السلام عليكم ورحمة الله وبركاته
خواتي الامهات :( ولدي عمره شهر ونص وخدوده على طول لونها احمر وفيها حبوب ناعمه وملمسها خشن مررررررره .. امي تقول مكان البوس تتحسس البشرة بس يوم عن يوم تزيد من صار لها مثلي .. علموني بليز ..
هلا اختي
ماعليه شر
اخوي كان جذي
وديه طبيب خل يعطيه كريم
ولا تبوسونه واايد
ممكن من البوس ...وممكن اكزيما تصير للاطفال..وممكن من الجو ...وديه للطبيب احسن وماعليه شر فديته
ا
الورده الغاليه
عروس متألقة
08-04-2009 | 05:39 PM
مرحبا اختي هبوب
انا ولدي الكبير صار جدي
لما كان كبر ولدج واكبر
وانا بعد خفت وايد عليه
وتحول لي اللون الاحمر الى قشور بنيه في خدينه
مع ان لونه وايد ابيض
امي قالت لي هذا من البوس
وخصوصا بوس الرجال الاب والاعمام والخيلان
لانه يخدشونها بشواربهم
بس بعطيج الحل
اذا تسبحينه دايما غسلى وجه بسائل الاستحمام الازرق
وغسلى عدل الخدود كل يوم وبعد ماتغسليها نشفيها
وحطي عليها طبقه رقيقه من كريم جونسن الوردي الي يجي في علب ورديه عليها غطى تنفتح مب العصاره
واسائل الاستحمام اقصد بعد من جونسن
اتمنى افتج
والحين صار عمره 5 سنوات وبعدي اغسل وجه فيه
وايضا ابعت مثل الخطوات حق اخوه لما شفته بدي يتأثر من البوس
اتمنى افتج ارجوا تتبعي الطريقه
تحياتي
ه
هايدي فتاة الألب
عروس برونزية
08-04-2009 | 10:29 PM
هلا أختي ولدك فيه حساسيه والله اعلم لأن أختي كانت كذا وسلفتي بعد ولدها نفس الشي وماخلت دكتور ماراحت له من ولادته والحين عمره 7شهور وللحين معه بس مره تخف ومره تشتد وخاصه مع الحررررررررر..حاولي دايم تدههنينه بمرهم وفازلين مقري فيه ,,,,ومايشوف شر البطل
فديتكم مشكورررين على الرد ...
وفيه وحده من الاخوات نصحتني بكريم (ميبو) وقالت إنها تستخدمه لعيالها
مدري استخدمه او اشوووف دكتور بالاول
.
...( هنوده )...
عروس ماسية
09-04-2009 | 06:27 AM
أعتقد من البوووس
أذكر خالتي ما كانت تخلينا نبوس عيالها على خدودهم ههههه
بس عالراس
اختي وانا بعد ابني كان جي,, من عمر شهر وطووووووول معاه,, ويكون من البوس واكثرها من الرجال عشان لحيتهم وشواربهم ,,,
ومرات من طرف البطانية اذا جت على وجه الطفل,,,
حكتلي الدكتورة هاي(( اكزيما التماس)) يعني اي شي يلمس وجه الطفل فترة بيصير يتحسس منه,,,
احسن روحي الدكتور,, اظن انها تحك وتخلي الولد يبغي يحكها وتلعوز وماتخليه ينام
وديه للطبيب راح يوصفلج مرهم للحبوب..
انتي ترظعين طبيعي اختي...؟؟؟ اذا ترظعين فهاي الحبوب من تغير الهرمونات شي طبيعي بس بعد لاحد يبوس البيبي ولاتشترين اي كريم اله والدكتور ناصحك في لان اكيد ماتبين شي ثاني ممكن يطلع لولدج اسم الله عليه ربي يحميه من كل شر يارب
ما عليه شر ان شاء الله والظاهر هذي حساسية.........
وان شاء الله تروح بس وديه الطبيب احسن...