تجمع بنات مصر لنظافة البيت

ساره افندي;9427843:
انا اخر اجازه ليا شفته في كارفور اسكندريه وكنت هجيبه لاني بحبه اكتر من سيف

خلاص ان شاء الله هاشوفه فى كارفور المعادى ويارب الاقيه لانى اسمع عنه انه تحفه وتسلمىىىىىىى ياساره وبموت فى الصور اللى بتحطيه فى توقعيك واضح ان ابنك ربنا يخليهولك مجننك هههههههه

lifedrop;9428444:
لا يا قمر انا مش بمسح بيها الدولاب...
بسبها كدة هيا بطلع لوحدها...
توماتيكى توماتيكى ...هههههه

الله ده كده سهله خالصصصص وسهل انى اجربها جزاكى الله خير وتسلمىىىىىىىىىىى

جربي بيكربونات ياقمر علي الصدوم بس صوديم
مشمشه الله يخليكي وفعلا مطلع عيني الناس بره علي طول سامعين صوتي

lifedrop فكرتك جمييييييييييييييلة جدا جدا أنا حأجربها في موضوع الهدوم اللي في الدولاب و أحط من برفان جوزي قبل ما يخلصه هههههههههه

بصوا يا بنات عندي علي اجرانيت المطبخ مكان السلكون لونه اسود حاولت أعمله بالسلكة مش نضف قوي ....... أعمل فيه ايه؟؟؟؟؟؟؟؟؟؟؟

قصة كبيرة;9408583:
بنات.. عارفين الصوانى اللى بتبقى خشب فى فضة؟ انا عندى منهم ومش عارفة انظفهم ازاى؟ المياه خليتهم يطوسوا!!!!!!!

ماحدش تانى يقدر يجاوب عليا الله يخليكم

قصة كبيرة;9433031:
ماحدش تانى يقدر يجاوب عليا الله يخليكم

بصي يا قصة لو بعد ما غسلتيهم بالمية نشفتيها بالفوطة كويس قبل ما تشيليها مش هتطوس خالص ، جربيها هتلاقي كل صوانيكي زي ما هي
وجربي للي طوسوا تمسحيهم بشوية مية بخل وبعدين تنشفيها بفوطة ناشفة يمكن تعالجها

بنات انا محتاجكم

انا شقتى مقفولة بقالها 9شهور ونص
مش نظفتها ولا مرة هههههههه
يا ريت تقولولى اتصرف فيها ازاى


عشان جوزى احتمال ينزل اليومين دول
وكمان يا ريت اعرف منظفات تكون موجودة فى اى مكان
لانى من المنصورة مش مغقولة انزل القاهرة ولا اسكندرية عشان اشترى منظفات
وكمان مش مشتركة فى ماى واى
يا ريت تنجدونى بسرعة وتردوا عليا
اة معلشى عارفة انى هتعبكم معايا
عايزة اعرف اسعار المنظفات بالضبط فى حدود كام
عشان اعمل حسابى فى الفلوس قبل ما انزل اشترى

استخدمي بيكاربوناتو وملح ليمون وخل مع أي صابون عادي زي جنرال هتلاقي الحاجه بتبرق ( بس ميكونش السيراميك من الغالي اللي بتروح لمعته )
وبالنسبة لأرضية الحمام أنا بحب أعملها بتايد العادي ومعاه ملح ليمون بينضف جامد يعني مش لازم الحاجات الغالية اللي ساعات بتجيب أثر وساعات لأ
وكمان كلوركس الاخضر حلو قوي بس أنا مبقتش أستخدمه علشان بستنشقه ودا بيبقى غلط على الجهاز التنفسي وبيتعبني قوي

sandybell2;9434246:
استخدمي بيكاربوناتو وملح ليمون وخل مع أي صابون عادي زي جنرال هتلاقي الحاجه بتبرق ( بس ميكونش السيراميك من الغالي اللي بتروح لمعته )
وبالنسبة لأرضية الحمام أنا بحب أعملها بتايد العادي ومعاه ملح ليمون بينضف جامد يعني مش لازم الحاجات الغالية اللي ساعات بتجيب أثر وساعات لأ
وكمان كلوركس الاخضر حلو قوي بس أنا مبقتش أستخدمه علشان بستنشقه ودا بيبقى غلط على الجهاز التنفسي وبيتعبني قوي

جزاك الله خير ممكن تقوليلى المقدار اد ايه من الاريال وملح الليمون على المايه ان شاء الله

ملك حياتى;9433444:
بنات انا محتاجكم

انا شقتى مقفولة بقالها 9شهور ونص
مش نظفتها ولا مرة هههههههه
يا ريت تقولولى اتصرف فيها ازاى


عشان جوزى احتمال ينزل اليومين دول
وكمان يا ريت اعرف منظفات تكون موجودة فى اى مكان
لانى من المنصورة مش مغقولة انزل القاهرة ولا اسكندرية عشان اشترى منظفات
وكمان مش مشتركة فى ماى واى
يا ريت تنجدونى بسرعة وتردوا عليا
اة معلشى عارفة انى هتعبكم معايا
عايزة اعرف اسعار المنظفات بالضبط فى حدود كام
عشان اعمل حسابى فى الفلوس قبل ما انزل اشترى

ان شاء الله جوزك يجى بالسلامة..
بصى يا قمر انا حاقولك على قد معلوماتى فى التنضيف....
مبدئيا هاتى فلاش ودة حتلاقيه فى كل حتة ان شاء الله ودة سعره تقريبا 2.5
وديتول او رينول ودة انا مش عارفة اسعارهم بس تقريبا فى حدود 10 جنيه...
وجنرال للارضيات ودة ب 3.50 او 4 ....
وهاتى بليدج للاثاث ودة ب 8 تقريبا...
وويندكس للزجاج ودة انا مش فاكرة سعرة بصراحة....
وممكن تروحى الطميهى... هتلاقى الحاجات دى كلها هناك واسعارهم حلوة ان شاء الله....
وان شاء الله بقيت البنات هتساعدك وانا لو افتكرت حاجة تانى هقولك...
وربنا معاكى....

موضوع هايل يابنات بس حد عندو صورة لفلاش ده ؟

انا عندى حاجة زى الفلاش بالضبط بس اسمه باور ان شاء الله هنزلكم صورته

صوت العيون;9434486:
جزاك الله خير ممكن تقوليلى المقدار اد ايه من الاريال وملح الليمون على المايه ان شاء الله

جزانا الله وإياكي حبيبتي كل خير
والمقدار تاخدي معلقة ونص كبيرة من الاريال معاها معلقة كبيرة ملح ليمون وتدلقيهم على الارض وتحطي مية لغاية ما تبقى الأرض مبلولة كويس علشان تعرفي تدعكيها حلو
أنا بحطها كده بالتقدير على حسب مساحة الحمام ، هي عندي مساحة متوسطة

وعلى فكرة يا بنات الفلاش دا ضار جدا ومش حلو وسمعت بنات قالوا عنه انه بيشيل الاسمنت اللي بين البلاط فبلاش منه

ايه باور دة يا سالى؟؟؟
احسن من فلاش؟؟؟

ايوة يا جميل انا عارفة انه ضار....
وسمعت انه احيانا بيشيل لمعة البورسلين او السراميك......
بس بستخدمه كل فين وفين... مش يوميا
يعنى ممكن كل شهر او كل شهرين....
دة انا سمعت مرة انه فيه مية نار!!!
عشان كدة لما بمسح بخلى بالى انه ميجيش علىا....

بنات المراية بتاعة البوتاجاز عليها الشحوم بتاعة الاكل وبصراحة كان فيه فترة كده كنت مكسلة وقعدت فترة مش غسلته بس انتظمت دلوقتى وبنضفه على طول بس المراية عليها حاجة كده زى متكون صمغ ناشف ولما بفركه بيطلع بس مش راضى يطلع فى بالسلك وصابون مواعين وكلور خالص اعمل ايه عايزة الازاز يرجع نضيف وبيلمع اسفة كولت فى الشرح

هبقا هنزل صوره فلاش اللي عايز صورته
بنسبه لمرايه الفرن انا بستخددم ديتول المططابخ بيخليها تلمع ويشيل الدهون وبيدي ريحه حلوه كمان البوتجاز عندي استالس بيخليه بيبرق وبيلمع

فعلا يا بنات الفلاش بيشيل الاسمنت وكدة بس مفيد برضو اوقات بيكون بعد توضيب الشقة وكدة بنحتاجة يشيل الاسمنت الزيادة وكمان في سيراميك الحمامات مش كلو في لمعة باينة الفلاش بيخلية نضيف جدا
وكلوركس الاخضر برضو حلو بس ريحتو مش بحبها بس بينضف جدا برضو

ماشاء الله عليكو ادونا خبرات اكتر

حد جرب مستر ماسيل بتاع المطابخ

lifedrop;9437369:
ايه باور دة يا سالى؟؟؟
احسن من فلاش؟؟؟

هو زى فلاش تقريبا بس حاسبو ممنوع بتاتا يجى على البلاعات او على الخلطات بتاعه الحوض او اى حاجه استانلس عموما بيخليها تجير وتصدى وخلى بالكو كمان انه يجى على الجلد