تجمع الحوامل اللواتي يلدن بشهر ايلول (سبتمر 9) الجزء الثالث 2009

دمعة;9154740:

السلام عليكم
من تاخذ حبوب الكالسيوم؟
ومن متى بديتوا تاخذونه؟؟

هلا دمعه كيفك وكيف النون ان شاء الله خير
انا اخدت الكاليسوم من نص الثالث تقريبا
ولسه مستمرة عليه لان الحمل فى توأم يختلف
اما الطبيعى بتبتدى تاخديه من نص الرابع او اخرة
وكمان بيتحدد اكترلما تسوى تحليل الدم

فاطمة143;9153522:
هذول بطاقات المواليد اذا تبون تحطونها في التوزيعات
بس طبعا انتوا غيروا الكلام الي فيه
وعندي صور ثانيه احاول انزل لكم
تو حطيت بس 3 صور عشان اريد ااتاكد يظهر عندكم الصور او لا
طبعا تقدروا تمسحوا الكلام الي فيه بالفوتوشوب او برسم
عندي واجد منهم صايره فتره كنت ادور بطاقات المواليد
واذا عجبكم ان شاء الله راح احط صور ثانيه اذا تحبوا


http://forums.3roos.com/uploaded/55094/01239014335.jpg

http://forums.3roos.com/uploaded/55094/11239014335.jpg

http://forums.3roos.com/uploaded/55094/21239014335.jpg

حلوووووووين
سيفتهم عندي يمكن احتاجهم

مشكوووووورة فاطمة

عن نفسي ما افكر اعطيها الرضاعه
لان احسن وحده ترضع طبيعي

انا بعد ناوية عالطبيعي اكيد ، بس موكل رضاعتها طبيعية لان مابي تتعبني حيل
مثلا لما اصير بخليها عند اهلي وقت لو عندي ارتباطات او حتى بطلع ماراح تقبل تاخذ الرضاعه ، مايصير بعد تظل جوعانه
فهمتيني ^__^ ؟

شخباركم بنات ؟؟ الدكتورة ماوصفت لي كالسيوم و لا فيتامين
قولكم اروح اخذه من الصيدليه ؟؟

صاحبة الظل الخفي;9154178:
بسألكم نسبه السكر المفروض تكون جم؟

اذا صايمه
من 3,5 الى 6,5

واذا ماكله

من 4,5 الى 7,5

ويختلف قليلا من مختبر الى مختبر ثاني


وترى تحليل السكر للحامل يبدا من الاسبوع 24 على ماا اعتقد

ويتخلف طريقته عن تحليل السكر العادي

ربيعيه;9154019:
عمي ابو زوجي متوفي لكن عمتي في بنتي الصغيره صار لي موقف جتني المستشفى وكان وجهه مقلوب وماكلمتني اصلا زين وراحت تزور الي جنبي وتكلمها انتبهي لنفسك واكلي زين واهم شيء صحتك ونصائح واني تركتني ولما خلصت من عند البنت الي كانت جنبي

جت تقول الى زوجي يالله قوم رجعني البيت قال اليها مشوار ولسا واصلين مارضت تقعد

واني حتى انتبهي الى صحتك ماقالت

وبعد ماطلعت من المستشفى كلمتني وحده من القرايب تقول كيف ماسمعنا عنك وام زوجك ماقالت مع ان زوجة اخو زوجي ولدانه قبلي بشهر وجابت ولد وكنت جالسه مع عمتي وكلمت كل الاهل وبشرتهم


وبعدين قلت الى زوجي الظاهر الي تجيب بنت مايبشرو بها وتضايق حده

وبعد خروجي رحت عند امي ولا جت زارتني الا يوم ثالث بعد ما الكل سال عنها وقلت الى زوجي



متضايقه الى الحين مع انه صارلي اربع سنوات


قولو ان شاء الله ربي يرزقني الولد واشوف كيف بتعاملني

ربيعه لا تحطين في بالج هالشي

وربي يتمم عليج

والله هالناس ماترحم ابد

وربي يعطيج الولد وتقر عينج فيه

وكله عطايا الله

ماتدرين البنت يمكن تطلع باره لج ولابوها

والولد عاق

كل شي في صالح بني آدم يكتبه رب العالمين

**بنت التميمي**;9154215:
ياااااااارب يرزقك بالولد ياارب .. والله بدعيلك بصلاتي لاني حاااااسة فييييييييك

اقسم بالله صارلي شبية موقفك واردى..

والله اهل زوجي ماباركولي بنتي .. ولا احد جاني.. تخيلي طلعى الاربعين وماحد جا ولاحد كلمني.. والله قمت ابكي من القهر..

وبعد الاربعيين اتصلت.. احسبها تذكرت وتبي تبارك.. بس سالت عن زوجي قالت وينة جواله مقفل..وقالت لي معليش .. المرة الجاية يجي الولد... اللي جاب البنت يجيب الولد..

والله مت من القهر.. ياربي ليش وش انا جايبة قطوة..؟؟ جبت ادمي..حتى زوجي ماحد بارك له من خواتة.. ولااامة... بس اخوانه

ولمى ولدت سلفتي والذي نفسي بيدة انها تتصل على زوجي بعد ساعات بس من ولادتهاا.. وتقول جابت ولد.. وتقوم تحكي له تفاصيل ولادتهااا.. وتخبرة عشان يتصل يبارك.. مدري.؟ وش قصدهم.. ؟؟


يمكن تعتقد اني بنقهر.. الحمدلله بالعكس الله يرزقها.. والله عمري مافكرت باحد بطريقة مو كويسة
ولا لي اعداء.. بس مدري ليش هم معاي كذاا

وحتى لمى رحت لهم بعدين.. ماحد جا وباس بنتي او حتى ناظرهاا.. ولاهدية ولاشي.. وولد سلفتي يمسكونة ويلعبوونة.. وخصوصا قدامي..

وانا وبنتي شكلنا مرة يحزن ماحد عطاني وجة ولاقربو لبنتي ولاكنها بنت ولدهم

ودي هالمرة اجيب ولد وش اشووف وش يصير؟

معقدين وايد صراحه

والله يساعدك على هالعقليه

وربي يرزقج الولد وتقر عينج فيه

بطة حلوة;9154281:
باركولي رحت اتفرفرت اني وزوجي اليوم
رحنا ماماز اند باباز
جان بطة تاخذ لها هدية عيدميلادها .. أول الغيث قطرة

اخذت للبيبي لحاف .. وديزاينه فيه الالوان اللي ابيها علشان اسوي الثيم
الوان حيادية

وزوجي وقف عند العربات اشوفه مقتنع فيهم ويبي يشتري
قلتله لا تستعجل وتبيهم ما بيخلصون
ولا اني بولد بكرة
مسكين قعد يطالعني ويقول الحين انتي تشترين اللحاف وانا ما اخذ العربة
قلت له اللحاف ب 20 والعربة ب 350
واني باقي لي 5 شهور

مسكين لو خالته يشتريها ولا يكسر خاطره

ههههههه

مبروك اللحاف

بطه صوريها

خلينا نشجع بعض

انه بعض بحط الصور يلي شريتها

دريم ويب;9153171:
برجر
حبيبتي لا تخافين ولا تحاتين انا بعد يوم الربوع اكلت من مطعم مشاوي ومتبل وجاني تسمم قووي والحمدلله ماصار شي للبيبي..
يمكن انتي مثلي انا نحيفة والنحيفات مايبان بطونهم بسرعة حتى انا بطني صغير :)

ان شاء الله خير يارب

شكله ريلي رجع من الشغل باقوم قبل لا احصل زف

لاني مارقدت من رجعتي من الشغل

بنات اللي قالت عن المساج في الصدر للرضاعه شلون الطريقه؟؟؟

امورة
ماكنت ادري انه تحليل السكر يختلف للحامل والعادي
احاتي وايد هالسالفه لاني وايد اكل حلويات

احسن موقع واضمن موقع للطلب موقع امزون صحوبه جربي انتي واطلبي وعلمينا كيف لان زوجي كله يقولي نصب في نصب

استخدمت الحديد والكالسيوم من اول يوم في الرابع

مع ان دمي كان زين لكن الدكتوره كتبته

اليوم ابتدى تخفيض مدركير هم ما ارسلو الينا لكن شفت مكتوب في موضوع التخفيضات في قسم التربيه

ربيعيه;9155371:
احسن موقع واضمن موقع للطلب موقع امزون صحوبه جربي انتي واطلبي وعلمينا كيف لان زوجي كله يقولي نصب في نصب

لا حبيبتي هالموقع مضمون
اخوي وزوج اختي دايما يطلبون

ربيعيه;9155391:
اليوم ابتدى تخفيض مدركير هم ما ارسلو الينا لكن شفت مكتوب في موضوع التخفيضات في قسم التربيه

ماعرف اذا انتوا نفسنا او لا
احنا عندنا ثنين ماذركير واحد الاصلي والثاني سنتربويت
انه ابي الاصلي

معقوووووووووووووووولة في ناس في الزمن هذا ( القرن 21) تفرق بين البنت والولد

والله العظيم كلهم هديه من رب العالمين ويلي من الله حياه الله ..حنا مسلمين المفروض هالخرابيط تركناها من زماااااااااااااااااااااااااان

غيرنا يتمنا مولود واحد ما همه بنت او ولد المهم مولود واحد يدش عليهم ويملي البيت صراخ ولعب


والله اني انصدمت لما قريت ردود بعض العضوات وردت فعل اهل ازواجهم عليهم لما جابوا البنات


واقوولكم بناااااااااااااااااااات لا تحزنون ولا تشيلون في خوااااااااااااااطركم

والله يهدي كل انساان مازال يفرق بين البنت والولد

والله اني اعرف عوايل البنات عندهم معززات ومكرمات وما ينرفض لهم طلب عكس الاولاد يلي محد يعطيهم وجه هههههههههههههههههههههههههخخخخخخ

بناااااااااات انا ما وصلت لاخر الصفحات قريت لحد صفحه 79

الحين بطلع اصلي ولي عوده

استغربت لما قلتون ان الدكتورة وصفت لكم الكالسيوم

انا وصفت لي بس الحديد من بداية الرابع
وقلت لها اني مقاطعة مع مشتقات الحليب ههههههههه
لكن اشرب لبن وساعات روب,, وقالت لي اوكي كثري منهم وما وصفت لي كالسيوم

باجر ان شاء الله عندي موعد في المركز الحكومي,, وبعد ماتطلع نتايج التحليل باخذ موعد عند الدكتورة في العيادة ويمكن اشوف جنس البيبي مرة وحدة

Burger;9155258:
بنات اللي قالت عن المساج في الصدر للرضاعه شلون الطريقه؟؟؟

انا عندي في الكتالوج مع الصور
طريقه المساج
بس هو مكتوب بالاختصار
تقومي بتدليك الثدي مبتدئه من اسفل الابط وبإتجاه الحلمة

بطة حلوة;9154281:
باركولي رحت اتفرفرت اني وزوجي اليوم
رحنا ماماز اند باباز
جان بطة تاخذ لها هدية عيدميلادها .. أول الغيث قطرة

اخذت للبيبي لحاف .. وديزاينه فيه الالوان اللي ابيها علشان اسوي الثيم
الوان حيادية

وزوجي وقف عند العربات اشوفه مقتنع فيهم ويبي يشتري
قلتله لا تستعجل وتبيهم ما بيخلصون
ولا اني بولد بكرة
مسكين قعد يطالعني ويقول الحين انتي تشترين اللحاف وانا ما اخذ العربة
قلت له اللحاف ب 20 والعربة ب 350
واني باقي لي 5 شهور

مسكين لو خالته يشتريها ولا يكسر خاطره

* تحديات الرضاعة الطبيعية:
- لكي تتجنب الأم مشاكل الرضاعة الطبيعية التي تظهر لها، والتي إن جاز القول لنا تسميتها ب"تحديات الرضاعة الطبيعية"، عليها أن تتذكر ثلاثة أشياء هامة عن الرضاعة الطبيعية

1- اللجوء إلى إرضاع الطفل بعد ولادته فى فترة مبكرة وعدم التأجيل بقدر الإمكان، وأن تكون الرضاعة بشكل متكرر وعدم التوقف لفترات طويلة.
2- إرضاع الطفل عند طلبة للطعام (اللبن).
3- الحرص على وضع فم الطفل بطريقة صحيحة على ثدي الأم، بأن تكون الحلمة والمنطقة الداكنة التي توجد حولها داخل فم الطفل، وليس الحلمة فقط وهذا خطأ شائع تقع فيه العديد من الأمهات.

منقول للإفاده

دمعة;9155833:

استغربت لما قلتون ان الدكتورة وصفت لكم الكالسيوم

انا وصفت لي بس الحديد من بداية الرابع
وقلت لها اني مقاطعة مع مشتقات الحليب ههههههههه
لكن اشرب لبن وساعات روب,, وقالت لي اوكي كثري منهم وما وصفت لي كالسيوم

باجر ان شاء الله عندي موعد في المركز الحكومي,, وبعد ماتطلع نتايج التحليل باخذ موعد عند الدكتورة في العيادة ويمكن اشوف جنس البيبي مرة وحدة

فاطمة143;9155888:
* تحديات الرضاعة الطبيعية:
- لكي تتجنب الأم مشاكل الرضاعة الطبيعية التي تظهر لها، والتي إن جاز القول لنا تسميتها ب"تحديات الرضاعة الطبيعية"، عليها أن تتذكر ثلاثة أشياء هامة عن الرضاعة الطبيعية

1- اللجوء إلى إرضاع الطفل بعد ولادته فى فترة مبكرة وعدم التأجيل بقدر الإمكان، وأن تكون الرضاعة بشكل متكرر وعدم التوقف لفترات طويلة.
2- إرضاع الطفل عند طلبة للطعام (اللبن).
3- الحرص على وضع فم الطفل بطريقة صحيحة على ثدي الأم، بأن تكون الحلمة والمنطقة الداكنة التي توجد حولها داخل فم الطفل، وليس الحلمة فقط وهذا خطأ شائع تقع فيه العديد من الأمهات.

منقول للإفاده