الرئيسية الواحة الأدبية خيمة القصص والروايات |l أضع قصتي المتواضعه بين يديكم |l .. ( محاولتي بالكتابه لأول مره ) ^^ ,,

|l أضع قصتي المتواضعه بين يديكم |l .. ( محاولتي بالكتابه لأول مره ) ^^ ,,

pinkeez 02-04-2009 53 رد 5,931 مشاهدة
p
pinkeez
مشرفة سابقة
02-04-2009 | 02:18 PM

السلام عليكم و رحمة الله و بركاته

اول شي انا حطيت القصه من قبل بس انمسحت من المنتدى و هذي لظروف خاصه
واعتقد كل المواضيع الاخيره انمسحت (y) ..

على العموم برجع انزل الاجزاء القبليه و معاهم الجزء الجديد




[MARK="FF99CC"](( حياتي ))[/MARK]



تعرفون الروايات يا كثرها و اغلبيتها مكتوب انها حقيقه و هي اصلاً كلها خرافات بس علشان يجذبون القارىء لهاا ..

اعرف ان كل شخص فينا يقرى اي قصه يتمنى انها تكون مصحوبه بصور ..

وكان ودي ارسم بس قلت اخاف اتعب و ما ارسم و مابي اوعدكم و لأن كاميرتي مو عندي الحين فأعذروني ..

اللي يبي ينقل القصه ينقلها بدون استأذان عادي بس شرط ينقلها بأسمي احتراماً للتعب اللي بتعبه ^^



[COLOR=#0c0c14]بطاقه شخصيه :

[/COLOR]

[COLOR=#0c0c14]الاسم المستعار : pinkeez memeez

العمر : 18 سنه

الهوايات : الرسم بالاول و هذي بدايتي بكتابه روايه ..


[/COLOR].

.


راح اكتب القصه باللغه العاميه (( البحرينيه )) مع ترجمه الكلمات الصعبه ^^





[MARK="FF0099"] (1) [/MARK]

..


اسمي ( نوف ) عمري 21 سنة ادرس بجامعة AMA تخصصي بزنس وهذي ثالث سنه لي

بوصف لكم شكلي ^^ :

شعري لي نص ظهري لونه كستنائي انا حنطية البشرة عيوني بنيه متوسطه و طولي 160 و وزني 58 ..

و هذي هي عايلتي :

ابوي ربي يحفظه ( عبدالله ) عنده شركه مقاولات شريك مع عمي ( بدر ) و هذي الشركه وارثينها من يدي الله يرحمه ..

امي الله يخليها ( آمنه ) تشتغل مديره بمدرسه ثانويه للبنات ..

اخوي العود ( ناصر ) عمره 26 سنه و هو كابتن طائرة متزوج و اسم زوجته ( مها ) و عندهم

( خالد ) عمره سنه و شهرين

انا ( نوف ) و عرفتكم على نفسي من قبل

اختي ( ندى ) 18 سنه اخر سنه لها بالمدرسه يعني توجيهي تخصص تجاري

اختي ( نور ) 9 سنوات بالصف الثالث و هي آخر العنقود


البيست فريند مالي ( فطووم ) و ( مريووم ) ..

يدرسون معاي بنفس الجامعه و نفس التخصص

.

.

.............


يوم الجمعة : قمت من النوم على صوت المؤذن بصلاة الظهر فزيت ( وقفت ) من سريري بسرعه على الحمام و غسلت ويهي و فرشت اسناني و توضيت حق الصلاة

رحت صليت الظهر و بعدها نزلت المطبخ سلمت على امي و حبيت راسهاا و كانت تسوي الغده و معاها الخدم يساعدونهاا ..

امي : نوفه حبيبتي انا مو قايله لج يوم اليمعه قومي من وهل ( مبكر ) علشان تتريقين معانا

نوف : يمه امس كنت سهرانه و مانمت الا عقب صلاه الفجر ماقدرت اقوم قبل و بعدين انتي تعرفين اني ما احب اتريق بس اشرب شاي حليب

امي : معليه يمه بس قومي قعدي مع الاوادم ماعندنا الا يوم الجمعه اللي نتيمع فيه كلنا على الريوق و الغداا ..

نوف : ان شاء الله يمه الويكند الياي بقوم من وقت علشان خاطرج بس .. اي صح وين ابوي ماسلمت عليه ؟

امي : راح المسجد ..

نوف : تقبل الله ان شاء الله ..

امي : منا ومنج و انتي صليتي ؟

نوف : اي توني من شوي ..

امي : زين يمه تقبل الله ..

نوف : يمه وين ندوووي

امي : مادري عنهه يمكن بدارهه ( غرفتهه ) ..


سمعت صوت تلفون البيت يررن و ركضت اشيله ..

انا : ألوو

.. : السلام عليكم

انا : هلا عليكم السلام .. من معاي ؟

.. : انا لولوه .. امج هني ؟

انا : اي لحظه شوي دقايق بس ..


انا : يمممممممممه ..

امي : نعم يمه شفيج تصارخين !!

انا : تبيج وحده اسمها لولوه ..

امي : ويييي هذي الحنايه نسيت اني مواعدتهاا ..

انا : ليش حنايه شصاير ؟

امي : ولد عمج بدر ملجته الاسبوع الياي شفيج ماتدرين ؟

انا : محد قالي !!

امي : ندى ماقالت لج ,, حسبي الله على ابليسج خليتيني اسولف وياج و المره على الخط ..


و راحت امي تحاجي المره ..


و انا رحت فوق حق اختي ندى ..

طقيت الباب ...

ندى : ميييين ..

انا : انا نوووووف ندوي بطلي الباب بسرعه قبل لا ارتكب فيج جريمه ..

ندى و هي تبطل الباب : يمه بسم الله الرحمن الرحيم شفيج .. شصاير !!

انا : شلون ماتقولين لي عن ملجه طلوول ولد عمي بدر ....

ندى : مادري انج ماتدرين !!

انا : يعني انتي كل مع عووش و تعرفين كل شي عنهم و تدرين ان انا ما احتك فيهم واايد من وين بادري يعني ..

ندى : انزين الملجه يوم الخميس الياي و احنا تونا اليمعه اليوم شعايلج ( الاستعجال ) ..

انا : شتبيني البسسسسس ؟؟؟؟

ندى : انا بعد ماشريت شي للحين و قلت بقولج علشان نروح ويا بعض نشتري ..

انا : بس عيل بعدين بنروح ..

ندى : اوكي صار بس قولي لي قبل علشان اتبرز ( اتجهز )

انا : اوكي .. يالله ننزل تحت نساعد امي شووي ..


..

ي .. ت .. ب .. ع
p
pinkeez
مشرفة سابقة
02-04-2009 | 02:25 PM
نزلنا ..


الا اخوي ناصر و زوجته و خلودي داشين البيت

انا ركييض حق خلودي شاليته ( حملته ) من يد امه و سلمت عليها و على اخوي

و قعدنا شوي في الصاله نسوولف و بعدين يه ابوي قمت سلمت عليه و حبيته على راسه

ابوي : تحبين الكعبه ان شاء الله

انا : ان شاء الله ..

ابوي : هاتي ( عطيني ) خلوودي و روحو شوي المطبخ ويا امج ساعدوهاا ..

انا و ندى و مها رحنا المطبخ ..

امي : وييي شيايبكم هني بتصير ريحتكم طباخ الحين طلعوو الله يهديكم

مها : شلونج خالتي .. افا علييج انتي تطبخين و احنا نخاف على ريحة ثيابنا ( ملابسناا ) ..

ندى : و هي الصاجه يا يمه .. تبيني اسوي شي ؟

امي : لا امي بس الحين بانجب الغده ( باحط الاكل ) ..

انا : عيل خلينا نحط وياج ..


و قعدنا نرتب الطاوله و نودي الغداا .. و ناديت ابوي و اخوي و الباقي ..

و قعدنا نتغداا ..


وبعدين رحنا الصاله نشرب شاي و ناكل حلاوه و نسولف شووي لين أذن العصر

راحو ابوي و اخوي المسجد حق الصلاه و احنا بعد قمنا نصلي ..


بعد الصلاه ..


انا : مها تدرين ان ملجه طلال ولد عمي الاسبوع الياي ..

مها : والله !!!

انا : اي و انتي بعد ماتدرين .. انزين شنو بتلبسين ؟

مها : مادري والله احس فشله البس شي قديم بقول لناصر يوديني اشتري لي شي ..

انا : تعالي معانا عيل انا و ندى بنروح بعدين نشتري ..

مها : امممم و خالد وين اوديه ..

امي : خليه هني عندي انا ماشبعت منه ..

مها : لا خالتي بيتعبج ..

امي : وييي وين يتعبني الله يهداج ..

مها : خلاص على راحتج انزين نووفه مته بتروحين ؟

انا : على الساعه 8 نطلع زين ؟

ندى : اي واايد زين ..

مها : خلاص توكلنا على الله ..


الساعه 8 طلعنا من البيت و رحنا سيتي سنتر لأن كنا نبي شي بسيط هي اسمها ملجه

وقعدنا نتفرر لين طاحت ريولناا و خلصناا ..


انا شريت فستان قصير فوشي فيه ربطه على الخصر بنفس اللون و بروش ذهبي على جنب ..

ندى شرت فستان اصفر طويل بس ناعم بدون كم ..

مها شرت فستان اسود قصير مخملي ساده ..


و ماتخلى الاكياس من الاغراض و التناتيش

في طلعتناا رحنا لا شوكولا شربنا كوفي و كلنا كيك و بعدها رحنا البيت

.

.

طلال : وايد تأخرتوو ..

انا : وين تأخرناا احنا طلعنا الساعه 8 يبيلناا ساعتين في السوق على الاقل و بعدين رحنا لا شوكولا ..

طلال : انزين يالله مها نمشي ..

مها : يالله ابووي ..

ندى راحت فوق لغرفتها و ياتناا نور تصيح ( تبكي ) ليش ماخذتوني معاكم انا ماشريت شي للعرس ..

امي : انا شريت لج فستان يا نور و كنتي معااي و انتي اخترتيه شنو ماعندج شي بعد !

نور : انزين ملل كنت ابي اطلع ..

انا : هذي طلعه كبار و عيب ناخذ معانا الصغار و انتي امي تشتري لج اللي تبينه على شنو الصياح بعد ..

نور : ماحبج انتي كريهه كل تطلعين ماتوديني يالدبه ..

انا : يا كبرها عند الله شالقلة الأدب !!!!!

امي : نواري حبيبتي عييب قولي آسفه حق اختج العوده ..

نور و هي ماده بوزها و تمسح دموعها : انا آآسفه نوفه ..

انا : كسرتي خاطري تعالي بوديج السوبر ماركت اشتري لج كاكاو ..

امي : هالحزه بتطلعين !!!!

انا : يمه مابتأخر الا السوبر ماركت مو بعيد ..

نور : يممممممه ابي اشتري خليني اروح ..

ابوي و هو داخل علينا : شفيكم ؟

نور : يبه ابي اروح السوبر ماركت عاد عاد لا تقول لااا ..

ابوي : انزين بس مو تتأخرون الحين الساعه 11:15 ..

انا : لا يبه وين اتأخر بسرعه و احنا يايين ..


وطلعت وديتهاا و شريت لها و رجعنا البيت ..


رحت لغرفتي و فصخت عبايتي و انسدحت على السرير افكر شباسوي بشكلي بالملجه !!

و نمت ..


.

.


[COLOR=black]ي (ت) ب (ع)[/COLOR]

ييبوو كوفي يا بنات علشان تتونسون اكثر
(c)
p
pinkeez
مشرفة سابقة
02-04-2009 | 02:27 PM
صحيت على اذان الفجر ..

(( الله أكبر .. الله أكبر .. ))

قمت الا شفت نفسي نمت بالجينز و مادري عن روحي بدلت ثيابي و لبست بيجامه خفيفه و رحت توضيت و صليت الفجر و رجعت نمت ..


صحيت الصبح الساعه 10 ..

نزلت اشرب شاي كعادتي و كانو امي وابوي قاعدين ومعاهم نوااره تشوف MBC 3

ابوي: يا هلا و يامرحبا بنور البيت

رحت حبيت راس امي و ابوي وقعدت معاهم اسولف

و ندى جات ..

ندى : السلام عليكم

كلنا : عليكم السلام و رحمة الله و بركاته ..

امي : اي صح تذكرت انا أكدت للحنايه تيي عندنا البيت يوم الثلاثاء

اللي تبغي تتحنى تقول علشان اقولها عددنا و انا اتصلت لمها و قالت انها هي بعد تبي ..

نوف : يمه بدون ماتسأليني تعرفين اني اموت بشي اسمه حنه يعني اكيد ابي

ندى : انا بعد ابي اتحنى مع اني ما ارغب لها واايد بس خاطري ..

نور : وعععع انا مابي و لين بتيي قولو لي علشان ما اطلع من غرفتي لأني مابي اشم ريحتهاا

امي : نواره !! ليش وععع الحنه حلوه و ريحتها حلوه و انتي بعد لازم تتحنين ..

نور : لا مابي مابي مابي ..

ابوي : انزين خلاص ماتبين ماتبين .. ام ناصر لا تغصبينهاا البنت ماترغب للحنه كيفهاا

نور و هي تركض لأبوي : هذا ابوي اللي احبه كل واقف معااي مو انتوو

انا : والله ماتستحين انتي امس من وداج يشتري لج كاكاو بالليل

نور : اي انتي بعد أحبج بس ندووي لا كريهه ندووي ..

ندى : وانا شسويت لج يالدليعه !!

امي : بس عاد سكتو .. يمه منكم جنه كل وحده عمرها 5 سنين ..


و استأذنت من ابوي اني بطلع اتغداا مع مريوم و عووش صديقاتي ..

اتصلت لعووش

انا : الووو عوااشه شلوونج ؟

عووش : هممم ...

انا : للحين راااااااااااقده !!

عووش : هممم ...

انا : بعطيج كف الحين احاجي صنم انا قومي همم و همم تقولين لي ..

عووش : شفيج شتبين ..

انا : ياللي ماتستحين يزاه الخير سواد الويه ..

عووش : هلا هلا نووفه سوري حبيبتي ماحطيت بالي من اللي متصل ههههههه

انا : عاذرتج .. انزين قلتي حق اهلج ان اليوم بنطلع نتغداا ؟

عووش : اي خذت الموافقه و مريوم ردت عليج ..؟

انا : لا بتصل لها الحين .. يالله باي

عووش : باي


اتصلت لمريوم ..

انا : الووو

مريوم: يا هلا و يا مسهلا بنووفه حبيبه قلبي

انا : اي هني البنيه اللي تريح القلب مب ذيج تقولي شفيج شتبين ,,

مريووم : ههههههههههههههههه اكيد عووش

انا : وفي غيرها هالدبه ذي ..

مريووم : ههههه عادي متعودين على عايشه احناا

انا : اي والله قلت لها اصلا عاذرتج .. انزين مرايم شلون عن اليوم

مريووم : اوكي حبيبتي توني من شوي قلت حق امي قالت لي روحي بس ابوي ماجفته ماعليج اهم شي قلت لأمي و وهي بتقوله و مابيقول شي .. انزين وين بتروحون ..

انا : ماعرف والله انا خاطري بأكل حلو و تعرفين ستايلي انتي ..

مريووم : دخيلج مانبي اكل هندي مافيني شده على عوار المعده ..

انا : لا خاطري في جيليز تبوون ؟

مريووم : اي تصدقين انا اوكي سألي عووش ..

انا : اوكي بسألها و برد عليج بمسج علشان تتبرزين ..

مريووم : اوك حبيبتي يالله عيل فمان الله

انا : مع السلامه


اتصلت لعووش

انا : الوو عوااشه

عووش : هلا هلا

انا : باقولج مريووم تره اوكي بتطلع ويانا قررنا على جيليز تبين و لا نغير ؟

عووش : اي اوكي عادي .. مته بتطلعون ؟

انا : بس قومي تبرزي الحين الساعه 12:30 ..

عووش : اوكي بصلي الظهر و بتبرز .. انزين بتروحون بسياره وحده ؟

انا : مادري عنكم ..

عووش : بس تعالي لي انتي مالي بارض اطلع بسيارتي ..

انا : اوكي بمر عليج .. يالله بيبااي

عووش : باي


طرشت مسج حق مريوم

[[ مريومه قومي تبرزي و بامر عليكم انا بنروح بسياره وحده اوكي ]]


و مريت على عووش و بعدين على مريووم و رحنا جيليز اللي في محرق

ودشينا و طلبنا و قعدنا ننطر الاكل ..

انا : باروح الحمام

عووش : اوكي

و رحت الحمام و كنت واقفه لأن جدامي ريال يبي يطوف و جاتني كفخه من ورااي

فريت ويهي اشوف الا واحد يقولي مسامحه اختييي ..

حسيت ويهي احترق قلت له اوكي ماصار شي لان وايد كان قريب مني فأنحرجت ..

و دخلت الحمام و يوم طلعت الا الصبي واقف مكانه و يلوح لي بالموبايل ماله !!

انا رفعت حواجبي مستغربه !! اقول بقلبي شيبي ؟

يعني بذمتج شيبي مني يلوح لي بالموبايل يبي يعطيني اياه مثلاُ

حسيت بقهرر قلت والله قليل أدب الحين يصدمني و يعتذر و بعدها يبي يتعرف علي !!

صج ناس مو متربيه ..

ماعطيته وجه و رحت فووق حق صديقاتي .. وقلت لهم عن اللي صار و عووش تسألني :

شلون شكله و شلون صدمتج و شقلتي له و .. و .. و ..

انا : عايشه حبيبتي اذا دخل خاطرج الصبي نزلي يمكن تحصلينه واقف للحين ..

عايشه : يه نوف شفيج انتي الحين عادي يعني اسولف !!

مريووم : هي هي تعوذو من ابليس لا تقلبونها هوواش على واحد مايسوه ..

نوف : اففف للحين مايابو الاكل انا تمللت الصراحه

عووش : قومو نمشي

مريووم : انتو ينيتووو !!!

انا : اكا الصبي نفسه !!!!!

عووش : وينه !!!

انا : جوفي صديقتج ينت مادري شفيهه مو شايفه خير .. عواشه حبيبتي كنت اتغشمر محد الصبي راح شكله بس كنت بثبت لمريووم ان زاغ قلبج ( كأن القلب بيطلع من مكانه ))

مريووم : اوهووووو اذا بتمون تتسيخفون انا بتصل لأخوي ياخذني ..

انا : اتغشمررر والله ..

عووش : هي قعدوو يعني ماتعرفون اني هبله بكل شي .. آآسفه خلاص انا اعترف اني غلطانه

و يابو الاكل و تغدينا و وصلت عووش البيت اول و بعدين وديت مريوم و بالدرب ..

مريوم : تصرفاتكم اليوم وايد بايخه شفيكم ؟

انا : والله حسيتهاا متخرعه ( كأنها مو شايفه خير )

مريووم : انتي تعرفين عووش و طبعهه زين ماله داعي تقطين عليها هالكلام

انا : مب قصدي اصلاً كنت اتغشمر بس استغربت منهه انا بعد

مريووم : المهم انا ابيج بموضوع خاص عطيني يوم تكونين فاضيه و امر عليج

انا : خرعتيني شفيج !

مريووم : قلت لج يبي له قعده

انا : ماقدر اصبر بنزل وياج الحين بيتكم و قولي لي .. بس بتصل لأمي اقولها اني بقعد عندج ..

مريووم : اوكي

انا اتصل حق امي

انا : يمه شخبارج

امي : هلا يمه الحمدلله

انا : يمه انا بقعد عند مريوم شوي و برجع اوكي

امي : اوكي امي بس لا تتأخرين علشان ابوج مايصارخ

انا : لا قبل المغرب انا بالبيت ان شاء الله .. يالله مع السلامه

امي : بحفظ الرحمن


و نزلنا بيت مريوم



[MARK="FF0099"]

تاب(f)ع
[/MARK]
p
pinkeez
مشرفة سابقة
02-04-2009 | 02:29 PM

[COLOR=black]لي هني خلصنا الاجزاء القديمه ^^

و هذا الجديد
[/COLOR]
.
.

عايله مريووم

ابوهه يوسف

امهه امينه

اخوهه العود حمد 24 سنه

مرييوم 21 سنه قدي

اختها ريم 15 سنه

اخوهه الصغير أحمد 4 سنوات


رحت سلمت على امهاا و بعدين ركبنا فوق لحجرتهاا ( غرفتها )

راحت تييب شاي و حلاوه و قعدت

انا : مريم ممكن تدخلين بالموضوع حرقتي قلبي ..

مريووم : ههههههه يا حلووج و انتي مستعيله جذي

انا : اففف مريوم بصفقج بالقلاص على راسج (( بضربج بالكاس ))

مريووم : بل تره اكنسل ههههههههه

انا : افف مريوم رحميني و تكلمي

مريووم : امممم ...

انا : اييي ؟؟ ,,,

مريووم : ......

انا : مرييييييييييييييييييييييم تكلمي

مريووم : نوف بدون مقدمات حمد اخوي يبي يتقدم لج !!

انا و علامات الصدمه و الاحراج على ويهي : ....................... !!

مريووم : ادري انج مستغربه لأن حمد اخوي يمكن ماجافج الا مرتين او ثلاث بس صار له فتره و هو يقولي قولي لهاا و اذا موافقه بنروح رسمي ..

انا : .................

مريووم : نووف شفيج اكلمج .. مابي الجواب الحين ادري لازم تفكرين بس قولي لي شكثر اعطيج مهله للتفكير علشان اقوله ترااه أكل جبدي ..

انا : ممممااادددرررييي .. !!

مريوم : هههههههههه ايه عليها صديقتي مستحيه ( خجلانه )

انا : اففف يا مريم يا ثقل دمج كلش مب وقته انا للحين تحت آثار الصدمه

مريووم : هههههههه اخذي راحتج بعطيج اسبوع اوكي ؟

انا : لا لا اسبووع شووي خليها اسبوعيين ..

مريووم : اوكي حبيبتي

انا : انزين انا بامشي الحين علشان ما اتأخر اوكي

مريووم : وين توو الناس (( بدري ))

انا : لا امي قالت لي لا تتأخرين و سمعتيني اكلمها جدام عينج

مريووم : هههههه اوكي تحملي بروحج .. بيبااي

انا : ان شاء الله يو تو .. باي


و ركبت سيارتي و انا منصعقه من اللي قالته لي ماقط يه على بالي اني بتزوج

مادري بس عمري مافكرت يمكن لأني عايشه احسن عيشه ببيت ابوي و ماعلي قاصر و لا عمري قلت ابي و ابوي قالي لا ..

افكار تروح و افكار تيي

و وصلت البيت و نزلت كأني روبوت كهربائي مضبط على المشي بمسار واحد لين غرفتي ,,

دخلت داري و غيرت ملابسي و قعدت بالبلكونه افكر بالكلام اللي قالته لي مريووم


و مره وحده وقفت و رحت للمنظره (( المرايا ))

اشوف نفسي و اتخيل طرحتي على راسي

اقول معقوله اصير عروس !!

و لأنسان ما اعرفه يمكن شفته مرتين او ثلاث و لا حتى دققت بملامح وجهه او اعرف تصرفاته

مادري !!

عكري ماتخيلت اني بطلع من بيت ابوي مع انها سنة الحياه بس انا مافكرت !!

انزين و حتى لو تزوجت ابغي شخص احبه او اميل له او حتى لو اكون بمعرفه بسيطه فيه

..

و نمت على السرير وانا بالي بعييد ..


صحيت على الساعه 9 بالليل ..

ياربي شفيني انا نمت !! و شالوقت اللي نمت فيه !!

قمت بسرعه اجيك على دفاتري و اكتشفت اني لازم اقدم ريبورت باجر للجامعه

غسلت ويهي و صليت العشاا لأني نمت بدون ما أصلي ..

و بعدها يبت لابتوبي و قعدت اشتغل على الريبورت و ساعه اكتب و ساعه اسرح ..

الساعه 2 بالليل كملت الريبورت ..


و نمت ..


كان عندي محاظره الساعه 11 الظهر و قمت الساعه 10 و جهزت نفسي و رحت الجامعه ..

و دخلت المحاضره و كملت من محاضراتي الساعه 3 العصر ..


رجعت البيت


و رحت لغرفتي

الا صوت الباب

طق .. طق .. طق

..


انا : مييين

.. : انا ندى نزلي امي تبييج ..

انا : انزين يايه الحين بنزل


[MARK="FF0099"]

تابع
بحط بعد جزء لعيونكم
(a)
[/MARK]
p
pinkeez
مشرفة سابقة
02-04-2009 | 02:30 PM
و نزلت


امي : يمه بسم الله نوفه حبيبتي ليش ويهج أصفر و ليش امس نمتي بدون عشاا و اليوم الصبح ماشربتي شاي مو من عادتج شفيج يمه انتي مريضه ؟؟؟!!!!

انا : لا يمه مافيني شي ..

امي : ماعتقد .. !

انا : مافيني شي صدقيني .. شنو طابخه ؟

امي : صالونه دجاج ..

انا : اممم بالعافيه عليكم انا مابي ..

امي : اقولج فيج شي .. قولي لي شفييج لا تخليني احاتييج

انا : سلامتج يمه ..


و مرو اليومين على خير لين يه يوم الثلاثاء و جات الحنايه و كان البيت لوويه و ازعاج


و نزلت اتحنى معاهم و انا احس ان شكلي شاحب

مادري شنو السبب يعني يمكن لأني حسيت اني بفارق بيت ابوي و بفارق حظن امي و ازعاج ندووي و دلع نوااره .. ماعرف !!


و تحنيناا كلنا و يه يوم الخميس ..

قمت من نومي على صوت التلفون يررن ..

..

انا: ألووو >> بصووت مبحوح

.. : قووه

انا : يقوييك .. من معاي ؟

.. : شخبارج نوف ؟

انا : الحمدلله بخيير !!!!!! من معاااي ؟!!

.. : اممم انتي ماتعرفيني ..

انا : يه .. بلا خفه دم بتقول من انت و لا اصك التلفون ؟

.. : اوكي بقولج من اناا بس والله مابتعرفيني ..

انا : انزين من وين لك رقمي ؟

.. : من وحده معانا بالساكشن ..

انا : نععععم !!! و من هالوحده !!!

.. : نوف انتي يمكن تعرفيني شكلياً بس ماتعرفين صوتي و لا اسمي و لا شي عني ..

انا : يعني انتي معاي بالجامعه ؟

.. : ايي اقولج وحده معانا معانا بالساكشن يعني من وين بكوون ..

انا : انزين تعال طقني ( اضربني ) بعد ..

.. : تنكسر يدي و لا اجيسج ( ألمسج ) ..

انا : انزين و شالمطلوب الحين ,,

.. : اممم لا مايصير اقولج شالموضوع بسرعه جذي ..

انا : لا والله .. اقول اخوي مع السلامه

...

طووط .. طووط .. طووط


وصكيت التلفون .. و جات الف فكره في بالي و اولها من هالقليله الادب اللي توزع رقمي !!!!

ماهمتني السالفه واايد كثر ماكنت مهتمه بالملجه اليووم

و قمت غسلت ويهي و فرشت اسناني و غيرت ملابسي و لبست العبايه و رحت لغرفه ندووي


طق طق طق

ندووووووي يالله طلعي باروح عنج الصالون تراا

ندووي : انزييين لحظه بلبس شيلتي و بايي ..

انا : انزييين باروح السياره نزلي تحت هاا ..

ندووي : اووكي


و نزلت سلمت على امي و حبيت راسهه و رحت السياره اصخنهاا


دقيقتين و ياات ندووي و مشيناا ..


دخلنا الصالون و سويت شعري كيرلي و ندوي سوووت باف و خلته سييده ..

و رديناا البيت


على الساعه 5 بديت اتجهز و حطيت ميكب وردي خفيف خذ لي ساعتين و انا اتجهز يعني على الساعه 7 خلصت .. و رحت لأختي و امي و مهاا كانت جايه عندنا و خذتهم علشان نرووح بيت عمي بدر ..


بعرفكم على عايله عمي


عمي بدر مثل ماقلت لكم هو شريك مع ابوي بالشركه

زوجته حصه دكتوره ولاده ..

البنت الكبيره أمل عمرها 29 سنه متزوجه و عندها عبوودي 5 سنوات و سارونه سنتين و تشتغل دكتوره بعد بس للأمراض النفسيه ..

بدر 25 سنه يشتغل ضابط و هو اللي ملجته اليووم على بنوته اسمها عبير

عوااشه عمرها 18 سنه و بمدرسه اختي ندووي وهي آخر عنقودهم ^^


..

كانو مسوويين الملجه ببيت عمي بالصاله للحريم و المجلس للرياييل

بيت عمي ماشاء الله كبير و راقي و كان كل شي راقي بالحفله

و العروسه تينن ماشاء الله عليهاا

دخل بدر جنه البخت يحليله

بدر شخص وسيم و اخذ له وحده ربي عطاهه جمال ماله حدود

الله يرزقهم بالذريه الصالحه يارب

على الساعه 2 بالليل رجعناا البيت و نمت على طول من التعب

.

.

.


[COLOR=black]حمسوني شووي لو بجم رد علشان احط الباقي
لأني ما احس احد يتابع
:(
[/COLOR]
t
the queen82
عروس رائعة
03-04-2009 | 06:46 AM
(y)(y)يلا أنا معاك وإلى الأمام
أ
أم طروقي وهنوفه
عروس فضية
04-04-2009 | 01:37 AM
يلا كملي ...انا بعد اتابعج ....بس عندي ملاحضه انتي مخربطه في الاسامي شوي ..
m
miss ho
عروس مشاركة
04-04-2009 | 07:08 AM
:up:يلا ننتظر التكملة اسرع
ن
نيو نور
عروس جديدة
04-04-2009 | 07:17 AM
[frame="10 70"]
اختي" [COLOR=magenta]pinkeez " :o[/COLOR]
[COLOR=magenta]روعه القصه فدييتج ..
ننتظر الاجزاء الثانيه .. :wink:
انا بعد لاحظت نفس اختي " هنوفه الحلوه "
ان في خطأ في الاسامي ..
قلتي [SIZE=4]اخوج ناصر ..
وهني حطيتي طلال !


------------------------------------------------
[COLOR=black][SIZE=3][COLOR=black][B][SIZE=3][COLOR=black][COLOR=black][SIZE=3][COLOR=white][B][SIZE=3][FONT=Tahoma][COLOR=black][B][FONT=Tahoma][SIZE=3][COLOR=dimgray][COLOR=red][SIZE=4]طلال : وايد تأخرتوو ..[/COLOR][/SIZE][/COLOR][/SIZE][/COLOR][/COLOR][/FONT][/SIZE][/B][/COLOR][/FONT][/SIZE][/B][/COLOR][/SIZE][/B][COLOR=black]
[SIZE=3][COLOR=black][SIZE=3][COLOR=black][B][SIZE=3][FONT=Tahoma][COLOR=black][B][B][FONT=Tahoma][SIZE=3][COLOR=dimgray]انا : وين تأخرناا احنا طلعنا الساعه 8 يبيلناا ساعتين في السوق على الاقل و بعدين رحنا لا شوكولا ..[/B][/COLOR][/FONT][/SIZE][/B][/COLOR][/FONT][/SIZE][/B]
[SIZE=3][FONT=Tahoma][COLOR=black][B][B][B][FONT=Tahoma][SIZE=3][COLOR=dimgray][SIZE=4][COLOR=red]طلال : انزين يالله مها نمشي ..[/B][/COLOR][/SIZE][/B][/COLOR][/FONT][/SIZE][/B]
[B][B][B][FONT=Tahoma][SIZE=3][COLOR=dimgray]مها : يالله ابووي ..[/B][/B][/B]
------------------------------------------------[/COLOR][/FONT][/SIZE][/COLOR][/FONT][/SIZE][/COLOR][/COLOR][/SIZE][/COLOR][/SIZE][/COLOR][/SIZE][/COLOR]


انتظرج حبيبتي .. (f)
أختج " نيو نور " .. :15:

[/COLOR][/SIZE][/frame]
ق
قـلـب طـفـلـة
عروس رائعة
04-04-2009 | 08:08 AM
ايه ده يلا ياقمر كملي بجد انا معا كي يلااااااااااااااا كملي
ف
فتيكة
عروس ماسية
04-04-2009 | 11:03 AM
بنكوووووووووووزة ياعسل رووووووووووووعة ماشاء الله القصة
يلا كملي الاجزااااااء واحنا بانتظاااااااااااااااارك ياحببتي
p
pinkeez
مشرفة سابقة
04-04-2009 | 01:48 PM
هنوفه الحلوه;9136661:
يلا كملي ...انا بعد اتابعج ....بس عندي ملاحضه انتي مخربطه في الاسامي شوي ..


نيو نور;9137593:
[frame="10 70"]
اختي" [COLOR=magenta]pinkeez " :o[/COLOR]
[COLOR=magenta]روعه القصه فدييتج ..[/COLOR]
ننتظر الاجزاء الثانيه .. :wink:
[COLOR=magenta]انا بعد لاحظت نفس اختي " هنوفه الحلوه "
ان في خطأ في الاسامي ..
قلتي [SIZE=4]اخوج ناصر ..
وهني حطيتي طلال !


------------------------------------------------
[COLOR=black][SIZE=3][COLOR=black][B][SIZE=3][COLOR=black][COLOR=black][SIZE=3][COLOR=white][B][SIZE=3][FONT=Tahoma][COLOR=black][B][FONT=Tahoma][SIZE=3][COLOR=dimgray][COLOR=red][SIZE=4]طلال : وايد تأخرتوو ..[/COLOR][/SIZE][/COLOR][/SIZE][/COLOR][/COLOR][/FONT][/SIZE][/B][/COLOR][/FONT][/SIZE][/B][/COLOR][/SIZE][/B][/COLOR][/SIZE][COLOR=black]
[SIZE=3][COLOR=black][SIZE=3][COLOR=black][SIZE=3][COLOR=black][B][SIZE=3][FONT=Tahoma][COLOR=black][B][B][FONT=Tahoma][SIZE=3][COLOR=dimgray]انا : وين تأخرناا احنا طلعنا الساعه 8 يبيلناا ساعتين في السوق على الاقل و بعدين رحنا لا شوكولا ..[/B][/COLOR][/FONT][/SIZE][/B][/COLOR][/FONT][/SIZE][/B][/COLOR][/SIZE]
[SIZE=3][COLOR=black][SIZE=3][FONT=Tahoma][COLOR=black][B][B][B][FONT=Tahoma][SIZE=3][COLOR=dimgray][SIZE=4][COLOR=red]طلال : انزين يالله مها نمشي ..[/B][/COLOR][/SIZE][/B][/COLOR][/FONT][/SIZE][/B][/COLOR][/FONT][/SIZE]
[SIZE=3][FONT=Tahoma][COLOR=black][B][B][B][FONT=Tahoma][SIZE=3][COLOR=dimgray]مها : يالله ابووي ..[/B][/B][/B][/COLOR][/FONT][/SIZE]
------------------------------------------------[/COLOR][/FONT][/SIZE][/COLOR][/SIZE][/COLOR][/COLOR][/SIZE][/COLOR][/SIZE][/COLOR]


انتظرج حبيبتي .. (f)
أختج " نيو نور " .. :15:

[/COLOR][/SIZE][/frame]



تصدقوون اني مالاحظت مع اني بعد ماكتبتها قريتها !!
هههههههه ماعليه سامحوني
بس لأني كنت ااكتب جي من بالي و على السريع
تقريباً ب يومين او 3 ايام خلصتهاا
يعني ربطت الافكار كلها

وتراها قصه عاديه جداً ماحبيت يكون فيها قصه حب و عوار قلب
او موت او شي من هالنوع القصص متكرره
و هذي خليتها عاديه كأنها وحده تروي قصة حياتها
:D

سوو طااف :o
وجايه بجزء جديد
p
pinkeez
مشرفة سابقة
04-04-2009 | 01:50 PM

وهذا الجديد لعيونكم

.
.

و مررت الايام عاديه نوم و جامعه و اكل و شويه طلعات و سووق ..

لين مر علي اسبوعين بالضبط و اتصلت لي مريووم صديقتي

مريووم : نوووووفه شلووونج يا قلبي

انا : هلا مراايم بخير فديتج انتي شخبارج ؟

مريووم : انا تمام .. بس قلت بما انج ناسيه اذكرج ..

انا : لا مرايم انا مته نسيت .. سمعي مريومه انا للحين ماقلت لأمي و استخاريت ربي بس ماعرف والله احس ان كل شي عادي ..

مريووم : اممم تبين مده اطول ؟

انا : احس فشله اخوج ينطر من متى .. تدرين بسأل امي و عطيني يومين بس و برد لج خبر ..

مريووم : خلاص اوكي .. يالله تيك كيير .. بيبااي

انا : باي


نزلت تحت لأمي و خذتها على جنب و قعدت اقولها السالفه و امي كانت فرحاانه لي واايد و هي تعرف ام مريوم صديقتي و شلون هم عايله من ذهب من اخلاق و مال نسب ..

وو دار هالحوار بيناا

انا : يمه انا طالبتج ابيج تستخيرين لي .. حاسه ان نفسيتي عاديه و مافي اي تغيير بعد ما استخرت ؟

امي : ان شاء الله يمه و انتي فكري زين ..

انا : يمه هي عطتني مهله اسبوعين و قلت لها ابي يومين بس تعرفين احس فشله ..

امي: اوكي خلاص بصلي لج مرتين و الله يكتب اللي فيه الخير ان شاء الله ..

انا : ان شاء الله .. يالله يمه انا استأذن بروح ادرس عندي اختبار باجر

امي : الله يوفقج يا يمه ..


و رحت فوق و قعدت ادرس و احتياطاً لليومين اللي عطتني اياهم صليت استخاره و نمت ..


الصبح رحت لأمي و سألتها يمه حلمتي شي ؟


امي : اممم انا حلمت ببحر بالظلام و ماكنت مرتاحه و سبحان الله ماتدرين بس بصلي اليوم بعد ..

انا : يمه انا حاسه اني عادي خلاص بعد اليوم صلي و اللي تشوفينه قوليه .. يالله مع السلامه


و طلعت وانا بالسياره ررن تلفوني ..


انا : الووو ..

.. : نوف شخبارج ..

انا : اففف هذا انت .. شتبي !!

.. : نووف انا اسمي محمد .. عمري 25 سنه و انا ما ادرس معاج و لا شي و اللي عطتني رقمج هي اختي و هي تدرس معااج بالجامعه بس بدون ماتعرفينهاا و مابي اطول معااج انا معجب فيج و بشخصيتج من زمان و انتي داخله خاطري و انا اختبرتج بالمره اللي راحت و حسيتج نجحتي بالاختبار و عرفت انج خوش بنت و انا مابي امللج معاي ابي اييج من الباب ..


انا : !!!

.. : الووو وينج ؟

انا : انت من وين تعرفني ومتى جفتني .. !!

.. : نوف انا احبج و يمكن من طرف وااحد بس صار لي اكثر من سنتين و انا اشوفج والله ماقدر انطر اكثر .. انتي فكري و ردي علي ..

انا : .... شصاير بالدنياا !! لحظه انا حالياً جايني وااحد يبي يخطبني و ماقدر ارد عليك لازم ارد على الشخص الاول و اذا ماصار نصيب بعدين يصير خير !!

.. : لا نووووف ارجوج لا توافقين انتي بتذبحيني بهالطريقه ولي يسلمج يا نوف قولي لاا ..

انا : اممم قلت لك اللي الله بيكتبه بيصير و بعدين انا ماعرفك اصلاً .. الحين انا آىسفه بصك التلفون .. مع السلامه


حسيت اني بحلم من هالشخص و شالاشياء اللي قاعده تصير لي

معقوله ماعندي شخص يجذبني و شخصين ينجذبون لي بدون ماعرفهم !!


وصلت الجامعه و بعد ماخلصت محاضراتي طلعت و شفت عوااشه صديقتي و رحنا كوفي شووب و قعدت معاها و قلت لها كل اللي بقلبي و اللي صار لي ..


عووش : نوف حبيبتي انتي فكري بالاول اول شي و شوفي شتقولين عنه و بعدين مريوم صديقتنا وانتي خابزتهه يعني اكيد اخوهه مثلهاا و هذا غريب و انا اشوف القريب احسن من البعيد .. و بالنهايه هذا رايج انتي بس ..

انا : افف يا عواشه حيرتيني زياده عن اللي فيني ..

عووش : لا يا قلبي لا تتحيرين فكري و استخيري و سألي وبعدين ردي ..

انا : المهم عوااشه انا بامشي بتمشين الحين و لا بتمين

عووش : لا شيقعدني بروحي مب صاحيه .. يالله كاني وراج ..


وطلعناا و رديت البيت و بما ان ندوي احس عقلها للحين عقل مراهقين ماحب اقعد وياهاا و اقول لها اللي بقلبي


تميت افكر و افكر و قلت لي باجر و بجوف شعوري و برد على مريووم

و قمت الصبح و رحت حق امي و قالت لي انا قلبي مقبووض بس الراي رايج

حسيت امي بعد الاستخاره مب فرحانه و قمت افكر و بالاخير خذت قراري

.

.

p
pinkeez
مشرفة سابقة
04-04-2009 | 01:51 PM
واتصلت على مريوم

..


انا : الوو مريومه شخبارج

مريووم : بخير نوفه انتي شلونج

انا : الحمدلله .. انزين مراايم بخصوص موضوع اخوج ..

مريووم : قررتي حبيبتي ؟ ترااه اذاني ..

انا : مريوومه مادري شقولج والله بس سامحيني كل شي قسمه و نصيب و انا مب مرتاحه وااايد

مريووم : اممم يعني افهم من كلامج انج مو موافقه ؟

انا : لا والسموحه منكم و مثل ماقلت لج النصيب ..

مريووم : يه افا عليج نوف عادي حبيبتي و اخوي اكيد بيتفاهم موقفج و يالله الحين اخليج علشان اروح اقوله .. باي

انا : باي

.

.

ماعرف حسيت اني استعيلت و بنفس الوقت احس قراري صح


بعد اسبوع تقريباً و الاصح 6 ايام .. اتصلي الشخص نفسه ..

اللي هو محمد مثل ماقالي ..

.. : نوف

انا : نعم !

.. : شصار عن الخطبه ؟

انا : ماصار شي ما وافقت .. ليش ؟

.. : نوف قلت لج انا مابي العب عليج ابي اييج من الباب

انا : ... اممم شاسوي ؟ شنو تبي مني ؟

.. : مابقولج جم عنوان بيتكم لأني اقدر اطلعه عادي بس انتي موافقه ؟

انا : انا مالي بارض افكر بدون ماجفتك انت تعال و بعدين بفكر ..

.. : خلاص بخلي امي تتصل .. باي

انا : باي


ماعرف ليش ماكنت متحسسه من هالانسان و حاسه بخووف كنت عاديه كلش و مر يومين و الموضوع ناسيته كلش ..


نادتني امي .. يوم الاثنين

رحت لأمي


امي : نوواافه يا قلبي اليوم اتصلت لي مره تبي تخطبج لولدها بس ماعرف من وين يابت رقمنا و منوين يعرفونج انتي تعرفين احد ؟

انا : اممم يمه الصراحه هذي وحده معانا بالجامعه و اخوها يبي يخطبني قلت لها تعالو لي من الباب و الظاهر هي ..

امي : يالله ربي يكتب اللي فيه الخير المهم هم قالو بييون يوم الخميس بعد صلاه العشااء يعني برزي روحج ..

انا : الحريم بيون الخميس ؟

امي : اي اكيد ..

انا : اوكي خلاص بعدين بروح اشتري لي شي البسه ..

امي : طلعي جمالج كله خلهم يعرفون بنتي شكثر حلووه

انا : ويي يمه ولي يسلمج سمعتي اللي يقولج [[ السبال بعين امه غزال ]]

امي و هي تطقني على يدي >> فديتها : عن هالحجي انتي قمر بعد مو غزال بس

انا : ههههههههه ايه علييج و حبيت راسهه و رحت فوق اقول لندووي و كانت حدها مستانسه

و قالت اليوم بنروح نشتري شي نلبسه و اتصلت لعوااشه بنت عمي بدر تقولها و انتشر الخبر و للحين ماصار شي خخخخ ..

المهم تشريت و جهزت كل شي و يه يوم الخميس بعد صلاه العشاا

كنت لابسه فستان طويل لونه ابيض و فيه ورد سماوي و خليت شعري مفلول ( مهدود يعني مفتوح عادي )

و حطيت ربطه على شعري لونهه سماوي و ماحطيت ميكب الا شي بسيط جداً

بودره و بلاشر خفيف و حطيت مرطب على شفايفي و رسمي اطراف عيني بكحل قلم يعني ماكثرت علشان يبين شكلي طبيعي ..

و دخلت مع اختي ندى على الحريم

كانو جايين امه و خالته و عمته و خواته ثنتين

.

.

و شفت اخته و عرفت من هي و هي ماشاء الله عليها جمال و دلال وامه فيها جمال بعد مع انها كبيره بس حلوه ربي يحفظهم و ارتاحيت لهم كانو خوش ناس و امي استانست معاهم

وانا كنت خجوله وايد و ماسولف اكثر شي ساكته و اتفقو ان الصبي بيي للشوفه الشرعيه الاسبوع الجاي يوم الجمعه ..


و حسيت بالخووف و قلبي يرقع و حاولت اجهز نفسي لين خلصت لي يوم الجمعه ..

دخلت المجلس و كنت لابسه تنوره و بدي و شيله و ماشفت الصبي عدل وايد كنت مستحيه اني ارفع راسي بس هو طلب يقعد معااي يسولف شووي ..

لأن بيتنا متحضرين و واثقين فيني و مايبون يضغطون علي ابوي وافق بشرط يكون الباب مفتوح عليناا ..

و راحت امي و ام الصبي للمجلس الثاني ..

.

[MARK="FF0099"]

[SIZE=4].


يتبع الجزء الجديد ^^
[/MARK][/SIZE]
s
sara2
عروس مشرقة
05-04-2009 | 07:00 AM
ننتظر
ق
قـلـب طـفـلـة
عروس رائعة
05-04-2009 | 02:23 PM
حبيبتي كملي مستنينك
أ
أم طروقي وهنوفه
عروس فضية
05-04-2009 | 05:55 PM
جاري الانتظار...
أ
أم طروقي وهنوفه
عروس فضية
06-04-2009 | 11:57 PM
بنكوزا وين صار لج يومين ..انا انتظر بقيه المسلسل ...يلا اصار بعدين ؟؟؟
ن
نيو نور
عروس جديدة
07-04-2009 | 02:05 AM
حبيبتي " pinkeez " ..
الجزء اكثر من روعه ..
وتوقعاتي ان نوفه بتوافق عليه ..
حتى لو ماوافقت بيصير بينهم شي ..
يعني راح تحبه ..
احساس بس ههههههه ..
حمستيني اعرف شنو الكلام اللي صار بينهم ..
انتظرج على احر من الجمر ..
اختج " نيو نور " ..
s
sara2
عروس مشرقة
07-04-2009 | 06:41 AM
:groupwave: جاري الأنتظار
X