييييييييييير يريح البيبي وهو اعشاب طبيعيه ماتضره انا الدكتور كتبلي اياه لولدي..

حيورة اسأليني التمر كويس بس تمرتين كثييييييييييييييير .. انا ولدي للحين ماعطيته بس بنتي كنت احط في صحن تمرة وحدة بدون نواه واصب عليها موية مغليه واهرسها بالشوكه بعدين اصفي المويه بالرضعه واعطيها بس لاتكثرووووووون مو كويس تقريبا 30 مل يكفي..

الدانة نورة على طاري الشفاطه ..
أنا كنت اعاااااااااااااااااني منها في بنتي وتركتها ابداااااا ما استخدمتها لكن هالمره لأن ولدي جاه بوصفار وكان مايصحى يرضع كسول ومايمص قالت لي دكتورتي ضرووووووووري تشفطين لاينشف حليبك وقتها خلاص ماعاد ينزل .. وفعلا من طلعت للبيت صرت اشفط له لكن سبحان الله هالمره ابداااااا ماعورتني ولاجرحتني ولاشي يمكن لأن صدري تعود من رضاعة بنتي خخخخخخخخخخخخ ..
والى اليوم ما اخليه يرضع من صدري الا مره باليوم وباقي اليوم اشفطططط له عشان اضمن الحليب ينزل كله واعرف كم شرب وتنظمت رضعاته كل 3 ساعات يرضع تقريبا من 60 الى 90 مل على حسب شهيته وما ادري كم المفروض يشرب الطفل لأن علبة الحليب الصناعي مكتوب المفروض يشرب 120 بس احسه مستحيييييييييييييييييل كثير ..


بنات انا الحمدلله وزني رجع نفس ماكان اول ماحملت بولدي بس عندي مشكككككككله ..
الحلييييييييييييييييييب بدأ يقل بشكل ملحوظ والسبب اني قللت اكلي شوي..

شسوووووووووي عشان يزيد؟؟ ايش اشرب او اكل؟؟
ما ابي اكل كثير ما ابي وزني يطلع .. المشكله لما اكل الصحن كامل ما شاءالله اشفط له الحليب رضعه كامله ولما اكل شي بسيط سلطه وفواكه وما اكل شي بين الوجبات تخيلوا ما اشفط له الا مرتين باليوم وقليييييييل..

هالسلااااام عليكم يا بنات ....

الف مبرووووووووووووووك لسارة والفال لنايس والعولمة .... يالله عاااد شدووو همتكم كثروااا من سوالف (....) عشان تسهل وتسرع ولادتكم خخخخخخخ .....


حبيبتي محبوبي1 وحيوره .... انا بعد ولدي يعاني من المغص واااايد وتعبت ويااااااه واااايد ...ومايجيه الالم الا نص الليل :( عالعموم بالنسية للي سمعته وسألت الدكتور عنه ... وصرح لي اني استعمله ... في شي اسمه الحلوه امي تفوحه ونحط معاه سكر نبات ... وشربه ولدي بالرضعه تقريبا 50 مل وبعد الماي والسكر نبات يسهل ويمشي البطن ... وبعد بالليل اعطيه ماي غريب ملعقة وحده صغيره ( احس انه يريحه واااايد )

التمر انا قالولي عنه واستعملته احط له بالرضعه 50 اشربه اياه طبعا مايشربه كله بس عالأقل يشرب ... وقالوا لي ان التمر يفيد للعافيه عظامة الياهل بس انا لاحظت ان يمشي بطنه ... وعلى قولة الدكتور ان الرسول صلى الله عليه وسلم كان يحنك الاطفال بالتمر ... بس قالي انتبهي تستعملين العسل للياهل لأن في انواع من العسل فيهم جرثومه تسبب للياهل شلل (بعيد الشر عن عيالنا بس حاسبوا يا امهات )


حبيبتي شوق .... بالنسبة للشفاطه ... انا احس ان ارتاح لها اكثر من ان يرضع ولدي مني مباشره لأن ماعرف متى يشبع ولا اعرف اذا حليبي يكفيه من جذي احاول ارضعه على فترات متقطعه مني والباقي اما اعطيه الشفااطه لأن اعرف الكمية الي حاطتها بالرضعه او اعطيه صناعي مع ان ماودي ... بس ساعات احسه مااااايشبع من الحليب الطبيعي ...عشان جذي اضطر اني اعطيه صناعي ... وبالنسبة للكميه اول الأيام الياهل يشرب تقريبا 50 مل مو 120 .... الظاهر الحليب الي تستعملينه مغلطين بالكميه ....

اهلين شوق والدانه نورة
كيف البيبي معاكم
الله يعينا على المغص وامراض الطفل
بس شوق انا اشوف الي يخف عندها الحليب يقولون لها تشرب حلبه
ومغليه بعد ادري السالفه مقرفه بس الله يعينك مافي إلا هي
وتكثرين شرب حليب وترى لازم تنوعين بأكلك ولاتقللين كثير
لانه بيدخل في مكونات حليبك وولدك هو الي بيستفيد
خلي مسأله وزنك على جنب هالفتره عشان ولدك ياخذ مناعه كويسه
ولاتتعبين معاه لاكبر وتلومين نفسك
انا اعرف وحده ماتقدر ترضع عيالها إلا اول شهرين بس بعدين تقطع عنهم
لانها تتعالج من مادري شنو والله
بس والله عيالها يكسرون الخاطر ماشوفهم غير مريضين
مايتحملون شي وبالذات بالشتا تتعب وياهم
والسبب الحليب

لا ياشوق لاتقللين أكلش عشان الحليب ما يقل عن البيبي

اني أول ماودلت ما أحب آكل لانه كنت مضايقه من السيم واااجد

بس الحين الحمدالله واجد صرت أحسن وأكلي قام يعتدل بس وزني قاعد يزييد

مشكورين حبايبي على الوصفات

بنسبه لتمر اول مره اسمع فيه
اما الدواء الصيدليه وحده اعطتني اسم واحد كانت الدكتوره كتبته لبنتها بس انا ما عطي بدون دكتور

اما ماء غريب انتبه يا بنات تره في ماده مخدره ما يصلح يستخدم
انا سمعت انه كاسه منه مثل فنجان وسكي
يقولون خففه بس احنا من زمان سرنا ما نستخدمه

انا عطيته يانسون بس ما نفع
واعطيته شاي اعشاب ميوبا بس مستمريت عليه لانه كان مستخدم و ما اعرف متي انفتحت العلبه راح اشتري علبه غير انشاء الله اليوم وارجع اعطيه

اما سكر العادي او سكر نبات و العسل لا تستخدمونه لانه مضر للاطفال قبل السنه

محبوبي وشدعوه مين قالك انه سكر نبات مو كويس؟ عادي انا استخدمه معع شاي الاعشاب لانه ولدي مايحب يشربه بدون سكر نبات طعمه مو حلو لحاله....
بنات بسألكم تعطون عيالكم فيتامين دي ولا لا؟؟ انا الدكتور عطاني اياه وقالي لازم تعطينه لولدك لانه بالسعوديه الاطفال مايتعرضون للشمس وفيتامين دي مره مهم لهم ولعظامهم

كيفكم بنات ؟؟
ودي أسألكم كم مرة باليوم تحممون أولادكم ؟

انا كمان عطنى فيتامين d علشان الشمس مش موجودة اغلب اوقات السنه عندى لمده سنتين ياخدة الطفل

وفاء الجزائرية;9937247:
كيفكم بنات ؟؟
ودي أسألكم كم مرة باليوم تحممون أولادكم ؟

ايش؟؟؟ :rolleyes::rolleyes:
كم مره باليووم ؟؟؟؟ حرام علييييك !!!! ايش باليوم؟؟ يمكن قصدك بالاسبوع!
انا اروش ولدي مرتين بالاسبوع لانه حرام نعرضهم للمويه والهوا كثييير خاصه انهم مواليد

السلام عليكم يا بنات ...
بالنسبة للسكر نبات ... كلش عادي وانا دكتور ولدي قايل لي اعطيه اياه مع الماي او الاعشاب...

وماي الغريب من زمان الناس يستعملونه وهم نفس الشي سألت الدكتور وقال لي اوكي ...


اما عن السبوح انا اسبحه مره باليوم لأن باليل اسوي له مساج خفيف بزيت الزيتون فاسبحه ثاني يوم ...

سلام
شخباركم نايس والعولمه انشاء الله ولدتو؟؟؟؟؟؟

بالنسبه للفيتامين انا بعد اعطي ولدي
والاشياء الثانيه مااعطيه الا بوصفه
واحممه مره باليوم تقريبا يعني بعض الايام بس ابدل له بس اغلب الايام مره في اليوم احممه خصوصا انا الجو حااااااااااار

اناا بعد حممته لحد الان مرتين..
اخااف عليه يمرض.. فبحممه مرتين بالاسبوع وباقي الايام امسح جسمه بفوطه مبلله شوي..

حيورة اني أسبح حسوني كل يوم

لاتخافيين الحين صيف مو برد عشان يمرض

حبي الغالي
بسألك شنو اعراض الطلق
الم اسفل الظهر والبطن والمنطقه الحساسه
واسهال وانتي بكرامه واحساس بالاستفراغ
وهالالم كله مومستمر لا متقطع اليوم كله شنو يعني

بنسبه للسكر انا سمعت دكتور اطفال في التلفزيون يقول ما يصلح نعطي الاطفال سكر او شي محلي لان الجهاز الهضمي غير مكتمل النمو و البنكرياس لم يستعد لفراز الانسولين مما يسبب السكر عسر هضم لهم

اما ماء غريب سمعت انه يوجد به ماده مخدره لذالك هو يسكن الالم للاطفال اقاربي كلهم من زمان ترك استخدامه واخذ فتره منع من السوق وصار غير موجود والله اعلم

اليوم اشتريت شاي اعشاب مركت الصحه ذقته هو محلي وطعمه كويس ممكن تستخدمينه بدون اضافة سكر
كم مره في اليوم تعطون البيبي شاي اعشاب ؟؟

اما الاستحمام انا احممه مرتين في الاسبوع حمام كامل ومره في اليوم عند تغير الاحفاض وباقي استخدم المناديل المبلله
انا ولدي اقل من 3 كيلو عشان كذا اخاف عليه من البرد لان نسبة الدهون قليله مما يجعله اكثر تعرض للبرد
هو كذا ومع المكيف بس يعطس

نايس صدقيني لما تجيك الولده راح تعرفي لنها مختلفه عن طلق الاستقبال

نايس انا اعراض الولاده
جاتني آلام في الظهر اول وبعدين انتشر في البطن والظهر
واخر شي صابني اسهال وانتي بكرامة
كان يجيني كل ربع ساعه وكان مثل الدوره وبعدين اشتد الألم
بس هذا كله ماصار لي بيوم واحد

مرحباااااا بنات شخباركم انتوا وعيالكم؟؟

شعووووووووووووووله لك وحشششششششششششه..

بناااااااات لاتخربطون بعيالكم كثير حرام ..
بالنسبه لسكر النبات عادي قطعه مرررررره صغيره مع الموية ماتضر بس يفضل الطبيعي امي تشتريه مثل الحجر وتكسره صغار اللي يكون مستطيلات صغار هذا مو كويس ترا مصنع خذوا من العطار احسن الطبيعي..

بالنسبه للمغص يابنات والله العظييييييييييييم وعن تجربه امس اول مره ولدي ينام مرتااااااااح من المغص جربت عطيته الدوا الغاص بالمغص اللي كتبة الدكتور وهو عبارة عن زيوت عطريه طبيعيه قريت كلللللل شي فيه ياقلبي عليه مرررررررره ارتاح طلع كل الغازات اسمه ايفا كول مررررره روعه تقدرون تسألون الصيدلي وهو مسموح نص ملعقه 3 مرات باليوم كل 8 ساعات يعني بس انا اعطيه لما احسه ممغوص بزياده ..

وعن اكلي الله يعين ياااااااااااااااارب ماودي ارجع لزوجي وانا زايده يكفي قرف البطن المتشووووووه..

وعن فيتامين د .. انا كتبه لي الدكتور بس صراحة ماعطيت ولدي ولا ابي اعطيه الحين لأن دكتور بنتي كتبه لها لما كملت سنه وقالي مايفضل ياخذ الطفل اي نوع فيتامين قبل سنه وكلامه صحيح ترا كثرة الفيتامينات تخرب اسنانهم وتطلع عليها لون لما تطلع انتبهوا وبعدين فيتامين د متوفر بحليب الأم ..

انا بعطيه لما يكبر مثل اخته وانا اصلا احطه الصباح جنب الشباك اسكر المكيف وافصخة واعرضه للشمس 10 دقايق تكفيييييييييييييييييه ..

بنااااااااااات انا بعد هالولادة طلع لي جوانب وععععععععععع على الجنبين بخصري اوووول مره يطلع لي شي كذا بجسمي مقرررررررف شسوووووووووووووي ؟؟ والله كل يوم اصيح من الكئاااااااااااااااااااابه وقلت لدكتورتي ببتدي امشي وهزأتني قالت لي ماتسوين شي قبل ماتخلصين شهرين حتى المشي ممكن يضر لما تخلصين شهر ونص امشي نص ساعه بس ..

نايس على طاري الحلبة كلت منها مرتين بسسسسس وععععععععععععععععععععع وحرمت اشم ريحتي خياس ما اتحمل ابببببببببببببببببد وعععععع..
وقالوا لي الماش نفس مفعولها وماله ريحه بس انا خلاص بردت ماعاد ابي اخذ شي..

اللهم اني بديت استخدم رشاد بالعشرين يوم الأخيرات من النفاس الهمه طبعا لأن ينظف الرحم ويقوي الظهر.. بس لحد ياخذه بالعشرين يوم الأولى لأنه ممكن يزيد النزيف عليك تاخذونه بالعشرين الأخيرات..

كيفكم امهاااااااااااات
نايس ياعمري الم الطلق سبحان الله تعرفينه على طوول انا بدا معاي الالم في بطني ومابدا الم ظهري الا قبل الولادة بساعتين بسسسسس
الله يسهل عليك وتبشريناقريب انتي والعولمه بولادتكم يااارب
امهات بسالكم انا بنووتي ماتحب ترضع من صدري واليوم مرررررررة متحجر ويالمني بسالكم وش افضل نوعية شفاط الحليب بشتري خلاص استسلمت

الله يسهل عليك يانايس
ومثل ماقالو لك الم الطلق اذا جاك بتعرفيه لانك ماراح تقدري تتحمليه
والله يعينش

نايس انا ماجربت شفاطه
بس انا مثلك في البدايه ولدي ماكان يحب يرضع من صدري ويرضع من المرضعه عادي بس قلت اذا عطيته من المرضعه على طول ماراح يتعود على صدري وظليت احاول معاه اعطيه شوي من المرضعه واشيلها واعطيه من صدري واستمريت بالمحاولات لين تعود
صراحه الرضاعه الطبيعيه وايد متعبه ويتعب الطفل لين يتعود عليها
الله يعين
وبماانا انتي صدرش متحجر اكيد ماراح يعرف يرضع البيبي فاشفطيه وبعدين حاولي ترضعيه من صدرك علشان يتعود