لماذا يا اغلى حبيب ؟ تتركين حبيبك وخطيبك او تاخذيه بعيبه

فين الباقيين ارجوكم ساعدوني

مرحبا أختي .. بعد الي قريته .. لا حظت أنج عاقه نفسج عليه وااااايد (اسمحيلي بهالكلمة)

وطبعا غلطانه .. إذا اتصلت مرة .. خلاص المرة الي بعدها هو يتصل .. مب دايما أنت .. وبعدين شكلج

من النوع إلي يزن ويحن وايد .. يعني إذا اتصلتي مرة ومارد عليج .. خلاص طنشي ( يمكن مشغول) ومتى مافضى بيرد يتصل .. وحتى لو يا اليوم الثاني وما تصل لا تتصلين ..

وشكله خطيبج .. ما يعرف شو يعني رومنسيه .. عملي جدا وجدي جدا .. حاولي اتفهمينه أنج بحاجه

للكلام الحلو و الرومانسيه عشان اتعرفين انه يحبج .. وانتي بادليه بالمثل .. والله ييسر أموركم و يتمم زواجكم على خير

أما بالنسبه لسالفة تعبج فالمستشفى .. كان من المفروض أنه على الأقل يطمن عليج لو باتصال او مسج

هذا أقل شي .. يا أختي الرجل مثل الطفل على ما تعودينه بتعامل وياج على طول على حسب تعودج انت

انت عامليه بطريقة معينه وخليه يتعود على أسلوبج وما يتعدى الحدود إلي أنت حاطتنها

شكرا اختي والله كلامك صح انا قاطه نفسي واااااااااااايد لكن من هاللحظه خلاص لازم اعمل لنفسي الحل الصح اللي يحافظ ع كرامتي حتى لو كانت النتيجه اني اتركه

ابي اراء الباقيين وهل اني اتركه صح ؟

*um_jihad*;9098388:
شوفي اختي .. من وجهة نظري ...
اخر مقطع كتبتيه قلتي فيه :
ويقول لا ارجوكي ويقعد يترجاني ويقول انا احبك والله أحبك وانتي مابتلاقين سعادتك الا معي ويقول انه مايرتاح الا معي وانه مايريد احد غيري بهذه الدنيا

اذا كان فعلا صادق في هذا الكلام .. فهذا معناه ان طبيعة مشاعرة شوي جامده او ما يعرف يعبر عن الحب يمكن حياته قبل ما يخطبج كانت جاده و ما فيها رومنسية ولا مشاعر عاطفيه مجرد رجل عايش حياة جاده و ما جرب يعبر لاحد مشاعره و يمكن هذا نوع من التعبير عن الرجوله

ادري انه صعب و شي يقهر بس نصيبج مع رجل من هذا النوع ما يقصد يجرح و ما يدري اصلا انه تصرف خطا

زوجي فيه خصله من هالنوع الي هي ... لما يزعل لازم يطلع من الشقه ساعه و يرجع بعدين يقدر يناقش او يتفاهم لازم اول يهرب من المكان الي هو فيه مدة ساعه تقريبا يخفف الضغط الي فيه و العصبيه بعدين يكلمني هذا شي يضايقني بس هذا شي يريحه و يخليه يراجع نفسه برى الشقه بعيد عن المشكله وبعدين يرجع لي و نحل الموضوع و هذا طبعه من سنوااااااااااااات من قبل ما ياخذني من ايام كان في المدرسه يسوي هالتصرف

خطيبج يمكن من هالنوع لما يكون في مشكله او مشغول بشي يحب ينعزل عن العالم لمدة طويلة لما يخلص الي عنده و هذا اكيد طبع كان ماشي عليه طول حياته من يوم ما كان مراهق او من سنوات

حاولي تفهمينه ان هذا شي مزعلج ومضايقج و ان راحتج في تغيره لهذا االطبع و ان شاء الله يتغير و اذا ما تغير بعدين قرري و عطيه فرصه لان هذا طبع و الطبع صعب تغييره في فتره قصيره
و بالتوووووووووووفيق اختي

كلااااااااااااااااااااااااااااااااااااااامج ذهب يا اختي ام جهاد
وصج الرياييل غير عناا احنا الحريم وااايد
ونوع الريال إلي ما اعرف اعبر عن مشاعره مافي اطيب من قلبه بس لازم تتحملينه

اخواتي ارجوكم ابي ارائكم

اخواتي رجوكم لاتبخلوا علي ارجوكم لاحد تدخل وتقرا بدون ماترد الله لا يوقعكم في هم وضيق يارب

بصراحه انا مع الاخت moon eyes

اخواتي ارجوكم الله لايوقعكم بضيقه ارجوكم لاحد تدخل بدون ماترد