تجمع خاص بالحوامل البكر ((أول حمل لكِ تفضلي معنا)) الجزء 17

أنا الحمدالله لحد الحين

متسطحه وأحاول ما أتحرك وايد

عل وعسى تصعد المشيمه

اهم شي انك ترفعي رجلك مهم جدا

ارفعها وربج كريم

بس الدكتوره تخوفني

تقول المشيمه ساده على المخرج وراس البيبي عليها
يعني صعب ترتفع

بس ان شاء الله خير

حتى حددتلي موعد للعمليه .. وربي أحاتي

لا تخااافين لو ان ربي كاتب طبيعي راااح تولدين طبيعي

ان شاء الله يارب

الألتراساوند يبين

وأظني لو الراس نازل تحسين بضغط أكثر في الحوض
والرفس يخف ويكون باتجاه الصدر أكثر

هممم والله هو كان الراس تحت قبل اسبوعين بس الحين احس الرفس و الحركه فوق و صوب اليمين و اليسار أكثر!! علشان كذا احترت..

طيب اشولنج انتي و كيف تحسي وضع المشيمه..

شمس الضحى;9198756:
هممم والله هو كان الراس تحت قبل اسبوعين بس الحين احس الرفس و الحركه فوق و صوب اليمين و اليسار أكثر!! علشان كذا احترت..

طيب اشولنج انتي و كيف تحسي وضع المشيمه..

هههههههه عادي يستوي
بس كبف ماية الراس عندج ؟؟

أنا عندي زياده عشان جي في مجال البيبي يسبح


وأنا الحمدالله بخير

أهم شي ماشي دم ينزل وان شاء الله اللي ربي كاتبه بيصير

شمس الضحى تدرين ان راس تحت اذا حسيتي بالضغط لتحت ويكثر روحتج للحمام وانتي بكرامه والرفس اليمين واليسار هذي اليدين ياااحلوه واذا جسيتي برفسه من فوق تحسيها ثقيله هذي الرجل

اهلا بنات
دي اول مشاركة ليا في التجمع ده
انا مها من مصر عمري 24 سنه ود اول حمل ليا ياريت تقبلوني بينكم

حبتين.. والله مدري بخصوص ماية الراس.. ولا قد سألت!!!!
و الحمدلله ما في دم .. اهم شي تريحي و ترفعي رجلج على شي أرفع من مخده .. يعني مثل ما انا اسوي أو حتى تسنديها على جدار أهم شي تكوني رافعتها..

عطر.... انا احس بالرفسه فوق و ابي اروح الحمام فما بالج لو تحت..
الرفس مو كثر بس الحركه ما شاء الله.. هو هذا اللي محيرني ما اعرف اميز لو كانت حركه بس

مها..

هلا والله بيج حبيبتي.. اشلون الحمل معاج؟؟ و متى موعدج بأي شهر؟

maha211;9198888:
اهلا بنات
دي اول مشاركة ليا في التجمع ده
انا مها من مصر عمري 24 سنه ود اول حمل ليا ياريت تقبلوني بينكم

يااااااااا اهلا فيك يااامها

أنا هاخلص التاسع في 25 مايو إن شاء الله
بس لسه مش عارفة هاولد امتى بالظبط

مساء الخير
اخباركم؟
طبعا ما في ولا خبر عن اماراتية لحد الحين

ارسلت لها الساعه 3 .. و 9 ونص
ما ردت علي
اتمنى اتمنى انها ولدت بالسلامه


\\


حبتين ان شاء الله ترتفع المشيمة عندج
و تولدين طبيعي بإذنه تعالى

الله يسهل لامارتيه يارب وتولد بالسلامه وتفرحنا

حبتين لعيونك;9198617:
أنا الحمدالله لحد الحين

متسطحه وأحاول ما أتحرك وايد

عل وعسى تصعد المشيمه

لا تخافي يا حبتين مجرد انك ما تلبسي عالي وماتصعدي الدرج وتنسدحي على ظهرك كلها 10 أيام وترجع المشيمة بإذن الله لاني في الشهر الخامس صار معاي هالمشكلة والحمدلله عدت على خير

شمس الشموسه ..

نحن بخير الله يسلمج.. المفروض الراس عندج يكون تحت وبما انج تسيرين الحمام اكثر يعني الست هانم يالسه على مثانتج ههههه نفسي يعني مب مخلتني ارتاح نص ساعه بدون ما اسوي زياره ههههههه
انا نفسج بعد الضرب عندي تحت اخف فأحس انه هاذيل الايادي و فوق ماشالله يكون اقوى .. ساعات لو حسيتي انها ضربت وتمت مكانها تحسسي المكان يمكن تحسين بريولها سويلها مساج


--

حبتين لعيونك ..

الحمدلله انج بخير اليوم .. وصلتج الرسالة الخاصه؟ لقيت لج كمن موضوع عن المشيمة قلت يمكن ينفعونج..


--

عطوره ..

شخبارج اليوم .. ما تحسين ساعات انه الحوض جذي مادري كيف كأنه فيه تقلصات؟


--

مها 211

حياج الله حبيبتي.. نحنا وايدات منا بنربي في أواخر شهر 5 .. welcome to the club


--


جود ..

ان شالله ترد عليج وتبشرينا عنها قرييب.. اكيد ربت و رقدت ..مسكينه كانت ليله طويله عليها ..



--


يا الله تسهل على اماراتية كيوت .. و تهون عليها ألمها .. وتفرحها بشوفة ضناها بسلامة ياارب العالمين يا أرحم الراحمين .. ارحمها و عافها واعفو عنها ..

هلا

هي مفتون وصلتني الرساله

بس ولا رابط فتح

مادري ليش

برجع بحاول ومشكوره حبيبتي

هلا مفتوووون

ايه صح من جد تحسين ان الحوض مش ولا بد احس كأن شي بيطلع حتى وقت ما ابي اقوم من السرير مره تعب والم الله يعين بس خلاص انا باقيلي اسبوعي وادش الثالث

مهاااااا انتي نفس موعد ولادتي 25