تجمع خاص بالحوامل البكر ((أول حمل لكِ تفضلي معنا)) الجزء 17

قطرية22;9331259:
شمس الضحى

الله يبارك فيج حبيبتي .. وانتي باي شهر :) :)

بروح انشاءالله اليوم .. بس يبين كيس البيبي الحين ولا لا ..

مثل ما قالت لج ناني


و انا بالشهر الثامن حبيبتي..

قطرية22;9331299:


وخااااطري اغمض عيني وافتحها والاقي نفسي في غرفة الولاده ^^

<<< مستعجله :):)

ههههههه حلوه هذي..

كنت نفس الشي.. بس الحين خايفة من الولاده.. بس ابي البيبي يشرف بسرعه.. متشوقه

لا تخافين حبوبه ^^

تعب ساعه انشاءاالله وعقب ترتاحين وتستانسين بشوفة البيبي فديته ^^ وبتنسين كل التعب ..

يلا هانت كلها شهر ويملي عليكم حياتكم :)

قطرية22;9331364:
لا تخافين حبوبه ^^

تعب ساعه انشاءاالله وعقب ترتاحين وتستانسين بشوفة البيبي فديته ^^ وبتنسين كل التعب ..

يلا هانت كلها شهر ويملي عليكم حياتكم :)

الله يسمع منج حبيبتي..
تعبت انتظر..

عاد بديت امشي زي البطه.. شكلي يضحك ههههههه

عقبالي :) امشي مثل البطه خخخخخخخ

لان اول الشهور تخرع الصراحه .. الله يعين

قطرية22;9331449:
عقبالي :) امشي مثل البطه خخخخخخخ

لان اول الشهور تخرع الصراحه .. الله يعين

صدقيني مشيه بشعه ههههه بس.. عقبالج هههههههههه

اي دريري بالج كثير في الشهور الأولى..

لا تمشي كثير و قللي حركه.. يعني لو متعوده تدوري و تلفي تطلعي درج و تنزل.. (بطليها هالشهور..)

صح كعب ممنوع..

كثري فواكه و خضره.. بس بعدي عن البابايا و الأناناس...

أممم شو بعد؟؟!!! ما اذكر (صادني فقدان ذاكره ههههه)
لو في اي شي غير بخبرج

هلا حوامل


شرفوني بموضوعي اللي في التوقيع



الله يسهل عليكم



^_^

هااااااااااي كررررركووووووووووشااااااااات

هلا هلا بشمس الضحى

دريم اخبااارك

قطريه مبررروك الحمل

ناني يلله اولدي حسك طولتي خخخخخخخخخخ

هلا يا حلواااااااات .. شخباركم

البارحة طول اليوم في بيت اهلي وايد ضيوف كانوا عندنا ..

اتطمنت على غرفتي هناك بما انه اخويه محتل نصها حاط فيها ثيابه ههههه

اليوم سرت امشي .. وناسيه اني حامل

اقول في خاطري شو ها ليش احس بهالانقباضات في العضله اللي فالمنطقة الحساسه .. عقب تذكرت اني حامل و بنوتي الحلوة يالسه تسويلها مكان هههههه فديتها الله اييبها لي بالسلامة :)


عطوره..

انا نفسج تلعوزني في اليلسه ماقدر ايلس اظني عشان وضعها .. الحمدلله طمنتيني .. شخبارج اليوم ..

البيبي فديته بيكبر لا تحاتين هم فالتاسع ترا ما يسوون شي فالبطن غير يمتنون ههههه اشربي حليب يقولون يغذي الياهل ..


--

شمس الضحى ..

اسكتي انا ريلي يتم يضحك عليه يقول لي اتحداج تمشين عدل يوم احاول ما اقدر تييني صيحه هههههههههه

احس عضلات الحوض خلاص استوت جذيه ماقدر اسكر ريولي مثل اول ..


--

شيراد ..

لا ويين المرأة الحديده .. والله زايغه بس احاول اشغل نفسي بالاشياء الثانية عشان ما اتوتر ههههههه .. لا وامي دوم تقول لي ولا بتدرين بالدنيا بتربين بسهاله ان شالله .. فأقول ان شالله يكون حظي مثل ما تقول امي و اربي بسرعه .. :) شو بتحطين في شنطة المستشفى خبريني لأني تأزمت شوي ..

--

ناني ..

يا حبيبتي لا تعورين راسج بحسابات الدكاترة انتي امشي على حساب الدورة و توكلي على الله .. انتي تراجعين كل اسبوع او عشرة ايام؟


--

ياليتها تقفي ..

هلكتيني من الضحك على سؤالج .. ههههههههههه

انا اول كنت نفسج اسوي التراساوند فالمستشفى و يوم ايي القى البنات كاتبين سوينا سونار .. اقول شسالفة ليش انا ما سوولي ههههههههه

عادي خلج كووووووول..


--

قطرية ..

انتي سويتي اختبار الدم اللي يثبت الحمل؟ اذا لا لازم تسوينه .. لأنه جهاز البيت مب كافي لازم تسوين اختبار الدم وبالمره بيسوون لج كشف التراساوند .. بعطيج الجدول مال اول الشهور:


الحمل عمر 4 اسابيع ---> اكتشاف الحمل باختبار الحمل المنزلي ثم اختبار الدم ..


الحمل عمر 7 او 8 اسابيع ---> بالامكان سماع نبض الطفل .. وبالتالي تجاوز اول خطر للتسقيط ان شالله


الحمل عمر 12 اسبوع ---> بالامكان رؤية البيبي يتحرك فجهاز الالتراساوند .. شعور لا يوووصف .. ما بتقدرين تحبسين دموعج


الحمل عمر 16 اسبوع ---> بالامكان معرفة جنس البيبي لو كان الجهاز واضح والطبيبة شاطرة والبيبي في وضعية تسمح .. يعني مب مستحي ومسكر ريوله ههههه


ان شالله تستفيدين .. ولا تنسين خذي موعد كل شهر مره عشان اتابعين حملج عند دكتورة زينه ..

اجمل ايام العمر ..

ايه فينك يا جميل؟ من كمن يوم ما شفناج .. لا يكون الوحام مطلع عينج ههههههه


--

دريم ويب..

من طول الغيبات ياب الغنايم وينج من فترة ..


--

حبتين..

وينج يا حلوة مالج حس يوم تدخلين واسبوع تغيبين .. ان شالله تكونين بخير

الحين انا وشيراد و عطر تقريبا بنربي في نفس الاسبوع ..

تحدي منو تربي اول هههههههه

انا هنا يا مفتون .. و فعلا الوحام مبهدلنى .. ربنا قومك بالسلامة و يجيبلك بنوتك بالسلامة ياااااااااااااااااااااااارب

مفتون;9335223:
الحين انا وشيراد و عطر تقريبا بنربي في نفس الاسبوع ..

تحدي منو تربي اول هههههههه

أنا وياكن بعد نفس الأسبوع ..

يارب تسهل ..

اجمل ايام العمر..

كلها ايام بسيطة وبتعدي ان شالله .. اشربي شاي اخضر يريح المعده انا وايد ساعدني فالوحام..


--

حبتين ..

آمين ياارب ..

ااهليييييييين بالحلوووووين

مره طفش اليوم جلست انظف واكوي من الطفش

اخبار مفتتون وحبتين

مفتون احس اني بدخل العاشر وماراح اولد لاني ابي اولد بدري خخخخخخخخخخخخخخخ

بنات ..

ما تحسون انه تزيين غرفة المستشفى نوع من المبالغه؟


ساعات ازور بنات مربيات و استغرب من الاشيا الغريبة اللي حاطينها وكل شي طقم حتى الكراسي..


شو رايكم فالموضوع؟

ههههههههههههه

عطوره فال الله ولا فالج

ان شالله بتربين يوم الله بيريد لا تأزمين نفسج مثل بعض البنات الله يهديهم من كثر ما يترقبون الولادة تنهار اعصابهم اخر الايام ..

في وحده كاتبه موضوع اسمها مس زقرتية

والله استغربت كيف اللهم اسألك العفو والعافية يالسه تتمنى الموت عشان ما ربت ..!

ما يسوا والله .. الحمل حلو الحمدلله هاي نعمه عشان تتاخرون كمن يوم تنهار اعصابكم ليش وين الايمان بالله ..


الله يهدي سرهم البنات اللي مطوفين مواعيدهم ..

انا من وجهه نظري لا لاستقبال المستشفى الي بيجي يسلم علي ويتحمدلي بالسلامه نقدمله شوكلت وفطائر وشاي وقهوه

ماله داعي ازين باب الغرفه والبهرجه

اولا مراعاه لظروف غيرك ممكن وحده مربيه وميت ولدها او فيه شي تعبان او هي تعبانه

الاحسن نخلي الحركات في البيت

لحول لا والله ماتوصل اني اتبلى على عمري وش حلاتها وهي ببطني ححتى لو طولت

اهم شي ربي يحسن خلقتها يااارب واشوفها بكامل صحتها

مفتون هذي من صدقها تتكلم دخلت وقريت المووووضوع مجنونه

صح كلامج عطوره ..

انا بعد جذي مفكره .. بخلي كل شي شكله حلو وراقي من ناحية التوزيعات والضيافة والباقي فالبيت ان شالله ..