تجمع بنات مصر المتأخرات عن الحمل او بيتعالجوا

انا معاكم عندى29 سنه وعند ولد واحد ونفسي اجيبله اخ حاسه انه وحيد

الشهر ده خدت كلوميد ومنتظرة ربنا يكرمنى دعواتكم ربنا يرزقنى ويرزق كل اللى نفسه يارررب

ازيكم يا بناتيت ..انا لقيت التجمع ده فدخلت انا الحمدلله حامل بس لقيت ان في اكتر من واحده بتشتكي من التكيس ..وانا ليا قصه مع التكيس ده بصراحه اكبر عيب فيه انه بيقلق وبيتعب الاعصاب ..المهم انا كنت عرفت انه عندي قبل الجواز بكتير يعني من 3 سنين كده واول ما عرفت انه عندي بدأت على طول في العلاج ..والحمدلله اتجوزت وبعد 3 شهور بالضبط من الجواز الحمدلله بفضل ربنا حملت ..طبعا الفضل اولا واخيرا لربنا سبحانه وتعالى كنت بدعيله طبعا وسببلي السبب اني اتعاملت مع دكتور ممتاز ربنا يكرمه يارب بعد ماكانت البريود مش بتيجي بال4 وال5 شهور الحمدلله لما رحتله ادالي ادويه فضلت البريود منتظمه بعدها سنتين وبعد الجواز حملت على طول ..لو اي واحده عاوزة اسم الدكتور تقولي واي سؤال اسألوني انا خبره في الموضوع ده اتعالجت عند دكاتره كتير في مصر وفي فرنسا

ازيكم يابنات وحشتونى اوى معلش انا بقالى كام يوم مادخلتش
عايزاكوا تباركولى انا حللت والحمد والشكر لله طلعت حامل بس مرعوبه لحسن يسقط زى المره اللى فاتت الدكتور عملى تحليل وقاللى حامل انا وجوزى قلناله لا اكيد فى حاجه غلط قال انتوا موسوسين طب اوكيه راح عملى تحليل تانى وقاللى انتى حامل بقينا مش مصدقين بس كان يوميها نزلت نقطه افرازات بنى كده كنت قلتلكم فكتبلى على لبوس وفوليك اسيد وهروحله يوم الاتنين ونزلنا من عنده مش مصدقين روحنا طالعين عالمختبر عملنا تحليل فى الدم طلع فى حمل والدكتور طلب منى 3 او 4 تحاليل منهم التوكسوبلازما قاللى عشان لو فى مشكله لاقدر اله نلحق نعالجها وهستلم التحاليل النهارده ادعولى تطلع كويسه وميرسى لكا اللى دعولى وربنا يرزق كل واحده بالذريه الصالحه انا قلت اقولكم لانكم اكيد هتفرحولى

يسعدني اني اكون اول واحده ابركلك الف مبروك يا حبيبتي و خلي بالك من نفسك و من حركتك و ارتاحي علي قد ما تقدري و ربنا يكملك علي خير باذن الله يا حبيبتي

انا زعلانه محدش عبرنى ولا باركلى
يتصفح الموضوع حالياً: 4 (4 عضو و 0 ضيف) ‏meshmesh_romio, ‏جنة الحياه, ‏سما الحب, ‏فجر1975

ميرسى ياجنه ياقمر ربنا يخليكى ليا انا بحاول ماارهقش نفسى بس ادعولى ربنا يثبت حملى لحسن انا مرعوبه

meshmesh_romio;9178692:
ازيكم يابنات وحشتونى اوى معلش انا بقالى كام يوم مادخلتش
عايزاكوا تباركولى انا حللت والحمد والشكر لله طلعت حامل بس مرعوبه لحسن يسقط زى المره اللى فاتت الدكتور عملى تحليل وقاللى حامل انا وجوزى قلناله لا اكيد فى حاجه غلط قال انتوا موسوسين طب اوكيه راح عملى تحليل تانى وقاللى انتى حامل بقينا مش مصدقين بس كان يوميها نزلت نقطه افرازات بنى كده كنت قلتلكم فكتبلى على لبوس وفوليك اسيد وهروحله يوم الاتنين ونزلنا من عنده مش مصدقين روحنا طالعين عالمختبر عملنا تحليل فى الدم طلع فى حمل والدكتور طلب منى 3 او 4 تحاليل منهم التوكسوبلازما قاللى عشان لو فى مشكله لاقدر اله نلحق نعالجها وهستلم التحاليل النهارده ادعولى تطلع كويسه وميرسى لكا اللى دعولى وربنا يرزق كل واحده بالذريه الصالحه انا قلت اقولكم لانكم اكيد هتفرحولى

مبروووووووووووووووووووووووووووووك الف مبروك يا مشمشه
شوفتى تجمع البنات وشه حلو عليكى ازاى
ربنا يثبتهولك ان شاء الله وابقى طمنينا عليكى على طول

بنات انا لاحظت ان معظمكم بيشتكى من موضوع التكيس ده
طيب ممكن اعرف هو اعراضه ايه؟؟؟؟؟؟؟؟؟
من غير جواز طبعا :o

ميرسى ياسمسمه ياقمر وعقبال مانفرح بيكى كده وطبعا البنات هنا وشهم حلو عليا ويارب ابقى انا كمان وشى حلو عليهم

الف مبرووووووك يامشمش رميو وربنا يثبتلك حملك يارب وتفرحي بابنك او بنتك باذن اللة

ميرسى يادارين ياقمر وعقبالك كده قريب

تسلميلي يارب طيب ممكن اسالك يامشمش انتي حللتي قبل البيربود بيوم ولا لما اتاخرت عليكي

بصى هى البيريود عندى كانت بتيجى كل 21 يوم والشهر ده استنيت لما فات عليها 30 يوم وبعدين حللت والحمد لله

اه بس بيقولوا ان لو هتعملى اختبار حمل دم مش بول يبقى ممكن قبل ميعادها بيومين تلاته بيبان والله اعلم

انتى البيريود ميعادها امتى؟

شكرا اوي يامشمش هوا انا بصراحة مستعجلة وفاضل علي البريود اسبوع وعايزة اعرف اذا فية حمل ولا لا فبتاكد اذا كان ممكن فعلا يبان لو قبل البيريود بكام

بصى انا قريت عالنت ان ممكن بعد ميعاد الاخصاب باسبوع او 10 ايام يعنى لو قلنا ان التبويض بيحصل فى اليوم ال14 للبيريود يبقى المفروض يبان فى اليوم ال 24 بس كده

يعنى رايى استنى 4 او 5 ايام ولو مجاتش حللى وان شاء الله تطلعى حامل

انا معنديش تاخر في الحمل الحمدللة بس انا خملت علطول في اول شهر من الجواز بس حصلي اجهاض في الرابع بسبب التكسوبلازما واضطريت اخد علاج لمدة 4شهور واخد معاة حبوب منع عشان محملش قبل مااخف ودلوقتي الحمدللة خفيت وسبت الحبوب ودة اول شهر ليا وخايفة الحبوب تاخر الموضوع عشان كدة مستنية الشهر دة بفارغ الصبر لاني اول شهر ليا بعد ماسبت الحبوب

خلاص ربنا يسهل شكرا اوي يامشمش وخلي بالك من نفسك وابعدي عن اكل السوسيس والهمبرجر واللانشون وربنا يتم حملك علي خير يارب

بصى يا دارين اختبار الدم يبين الحمل اسرع من البول
ولو انت مستعجله عايزه تعرفى حمل ولا لا
يبقى زى مشمش ما قالت لك كده
استنى يومين كمان واعملى تحليل دم وان شاء الله يبقى خير
بس انت حاطه الموضوع فى بالك اووووووووى وده يعمل عليكى ضغط
حاولى تهدى نفسك شويه عشان انت عارفه البنات على طول على شعره
اى قلق ولا نفسيه بايظه يقولك تأثر على الهرموناتش