ان شالله بنوته وتتربى بعزك وعز ابوها يا رب
بحرينيه عسل;9883942:
بعد الردود على الحلوين احين بقولكم تفاصيل زيارتي للطبيبة امس:-
أنا خذيت موعد مع الدكتورة منى الشرقي من اسبوعين وكنت مترددة اروح بس زوجي اصر علي اني اروح لانه معزم نسافر بسيارة وكان يبيني اتأكد اذا اوكي لي او لا المهم قعدت الصبح على الساعة 6 ونص وسبحت وبدلت ورحت الشغل قبل لادخل الشغل زوجي اتصل وقالي في تذكرة صديقه عندي في السيارة فقلت له اوكي بأخذه له خاصة ان موعدي تو الناس عليه كان الموعد الساعة 8 واربعين دقيقة! المهم بصمت في الشغل ورحت وديت تذكرة صديق زوجي واخذت لي ريوق (فطور) ورحت الموعد وكانت الساعة 8 و35 دخلت الريسبشن وسألت الموظفة وين عيادة الدكتورة فدلتني ورحت للممرضة وسالتني عن اسمي وكان الموعد مسجل عندها وقعدت تسألني متى اخر دورة وكم بيبي عندي وسألتني بس تبين التراساوند قلت لها نعم فقالت 15 دينار :eek: بس كنت اتوقع اكثر وبعدين انتظرت تقريبا ثلاث دقايق ونادتني الممرضة الثانية ودخلتني غرفة التلفزيون وكنت اقول ليش الممرضة اتسويلي التراساوند :mad: بس طلعت متسرعة في حكمي بس برزتني وراحت وانتظرت تقريبا اكثر من خمس دقايق وكنت على اعصابي بس مب متوترة وبعدين دخلت على الدكتورة وكانت مبتسمة :D او بالاصح تضحك وشافت اوراقي على السريع وقالت لي شنو تبين تعرفين قلت لها ابي اطمئن على البيبي والمشيمة لاني ما سويت التراساوند لحين جان اتقول المشيمة وضعها صحيح ورأس اليهال 18 اسبوع صح نفس المتوقع والفخذ ما ادري كم انج يعني 18 اسبوع وبعدين سألتني شنو عندج في البيت قلت لها 3 اولاد الي تقول يعني تبين بنت هالمرة قلت لها انشاء الله والي ايي من الله حياه الله وبعدين صار قلبي طبول احسه بيطلع من مكانه اشوفها تضحك وتزيد ضحكتها الا تقولي شنو تتوقعين ادري تتمنين بنت بس شنو تتوقعين قلت لها اتوقع الصراحة ولد الا اتقول وليش لحد الحين ما رحتي مواعيدج قلت لها رحت امس اول موعد في المركز يالله الحين بنشوف اتزيد عصابة الاولاد والله اشلون جان اتقولي:
فيج بنوته جان امسك يدها واصيح اقولها اكيد الا تقول انشاء الله اكيد يوم شافتني جذي تمت ادقق اكثر جان اتقول اكيد بنت واتصيدني رجفة وحالة وبعدين سالتها عن السفر قالت اذا في راحة اوكي بس اذا متواصل مب زين حرام تحملي في البنوته وبس طلعت من عندها على الحمام لاني كنت حصرانه ولاني كانت فيني صيحة كملتها في الحمام :D واتصلت حق زوجي قلت له كل التفاصيل ما عدا جنس البيبي بحاول ما اقوله يمكن لما اتأكد اكثر، بس بنات من فيكم راجعت عند منى الشرقي هل اهي شاطرة فعلاً طمنوني الله يخليكم لانها وايد واثقة وهي تفحصني وتقولي انها بنت.