moamana82;9602785:
السلام عليكم و رحمة الله و بركاته
قبل اى كلام اؤكد انى لا اقصد بكلامى اى مشاكل او ضغائن او اى شىء بل بالعكس اشكر كاتبة الموضوع جدا على مجهودها و لكنى احب ان اصحح لها بعض المعلومات بصفتى صيدلانية اى مختصة بتصنيع كل منتجات العناية بالبشرة و الشعر الخ لان هذا ما ندرسه فى الصيدلة و لى خبرة فى مجال التجميل ايضا:cool:
بالفعل كلام الاخت رشا حقيقى فى معظم ما قالته لكنى احب ان اصحح لها بعض المعلومات
اى منتج فى الدنيا له اضراره و فوائده حتى لو كان منتج طبيعى 100% فمثلا العرقسوس له فوائد كثيرة لكنه مضر جدا للحامل لانه يرفع ضغطها و هكذا
لذلك يا بنات الكيراتين له فوائد ذكرتها الاخت(y) لكن له ضرار ايضاا(n)
1.نسبة 2% او 4% لفورمالدهايد الامنة هى ليست صحيحة اطلاقا ان النسبة الامنة هى 0.2%
اى ان نسبة ال2% تزيد عنها ب10 اضعاف اى انها ليست امنة فما بالكم بنسبة 4%
2.منظمة الصحة العالمية الى الان لم تحدد نسبة الفورمالدهايد الامن الا بهذه النسبه 0.2%
و لذلك المنتجات التى تحتوى على نسب اعلى من الفورمالين او الفورمالدهايد لم تاخذ تصريحا منها
لكنها اوصت بالكيراتين الخالى من الفورمالدهايد و هذا يزول تاثيره بغسيل الشعر اى كل 3 ايام
3. الفورمالين من المواد التى تصيب بالسرطان و الحساسية و التهاب الجلد و استشنشاقه يودى الى السرطان و العقم............. الخ
و كونى لا المس به الجلد(لا يمكن ان يتسرب الفورمالين من الشعرة نفسها الى الجسد) لا يعنى ان خطر استنشاقه اثناء كوى الشعر عندما يتصاعد على شكل ابخرة قد زال
اذا اصررت اخت على الكيراتين لانه بالفعل يعطى الشعر لمعة و شكل طبيعى احذرى الاتى
ان تجلسى فى مكان مغلق اثناء المعالجة (امريكا لا تعطى تصريح فى بعض الولايات باستخدامه الا عندما ترتدى المعالجة و التى تعالج شعرها ماسك للغاز)
اياك و ان تكونى فى فترة الحمل او الرضاعة
اياك و ان تكونى تعانين من اى مشاكل فى التنفس او امراض الحساسية الجلدية الشديدة
لابد و ان تتطمئنى ان المختصة ستبعده عن فروة راسك تماما
لا تكرريه كثيرا و الا تعرضتى لاضراره
لا ينصح به للاطفال مطلقا قبل 16 عام
اى استفسار او سوال انا فى الخدمة و اعتذر لرشا مرة اخرى و لكنى اردت تصحيح بعض المعلومات
اى فتاة تتشكك فى اقوالى ارجو منها مراجعة المواقع الطبية (ليست الدعائية) التى تؤكد كلامى خاصة الاجنبية منها لانها متوفرة على السيرفر و بكثرة
اولا شكرا لكي اختي عالافادة وجزاكي الله خيرا وانا متأكده ان قصدك خير
100% بس احب اوضحلك واصحح بعض المعلومات....
مع كامل احترامي لعلمك ودراستك طبعا بس الكلام اللي انا كاتباه ده مش كلامي الشخصي ولا كلام مواقع دعائية ابدا احب اعرفك ان الكيراتين عشان ندخله مصر لاننا نستوردة بشكل رسمي وبكميات من شركة جلوبل الامريكية اللي ليها حوالي 10 مراكز في 10 ولايات امريكية مختلفة لعمل الكيراتين فقط ومصرح لها من قبل وزارة الصحة الامريكية بذلك ونفس الشركة لها فروع لمركزها علي الاراضي البريطانية وايضا واخدين ترخيص من وزارة الصحة ببريطانيا وده كلام اكيد 100% وسهل التأكد منه
لما شحنة الكيراتين بتوصلنا مصر بيحصل الآتي ....
اولا \ ترسل لنا شركة الدي اتش ال تبلغنا وترسلنا الاوراق المرفقة للشحنة عشان نروح نخرج الشحنة من الجمارك والاوراق بتكون عبارة عن موافقة من وزارة الصحة اللي المنتج جاي من بلدها ومعاها كل مكونات المنتج ومش بيكتفوا اصلا بالورق ده لأ
ثانيا....
بيحجزوا الشحنة لمدة 3 ايام عالاقل او اكتر لحد ما يتم عرض الشحنة علي نقابة الصيادلة وبياخدوا منها عينة عشان يقرروا اذا كانت يفرج عنها من الجمرك ولا لأ
واكيد اللي بيشوفوها دول من اكبر الصيادلة في مصر وعندهم خبرة كبيرة جدا في المجال ده ولو كانت بتسبب امراض خطيرة او بسيطة عمرهم ماكانوا يفرجوا عنها
يعني ده اكبر ضمان ودليل ان المنتج آمن 100% مع احترامي لكل اللي قولتيه بس دي اراء اكبر الصيادلة في مصر اللي صرحوا بيه انه امن وعلي الاساس ده بتفرج عنه الجمارك
وانا في بداية استيرادنا لها اتكلمت بنفسي مع احد اكبر الصيادلة منهم وقالي في مواد كتير ممكن تكون خطيرة لو زادت نسبتها عن حد معين زي مادة سلفات لوريس الصوديوم اللي موجودة في كل الشامبوهات بلا استثناء بما فيهم حتي شامبو جونسون للأطفال لو زادت عن 5% ممكن تسبب سرطان لكن الشركات بتلتزم بالموضوع ده ومش بتزيد فيها عن النسبة دي الا كنا كلنا اصبنا بالمرض اللعين ده والعياذ بالله وقالي انه مادة الفورمالين نفس الموضوع لا تزيد عن 5% والشركات مش بتزودها عن ال 4% مش 5 كمان وطبعا بيدونا ارشادات انها ممنوعة اثناء الحمل وانه يجب لبس الكمامة اثناء عمل السيشوار والكلام ده كله بنلتزم بيه ومفيش اي مشكلة خالص الحمد لله انا عن نفسي عملته 3 مرات ولو كان فيه ادني خطورة كنت هخاف علي نفسي قبل اي حد ومروحش استنشق الدخان ده ولا اعرض نفسي لاي خطورة فلوس الدنيا كلها متساويش الصحة اللي ربنا انعم علينا بيها لكن عشان انا متأكده 100% من اكبر صيادلة مصر وامريكا ان الموضوع آمن والاحتياطات دي بسيطة وسلهة ومفيهاش اي مشكلة
