تشجعي وقولي الصج

لو على عيوبي ....عدي واغلطي
بس اكثر شي يضايقني بنفسي اني مترددة
حتى بعدما أقرر ارجع أفكر ...
ما أقدر اخبي مشاعري وأجامل يعني لو زعلانه ...متضايقة
يبين علي والأسوء لما اكون مع شخص ما استلطفه أحس انه يبين علي :ss:
وناقصتني شوية ثقة بنفسي وباسلوبي في الكلام
بس أحس انه هذا العيب يظهر قدام اشخاص معينين........عاملين لي عقدة :angry:
...وتسلمي على الموضوع....

هههههههههههههه
موضوع حلووو

أنا ..

عصبية لكن في الأمور إلي تستاهل ماحب الغلط أبداً

أتكاليه في أمور الدراسة أو أطنش كثير كثير وماهتم لها بالمرة مع أني ذكية :)

عنيدة مرات

إذا حطيت شي برأسي لازم أسويه

إذا بغيت شي أبغاه يجيني بسرعة أو أني أجيبه بنفسي بسرعة

وبس بكل صراحة ...

مشكووورة يالغلا ع الموضوع الراااائع هذااا
تسلمين ربي يعطيك العافية

عصبيه
حساسه بزياده مره رمره مره مره
ماعندي ثقه بنفسي
خوافه اخاف من ضلي

مخمل;9089606:
[grade="00008B FF6347 008000 4B0082"]

أولاً عصبية ماتحكم في أعصابي وأتنرفز على أسخف وأتفه الأمور

ثالثاً: ماااااااااااااعندي قدرة على المواجهة والدفاع عن حقي وياما ضاعت حقوقي وإنظلمت وأنا ساكتة ماحرك ساكن

رابعاً: أنا خواااااااااااافة وايد يعني مستحيل أبات في غرفتي بروحي والغريب إني أموووووت على أفلام الرعب وماطالع غيرها ومع ذلك لالالالالالازم أحد يقعد يطالعها معاي وآخرتها مانام الليل من الخوف والتخيلات

خامساً: أنا متشائمة وسلبية لآآآآآآآآآآآآآآآخر درجة وعمري ماتوقع الشي الزين لي وهالشي معيشني في وسواس دايماً مثلاً أخاف على عيالي يصير فيهم شي حتى وهم راقدين في أسرتهم إسم الله عليهم

سادساً: أنا عنييييييييييدة وأكابر حتى وأنا غلطانة وعارفة هالشي بيني وبين نفسي مستحيل أعترف به ودايماً أدور شماعة أعلق عليها غلطاتي

سابعاً : أنا زعولة لدرجة السخافة وأدور شي عشان أزعل عليه وزمرتي على راس خشمي مثل مايقولون وزين إن ريلي حبيب قلبي مستحملني ومطول باله علي لحد الحين مانفجر

ثامناً: أنا ملووووووولة من كل شي حتى من نفسي وعيالي أتملل ومن الروتين أتملل ومن الشغل أتملل وماسوي شغلي في وقته لين يتلايم فوق راسي

تاسعاً: أنا عجولة ومافيني صبر إذا دش مزاجي شي لالالالالالالالالالازم يستوي في نفس اليوم ولا باخلق منه مشكلة وحديث المجالس

[/grade]

عيوبي نفس هذي بالضبببببط

وبكل صراحة

ومشكوورة على الموضوع حبيبتي

مشكووورة أختي على هالموضوع
راح أتكلم عن موضوعج بإيجابية بس قبل أقولكم عيوبي
1) بعض الأحيان ما عرف أتصرف
يعني ما عرف في أسلوب المجاملات الاجتماعية وايد بالرغم أني أحب الجمعات واااااايد
2) مترددة بعض الأحيان وأبحث عمن يتخذ القرار بدلا عني
3) أحيانا فوضوية في دراستي وأموري

في السابق كنت عصبية جداً ..حساسة بزيادة..أثق بالناس سريعاً
مما سبب لي مشاكل..أصارخ بسرعة وصوتي عالي

ولكن من حبي لذاتي ورغبتي بأن أعيش وأنا راضية عن نفسي
علي أن أطور من نفسي وأتخلص من عيوبي
((إن الله لا يغير ما بقوم حتى يغيروا ما بأنفسهم))
فعقدت العزم أن أغير من ذاتي وأحبها وأطورها للأفضل

أخواتي ممن تشتكي من اليأس و الاحباط
إبدأي يومك بابتسامة وعندما تستيقظين في الصباح
خذي قرارك أنك ستحافظين على تفاؤلك وابتسامتك طوال اليوم
تفاءلوا بالخير تجدوه..رغم ما أواجه في حياتي من صعوبات
أحاول أن أظل مبتسمة فالحياة قصيرة
وكل ما يصيبني إنما تكفير لذنوبي وخيرة لي
فأمر المؤمن كله خير كما أخبرنا الحبيب المصطفى :)


تقبلي مروري

يسلمووووووووووو عسولة على الموضوع ....والله ضروري كل حد منا يتذكر عيوبه بين فترة وفترة علشان يعمل على تعديل هذي العيوب ...وتقدير الناس الي حوله الي متحملينه على هل العيوب ... أما سلبياتي التالي :

- حسااااااااااااااسة وعلى طول أزعل بس خفيييييت وايد عن أيام كنت بنوته في بيت اهلي ... أدبني الزواج ..هههههه

- عياااااااااااااازة حدي وكله أجلل عمل اليوم للغد والله هم بس بدمي شسوي ... أمي تقول وراثة من أبوج ..ههههههه

- عنيييييييييييدة واذا حطيت شيء براسي لو شو ماصار ماأغيره ... بس مثل ماقلت خفيت وايد حيث أن الزواج هذبني ....لوووووووووووول :)


وهذي تقريبا أكثر السلبيات الي ماتعجبني في نفسي وبس

العيب إللي فيني وأكرهه بس ما قدرت اغيره

اني ما اعرف اتصرف في المواقف بحكمه

واحياناً هذا الشيء يسبب لي مشاكل

وثاني شيء اني ازعل بسرعه ولأتفه الاسباب وما اقدر امسك نفسي

واقول اي كلمه تجي على لساني ولما اخلص اندم بس وقت لا ينفع الندم

ثالث شيء حساسه زياده عن اللزوم

والله من زمان احاول اغير هذي الصفات والله يقدرني أغيرها

تقبلي مروري

الحزينة2000;9102702:
اختى الغالية اشكرتج على صراحتج مع نفستخ وما فى شخص فى الدنيا بلا عيوب واتكلم عن نفسى انا حساسة لدرجة لو شخص جرحنى بكلمة افكر شهر وكنت عصبية لكنى تغيرت وووايد واحاول امسك اعصابى

عقد اللولو;9102856:
انا عيوبي درزن ......خخخخخخ
*اعصب بسرعه ...
*ماحب الازعاج .....
*حساسه ...
*ماحب احد يهاوشني بس انا احب اهاوش.... خخخخخخخ
*ماحب انظف واطبخ .....>> عجازه
* عنيده

نور دربي;9104423:
لو على عيوبي ....عدي واغلطي
بس اكثر شي يضايقني بنفسي اني مترددة
حتى بعدما أقرر ارجع أفكر ...
ما أقدر اخبي مشاعري وأجامل يعني لو زعلانه ...متضايقة
يبين علي والأسوء لما اكون مع شخص ما استلطفه أحس انه يبين علي :ss:
وناقصتني شوية ثقة بنفسي وباسلوبي في الكلام
بس أحس انه هذا العيب يظهر قدام اشخاص معينين........عاملين لي عقدة :angry:
...وتسلمي على الموضوع....

اممممممممممممممم

سؤال جدا قوي

بس حلو لما واحد يعرف عيوبه

انا بالنسبة لي

عصبية واتنرفز بسرعه بس احله عن طريق الوضوء والاستغفار
حساسة بس احلها بالثقة بالنفس واطنش


ودمتم سالمين
وكل عام واماراتي الحبيبة بخير

بتعرفي بيبي عيوبي نفس عيوبك
بس وحده الابتختلف انه انا مو اتكاليه غصب عني ههههههههههههه لو بايدي بصير اتكاليه
1-حساسه لابعد الحدود
2-عصبيه بشكل مو طبيعي
3-دايما ابكي فس سبب ولا لا
4-متشائمه دايما عمري ما اتفائلت باشي دايما متشائمه
5-مشكلجيه يعني بدور عالمشاكل من تحت الارض عراي زوجي
6-عجوله ما بصبر على اشي
7-خجوله لابعد الحدود وكتير بضيع حقي بسبب خجلي

ثالثاً: ماااااااااااااعندي قدرة على المواجهة والدفاع عن حقي وياما ضاعت حقوقي وإنظلمت وأنا ساكتة ماحرك

انا كنت جي نفس فوق بس شوي الحين اهون
بس عندي عيب صغيرون اني شوي ثقتي بنفسي مو ذاك الزود

أنا الشوق;9090784:


وفيني طبع غريب
لين انا ناوية اسوي شي، مثلا ارتب غرفتي خخخخخخ صحيت من النوم وقلت اليوم ان شالله بقعد اعدل اغراضي
تييني أمي تقول لي رتبي أغراضج!! أقوم مارتبهم ههههههه ولين قلت لها انا قايله برتب أحسها ماتصدقني خخخخ

هههههههه بجد بجد ضحكتيني لأن هالطبع انا فيني بعد وبصراحه ما انتبهت لهالطبع لين قريت كلامج خخخخخ

وغير كذا انا مستحييييييل اعترف بغلطي حتى لو اتناقش مع خطيبي بموضوع واقتنعت برايه بس ببين له اني مو مقتنعة ورايي هو الصح وادري لاااازم اغير هالشي:091:

ممم والشي الثاني اني مررررة رقيقة وكلللل صديقاتي يقولولي تصلبي بس خطيبي عاجبه:040: بس عن نفسي اعتبره عيب فيني

وبعد اني مع اني هاااادية بس اذا بقلبي شي ما اقدر اسكت حتى اذا ابى اسوي مفاجأة لشخص ما اقدر اسكت خصوصا اذا موعد المفاجأة بعيييد

واهم شي عصبية نمبر ون بس مو على اي شخص لاااا بس على خطيبي فديته مستحملني:065:

وحساااااااااااسة اي شي ممكن يخليني اصيييح لول

ومترددة ودوووم يصيرلي مواقف يكون ببالي شيئين مثلا واذا اخترت وحدة فيهم بعدها اندم واحس نفسي سخيفة((اقصد فالأتيكيت وفتعاملي مع الناس))

مسرررفة اذا بأيدي مبلغ عطووول اخلصه حتى لو على شي سخيف


كسووووووووووولة احب النوم بشكل ما طبيعي فالأجازات اقدر اصحى ساعة 1 الظهر وانام الساعة 3

نساااية انسى الناس وانسى اساميهم (يعني الناس اللي اشوفهم مرة كل سنتين مثلا!) واذا حد مريض انسى اطمن عليه او اي حد عنده مناسبة انسى ابارك لهم

اسوأ طبع فيني اني اقعد اتخيل اشياء ما صارت اشياء تجرحني يعني واقعد ابكي وبدوووون سبب اصلا!!!


بس؟؟!!:037: