ابغي حل لمشكلتي ( حياتي على حافة الانهيار)

افكر يوم بوصل العيال المدرسه باحر اطب عليه, بحجة اني ابا

































افكر اني بعد ما اوصل الاولاد المدرسه الصبح اطب عليه,بحجة اني ابا اخذ غرض ,شوووووووووووووووووو رايكم؟؟؟؟؟؟؟؟؟؟؟؟؟؟؟؟؟

طيب هو دق عليك من لما وصلتي عند اهلك ؟؟

قلتلك انسييييه حاولي تبدأين تتعلمي انك تتجاهلينه ولا كانه موجود لا تخليه يسيطر على تفكيرك لفتره عشان يعرف انك مو مهتمه فيه انا اشوووف الحركه مفوووهمه انتبهي تسوينها يا انك تروحي يا تجلسييييييين ...

هو اول يوم دق علي بس ما رديت,ومن ثلاثة ايام تقريبا الساعةالثانية والنصف صباحا تقريبا,واكتفى بعدين يوم ما قمت ارد عليه,وقام يتصل في الولد الكبير بس ويساله بس عن اخوانه واخر ثلاث او اربع مكالمات قام يسال عني منه او من الثاني :وين امك؟وشو اتسوي؟...........الخ ها شو الراااااي

وكنت نويه اطب عليه مب ارد باجر بس اطقققققس فقط شو يسوي منو وياه البيت معدل ولا لا؟

نسيت أقولك ياغالية انو مدام سال عنك فهو يحبك ومحتاجك لا تبعدي او تطنشي عشان انتي كدا راح تقدميه لها على طبق من ذهب وتخربي بيتك بنفسك

ترى ابو العيال يحبك يابنت صدقيني وما يقدر يستغنى عنك بس غلطان والرجال دايما لما يغلطووووووو يكابرووووووا الله يهديهم

تحيااااااااااااتي

جزاك الله خير لرايك,بس إللي ماتعرفينه انه من يوم ما كبرت قضيته قام يقولي ويردد انتي السبب في إللي انا فيه ,يقولها وهو مقتع اني انا السبب فعلا,تدرين من كثر ما سمعتها منه هذا الكلام احس واحساسي ما يخيب ابد انه مشروع زواجه اخترب ولا كان حاجز الحبيب وبيسافر شهر العسل تدرين والله, وكل ما ضاقت الارض عليه يحس انه بيتركها او العكس ف يغضب علي وقال لي من بداية ظروفه هاي من حوباتك صح؟؟؟؟قلت له:ليش انت حاس انك ظالمني تقول لي ها الكلام ,ومثل ما بينت لك يغضب كل ما يضيق عليه كيف تبين ارد بعد اتهاماته وخاصة احس اني مو مبينة في نظره ابد,انا السبب وكنت ياما كنت انصحه بس ما يذكر, الا كلامها وساعات يقول لي بعد: قالت لي , مع انها على فكرة من المشاركات في المشروع من البدايه حتى,اي نصيحه هاي,؟!يعني بالمختصر انا في نظره واهله بعد السبب تراهم مشاركين وخسرانين

دايما يتهمني باني السبب باللي هو فيه في الفترة الاخيرة ليش انه مب قادر يكمل زواجه واللي خلاني اتاكد من هذا انه يقولها وهو مقتنع اني فعلا....السبب,حتى اهله,كيف اعامله برومانسيه وهو ينظنرني مذنبه,في بدايه قضيته قالها لي هاي اكيد حوباتك ,قلت له:ليش انت حاس انك ظالمني؟؟؟؟

تقولين انه رومانسي,والله من كثر ما كان غامض في تصرفاته معاي وكل ما كنت اطلب الرمانسيه وخصوصا بعد كل حمب اتعرفين,الاكتاب كنت احتاجه والله كان يقول شو هذا احنا مب مراهقين وساعات في مواقف ثانية اهم تلبيتي للطلبات,وكنت اصدق,تعالي شوفي الحين والمسجات اللي طاحت في ايدي وصدمتني فعلا هذا يطلع منه؟؟؟من زوجي ,اقوللك شو كلام,ولا الافلام,والله ما قالها لي ولما واجته قالي:دواك ايش اتنبشين,والل ما سويت بس الله طيحيني عليها ,ويقولي احرقي قلبك ليش ليش تقراين؟؟هاي اسرار بين رجال وزوجته تتصورين؟؟بكيييييت ليما قلت بس اتالمت وايد منه وايد,وبعد شوي يقولي اتقيسين الحب بالكلام ؟؟عيل بشو؟؟؟الحرمة شو تبغي غير الكلام وهذا يشبعها,اخذ من حقي وعطاها,اقوللك قبل الزواج رسمت كلمة زواج بالرومانسية .وبعدين اختربت الرسمة

انا بالعكس ما ابا الانفصال ,ابا يتعلم انه انه اذا كان حبيب حبيبك عسل لا تلحسسه كله,وهو ما خله شيئ فيني لحس العسل كله.منو قال اني ما جربت طريقتك والله جربت ومو مره بس وخصوصا في الفتره الاخيرة,حتى ياما طلبت منه اطلع وياه بروحنا طلعة,بس والله تدرين يرفض ويقدم العيال ليش ؟مله الا تفسير واحد بس,انه مخلي الطلعات الانفراديه والرمانسيه حقها بس,كانه مستخسره علي,يعني بالمختصر انتي(انا)مربية او علشلن ما ازعل ام العيال فقط لا غير ,اما الحبيبه هي ,تدرين يا ام ميسا يالغاليه:والله الله يشهد اني يوم كنت اعرض الفكرة عليه كاني اشحتها منه مثل يوم تطلبين من حد شيئ وتحيسن انك تطلبين شيئ مو للك ,والله اتفشل كان قبل يضاربني اذا قلت ها الكلام بخصوص الطلعة في بداية زواجه وما زي الاطرش في الزفه,تدرين انه هجرني شهر تقريبا وكنت اصيح ليل نهار شو الي غيراه,وبعدين عرفت وقال لي انه في نفس الفتره الي هجرني فيها كان عارض الزواج عليها ................زززززها شو راكككككككككككككككك؟؟؟؟؟؟؟؟؟؟؟؟؟؟

حبيبتي الو شيء لازم تهدين وتجلسين تفكرين مع نفسك وابغى اسالك انتي قريتي ناعمه الهاشمي ؟؟
والله ماراح تندمي اقرائيها وخبريني .. وانا احس خلاص هالانسان ما تنفعله طيبه ولا رومانسيه هذى وجهة نظري ولك الاختيار ..

حبيبتي كل لي جالسه تقوليه صح ........... بس هذا كله صار متاخر بعد ما دخلت حياته واحده ثانيه .............. إحتسبي ومن توكل على الله فهو حسبه ........... أنا رديت عليكي خاص ياقمر ماشي


تحياااااااااتي

اكثري من الدعاء في وقت الليل والأستغفار

ماقدر اقولك الا ربي يفرج همك

الله يكون بعونك ويفرج همك

الحين هو تزوج وانتهى الموضوع اهم شي يعدل بينك وبينها ولاتفكرين في الطلاق لانك راح تخربين بيتك بايدك الله قال مثنى وثلاث ورباع بس اهم شي يعدل بينك وبينها ولاتحطينها في بالك لو هو ظلمك ربي راح يخلي حرمته الثانيه الي تزوجها بكامل قواه العقليه تطلعها من عينه

الشي الثاني والاهم عيالك خليهم يعيشون في جو مستقر نوعا ما بين امهم وابوهم ومعليش اضغطي على نفسك شوي عشان عيالك موب عشانه هو والله مايستاهل

الشي الثالث والي ابيك تحطينه حلق بذونك لاتساعدينه ماديا ولاتحزنين عليه يفتح لك بيت مثل ماهو فاتح بيت ثاني ولاتحزنين عليه لالالالالا تساعدينه مادياااا خليه يحل اموه بنفسه


بيتك بيتك لاتفرطين فيه لاي سبب كان لان عندك اطفال لو ماعندك كان ممكن تلجاين للطلاق وراح تلقين سيد سيده بس الوحده مايربطها غير عيالهااااا

الله يعوضك خير في عيالك انا متاكده انهم عندك بالدنيااا كلهاااا

هلا حنون
الصراحة ما أعرف شو أقول حطيت مكاني مكانج وقعدت أفكر شو اسوي اتلخبط عقلي ما قدرت افكر وصلت للحالة اللي انتي فيها تردين اترجم احساسج بقولج
كذب + تضحية+خيانة+ديون+تدمير عايلة+محاكم+طمع+فشل المشروع+ماشي وظيفة+زوجة قريبة+ضرب+اهانة+سب+هجر+أوهام+عدم استقرار فالحياه الزوجية+عدم مبالاة أهل الزوج وإخلاء مسؤوليتهم+الحزن والبكاء بحرقة+ تشتكي ولا حد حاس+ والزواج والسفر+ الظلم العاطفي+الحرمان العاطفي+عدم العدل+ تحملج مسؤؤليه بنهيار زواجه بسبب حوباتج على قولته

بذمتج من بيتحمل هذا كله فسلسلة زواجه إنا ما بقولج روحي سوي وسوي وقري لفلانة لان حياتنا نحن نعرف كيف نحلها بس لما نكون موقف لا يحسد عليه يتوقف تفكيرنا وتتلخبط افكارنا ونخلي للشيطان مدخل إنتي ادرى بحركات ريلج مكالماته وسوأله عنج
إنتي ادى بتصرفاتج وفضولج منو عنده فالبيت
ترجمي انتي هالحركات وفهمي ريلج إذا مب قادرة تقرري موقفج فالمدة اللي انتي فيها فبيت أهلج فكري وأقري سورة الفاتحة قيمي الليل واكثري من الدعاء بدال ما ادخلي الشيطان فأفكارج ادعى الله ما يرد ساااءل حياتي نحن نبعد عن حلول ونصعبها علينا بس هي هينة شو نخسر لو شكينا لرب العالمين وطلبنا العون منه وطلبي من خواتي العضوات الدعاء لج

مشكورة لكل الاخوات يجزيكن الله خير

الله يكون بعونك

الغاليه ,.,.

ماشاء الله تبارك الله .. حلول البنات كثيره ...
الغاليه .. الي ابي اعرفه عشان اساعدك اكثر باتخاذ قرار

انتي شنو الراي الي انت توصلتي له او حسيتي ان بيريحج بعيد عن انك تعلمينه درس او غيره ..

انتي بقراره نفسج شنو الكلام الي يدور بداخل قلبج .. وتفكرين فيه ..

وبعدها ان شاء الله بنتكلم بشكل جدي لان مشكلتج لها تشعبات كثيره .. وما نقدر نفتي بدون تفكير..

تحياتي

ام جنى