انا ولدت في الاسبوع ال25

الله يرده لش سالم ويصير بحضنش
لا تحاتين
اني ولدي جبته اول اسبوع من الشهر السابع حتى الرئتين ما اكتملو وظل شهرين ونص بالحاضنة
واحين اكو ماشاءالله بفضل الدعاء اكو احين وش حلاوته يهبل وشيطون مطلع لي قرون

بس خلش كل يوم تزورينه وقعدي جنبه وتكلمي وياه لأن البيبي يعرف صوت امه
واذا يصير ترضعينه هم زين
اني ولدي شهر ونص ما يصير ارضعه وكان يتغدى بالأنبوب

اهم شئ بعد تحملي بصحتش حبيبتي عشان لما يطلع بالسلامة انتين ما تكونين تعبانه

الف حمد لله على سلامتك وربنا يرجع لك ابنك بالسلامه

حمدالله على سلامتج
وان شاءالله تجوفينه بحظنج

ماردت عليكم الاخت عسى المانع خييير... ياارب يطلع بالسلامة ويحفظة

استودعية الله التي لاتضيع ودائعه .. وان شاء الله ربي يحفظة..والحمدلله على سلامتك

الله يقومك بالسلامه وماتشوفين شر يالغاليه

اختي طمنينا عن ولدك

الله يطمنك عليه وتشوفينه بحضنك
سلامتك اختى

الف حمد لله على سلامتك وربنا يرجع لك ابنك بالسلامه

بنيه طمنينا :(

شكرا لكل اللي مرو، كل اللي سئلو واللي دعو لولدي بالسلامة..

انا طبعا كان المفروض اولد بشهر يوليو .. وانا الحين بالشهر السادس .. من غير اي مقدمات ومن غير محد متوقع بس جاني الم حاد بأسفل البطن بالليل وانا توقعتها الام حمل عادية كوني بكرية وماعرف الالام الطبيعية من الام الطلق .. تميت من 1 الليل لين 5 ونص الفجر وانا اتألم بالاخر قلت بسبح بماي دافي يمكن يخف الالم وانا اتسبح استفرغت وحزتها خفت وصحيت زوجي قام مفزوع وقال يبي يجيب الاسعاف طبعا رفضت من الخوف وكنت لحالي قلت له خل نروح الطواريء بس ما جا ببالي ولادة بالمرة مع ان الالم كان منتظم كل ربع ساعة ..
رحت المستشفى تخطيط للجنين وكشف بالسونار وعنق الرحم قالت الدكتورة هذي ولادة كاملة ، انا بغيت اموت من الخوف لحالي واول مرة وبالشهر السادس :( المهم طلعوني لغرفة الولادة وخلال ساعة او اقل كانت المدة بين الالام تقصر، وولدت بالسلامة ..
انا صحتي الحمد لله بخير والبيبي طبعا في الحضانة ووضعه مو مستقر طبعا لان وزنه 640 جرام بس يالسين يتابعونه واليوم توووه قالو لي سحبي له حليب بنحاول نعطيه 1 ملم بس ..

دعواتكم لولدي الله يقومه بالسلامة .. نفسيتي تعبانة حدها ..

يا حليلج يا بنية زينه والله عورتي قلبي اختي لا تخافي وتوكلي على ربج وان شاء الله يقوم بالسلامة

الحمد لله على سلامتك الله يحفظة ويخلية لك
ويقر عينك بشوفتة.....

ان شاء الله بيقوم بالسلامة

ادعي رب العالمين

ان شاء الله ما عله شر بيكبر وهو باذن الله بصحته وعافيته

ربي يطمنك علية وكلها فترة بسيطة ان شاء الله وتلمينة في احضانك وتتغزلي فية كل صبح ومسية
وتحمدي ربك اولا واخرا على ما من به عليك وعلى كل مايقضية عليك خلي الايمان بان كل مايجريه عليكم هو اختبار منة سبحانة ولابد مايكون في آخرة حكمة وخير هو العالم بالسر ومااخفى

بس ابي اسالك بنية انت في مراجعتك ماقالو لك يبغى لك عملية ربط لعنق الرحم
او الرحم او المشيمة نازلة

يالللللللللله يابنية عورتي قلبي..

ان شاءالله ربي يحفظه ويخليه لك ياااااااااااااااااارب.. وتفرحين فيه ان شاءالله ..

وطالما قالوا لك اسحبي له حليب ان شاءالله يارب تكون بادرة خير .. وانتي اكثري من الإستغفار والصدقه بنية ان ربي يحفظ لك ولدك ويخليه ان شاءالله وكلنا ندعيلك..

بس الدكتورة ماقالت لك سبب الولادة المبكرة؟؟؟؟؟؟؟؟ ودكتورتك اللي تتابعين معاها معقوله ماكانت منتبهه ولا شافت شي؟؟

حمدلله على سلامتج عزيزتي

الله يحفظ لج ولدج ويخليه ويقومه بالسلامة ويبلغج فيه

الحمد لله على سلامتش ولاتحاتين
اللي كاتبنه ربي بيصير وان شاء الله مافيه الا الخير
وكلها ايام وتشوفينه في حضنش
والحمد لله على كل حال

ربي يحفظه لك وتشوفينه بصحه وسلامه