اليوم بنزل طريقة فطيرة بالمارس ..لذيذة وحلوة
اخذتها من الاخت عجايب يعطيها العافية..في منتدى ثاني وطبقتها وهذي صورة تطبيقي..
المقادير :
الطبقة الاولى كأس دقيق – 2 بيضة – فانيلا – نص كاس سكر – 6 ملعقة كبيرة حليب سائل – 1 ملعقة صغيرة بكنج بودر
نخلطهن مع بعض وبتكون العجينه ثقيلة شوي ونصبه بالصينية المتحركة المقاس الوسط ونقطع 1 اصبع كبير مارس وندخلها الفرن
وهذي بعد ماطلعتها من الفرن..
الطبقة الثانية نذوب على النار 2 مارس كبير مع نص علبة قشطة ونصبها على الكيكة وندخلها الفريزر شوي
الطبقة الثالثة نص كاس سكر – ثلث كاس زيت – 6 حبات جبن كيري او 8 جبن مثلث -2 بيضة – فانيلا
في الخلاط ثم نصبها على الفطيرة
هذي بعد ما استوت
اخيرا تزيينينها باصابع الاوريو بس انا ماكان عندي فحطيت فليك مبشور
وهذي لمن استوت
بعد التقطيع
واخيرا اتمنى تعجبكم مثل ماعجبتني...
والي حابة تنقلها تذكر المصدر واسم المنتدى