ساعدوني انا مهندسة عاطلة
م
05-04-2009 | 06:26 PM
بنات شخباركم .... اسمحو لي اطرح مشكلتي من خلالكم عسى ربي يوفقني ويوفق الجميع ان شاء الله ... انا بنت جامعية بشهادة بكالورويوس هندسة معماريه من جامعة البحرين .. صار لي سنه و3 شهور قاعده في البيت وقدمت كل مكان والله تعبت بس بعد اقول مابي ايأس اقول الله ما ينسى عباده ... وقدمت في وزارة العمل وانتهت مدة 6 شهور للتأمين .. لدرجة اني ابي اي شغل ارضى فيه حتى لو سكرتيرة ... صادني احباط شديد لدرجة اني قابلة بأي وقت وبأي قطاع حتى لو كان خاص .. سويت كذا مرة مقابله ولا في فايدة كل ايقولون ما عندج خبره أو ما يردون علي خير شر ... اشلون اييب الخبره قولو لي والله تعبانه ... اذا في احد يعرف مكاتب او شركات اقدم لهم جزاكم الله خير يا بنات وعسى الله يوفق الجميع
ح
06-04-2009 | 02:41 PM
هلا ميار
حالة الاحباط هذي معروفة عندنا و حاسين فيج ندري ان معنوياتج في النازل بس عاد لا توصلينها لحد انج تقبلين شي ما تحبينه .... عني ما اعرف اماكن توظيف لهالشغلات بس شغلي معارفج من ايام الجامعة شوفي وين راحوا شنو سووا؟؟ و شوفي موضوع وظايف البحرينيات في هذا المنتدى ترى وايد يطرحون شغلات حلوة
و حتى اذا قالوا لج ان ما عندج خبرة قولي لهم مستعدة اتعلم و اقبلي مجالج لو راتبهم اقل من توقعاتج على الاقل بتكسبين خبرة ،، استمري قدمي و اتصلي على مكاتب الهندسة لما يقبلونج لو مؤقت لو تجريبي راويهم شغلج من أيام الجامعة .. قدمي ع البلديات بعد يمكن منها فايدة يعني مو من أول مرة يقولون لج لا تتراجعين ظلي تقدمين و استمري و الله يقدم لج الخير...........
حالة الاحباط هذي معروفة عندنا و حاسين فيج ندري ان معنوياتج في النازل بس عاد لا توصلينها لحد انج تقبلين شي ما تحبينه .... عني ما اعرف اماكن توظيف لهالشغلات بس شغلي معارفج من ايام الجامعة شوفي وين راحوا شنو سووا؟؟ و شوفي موضوع وظايف البحرينيات في هذا المنتدى ترى وايد يطرحون شغلات حلوة
و حتى اذا قالوا لج ان ما عندج خبرة قولي لهم مستعدة اتعلم و اقبلي مجالج لو راتبهم اقل من توقعاتج على الاقل بتكسبين خبرة ،، استمري قدمي و اتصلي على مكاتب الهندسة لما يقبلونج لو مؤقت لو تجريبي راويهم شغلج من أيام الجامعة .. قدمي ع البلديات بعد يمكن منها فايدة يعني مو من أول مرة يقولون لج لا تتراجعين ظلي تقدمين و استمري و الله يقدم لج الخير...........
م
06-04-2009 | 03:29 PM
مشكورة اختي على ردج ... ان شاء الله هذاني احاول والله اقدم في كل مكان وناس اقدم لهم اكثر من مرتين وعلى الله سبحانه ما ادري وين رزقي والله كريم ....
ا
11-04-2009 | 02:36 AM
حبيبتي ميار في موقع حلو اشتركي فيه وراح تدعي لي ان شاء الله لأنهم طالبين
ناس زي حالاتك عندهم خبرة وتخصص وشطار وراح يكون شغلك كله عبر النت يعني
موظفه وانتي قاعده ببيتك وراتبك يوصلك عاد وانتي وشطارتك
تبغي تفاصيل أكثر تعالي هنا عالرابط
نزكو سوفت للنشر والتسويق الالكتروني
ناس زي حالاتك عندهم خبرة وتخصص وشطار وراح يكون شغلك كله عبر النت يعني
موظفه وانتي قاعده ببيتك وراتبك يوصلك عاد وانتي وشطارتك
تبغي تفاصيل أكثر تعالي هنا عالرابط
نزكو سوفت للنشر والتسويق الالكتروني
م
11-04-2009 | 06:22 PM
مشكورة حبيبتي وما قصرتي ... ان شاء الله اذا حصلت فرصة اشوف وظائفهم باشوف بس أنا ودي اشتغل يعني أروح الصبح واشتغل وأطور مهارتي واكتسب خبرات من الموجودين حوالي ... بس مكشورة على العموم وجزاج الله ألف خير
أ
12-04-2009 | 04:43 AM
خبري موظفين الهندسة ما يتمون بسرعة يشتغلون رحتي اختي يوم المهن في جامعة البحرين يمكن من شهر من شهر كان هالشيء .... المهم اختي قدمي في بنوك يقبلون مال الهندسة يقول الوالد لانه اختي بعد هندسة بس مدنية وروحي قدمي في شركات هندسة حتى لو سكرتيرة في هالمكتب وثبتي وجودك عندهم اختي بعدها تدرس بس راحت شتغلت تريننق في صيف تبي تصير عندها خبره في شركة هندسة خخخخ سوت عمرها شاطرة وستانس منها المدير وعطاها راتب وفوقه بونس وفيه بعد شركة اتصالات توه فاتحينه في البحرين بس ناسية شنو اسمها سألي عنها وروحي قدمي .
والله يوفقك ان شاء الله
والله يوفقك ان شاء الله
م
12-04-2009 | 12:18 PM
مشكورة أختي شورج وهداية الله باروح اجرب اقدم في بنك يمكن ينفتح لي باب ومشكورة ما قصرتي عساج على القوة ... وبالنسبه حق معرض المهن الي بالجامعه سمعت انه ما كانو عارضين وظائف لا بس ايراوون الطلبه سوق العمل ويعرفونهم على الشركات وترى باجر معرض المهن تبع وزاره العمل وباروح أقدم بعد ان شاء الله أحصل وظيفة .... ومشكورة حبيبتي