أحبه حييييييييييييييييييل

أعزائي قرأت لكم هذا الابداع

انا وان ضاقت على الدنيا والعالمين رقود
ذكرت اللى يسلينى هواه ونازف طعونه
ذكرت اللى بغلاه احيا واعرف ان الامل موجود
واعرف بغيبته لو غاب طعم الشوق وش لونه
انا واللى خلق هالناس وهم له راكعين سجود
يلبونه ويدعونه وكل حزه يعبدونه
احبه حيل ياخالد ولا لحبه بقلبى حدود
احبه ومن كثر حبه احب اللى يحبونه
احبه كثر ما ينبت بهالدنيا زهر وورود
واحبه كثر ما غنو القصيد وشالو لحونه
غلاكم عندى بالدنيا وهو عندى عليه يزود
غلا نادر غلا ثانى جديد وما تعرفونه
على عهدن وكل الى كتبته فى هواه شهود
قصيدى ما كتبته لولا غلاه وغمزة عيونه
ابيه اليا قرا شعرى يقول ادرى انا المقصود
انا لولاى ماكان لعزيز النفس شعر تقرونه
وش اوصف لك وش احكى لك كلام وللكلام حدود
خفوقى ما تساعده الحروف والبوح مكنونه
لك الله من عقب فرقاك غدن كل الليالى سود
قمرها طيفك الى صرت سجانه ومسجونه