فينكم يا بنات مصر الجزء (13)للاستفسارت عن الميك اب

coffeerose;9158552:
انت قصدك اللي فيه جليتر

ايواااا الله ينور عليكي يا كوفي هوا بعينه ابو جليتر دا بجد ملوش لازمه خالص انا جبته ومعرفتش ارجعه واتنين صحابي جابوه وحاولو حتى يشحتوه محدش راضي ياخده منهم :D

ميااده2006;9158627:
قوليلى بقي قلم الكحل بتاع اوريفليم اليه ككان نازل 24 جنيه هو سواده حلو وبيثبت مش بيسيح يعنى اصل مكتوب عليه انه بيدوم ل 7 ساعات

ايوا يا ميوده هوا طبعا مش لدرجة يدوم بعد 7 ساعات دي يعني انا بحطه وانا نازله الشغل الصبح ولما بروح بيكون راح شويتين بس مش بيسيح معايا خالص

نور التقوى;9158871:
كان فى حد بنوته بتسأل على الماسكرا بتاعت اورفيلم

انا جربت وندر لاش وحلوه

بس بجد الى احلى منها الى لونها نبيتى جبتها ليا و لاختى ولصحبه اختى

وعجبتنا جدااااا وكان فى كام بنوته هنا فى المنتدى جربوها وعجبتهم

بنات حد جاب الشهر ده كرات اللؤلؤ نظامها ايه اللون الروز عاوزه اجيبها وخايفه يقللوا فيها

اللون الرزو زى ماحصل مع ساره وبنات تانيه الى جابها تقول اخبارها ايه

بصي يا قمر انا جبتها الشهر الي فات وللأمانه هيا مفيهاش غير حوالي 20 كوره او اكتر شويه وصغيره مش زي ما كانت في الاول بخيرها :( وفعلا الاكتر فيها البرونز مع اني اصلا جبت الروز لكن كرات الروز فيها قليله
بس بجد انا بمووووووووووت فيها وبستنى عروضها عشان اجيبها لاني من النوع الي بيحط سمر كيك في وشي وبتكون تقيله شويه وفاتحه فلما احط عليها الكرات دي بحس ان وشي لونه اتضبط اوي و مريحاني جدا هيا بس مشكلتها في انها صغيره حبتين :D

ميااده2006;9158924:
البلاشر بتاع اوريفليم بتاع كرات الؤلؤ كنت هجيبها بس خفت
للان ساره وبنات كتير قاله ان البنى فيه كتير يعنى هيغمق والروز كام
وحده بس عايزه اجيب وحده وتكون حلوه بس مش عارفه ماركه كويسه انا كنت
جيبه بلاشر كرات بس معجبنيش كان ردئ جدا وكنت جيباه ب 15 جنيه و
لقيته في محلات 2.50 بعديها بفتره ب 5 جنيه

على فكره يا بنات نازل الشهر دا في افون كرات لؤلؤ ودي اول مره وبحوالي 52 جنيه بس بصراحه معرفش نظامها ايه انا بستخدم اورفليم بس على الاقل يا ميوده بتاعة افون هتكون أضمن من الي ب 15 جنيه لاني كنت هجيبها برضو قبل كدا بس حسيت انها فعلا وحشه اوي
يا ريت حد مشترك في افون يقولنا نظامها ايه

hoba555;9159301:
[/size]لو قصدك كاجال انا معايا واحد بناخيتين ناحيه فضي وناحيه اسود بس للاسف بيسيح معايا

لا يا هوبه مش دا انا قصدي ان لون القلم نفسه مش السن كان على فضي بس هوا ليه سن واحد بس اسود ونازل الشهر دا معاه ماسكرا بس اللون البني بتاعه

أنوش;9159741:
[/center]

شكرا ياحبيبتي لسؤالك عني ربنا ميحرمناش منك:15:
معلش انا حالتي النفسية سيئه جدا جدا اليومين دول وعشان كده دخولي هيقل
هتابعكم لكن مش عارفة اذا هقدر اشارك ولالا لان مليش نفس اعمل اي حاجه
ادعولي ربنا يفرج همي ويوفقني انا وخطيبي ويجمعنا على خير لان فعلا محتاجة الدعوات دي أوي :confused::confused::confused:

الف سلامه ليكى يا انوش وربنا يفرج همك ويجمعك بخطيبك على خير

coffeerose;9159837:
(f)
انهي كحل كريمي
اللي هو ص21 والا غيره
اصل الكحل ده نا جربته ممتاز جدا
وتقيل وواضح وبيثبت كويس

بنجور مامشيش معايا اختي جابته وانا كنت جربته مش بيبان في عيني
(f)(f)(f)(f)(f)(f)

ايوا تقريبا هو اليه بتقولى عليه ابقي اجيبه ان شاء الله

semsem83;9160629:
ايوا يا ميوده هوا طبعا مش لدرجة يدوم بعد 7 ساعات دي يعني انا بحطه وانا نازله الشغل الصبح ولما بروح بيكون راح شويتين بس مش بيسيح معايا خالص

طب كوويس ابقي اجيبه اهو ارخص برضه من جليمر ستيك
بس قولولى يابنات الكحل ليه صلاحيه

semsem83;9160660:
بصي يا قمر انا جبتها الشهر الي فات وللأمانه هيا مفيهاش غير حوالي 20 كوره او اكتر شويه وصغيره مش زي ما كانت في الاول بخيرها :( وفعلا الاكتر فيها البرونز مع اني اصلا جبت الروز لكن كرات الروز فيها قليله
بس بجد انا بمووووووووووت فيها وبستنى عروضها عشان اجيبها لاني من النوع الي بيحط سمر كيك في وشي وبتكون تقيله شويه وفاتحه فلما احط عليها الكرات دي بحس ان وشي لونه اتضبط اوي و مريحاني جدا هيا بس مشكلتها في انها صغيره حبتين :D

انا برضه بستعمل سمر كيك معرفتش اغيرها خالص بس برضه عندى كريم اساس جيوردانى وبستعمله حلو معايا

semsem83;9160679:
على فكره يا بنات نازل الشهر دا في افون كرات لؤلؤ ودي اول مره وبحوالي 52 جنيه بس بصراحه معرفش نظامها ايه انا بستخدم اورفليم بس على الاقل يا ميوده بتاعة افون هتكون أضمن من الي ب 15 جنيه لاني كنت هجيبها برضو قبل كدا بس حسيت انها فعلا وحشه اوي
يا ريت حد مشترك في افون يقولنا نظامها ايه

انا مشتركه في ايفون بس شفتها في الكتالوج ومشفتهاش في الحقيقه
بس الصراحه يا سمسمه برضه الغالى بيبقي اضمن انا صحبتى جيبه بلاش كرات
كان ب 50 جنيه بس هى بيضه اوى فا جايبه الغامق شويه وببيبقي حلو معاها

ميااده2006;9163615:


انا برضه بستعمل سمر كيك معرفتش اغيرها خالص بس برضه عندى كريم اساس جيوردانى وبستعمله حلو معايا

طيب كويس اوي انا عندي سؤال بقى يا ميوده انا بستعمل السمر كيك الشيري بينك وحلوه معايا وبشرتي مش بيضا بس خمري فتفتكري اجيب جيورداني البورسلين ولا اغمق؟؟؟؟؟

معلش تعباكي معايا يا قمر:15::15:

بصى يا جميله جوردانى البورسلين مش بتفتح لون البشره هى بتعمل تغطيه ومش بتحتاج بودر فوقها وبتدى لوك طبيعى بس لو لون بشرتك غامق لكن لو بيضا مش هتعجبك هتغمقك يا جميله

بصي انا بشرتى خمريه برضه
يعنى ولا بيضه ولا سمرا سمر كيك لما بجيبها بجيب الروزته
لانها بتنور الوش بس مش بتفتح اوى زى الشيرى
انا بجيب يا درجه 3 او 4 لوشي اما كريم جيوردانى هو
اصلا درجاته غامقه عارفه جاتلى بلغلط من الشركه الدرجه ال 3 منه
كان غامق اوى ورجعته وجالى الدرجه البورسلين هى منوره وشي ويادوب جيه
على وشي كويسه وهو ميزته انه خفيف على البشره يعنى البودره المائيه تقيله
برضه على البشره لاكن الكريم اساس تحسي بيدى بشره طبيعيه تحطيه يندمج
مع لون بشرتك وكانك مش حطه حاجه في وشك وكمان لو انتى مثلا بتنزلى الصبح
يبقي كرريم اساس جيوردانى حلو لان بيخلى الوش يبان طبيعى للاكن سمر كيك
تحسي برضه اليه يبص في وشك هيقول وشك مش طبيعى حطه بودره
الكريم كان نازل عرض عليه اخدته بخصم العضويه 41 جنييه بس جالى بتاع
جيوردانى بتاع تقدم العمر بدل جيوردانى جولد بس هو هو والصراحه شايفه الكريم ممتاز
وفي واقي شمس هو نسبته قليله بس اه يحمى من اى اشاعه شمس وخلاص
انا بشرتى دهنيه نزلت بيه ومشيت في الشمس ولاقيت وشي مسحش ولا حاجه لان وشي دهنى

وزى ما صوت قالتلك هو لو بشرتك فتحه اوى مش هيبان خالص ولا يفتح
وكمان انتى بتحطى سمر كيك الشيرى بينك يعنى فاتحه هتيجى تحطى
كريم الاساس هتلاقي في فرق لان الكريم خفيف عن الشيرى بينك
هو بينور الوش الدرجه البورسلين بس مش هيديكى نفس التفتيح بتاع السمر كيك
الفاتحه انا مبحبش استعمل الا حاجه افتح درجه واحده من بشرتى

صوت العيون;9164242:
بصى يا جميله جوردانى البورسلين مش بتفتح لون البشره هى بتعمل تغطيه ومش بتحتاج بودر فوقها وبتدى لوك طبيعى بس لو لون بشرتك غامق لكن لو بيضا مش هتعجبك هتغمقك يا جميله

ميرسيييي اوي يا سكر وربنا يكرمك طيب لو عايزه حاجه تفتح غير السمر كيك وتدي في نفس الوقت اللوك الناتيورال اجيب ايه ؟
انا معرفش حاجه كويسه غير جيورداني فتنصحوني بايه يا قمرات

ومعلش عندي سؤال تاني انا عندي بين حواجبي وفوق مناخيري المنطقه دي كل ما احطلها كريم اساس او سمر كيك بتدي قشور شكلها بيدايقني اوي مع اني بحط كريم مرطب قبل ما احط المكياج بس القشور دي مش بتتأثر بالمرطب ومش عارفه تتعالج ازاي:(

بصى يا جميله كريم اساس اماندا جميل هو ب 60 جنيه بس حلو اوى عن تجربه وفى بقا الاستيك بس دا مش اقدر افيدك فيه اوى لانى جبت منه الدوف عشان فيه درجات وهبقا اوريكم صورته ان شاء الله بس هو هيحتاج اهتمام ببشرتك يعنى ما يكونش فيها مثلا شعر وكدا
وبالنسبه لبين حواجبك مشى تلجه عليها قبل الميك اب وحاولى باليل قبل النوم تحطى زيت بيبى اويل كاموميل عن تجربه بيشيل الاشره فى الوش ما شاء الله

ميااده2006;9164290:
بصي انا بشرتى خمريه برضه
يعنى ولا بيضه ولا سمرا سمر كيك لما بجيبها بجيب الروزته
لانها بتنور الوش بس مش بتفتح اوى زى الشيرى
انا بجيب يا درجه 3 او 4 لوشي اما كريم جيوردانى هو
اصلا درجاته غامقه عارفه جاتلى بلغلط من الشركه الدرجه ال 3 منه
كان غامق اوى ورجعته وجالى الدرجه البورسلين هى منوره وشي ويادوب جيه
على وشي كويسه وهو ميزته انه خفيف على البشره يعنى البودره المائيه تقيله
برضه على البشره لاكن الكريم اساس تحسي بيدى بشره طبيعيه تحطيه يندمج
مع لون بشرتك وكانك مش حطه حاجه في وشك وكمان لو انتى مثلا بتنزلى الصبح
يبقي كرريم اساس جيوردانى حلو لان بيخلى الوش يبان طبيعى للاكن سمر كيك
تحسي برضه اليه يبص في وشك هيقول وشك مش طبيعى حطه بودره
الكريم كان نازل عرض عليه اخدته بخصم العضويه 41 جنييه بس جالى بتاع
جيوردانى بتاع تقدم العمر بدل جيوردانى جولد بس هو هو والصراحه شايفه الكريم ممتاز
وفي واقي شمس هو نسبته قليله بس اه يحمى من اى اشاعه شمس وخلاص
انا بشرتى دهنيه نزلت بيه ومشيت في الشمس ولاقيت وشي مسحش ولا حاجه لان وشي دهنى

ميرسي اوي ميوده يا سكر تعرفي اني كنت بستعمل الروزيت في الاول لاني لما كنت احط السمر كيك الشيري كنت بحس اني حاطه ماسك على وشي وبعدين اكتشفت اني ممكن العب في درجة التفتيح من السفنجه نفسها يعني انا لما احط من الشيري بأبل السفنجه بس على خفيف اوي ومحطش على وشي الا لما اتأكد انها نشفت شويه وبكدا مش بتشرب بودر كتير
ولما حطيت كرات اللؤلؤ الروز ضبطت معايا اكتر واكتر
الروزيت بحس انها بتضبط لون الوش اوي بس مش بتدي درجة تفتيح

صوت العيون;9164388:
بصى يا جميله كريم اساس اماندا جميل هو ب 60 جنيه بس حلو اوى عن تجربه وفى بقا الاستيك بس دا مش اقدر افيدك فيه اوى لانى جبت منه الدوف عشان فيه درجات وهبقا اوريكم صورته ان شاء الله بس هو هيحتاج اهتمام ببشرتك يعنى ما يكونش فيها مثلا شعر وكدا
وبالنسبه لبين حواجبك مشى تلجه عليها قبل الميك اب وحاولى باليل قبل النوم تحطى زيت بيبى اويل كاموميل عن تجربه بيشيل الاشره فى الوش ما شاء الله

صوت انتي بجد جميييييييله(f) مش متخيله الموضوع دا كان مدايقني قد ايه خصوصا وان بشرتي الحمد لله كويسه وكانت المشكله بس في المنطقه دي
انا هجيبه ان شاء الله وابدأ فيه وان شاء الله يجيب نتيجه

بنات حد جاب الروج بتاع اورفيليم اللى فى صفحة 7 علشان عايزة اجيبة

معلش يابنات عايزة اسأل سؤال كمان معلش زهقتكم منى هو لازم لو عملت اشتراك فى اوريفلام لازم اجيب كل شهر اى حاجة او كل فترة يعنى ولو ماشترتش يلغو العضوية
وهما عندهم سكرب للجسم والوش وماسكات كويسة

sa7ar-22;9165586:
معلش يابنات عايزة اسأل سؤال كمان معلش زهقتكم منى هو لازم لو عملت اشتراك فى اوريفلام لازم اجيب كل شهر اى حاجة او كل فترة يعنى ولو ماشترتش يلغو العضوية
وهما عندهم سكرب للجسم والوش وماسكات كويسة

ازيك ياسحر

بصي انت ممكن تاخدي اي كود تجيبي بيه اللي انت عايزاه بخصم
و الله الاحسن اعملي عضوية

لو تحبي ابعتلك الكود بتاعي تدخلي بيه تجيبي اللي انت عايزاه
او تعملي عضوية تبعه

شوفي اللي يريحك

انا بعتلك على الخاص مش عارفة وصلك و لا لا

و بصراحة حاجاتهم حلوة بجد و الله الروجات تحفه و البرفانات كمان

و الماسكات سمعت انها حلوة بس مجربتهاش شخصيا