مشكلتي مع سلفتي مالها حل؟؟؟؟

دلوعةحناني;9161224:
حبيبتي الغاليه
اذا كنتي متأكده ان هي الي تطلع عليك كلام خلاص الحل بيدك انتي
وش يجبرك تمشي معها وتعطيها وتدخليها بيتك اساسا؟؟؟
حاولي معها المحاوله الاخيره بانك تجيبيها عندك البيت وتضيفيها احسن ضيافه
وبعدين بكل قوه وعزم قولي لها انا اكلت معك عيش وملح وانتي خنتي هالعيش والملح
ومنتي قد الامانه بعد ما دخلتك بيتي تمشين وتنهشين في لحمي وتغتابيني
وما خفتي من الله ولا استحيتي مني انا الي عزيتك واغليتك وبعدين قولي لها
الله معك حبيبتي يلا انا بطلع ولا تسمعي منها ولا حرف واحد.
وفعلا طلعيها مين بيتك وخلي كلامك يرن في اذنها وتقلبه في مخها فتره
اذا جات واعتذرت لك معناها انها ندمت واعطيها فرصه ثانيه
واذا تكلمت عليك وناصبتك العداوه اذن هذه الانسانه لا تستحق حتى التفكير فيها.
اعتبريها سراب لا وجود له ولا تتأثري بكلمه مما تقول .
وتذكري ان الله يمهل ولا يهمل وبيجيها يوم تسمعي انتي عنها من وحده من اشكالها.
ولا تنسي ان رسولنا الكريم تكلموا عنه واغتابوه واتهموه بالسحر والجنون والشعر
وهو برئ من كل هذا وما اهتم وفي الاخير الله نصره واصبح خاتم الانبياء والمرسلين
واعظم الانبياء بفضل الله ثم بفضل صبره وحلمه ورفعة اخلاقه.
تحياتي