السلام عليكم ورحمة الله وبركاتة
كل البنات لهم تجارب في المطبخ كبيرة كانت أو بسيطة
المهم انا مثل كل الحريم عندي تجاربي المتواضعه في المطبخ
أحب أصورها وأحفظ الطريقة الأحسن إلي ضبطت عندي
وقررت أني أسوي ليي دفتر حليو وأنيق أخليه في المطبخ
ممكن لما تكبر بنتي تستفيد منه ومن تجاربي بالطبخ
أصور الطبخه والمقادير مع الطريقة وأطبعهم في ورق A4 بعد التنسيق في Word
وألصقهم في دفتري إلي موجود على طول في المطبخ يحمل تجاربي وكل طبخاتي
كل إلي راح تحتاجوونه ..
دفتر صغير من عند عيالج من عند عيال أختج من أي براده مو مهم
جلادة ( أني جلدته بنوعين قماش التل والحرير )
ورد وأغصان لتنسيق
شرايط أي لون حسب ذوقج
الغان أو المسدس على قولت أمي ( لاصق السليكوون )
وراح يصير عندج أحلى دفتر وداخله ألذ طبخات
ولا كتاب منال العالم :lol: وبناتج وخواتج راح يتسفيدون منه
يا رب تكون الفكرة عجبتكم وإن شاء الله أشوف تطبيقاتكم