الطلعات الترفيهية مع الأطفال

يسلمووووووووووووووووو

الويك اند لازم يوم نطلع فيه ريم عشان تلعب وتتعشى
وانه وزوجي بس نطلع بروحنا اخلي بنتي عند امي الله يخليها واطلع نتعشى او نتسوق او ندخل سينما بس من يبت حسون يمكن طلعت مرتين مع زوجي بروحنا بس لانه ما اقدر اخليهم اثنينهم مع امي اخاف يتعبونها لاوم ناخذ ريومه معانا

انا بنتي اربع سنوات وولدي 3 سنوات ولازقين فينه وين ما نسير الصراحه نسير كل مكان بس اكيد طول الدرب صريخ وزعيج عليهم...

اتمنى اطلع بروحي مع زوجي بس ما يستوي لو اخليهم عند الخدامه ما اثق فيها وعند امي ما تهون علي الصراحه عيالي وااااااااااايد شياطين ووايد يتضاربون .. الله يهديهم

n6a6 شكرا على المرور
أم ريم شكرا على المرور والله يحفظ لك ريم وحسون
أمي كل دنيتي الله يحفظ عيالك وخليهم أكيد لا تخلينهم عند الشغالة بس ممكن تودينهم عند أمك والشغالةمعاهم وأمك أتشوفهم بس جدام عينها

حلوووووو الموضوع شكرا ذا كوين على موضوعك الحلو
عن نفسي نحنا لازم نطلعهم على الاقل بالاسبوع مرة واحيانا اكثر حسب دوام زوجي
اذا الجو برا حار نروح سنتر ولا اي مول نتمشى ونتعشى ونتسلى هههه ونخليهم يلعبوا بالالعاب والعب معهم كمان :o
واذا الجو حلو ومو حار لان جدة حااارة ورطوبة صيفا شتاء فممكن اننا نروح البحر الكورنيش وباخدلهم الدراجات ولا السكوترات وبيلعبو وبيفرغوا طاقة

اما عن نفسي وطلعاتي لوحدي فابدااااااااااااااااااااااااااااا ماطلعت ولا رحت ولا مرة من غير اولادي
لاصقين فينا دووووووووووم وازيدك عندي ام زوجي بالبيت يعني اما نطلع كلنا مع بعض او نجلس كلنا مع بعض :confused: مافي مهرب ههههه

شكرا مرة تانية

موضوع حلو

اني عندي ولدي احاول اني اطلعه كل اسبوع مرررة على الاقل وساعات نطلع اكثر من مرة وساعات يمر الاسبوع وما نطلع ولا مرة
واكثر طلعاتنا الي بنص الاسبوع تكون للحدايق القريبة ويلعب بالعاب هناك او بالرمل واحيانا نحمل اليه سكوتر او سيكل وهكذا نغير اليه
وبالصيف نوديه البحر
ومرة في الشهر تكون طلعة لمجمع العاب وعشا مرة وحدة
ونحاول كل جم شهر نغير في الطلعات يعني نروح محمية العرين او المتحف جددي نجدد اشوي في الطلعات لكسر الروتين للاماكن المعتادة
و احيانا يجي اسبوع ما نطلع فيه كلشش يعني زوجي يكون مشغول بالشغل وما عنده وقت بس نروح وياه ناخذ عشا او نتفارر بالسيارة عالسريع وناخذ تناتيش اغراض للبيت وهكذا

يعطيك العافيه ع الموضوع
الطلعات الترفيهيه تكسر الروتين وتبعد الملل وضروريه لنا مو بس الاطفال
عن نفسي عندي ولدين عزوز يحب انو يروح المجمعات يلعب بالملاهي بس مو محددين وقت معين متى ماقال نوديه بس بشرط مايكون فترات قريبه
ودمتي بود

في الويك اند صار لنااسبوعين نروح البحر ونخلي ارنوبتنا تركض في الرمل

اونروح البحرين نلعبها في السيتي سنتر تتونس وطبعا صياح اذاطلعنا تخلي ابوها يعصب

اما بالنسبة للطلعات بدونها مااقدر اتونس وهي لا حرااام تكسر الخاطر

اهي اهي
انا ما اطلع الا اذا اروح لاهلي
او عندي موعد مستشفى
او ابي اتقضى للبيت
من وين لوين اروح السوق
ومن وين لوين نروح مطعم
ومن وين لوين نروح ملاهي
طبعا الملاهي مع اهلي واخواتي وبنتي بدون رجال بس نساء بس من زمان يمكن من 6 شهور

يعني بالعربي زوجي مايحب يطلعنا برى البيت مايحب المشاوير الكثيره طفشت

الله يصبرني

ومن كم شهر رحنا مطعم

وطلعه لحال مافيه لاني احب اطلع بنتي معي احسها صغيره ماتفهم ليش الحبسه
بس انا عادي توعدت

طولت عليكم

k,v,v;9122762:
اهي اهي
انا ما اطلع الا اذا اروح لاهلي
او عندي موعد مستشفى
او ابي اتقضى للبيت
من وين لوين اروح السوق
ومن وين لوين نروح مطعم
ومن وين لوين نروح ملاهي
طبعا الملاهي مع اهلي واخواتي وبنتي بدون رجال بس نساء بس من زمان يمكن من 6 شهور

يعني بالعربي زوجي مايحب يطلعنا برى البيت مايحب المشاوير الكثيره طفشت

الله يصبرني

ومن كم شهر رحنا مطعم

وطلعه لحال مافيه لاني احب اطلع بنتي معي احسها صغيره ماتفهم ليش الحبسه
بس انا عادي توعدت

طولت عليكم

شكرا على مرورك الطيب الحمدلله على كل حال في أزواج ما يحبون الطلعة ابد أنا أعرف وحده نفسك زوجها ما يطلعها إلا حق تتشرى للبيت لكن يعوضها في ذلك لما تسافر

موضوع حلووو


احنا ماعندنا ترتيب معين ومواعيد معينة .. يعني مثل اغلب البنات

بس لازم نطلعهم مرة في الاسبوع على الاقل واحيانا تصير مرتين .. الاماكن على حسب لكن غالبا مجمعات او صالات العاب وفي الصيف تكون الكورنيش او اماكن مفتوحة ، او ممكن نروح اماكن ثانية للترفيه مثل محمية العرين او لما يصير في مهرجانات او شي ..
ونطلع اكثر شي الليل لان زوجي دوامه للمغرب والويكند نصير عند الاهل ( احيانا يوم السبت العصر اذا في جانص امشي من بيت اهلي من وقت ونطلعهم شوي )


وعن طبيعة الطلعات ما في بروجرام معين .. يعني العاب ،، تسوق ،، عشا او خفايف مثل ايسكريم - ذرة - نفيش ( فشار ) - دونت - او اي شي غير للاكل ههههههههههههههه


ولما يصير الجو حلو نطلع بين فترة وفترة ( يعني مرتين او 3 في الشهر ) نروح كورنيش او حديقة عامة نودي عشانا نتعشى ونتمشى شوي ونخلي اليهال يلعبون واحس ان اولادي يستمتعون بهالطلعات اكثر شي اكثر من المجمعات وغيرها ..


اما عن الطلعات بدونهم فسابقا ما كنا نطلع الا للضرورة حق مستشفى مثلا ( او اني اطلع مع احد عرس او شي واتركهم مع ابوهم ) لكن حاليا اشوف زوجي صاير رومانسي وكل يبي يترك عياله ونطلع بدونهم ههههههههههههههههههههه وانا عجبني الوضع لان راحة بال والنفسية تتغير وتجديد للرومانسية :o
نسيت اقول ان احنا نتركهم عند اخوات زوجي والحمدلله ما يقصرون يحبون عيالي وعيالي بعد يحبونهم ويوم اللي نقول لهم بنوديكم عند عمو فلانة يستاااااانسون احلى طلعة عندهم ههههههههههههه وزوجي عنده ما شاء الله 12 اخت لكني اتعامل مع مجموعه معينة تسمح لهم ظروفهم ان يتحملون عيالي خخخخخخخ
اما امي الله يخليها ما اوديهم عندها لان انا ساكنة بعيد عن اهلي وزحمة اروح افلتهم عندها واطلع بيصير المشوار دبل :)

ماما حسون شكرا على مرورك الطيب والله يحفظ لك عيالك

موضوع حلو أحنا كل ما تصير عندنا فرصة نطلع يعني ما عندنا جدول معين يعني في الأسبوع مرة ومرتين وأحيانا بالشهر ما نطلع والحمدالله على كل حال

انا ولدي عمره 9 اشهر .. تقريبا في الاسبوع مرتين او ساعات ثلاث نطلع مكان نتمشى ونتعشى وجذي .. بس ولا عمري خليته عند امي ورحت طلعة مع زوجي بروحي .. يكسر خاطري وااجد ..

وانا عندي مرت اخو زوجي على طول تخلي ولادها ثنينهم عند امها وتطلع .. والكل يتكلم عليها لان كل طلعة تقطهم وتمشي عنهم يكسرون الخاطر حتى مرة ولدها يقول لي الماما ما تودينا وياها ما ترضى .. كسر خاطري .. يعني الاطفال يحبون يغيرون جو و يلعبون وجذي .. يعني ما نصير انانيين .. نطلعهم مرة ومرة تخليهم مو على طول مساكين ما يطلعون ..

مشكورين على المرور الطيب

موضوع جدا جميل
احنا بحكم عمل زوجي الطويل
كمان عدنا طلعه مرة بالاسبوع
في المجمعات ونودي بنتي للالعاب ونتعشى
اما الطلعه لوحدنا فاعتقد من زواجي لهسه الي هو راح يصير 4 سنين طلعنا مرتين لحالنا بس

موضوع فررررش،،، خاصة انه يتعلق بالطلعات هههههههه

بالنسبة لي مالي وقت محدد للطلعات عشان عيالي للحين صغار مايروحون لا الروضة ولا المدرسة،،يعني فضاوة ،،،
بس لازم مرة او مرتين بالاسبوع نطلعهم يلعبون ،،
وبالنسبة للطلعات الخاصة مع زوجي ،،،،،خاااااطري ومنى عيني اطلع معاه طلعة خاصة فينا انا وهو بدون العيال،،بس المشكلة مافي احد يتحمل يمسكهم لي حتى لو كم ساعة ،،،بس ان شاءالله تتحقق هالطلعة من دعائكم لي خخخخخ،،،

وشكرااااا على الموضوع

روزان احمد ، دموعي قهر شكرا على مروركم الطيب لموضوعي بارك الله فيكم والله يحفظ لكم عيالكم

امس رحنا عين عذاري مع اليهال وعن جد استانسنا الجو كان عجيب