تجمع الحوامل اللواتي يلدن في شهر كانون الاول ديسمبير 2009 12

صباح العسل

بنات ماتعرفون عن ام نبراسي من امس مالها بيان

اي صح وينها ؟؟؟(i)
محد يدري عنها شي ؟؟ :rolleyes:
المفروض راحت موعدها .. ان شاء الله تكون بخير (f)

والله كلنا متحمسين نعرف عن بعض ونبي نسمع اخبار جديدة عشان التجمع ما يصير ممل بس شنسوي بعض العضوات ما يبون يعلمون :(

اي صح كلامج (y)
ان شاء الله احنا انقول اللي يصير لنا اول باول :cool:
و هم بعد يتشجعون و يقولون (i)

كروشاات في بعضكم فهموني ان انا عرفت جنس البيبي ياريت والله بس انا توني في الأسبوع 13 وموعدي في نص شهر 7 ان شاءالله اذا عرفت شنو جنس البيبي لازم بخبركم عبالكم باصير مثل بعض الناس خخخخخخخ اتغشمر تره عاادي لاتزعلون

ان شاء الله قريب تعرفين (i)
و ربي يتمم لج على الف خير ان شاء الله (f)
و بس اتروحين موعدج ننتظر اتطمنينا عليج و على البيبي (a)

اوكي بما انكم صرتوا 3 عضوات راح اقول لكم قصتي في العيادة امس

أخيرااااااااااااااا :rolleyes:
خبرينا عسى خير (a)

الله يسلمكم مثل ماخبرتكم انه ميته ابي اعرف جنس البيبي وبما انه كان معاند اخر موعد لي مع دكتورة فرح وثاني موعد لي معاها تاريخ 20-07 شراح يصبرني
المهم خديت موعد مع الدكتورة فهيمة المطوع امس الساعة 10:30 الصبح رحت لها بدون ما اخبر احد لا بيتنا ولا زوجي لانهم مايرضون يقولون لي مو زين
المهم امس الساعة 10 انه في العيادة وطبعا لازم اتكونين شاربة ماي وااااااااااايد عشان تقدر اتشوف البيبي شربنا غرشتين ماي وحليب فراولة فتخليوا حالتي المهم يات الدكتورة الساعة 10:30 ونادتني دشيت الا اتقول كل شي اوكي الراس والعمود الفقري الخ الخ وانه ميته ابي اعرف جنس البيبي سالتها الا اتقول مايبين لانه صاك ريله وجافسهم :eek: تخيلوا شنو صار فيني وبعدين قالت لي روحي تمشي 10دقايق تخيلوني حصرانه حدي وامشي بعد المهم مشينا نص ساعة دخلت عليها وانه مو قادرة الا تقول ماغير جلسته :ss: حاولت بكل الطرق قالت لي نقزي على خفيف عشان يغير نقزت 10 مرات ولا في فايدة قالت لي على الصوبين هم ماغير في النهاية قالت لي اخر حل روحي فرغي مثانتج وانه ماصدقت طيران ورجعت لها
وبعدين شافت الجنس :D وطبعا تلفوني ماسكت لانه زوجي كان شاك فيني حتى بيتنا اعترفت اني رحت اشوف الجنس البيبي :o بس قلت لهم انه مابين (6)
بس انه مو متاكدة عشان جدي ماقلت لكم
ها اشرايكم في قصتي

يسلم لي هالبيبي المعاند :tongue:
يا الشريرة (6) حتى زوجج ما خبرتيه :rolleyes: ؟!
بل :eek: لازم نشرب هالكثر ؟!! ويش يصبرنا ؟؟؟ :ss:
الحمد لله انه كل شي تمام (y)
يا عيني ع هالحركات :wink: شكله البيبي يسوي لج مفاجاة من الزين (i)
بل :eek: مشي و حصرانة .. الله يساعدج (f)
ههههه .. و الله البيبي فنان (a)>> ظل شي ما سويتيه عشان تجوفينه ؟؟ :ss:
هههه .. احسن شي انج فرغتي مثانتج (y) >> راحة :cool:
هههه .. قصتج فننننننن :wink:
انتي و البيبي = أكشن × أكشن !

هلا بيج اكثر يالغلا دوم تكونوا إن شاء الله بخير
العفو تستاهلون كل الخير تسلمين الله يحلي إيامج

انا بعد يزمين رايحه ولو حكتلى الجنس باحكيلكم واحكى عن تجربتى وشو استخدمت للكل يستفيد بامر الله
وفى النهايه ما خايفه على البيبي لان نيتى سليمه والله خير حافظا وهو ارحم الراحمين
ربنا يقومنا جميعا بالسلامه بخلقه تامه كامله بدون زياده او نقصان
ذريه صالحه نفخر بيها دنيا واخره ان شاء الله

و انا بعد .. بس اعرف جنس البيبي بخبركم (i)
و انا بعد وكلت اللي في بطني الى ربي هو يحفظه ان شاء الله (a)
و ربي يسمع منج ان شاء الله هالدعاء الحلو (f)

بحرينيه عسوووووووله يعني مب تقولين شوو نوع البيبي ؟؟؟يالله بطني عورني من الفضووول

لا حبيبتي بحرينية عسل الى احين ما عرفت جنس البيبي (i)

والله يااسعاد انتي تفكيرج مثل تفكيري فعلا كل شي بيد الله وكل شي بالنيه

وعقبال ماتعرفين وتخبريني ان شالله خخخخ

و انا نفس التفكير (i)
الحمد لله من توكل على الله ما ضاع (y)

الله يسلمج وخليج ويحفظج يالغالية
ربي يجعل إيامج كلها حلوه وطمنينا عليها
وإن شاء الله ما نسمع إلا الأخبار الطيبة

هلا بيج عمري إن شاء الله :wink:

شخباركم حبيباتي زهرة السعادة بحرينية عسل مس بحرين ام نبراسي سعاد سالم جنة الله ام فاطمة ام يسور البرج اليسر كيوتي بيبي الحواس الخمس الام الحنون حوامل هذا التجمع الطيب شخباركم وشخبار الحمل معاكم وبيبياتكم عسى أموركم كلها تبشر بالخير إن شاء الله

والحين بعد الردود على الحلوين بقولكم عن موعدي يوم الخميس::wink:

رحت المستشفى على الساعة سبع وربع تقريبا ودايركت على قسم الحوامل ( خبرة):D رحت للكونتر وقلت للموظفة عندي موعد سألتني عن الورقة قلت لها جنها ضاعت جان تقولي ليش تضيعون الاوراق:mad: وبعدين قالت خلي بطاقتج و انتظري رحت قعدت وقمت احوس في الشنطة جان احصل الورقة :rolleyes:ورجعت للكونتر وعطيتها الورقة وانتظرت تقريبا خمس دقائق وبعدين نادتني واخذت معلومات عن وعن زوجي وقالت لي ودي فايلج داخل فدخلته فعطتني غرشة تحليل بول " الله يعزكم" وقالت لي روحي يبي عينة بول " الله يعزكم" ورحت قعدت انتظر وبعدين نادتني ملت باقي الفايل وعطتني اوراق حق تحاليل دم وبول ورحت المختبر وسويت تحليل دم وطلع دمي 11.3 يعني نزل شوي ورجعت عطيتها النتيجة وبالنسبة للبول بتطلع النتيجة في موعدي الياي 5/7/ وإنشاء الله خير مع اني اتوقع عندي التهاب.وبس وبعدين طلعت ورحت السيف وتوني قاعدة الف جان تصيح صفارة الانذار وطلعت مع الطالعين ورحت لستي سنتر اتقضى حق اليهال وخذت لهم كم بدلة للعيد وكنت امشي واقعد من الم بطني وظهري وخلصت على الساعة 2 وبعدين رجعت السيف تغديت ورجعت البيت والمغرب طلعت مع زوجي واليهال خذينا لهم هدايا نجاحهم ورجعنا بعد ما اخذنا عشا على الساعة عشر ونص وكنت خلاص بموت من الالم.:confused:

يسلمون لقلبي الخبرة :wink:
بيذبحون بهالورقة :ss: >> اشوه حصلتينها بعدين >> افتكيتين (y)
حاسبي على اكلج يا الغالية عشان دمج ما ينزل زيادة (n)
ان شاء الله تروحين موعدج و نتظر اتطمنينا :cool:
و ان شاء الله ما فيج الا العافية انتي و البيبي (a)
افتكيتي عن زحمة العيد بعدين (y) و خففتي على روحج عن الثقل بعدين :wink:
الله يساعدج يا قلبي .. ما عليج شر .. لا تعبين روحج (a)
اتصدقين انا مثلج .. ساعات يصير خاطري اطلع نص الطلعة اتعب :ss: ملل جدي (n)
الله يسر لج امورج و ننتظر اتطمنينا بس اتروحين موعدج :cool:

بنات خطوبة ولد خالي تاريخ 1/7 وما شريت شيئ لحين عندي فستان توني مفصلته الوانه برتقالي واخضر وفصلته موديل الستيانات واااااااااااايد حلو ومرتب في اللبس فقلت شكلي بلبسه بس المشكلة ان الخطوبة بتكون في فندق ما ادري عادي البسه والله لازم فستان سهرة، اذا تعرفون مكان عنده فساتين تصلح للحوامل دلوني عليه الله يخليكم.

وعندي سؤال العدسات اللاصقة مضرة للحوامل؟؟؟؟

يبين انه فستانج حلو :cool:
تقدرين تلبسينه حتى لو ناعم لانه بالمكياج و الشعر بتصيرين فخمة اكيد (a)
و بالنسبة للمحلات ما ادري وين بالبحرين بس بالسعودية اكيد اتحصلين (y)
و العدسات ما اعتقد مضرة بس ما ادري الصراحة :rolleyes:
بس بنت اختي احين بالتاسع و تلبس عدسات عادي من بداية الحمل (i)

عليكم بالمداومة حبيباتي على الدعاء والإستغفار ليسهل علينا ربنا الحمل والولادة