بطالة البحرين الجزء الثاني ..!

بسمة أطفالي;10178826:

المفروض 400

بس اغلب المؤسسات ماتدفع شي للمتدرب فبظل على راتب التمكين بس !! يعني 270 !!

بالتوفييييييييييييق:cool:

اكيد هاذي الشركات وزارة العمل ما تدري عنهم بس لازم 400

بنت البادية1;10178916:

حبيبتي الشركه تدفع 100 وتمكين 300 ويصير 400

بسالكم تمكين تعطي تدريب او شغل للثانوي ولا بس الجامعيات ؟؟؟؟؟؟؟؟

فيه عندها دورات حق الجامعيين و عندها دورات متخصصة للثانوية العامة

بعضها تدريب و توظيف و بعضها دورات من غير توظيف

احد سمع عن وحدة الخريجين الجامعيين !

**ام عبادي القمر**;10173709:
امل لا خيوو اني اول مرة رحت سوي لي امتحان وعلى طول ودوني مقابلة حق شرف دي جي حتى اني استغربت
قلت يمكن اول شي بيراونه مكان الشغل الي بنشتغل فيه
ويش سالفة الفنادق!!
يعني الي يبة يشتغل في فندق والي مايبة يودونة يدرب هناااك؟؟
اني تشتجعت من كلامش بس ماعجبتني سالفة الفنادق

انه بعد يومين بس تصلوا لي اداوم في المعهد ما رحت اي مقابلة ... سالفة الفنادق اول ما رحت اقدم دخلت انه والوالد وواحد من قسم التسجيل غرفة وقالنا انة احتمال انة ندرب في فنادق خمس نجوم هل انه والكفيل نوافق او لا قلنا طبعا لا بس قنعنا انه هالفنادق خمس نجوم ما فيها سوالف بطالية وقلنا احتمال يعني لو حصلوا لنا فترة التدريب محل غير الفنادق بخلونا بس اذا ما حصلوا لنا مجبورين احنا نروح .... والبنات الي وياي يقولون انه حد قالهم انه طالبين مستشفيات وشركات موظفات مثل تخصصنا يعني اذا رحنا ودربنا عندهم وعجبهم شغلنا بوظفونة عندهم ويقولون بعد انه سالفة الفنادق بس مجرد يخرعون الناس عشان تشرد وما تدرس عندهم

Loli pop girl;10180035:
بسالكم تمكين تعطي تدريب او شغل للثانوي ولا بس الجامعيات ؟؟؟؟؟؟؟؟

تعطي للثانوي

سندس84;10180940:
احد سمع عن وحدة الخريجين الجامعيين !

رب العالمين كريم وماينسانا ولا ينسى تعبنا واكيد بيرزقنا

الله يرزقنا بالوظيفة العدلة يارب

يغار الحلى;10180634:
فيه عندها دورات حق الجامعيين و عندها دورات متخصصة للثانوية العامة

بعضها تدريب و توظيف و بعضها دورات من غير توظيف

الله يووفقكم ياا بناات و تتوظفوون بحق الشهر الكريم

بس موو تنسوون الحلااوووة !!

أني طالبة جامعية
أبي افضفض شوي عن الي في قلبي
تخرجت من جامعة البحرين شهادة بكالوريوس ولا وبعد بمعدل امتياز
و في النهاية شنو
في البيت
تدربت لمدة شهرين في وزارة التجارة
كانوا يبون يممدون لي الفترة بعد شهر
لكن حصلت لي شغل في الكول سنتر في بنك ستاندر
وتركتهم بعد شهر واحد
والسبب أن الوضع ما ناسبني
كنت حامل في الشهور الاولى
وهم يكرفون الوحدة كراف
تركتهم وقعدت في البيت
جتني عروض شغل
لكن من يعرون اني حامل يهربون !!!!
و قعدت في البيت
و ربيت ولدي و رديت ادور لي شغل

لكن لا في شغل ولا هم يحزنون
سويت مقابلة في مدرسة كانو ولا في حس ولا في خبر
وسويت مقابلة في الحياة للتأمين ونفس الحال

في الاخير قبلت بوظيفة راتبها 260 دينار لا غير
رحنا وزارة العمل نبي نسجل للتأمين
قالوا لي شلون بكالوريوس بهذا الراتب ما يصير
اقل شي 300 دينار
وش كان الحل
سووا لي اوراق على ان الراتب 300 وهو اصلا 260
.
.
والله حرام
منقهرة حدي
ما ادري وش اسوي

بسمة أطفالي;10192491:

بنات حبيت اسالكم

عن الدورات اللي بالتوظيف ويش قصتها؟؟

لمن يعني ؟؟ واشلون التقديم ؟؟ ويش الشروط ؟؟ وووو

احلى امنية شلون قبلتي ان يعتبرون الراتب 300 وانتي 260

لو اني منك مااوافق

الله يوفقنا جميع ان شاء الله بحق محمد وال محمد ....


والله تعبنا من قعدة البيت يا حسافة الشهايد اللي عندنا :(

الله يعطينا ويعطيكم الوظيفة السنعه بحق هالشهر الفضيل

fate88;10196468:
احلى امنية شلون قبلتي ان يعتبرون الراتب 300 وانتي 260

لو اني منك مااوافق

شسوي ما في حل
إن ما قبلت بيحصلون غيري ما عنده بكالوريوس يقبل بهذا الشي
وأني أبي اشتغل إن قعدت في البيت بعدين محد راح يقبل يشغلني أبي على الاقل آخذ خبرة


والله شهادتنا ما منها فايدة أبد
الحين اقتنعت ان صدق ما يحتاج الواحد يتعب روحه في الدراسة ولا شي
أهم شي ينجح وخلاص حتى لو على الحافة و يرسب
وشنو الفايدة حتى من شهادتنا صار حالنا مثل حال اللي عندهم شهاة ثانوية ويمكن بعد مثل الأمي

الله كريم

بنات شنو تنصحوني أتابع في الشغل هذا أو لا
أحس أنه يأثر على حياتي الشخصية
صرت بعيدة عن ولدي وزوجي
خاصة ان الدوام من الساعة 8 ونص الى الساعة 5
وفي رمضان من 8 الى 2

مو عارفة شسوي
توظفت عندهم من شهر أربعة
ولين الحين مو متأقلمة في هذا الوضع

قلت خلني اواصل رمضان وياهم وبعدين اتركهم
حتى لو ما حصلت شغل ثاني


شنو تنصحوني

أحلى أمنية;10200302:
بنات شنو تنصحوني أتابع في الشغل هذا أو لا
أحس أنه يأثر على حياتي الشخصية
صرت بعيدة عن ولدي وزوجي
خاصة ان الدوام من الساعة 8 ونص الى الساعة 5
وفي رمضان من 8 الى 2

مو عارفة شسوي
توظفت عندهم من شهر أربعة
ولين الحين مو متأقلمة في هذا الوضع

قلت خلني اواصل رمضان وياهم وبعدين اتركهم
حتى لو ما حصلت شغل ثاني


شنو تنصحوني

هلا اختي احلى امنية الله يرزقش ان شاالله الشغلة الي تتمنينها ولكن مثل ما قلتين خلش وياهم الى رمضان وبعدين شوفي اذا حصلتين اليش شغل ثاني اقل ساعات العمل اذا تبغين ساعات عمل قليلة تقدرين اتروحين ادرسين في الروضات ولكن معاشاتهم قليلة ومتعبة اشوي اذا انتين من باب تبين خبرة وتقضية وقت يمكن هذا الوضع يناسبش وشوفي الي يريحش ويريح الزوج في القائمة الاولى