الرياييل مايملى عينهم غير التراب

مسكين اكيد عنده مشكله

السلام عليكم و رحمة الله تعالى و بركاته،

حاولت أفتح رابط موضوعج القديم بس ما إنفتح فإن شاء الله أكون فهمت الوضع عدل

الله يلعن الشيطان بلانا بفعايلة .. القنوات الإباحية هذه بلاء و تسبب إدمان و المشكلة إنها بعيدة عن الواقع مالت ناس فيها أمراض نفسية الله لا يبلينا و لا يبلي أحد من المسلمين ..

المهم حبيبتي تعاملي مع الموضوع بصبر و بحكمة .. أعرف الشي يلوع الجبد بس إنتي حطي في بالج إن العيب مو فيج و لا لأنج مو مكفيته و لا لأنج مقصرة و لا إنه ما يحبج لا .. الموضوع و ما فيه إن الظاهر و على الأغلب إن عنده إدمان .. و مبين و هو عارف في قرارة نفسه إنه قاعد يسوي شي غلط .. و إذا هو إنسان سوي تلقينه في داخله يبي يتخلص من هذا البلاء بس مو قادر

تحتاجين لجرأة و شوية تمثيل و قوة قلب و تكلمي معاه بس لازم يحس من كلامج إنج ما تهددينه و لا إنج قاعدة تلومينه .. كلميه باللين و بهدوء و إنتي مبتسمه و قولي له "عيل تحب تشوف القنوات مالت ذيك السوالف؟؟" يمكن يستغرب و يمكن ينكر و إن شاء الله بس ما يثور .. المهم إنتي واصلي على هدوئج بس شيلي الإبتسامة من على ويهج .. و قولي له أنا حبيتك و إنبهرت فيك لما شفت أخلاقك الحلوة و دايماً راسمة لك صورة مثالية في بالي و يألمني إن تخلي شي يهز هالصورة و يعكر صفوها .. و قولي له أنا أعرفك إنسان سوي و متأكدة إن في داخلك إنت كاره هذه العادة بس صارت عنك إدمان .. و ترجيه و قولي له خلني أساعدك خلنا على الوقت إللي يوصل فيه ولدنا يشوفك مثالي مثل ما أنا شايفتك مثالي و بتضل في بالي مثالي إن شاء الله .. و شجعيه يتكلم يمكن يستحي منج أو يمكن يخاف و يمكن يغطي على فشيلته بأنه يصارخ و يثور بس إنتي توقعي كل ردات الفعل .. إذا زعل و ثار و صارخ .. لا تكلمينه بس بيني له إنج إنتي بعد زعلانة و مظلومة بصراخه عليج (أعرف الشي يألم بس حاولي يمكن الله يهديه على يدج) و أما إذا تجاوب معاج و تكلم معاج فتناقشوا مع بعض في الحلول إللي هي وايد .. قولي له كل ما يده بتروح على الرموت و بيشغل هالقنوات خل بدالها يستغفر الله على فقرات أصابع يده أو ياخذ مسباح و يستغفر الله عل حباته .. و خل يشغل نفسه دايماً بمشاغل الخير بعمله أو بأعمال تطوعية أو بمساعدة الغير من أهلكم و أصدقائكم أو الجيران .. أو بهوايات مفيدة و ما تضر .. و إنصحيه بالصحبة الصالحة لأنهم بيقربونه من رب العالمين و كل ما حاول رب العالمين بيقترب منه أكثر و أكثر و حتى إذا حاول و فشل مرة أو ثنتين لازم ما ييأس و يواصل .. قولي له إنت بنفسك بتستانس إذا تغلبت على نفسك و تغلبت على الشيطان .. و بتشوف بركات هالشي عليك و على حياتنا

حتى لو الموضوع صعب عليج بس تراه يستحق العناء .. الله يكتب لج كل خير يا رب و يارب تبشرين بعد أيام قليلة إن أموركم تعدلت يا رب

انا زوجي بعد اكتشفت انه يناظر هالامور رغم انه ملتزم قال ايه ملتزم لا وتغير على بدون اسباب غير سجل المحادثات لقيته يكلم وحدجه اسمها بنك كات (القطه الورديه)لا وحامل الله لايوفقها حسبي الله ونعم الوكيل
خواتى ادعولى
انا كل حياتي اقدمه على حتى السيارة انا الى طلعتها له غير بطاقاتى كلها معه وكل شئ له وبعد كل هذا مايشوف الا زي التراب

قلبي معورني ومحترق .. ماعرف كيف اتصرف .. كيف اهدي هالانسان .. اللي يشوف شكله وتصرفه مع الناس يقول ملاك ومايتصور انه يسوي جذي :(
ياريت اقدر اواجهه واهدده بالطلاق لكن للاسف بعد مافات الفوت ماينفع الصوت .. في شي في بطني يربطني فيه :( :( :(

لاعت جبدي منه ومن كل شي .. :(

هذا كلامك عن زوجك الي لازم ترضيه الي لو نام غضبان منك تلعنك الملائكه الي لو مات غضبان عليكي ماتشمي ريحت الجنه ؟؟؟؟؟؟؟؟؟

الي هوا فيه ابتلاء ويا بختك بالاجر لو ساعدتيه وطلعتيه من الي هوا فيه

بدل ماتقولي طلاق ولو مو الي في بطني ومدري ايش فكري كيف تخليه يترك العادات السيئه

اكثر الشباب دحين يعملو كدا والسبب فراااااااااغ العاطفه

مو معنات انك زوجتو مايروح للحرام مو معنات انتي معاه 24 ساعه خلااااص لو يبغاكي بيتكلم

اتعلمي كيف تجذبيه حتقولي البس واتكشخ واعمل ومدري ايش بقولك مو بس هذا في رجال يحبو البنت المدلعه حتى لو وحشه ورجال يحبو ملكات الجمال ورجال يحبو الحنونه ............الخ

شوفي زوجك من اي نوع

مو تواجهيه وتتخاصمي معاه عشان يمسح المواقع الي دخلها لا تقدري تقولي وانتي على النت يالله في بنت كانت كاتبه مشكله لها في قسم الكمبيوتر تقول انو المواقع تتمسح من عندها وهيا شاكه واقولها لااا حتى انا تتمسح عندي عادي في اجهزه كذا وبعد كم اكتشفت انو زوجها يمسحها والله انو مايستحي

الرجل تجذبه المرأه الذكيه
وصدقيني لو واجهتيه في الافلام بيقولك انا حر دي حريه شخصيييييييييييه

لو بااان شي قدام وجهك اتكلمي اما تروحي وتقولي له اكتشفت بيقولك ليش تدوري ورايا

انتي ادعي له دحين ربي يهديه ويبعده عن هذي الاشياء ويوم قولي له يلا صلي ويوم ذكريه بعقوبة تارك الصلاه ويوم طنشييييه ولا تكلميه ويوم يتكلم معاكي ويأذن قولي له حبيبي دقيه واجي بس اصلي مااحب ااخر صلاتي ويوم صلي قدامه بدووون ماتقولي له يلا صلي

صدقيني دي طريقه مجربه مع كثييييييييييير وناجحه جدا

الصلاه ماراح تنقبل اذا غصبتيه عليها لانه بيصلي مكره خليه يصلي بقناااااااااااعه

بس نصيحه مني شيلي فكرة قرفت منه ومدري ايش لانها بترجعك لورااااااااااااااااااااااا وبتسؤ احوالك الطلاق مو لعبه ولاتحسبي انه امر هين واصلا سببك يعتبر تااااااافيه جنب بلاوي الحريم غيرك تشوف زوجها في فرشها مع وحده والتانيه يرجع لها والثالثه مدمن قولي الحمدلله وادعي له بالهدايه

عيون الفهد

الله يكتب اللي فيه الخير