تجمع بنات مصر لنظافة البيت

nemonamanemo;9495006:
كاندي في ملمع للسراميك اسمه فلاش بيطلع كل اللي انتي قولتي عليه

ونورتي يا قمر

مرسي ياجميل بس سالت كتير مش لقيته خالص وجبت جيف بس جربته للدهون اللي في السيراميك كان حلو

الحب هو الحياة;9495769:
هاتى ملمع للسيراميك اسمه فلاش حيطلعك الاسمنت بس خلى بالك لانه عامل زى ماية النار حامى البسى جوانتى وخلى بالك وانتى بتحطيه

انا عندي فلاش فعلا بس بصراحه بخاف استخدمه من الفوران اللي بيعمله ده وواحده اعرفها وهي بتفتح الازازه البتاع جه في عينها عملها مشاكل كتير لانه قوي جدا

مش لازم تبقى قريبه منه وانتى بتفتحيه حاولى تبعدى ايدك عن وشك
والبس جوابنتى ولما تحطيه ما تحطيه عليه اى مكون تانى لا اريال ولا كلور لانه كده هيبقى ضار جدا حتى كاتبين كده على العلبه

niceheart;9514140:
ازيك يابنات حلو اوى الموضوع ده ومفيد جدااااااااااااا
قولولى بقى انا عايزه اعرف منظف حلو لارضيات وتكون رحته حلوه
كمان الحوض الاتانلس عندى لونه اتغير شويه ونفسى يرجع بيلمع زى الاول
اما بالنسبه للبنوته اللى بتسال على الحلل الاستانلس انا بستخدم ليمو علبه صفرا طويله جدا ورخصيه مش غاليه فى حدود 2 جنيه بودره هى
بحطها على الحله وبالسلكه و ادى وبتبقى زى الفل بتلمع

طب ماتجربى نفس البودر ده للحوض لأنه برضه استانلس
جربى وقوليلنا النتيجة لو كده انا كمان اشتريه للحوض:D

http://forums.3roos.com/t457402.html

ازيكم يا بنات انا اول مره اشارك معاكم...........
بالنسبه لغسيل الاطباق انا بستخدم بيريل جميل اوى
وارضيات المطبخ والاحواض والحمامات بستخدم جيف ما لوش مثيل الحقيقه
اما بالنسبه للسيراميك فبستخدم منظف ريحته حلوه اوى اسمه good maid بس رائع وبحط معاه ديتول بس فى انواع جديده من الديتول بروائح مختلفه ..........بس انا بجيب الحاجات دى من كارفور

اذا كنت تشعر أنك تغرقين في الغسيل ، فأنت لست وحدك-- فمتوسط استخدام الغسالة في الأسرة الواحدة ستة مرات اسبوعيا. لجعل هذا العمل الروتيني أقل ازعاجا إليك سيدتي هذه الحيلة البارعة والمنتج الأفضل..
أفضل الطرق لإدخار الوقت
· إذا كانت النشافة تصدر طنينا أو أزيزا فهذا يعني أنها باردة وتحمل الشوائب. ضعي في النشافة منشقة نظيفة ومبللة وشغليها على حرارة متوسطة مدة 10 دقائق.
· ترك الملابس في الغسالة يجعل رائحتها منتنة. ضعي الغسالة على وضع التشطبف. أضيفي خلال ذلك كوب من الخل الأبيض حتى تتخلصي من الرائحة الكريهة.
· لتجفيف الرطوبة في النشافة ضعي منشفة حمام جافة واجعليها على أعلى سرعة.
· اتركي رذاذ مزيل البقع في درج المطبخ حتى يمكنك التخلص من البقع المنسكبة على ملابسك فورا أثناء اعداد الغذاء او تناوله.
· أضيفي ½ كوب من البيكنغ صودا مع مواد التنظيف ليقوي عملية التنظيف، لأنه يساعد مياه الغسيل على أن تكون أنعم وأخف وبالتالي المنظفات تعمل أفضل مع المياه الخفيفة.
· إذا كنت تغسلين ملابس رقيقة أو محشوة، ضعيها أولا في كيس وسادة واحكمي اغلاقها بربطة الشعر فم اغسليها ونشفيها.
أفكار ذكية منك سيدتي....
· لم أجد شيئا فعالا كما سائل غسالة الصحون الذي يساعد على التخلص من لطخات الدهون المتواجدة على الملابس. ما عليك سوى تدليك الملابس الملطخة بالدهون بالقليل من السائل ثم وضعها في الغسالة. المنتج هو أجاكس بالليمون سائل غسالة الصحون.
· هل تحبين أن تكون ملاءتك بيضاء. املأي الغسالة بالماء الساخن مع مادة التنظيف الا وهو الصابون والمبيض (bleach) واتركي ملابسك او ملاءتك تنقع فيها طوال الليل في الصباح اشطفيها مرتين.
· يمكنك توفير الوقت والاستغناء عن المكواة.. لعد الغسيل ضعي الملابس في النشافة مدة 15 دقيقة. قم علقيها او طبقيها كما يحلو لك.
· ضعي حمالات الصدر والملابس الداخلية في كيس المصبغة. يكون بذلك من السهولة تصفيف الملابس وترتيبها بسرعة.

بنات مترو عامل عرض علي سائل غسيل الاطباق النجمه وحادمم 3 انواع الفروله ولمون والفل وانا عايزه اجربه واجيبه جربتوا اي واحد منهم؟؟؟؟؟؟؟؟؟؟؟؟ علشان انا عايزه اجربه

مش النجمة دة بتاع الهلال والنجمة؟!!
لو هو....تقريبا يا سارة ماما جابته قبل كدة مكنش بيرغى خاااااااااااااااااااااالص...
بس دة من مدة فمش عارفة حسنوه ولا لأ؟؟؟
بس ماما حرمت تسترخص بعد كدة..ههههههههه

lifedrop;9535935:
مش النجمة دة بتاع الهلال والنجمة؟!!
لو هو....تقريبا يا سارة ماما جابته قبل كدة مكنش بيرغى خاااااااااااااااااااااالص...
بس دة من مدة فمش عارفة حسنوه ولا لأ؟؟؟
بس ماما حرمت تسترخص بعد كدة..ههههههههه

هوا مش ارسترخص خالص ده تجربه لازم نجرب علشان نعرف ومش شرط كل رخصيص وحش ولا كل غالي حلو
الهلال والنجمه جبت انا رمبو وطلع وحش

يبقى ماما جربت رامبو دة ...مش متاكدة...
بس النجمة دة تبع ايه؟؟؟
على فكرة يا سارة كارفور كان عامل عروض تحفة على المنظفات بس مش عارفة خلصت ولا لسة...
اناجبت مستر ماسل التلاتة ب9 جنيه...
وبرسيل عامل عليه عرض وسيف اللى هوا تقليد جيف وديتول ... دول اللى جبتهم ما عدا سيف دة

انا لما كنت اجازه جبت عرض ديتول المطابخ ممتاز بس هنا عندي مترو بس

على فكرة يا بنات سبينيس عامل عروض حلوة جدااااااااااا على حاجات كتيررررررررر منظفات واكل وكله

sa7ar-22;9515685:
ممكن تقولولى ايه اللى المفروض اخد بالى منه وانا بستخدم البيكربونات

البيكربونات مفهاش حاجه لانها بتستخدم لغسيل الخضار وحتى في بعض الاكلات والكيك بتتضاف
اهم حاجه اما تجيبي عليها اى ماده حمضيه زى الخل او اللمون او ملح اللمون وميه هتلاقيها بتفور

طب هوا ايه المشكله لو فاره ياشهيده ؟؟؟
وايحط عليها حاجه حمضيه في ايه بلظبط الغسيل ولا ايه

ساره افندي;9536771:
طب هوا ايه المشكله لو فاره ياشهيده ؟؟؟
وايحط عليها حاجه حمضيه في ايه بلظبط الغسيل ولا ايه

لا مفيش مشكله هيا بس لما بتفور ممكن لو مش عامله حسابك ان الحاجه اللى انتى حاطاها فيها غويطة هتفور وتعلى وتقع منها
فاهمانى يا قمر

انا باستخدم البيكربونات وعليها خل للبوتاجاز وعيون البوتاجاز وترجع للونها الاصلي
يعنى في اغراض النضافه

انتى مبقتيش تيجي تجمع الامهات ليه؟

ابقي تعالي هنا

http://forums.3roos.com/t451049-139.html

بصو هقلكم على كذا حاجه



المساحه دى حلوة جدا تنشفي بيها ارضيه الحمام او ممكن كمان تستخدم في المسح العادى او بعد المسح
ميزتها انها بتنشف كويس وبتلم لو في اى فتافيت او تراب متشلش مع الكنس و المسح
كمان حلوة اوى لتنضيف حيطان الحمام والمطبخ وممكن تجيبي منها كذا واحد لكل استخدام واحده


كمان انتو عارفين ليفة المواعين بتلم بكتيريا اد ايه

لو عندك ميكروويف ابقى دخليها فيها كل يوم او يومين

واكتر حاجه بتخليها تكون البكتيريا هيا بقايا الطعام اللى بتتجمع فيها وقت الغسيل
فانا بعمل ايه بجيب فرشه صغيرة الناس اللي بتستخدم غساله الاطباق عارفينها
المهم بانضف بيها الاول قبل ما استخدم الليفة

هحاول اجيبلكم صورة ليها

مرسي ياقمررر انا اللينك اصله بيتوه مني لان الاجزء الجديده مش بيبقا معيا اللينك بتعها

كمان المساحه اللى فوق حلوة اوى للسجاد
ببلها بميه وخل وامشي بيها عالسجادة
بتلم الشعر واى تراب او فتافيت ممكن تكون المكنسه ملقطتهاش

ولا يهمك يا قمر
ابقي تعالي ومتغبيش عنا

شهيدة;9536831:
بصو هقلكم على كذا حاجه





المساحه دى حلوة جدا تنشفي بيها ارضيه الحمام او ممكن كمان تستخدم في المسح العادى او بعد المسح
ميزتها انها بتنشف كويس وبتلم لو في اى فتافيت او تراب متشلش مع الكنس و المسح
كمان حلوة اوى لتنضيف حيطان الحمام والمطبخ وممكن تجيبي منها كذا واحد لكل استخدام واحده


كمان انتو عارفين ليفة المواعين بتلم بكتيريا اد ايه

لو عندك ميكروويف ابقى دخليها فيها كل يوم او يومين

واكتر حاجه بتخليها تكون البكتيريا هيا بقايا الطعام اللى بتتجمع فيها وقت الغسيل
فانا بعمل ايه بجيب فرشه صغيرة الناس اللي بتستخدم غساله الاطباق عارفينها
المهم بانضف بيها الاول قبل ما استخدم الليفة

هحاول اجيبلكم صورة ليها

انتي قاصدك علي ديه بلزات ياشهيده ؟؟؟
انا جبت واحده زيها زرقا لحوسه الدنيا عندي:confused::confused::confused: