تجمع بنات مصر لنظافة البيت

ملك حياتى;9924388:
بنات
انا عاوزة طريقة اخلى بيها ريحة شقتى تبقى حلوة عشان كانت مقفولة بقالها سنة
وريحتها مش حلوة ريحة الخشب هى اللى ظاهرة فيها

مفيش حل جذرى غير التهوية المستمرة وبعدين الريحة دى حتروح من نفسها ما تقلقيش

ملاتوكس دة بيموت الصراصير

انا قراءت ان الباببونج الجابلى بيطفش الفران وهاجيبة
وكمان عرفت ان الفلل الاسود الحصى بيقضى على كل شىء وهاجربة وارجع اقولكم على النتيجة

ادعولى تنجح الطرق دى لحن انا خلاص مرعوبة لدرجة مش قادرة لا ادخل المطبخ خالص وبخاف من الحمام

شكلى هاتجنن ولا اية

ربنا معاكى يا سارة والبابونج الجبلى الا قصدك عليه فعلا بيطفش الفئران يعنى ممكن تحطيه عند البلكونة عشان الفئران ما تجيش اصلا واسمه الدارج عند العطار هو " الشيح "

Warde;9925691:
بصى جربى الطريقة اللى فى الموضوع ده:

جرّبت هذه الطريقة أمس لتعطير البيت...و لقيت بيتي صار حديقة أزهار فواااحه...بالصور..

أنا عملتها عندنا بالبيت ، ريحة البيت كانت جميله لمدة 3 أيام (y)

فى طريقة كمان كنت بعملها قبل الحمل لأنى فى الحمل مش طايقة الكمفورت
تجيبى شوية كومفرت فى كنكنه وعليهم شوية مايه وخليهم يغلو على النار وشمى بقى الريحة بتملا الشقه

جربت موضوع الفلفل الاسود قبل كدا ومجبش نتيجه والله اعلم

DodyCat;9936839:
فى طريقة كمان كنت بعملها قبل الحمل لأنى فى الحمل مش طايقة الكمفورت
تجيبى شوية كومفرت فى كنكنه وعليهم شوية مايه وخليهم يغلو على النار وشمى بقى الريحة بتملا الشقه

حلو (y)

طيب وبعدين أمسح الحيطه بيهم ولا أسيهم يغلوا بس ؟

انا جربت موضوع مسح الحيطة بكومفورت معملش حاجة...
انتو عملتوها ازاى؟؟

هى تقصد لما المايه تغلى الريحه هتنتشر فى الشقه وممكن تمشى بقا بالبراد فى كل اوضه وهى سخنه كدا تطلع دخانه فيها
لكن مسح الحيطه دا بيكون الخيط عادى بارد مش مغلى بس مجربتوش صراحه
لكن جربت العطر او الزيت يعنى فى المكنسه وحلو ما شاء الله

Warde;9925691:
بصى جربى الطريقة اللى فى الموضوع ده:

جرّبت هذه الطريقة أمس لتعطير البيت...و لقيت بيتي صار حديقة أزهار فواااحه...بالصور..

أنا عملتها عندنا بالبيت ، ريحة البيت كانت جميله لمدة 3 أيام (y)

ميرسى يا ورد وجارى التنفيذ

سارة العروسة;9935445:
ملاتوكس دة بيموت الصراصير

انا قراءت ان الباببونج الجابلى بيطفش الفران وهاجيبة
وكمان عرفت ان الفلل الاسود الحصى بيقضى على كل شىء وهاجربة وارجع اقولكم على النتيجة

ادعولى تنجح الطرق دى لحن انا خلاص مرعوبة لدرجة مش قادرة لا ادخل المطبخ خالص وبخاف من الحمام

شكلى هاتجنن ولا اية

اة يا سارة ملاتوكس دة بيموت الصراصير
هابقى اصورة عشان تشوفية

DodyCat;9936839:
فى طريقة كمان كنت بعملها قبل الحمل لأنى فى الحمل مش طايقة الكمفورت
تجيبى شوية كومفرت فى كنكنه وعليهم شوية مايه وخليهم يغلو على النار وشمى بقى الريحة بتملا الشقه

ميرسى يا دودى
هاجرب الطريقة دى بردو
ان شاء الله تجيب نتيجة

بنات عاوزة طريقة انظف بيها السجاد وما تكونش متعبة
لانى خلاص مش عاد عندى وقت
هاروح يوم السبت كدة ان شاء الله ابدا تنظيف فى الشقة

مورو قوليلى يا قمر
بتحطى الزيت او العطر فى المكنسة ازاى

انا بحط برفان على المروحة وبعدين اشغلها الاقى الريحة ملت الاوضة وفضلت شوية بس طبعا لما هتفتحى الشباك وتهوى الاوضة تانى الريحة بتروح

ملك حياتى;9940103:
بنات عاوزة طريقة انظف بيها السجاد وما تكونش متعبة
لانى خلاص مش عاد عندى وقت
هاروح يوم السبت كدة ان شاء الله ابدا تنظيف فى الشقة

السجاد تنظفية لو عندك وقت الاول تقلبية عى وشة وتخلية كلة قيمة اسبوع تمشى علية وهوة مقلوب على وشة
وبعد الاسبوع لو عندك حد ياخد السجادة ينفضها ويرجها هاتكون فى قلبتها طلعت كثير من ترابها
وبعدين تبشى عليها بالمكنسة كدة وبرها بينام ثانى مكانة والعفرة الى على الوش تروح
وبعدين تحطيها تفريديها وتجيبى طبق فى صابنون على اريال وفوطة نظيفة وتاخدى الرغوة بتاعة الصابون وتمشى بيها على السجادة مع التركيز على الاماكن الفاتحة فيها وبعدين تعيدى ثانى عليها بفوطة معصورة ماية نظيفة وتمشى عليها واخر خطوة والى حد قالى عليها يجيب حتة ناشفة ويغمسها فى حبة ماية عليها زيت عطرى ويعصرها تصف عصرة ويمشى بيها على السجادة
ريحة الزيت العطرى بتبقى فى السجادة فترة وربنا معاكى هاتدعيلى



انا امس حطيت فلفل اسود فى كل ارجاء الشقة
البابونج الجبلى مالقتوش خالص
وجوزى حط سم الفيران على الطماطم فى ارجاء الشقة وكان شكلة مؤرف اسود كدة وحاجة شنيعة ربنا يسهل

ملك.. الاول تعملى السجادة بالمكنسة.. ولو تقدرى تنفضيها يبقى تمام.. وبعدين هاتى قماشة وبليها بصابون سايل مخفف بمياه او الشامبو بتاع السجاد وامسحى بيها وش السجادة من غير ماتغرقيها مياه.

قصة كبيرة;9942431:
انا بحط برفان على المروحة وبعدين اشغلها الاقى الريحة ملت الاوضة وفضلت شوية بس طبعا لما هتفتحى الشباك وتهوى الاوضة تانى الريحة بتروح

وممكن تجيبو معطر اللى بيتعلق فى العربيات وتعلقيه فى المروحه او فى ريش التكييف
انا كنت بعلقه فى ريش التكييف قبل الحمل بس بعد الحمل بطلت كل حاجه مش طايقة كل الروائح

انا زيك بالضبط يا دودى كات بس ان شاء الله بعد الشهر الثالث الامور حتضبط

سا رة وبيبو قصدى قصة
ميرسى يا قمرات
ان شاء الله هاعمل كدة ادعولى يا بنات انى اقدر انضف الشقة دى اصلى بانام احلم بيها ههههههههه

تعطير منزلي..طريقتي الخاصة بالصور