كيوتي بيبي;9579924:
راح تكون ولادتنا على اول البرد صح ولا لا متى راح تبتدون اتجهزون حق الولاده
كيوتي بيبي;9579952:
انا الحمد لله احس الوحم خف شوي بس صايره ما اطيق نفسي اي احد يكلمني اشب في ويهه احب دايم اقعد بروحي ما احب الازعاج ولا صوت التلفزيون
بحرينيه عسل;9580577:
بالضبط نفس حالتي كله اطرد اليهال ما احب صراخهم حتى المكيف ما احب صوته :eek:
كيوتي بيبي;9580648:
انا بعد ما راح اجهز الافي بدايه السادس مع اني دايم احب اجهز مع بدايه الثامن لكن ما راح الحق احس ما في وقت احس نفسي وايد مظغوطه السنه اجهز حق رمضان والعيد والمدارس والولاده كله ورى بعض خاطري بعد اغير ديكور غرفتي الي في البيت مع اني مغيرته مع اخر ولاده من 3سنين بس احس اني مليت منها الله يعينه واليهال يحنون يبون يسافرون في الاجازه الكل علا راسي يقولون خربتي علينا الاجازه ليش تحملين الحين مع اني في خاطري اروح مكه اقعد شهروهم يبون تايلندواتا ما فيني حيل للسفر
كيوتي بيبي;9580712:
على طاري المكيف تدرون اني الظهر انام بدون مكيف مع انه جسمي فيه حراره غريبه احسه مولع بس اطرافي دايم بارده
و غارت الحور;9580757:
تدرين يقولون الي تصير أطرافها باردة أثناء الحمل تييب ولد باذن الله انتي بشو خاطرج؟؟؟
بحرينيه عسل;9580504:
لا حبيبتي مابصبغه بس قص قلتي لي اسمها أن الي تقص بس اذا ممكن توصفين لي وين مكان الصالون؟؟؟
كيوتي بيبي;9580823:
بنات في موضوع وايد حلو كاتبته وحده من الخوات عن شهية الاكل ونوع الجنين اقروه احس انه كلامها صح من ناحيه الشهيه ونوع الجنين طبقت الكلام على نفسي تقريبا نفس الشي
و غارت الحور;9580522:
انا ما احب اسوي وقت للتجهيز يعني ان شالله يوم اعرف جنس الجنين بشوف اي قطعة تعجبني ابتدي آخذها و شي احس بخلص التجهيز ز ما حسيت بتعب و لا شي ان شالله بس ترى من الحين نتفق اي وحدة تشتري اي شي على طول دش و تراوينا ياه اتفقنا؟؟؟؟؟؟؟:cool:
مس بحرين;9580896:
انه من البداية قلت لكم اي شي اشتريه راح اقولكم من وين واراويكم اياه عاد بشرط؟
اتقولون لي رايكم بصرااااااااااحة اتفقنا
الأم الحنون العطوف;9581010:
متشوقة اشوف التجهيزات ودلينا بالاماكن خاصة اني ماعندي خبرة واكيد بنضيف راينا
مس بحرين;9572337:
انه موافقة
زهرة السعادة;9578477:
، *جنة الله* ،
ليش لا ؟؟
انتي أخباركِ ؟؟ و أخبار البيبي معاكِ ؟؟؟
و غارت الحور;9580638:
هههههههههههههههههههه انا بدون مكيف ما أقدر أنام زين احس صوته مخدر بس شكله الوحام عامل عمايله فيج
شمس الهيام;9581292:السلام عليكم أخواتي الكريمات
حبيت انضم معكم في هذا التجمع أني حامل في نهاية الشهر الثالث
لي 12 أسبوع من الحمل وهذا الحمل الثاني لي وحامي هالمره اكثر من حملي الأول
للهذا اليوم اللوعه ذابحتني وما احب الاكل حتى شرب الماء ما احبه كنت كله بالطوارىء مغذي ومره تنومت
بالمستشفى اربعة إيام انتظر يخلص هالوحام تعبت وتعبت نفسيتي لأني حملت على بنتي وعمرها سنة وشهرين ورضاعة وقلة تغذية وتكرمون ترجيع هزل جسمي الحمد لله على كل حال الله يسر على الجميع
وقومنا جميعاً بالسلامة .......اللهم أحفظ ما بأرحامنا وجعلهم أطفال سليميين دون زيادة أو نقصان ..
شمس الهيام;9581311:ممكن طلب شلون احط لي التوقيع سويت لي شريط أسابيع الحمل ومدري ما يطلع لي بلوحة التحكم لوضع التوقيع ممكن تساعدوني بارك الله فيكم