تجمع الحوامل اللواتي يلدن بشهر تشرين الاول ( اكتوبر10) 2009 الجزء الثاني ..

هلا شخباركم ..؟؟ ان شاء الله الكل بخير :o

عن نفسي انا تمام بس مادري اليوم ماحسيت بحركة الجنين غير العاده

وحاسه ان معاي انتفاخ وغثيان بسيط .. ربي يستر العاده احس بحركته

اليوم الجو هدوء

اكبر قلب صحيح احيانا يكون النسيان ...

اوه اجل لازم استخدمه قبل يطلع لي تشققات لان

بدأ بطني يظهر غير قبل

نورالسعودية;9380847:
ايه الالتهابات تسبب ولاده مبكره وقد تخسرين الجنين لانه في دي الحاله مااكتمل نموه يعني اسقاط بس يعبرون عنه بالولاده المبكره لانه مايحصل في بداية الحمل لا في الشهور الوسطى وماقبل الاخيره
انا مشكلتي يااميره اني حملت عليها وانا مدري لين وصلت لنهاية الثاني وجاني الالام زي الطلوق في البطن والظهر
عطوني مضاد مانفع
وعطوني تحاميل هم مانفع
ومراجعتي الاربعا ء

قالي الدكتور لو ماتطيبين ممكن راح تخسرين الجنين
بس انا الحمدلله مومنه ان في رب كريم مايقصر

سلامتك ياقلبي ماتشوفين شر وربي يشفيك ان شاء الله

انتبهي لنفسك وربي كريم ان شاء ربي يتمم لك حملك

يعني الان انتي تستخدمين تحاميل ومانفعت

انا مره قريت موضوع هنا في المنتدىعن وحده حامل وكانت تعاني من الالتهابات

وكتبت اسم ادواء اللي استخدمته مع الكريم

وتقول انه هو الوحيد اللي نفعها لان الالتهاب كان مجننها

بس مو متذكره اسم الموضوع

بس دعواتي معك وربي يشفيك ان شاء الله

ربي يتمم عليك وعلينا وعلى كل الخوات

بنااااااااااااااااااااات مدري ايش اسوي صااااااااااااااايبني ارق فضيع المشله على طول يصير معي هبوط بالضغط مدري ايش اسوي

صباح الخير

أم البنين حتى انا معاي ارق واذا نمت كله اتقلب كثير واحس اني صاحيه

يعني نومتي مو متواصله

واحس ان جسمي مرهق من هالشي :confused:

نورالسعودية;9379353:
ههههههههه
انت مافهمتيني اقصد انا مااستعمل الا زبدة الكاكاو:D
انا زيت الزيتون مستحيييييييييييييل اخلي زوجي يشم زي دي الروايح فيني


دلوعته
زبدة الكاكاو ريحته عطر موب كاكاو:)

انا الي استخدمه بالمرز ريحته كاكاو يمممممممممممي :tongue:

صباحك الخير دلووعته

اهلين فرواله ملكيه خلصت الاجازه

الاجازه هذي ليه

لأن احنا رواتبنا مرتبطه ببنوك البحرين وللحين ما نزلت

صباااااااااااااااااااااااااح الخير على الكروشات الحلوات

اهلين اريج الشوق صباح النور

بناااااااااات انا اعاني من ارق شدييييييييد

واذا نمت نومي مقطع كله اتقلب واحس باني مو نايمه :confused:

دلوووعته;9385993:
اهلين فرواله ملكيه خلصت الاجازه

الاجازه هذي ليه

لأن احنا رواتبنا مرتبطه ببنوك البحرين وللحين ما نزلت

إجازة عيد العمال اللي صادف يوم الجمعة 1/5/2009 والتعويض عنها كان يوم الأحد

صباحك الخير اريج اخبارك ؟؟

بنات انا يوم السبت رحت شريت بعض الملابس للبيبي لأني ما اقدر اصبر ههههههههه

عاد انا ما اادري بنت او ولد خذيت يناسب الجنسين

اهلين دلووووعته
وفراوله
شخباركم؟ظ
فراوله انا متجنبه روحة السوق بس عشان مااأتهور واخذ للبيبي خخخخخخخخ

دلوووعته;9376454:
يعطيك العااااااااااااافيه ياعسل

وانا سمعت عن زيت الزيتون كثير يمدحونه

طيب من متى ابدأ استخدمه

انا الحين مافيني تشققات ولا شي الحمد الله

ومتى تطلع هذي التشققات عشان استخدمها قبل

ابتدي من الحين قبل يكبر بطنك ، وداومي عليه حطيه في الليل قبل تنامين ...
بحملي الاول كنت مهتمة واستخدمه اكثر من مرة باليوم ، اما الحين مالي خلق شي وانسى احط منه يمكن مرة بالاسبوع بس :(

ههههههه اريج انا كنت كذا بس صار خاطري اشتري رحت وشريت بدلتين عشان خاطري

وكل يوم افتح الكبت واشوفهم ههههه كيوت حدهم ووالله يتمم لنا على خير ان شاءالله

نورالسعودية;9376648:
زبدة الكاكاو تمدحه اوبرا في ام بي سي فور

لا الزيت انا مااحطه استحي من زوجي يشم فيني هالروايح

اكيد زبدة الكاكاو احلى بس اللي مالها خلق تروح السوق وتتشرى تستخدم زيت الزيتون كله نفس المفعول ، اما الريحة مو للدرجة هذه احسها عادية :D ..

نار الجليد;9386391:
ابتدي من الحين قبل يكبر بطنك ، وداومي عليه حطيه في الليل قبل تنامين ...
بحملي الاول كنت مهتمة واستخدمه اكثر من مرة باليوم ، اما الحين مالي خلق شي وانسى احط منه يمكن مرة بالاسبوع بس :(

اهلا نار الجليد اخبارك

بس يعني لازم نحطة من الحين انا للحين ما طلع تشققات الحمدالله انتي بحملك الأول فاد معاكي او لا ؟؟؟

انا ودي استخدم زيت الزيتون بس اخاف يبقع ملابسي

من تجربتي اشوف ان تجهيزات البيبي تبتدين فيها من الشهر الخامس او السادس ، تكونين للحين خفيفة ، اما اللي بتنظر للتاسع بتتعب من المشي والم الظهر لان الثقل بالشهر هذا لاااااااااااااااااااايطاق :confused: ..
واهم شي لا تكثرون لبس لان البيبي يكبر بسرعة ، بس كثروا الملابس الداخلية والفوطة اللي تنحط على صدر البيبي ماادري شسمها عشان اذا رجع ، هذول اللي يتوسخون وتحتاجين تغيرينهم بكثرة ..

فرواله يقولون لازم تستخدمينه قبل تطلع الخطوط لأن اذا طلعت ماتروح

انا من دخلت الرابع بديت استخدم زبدة الكاكو من بالمرز

وودي استخدم زيت الزيتون لأنه احس بكثير

حطية لما تكوني في البيت مع ملابس قديمة عشان ترمينها او تغسلينها