كريم بروليه من مطبخ لولو بحر مكنون

السلام عليكم
الكريم بروليه - Crème Brulée
هو نوع من أنواع السويتات الفرنسيه الشهيره
وهو عبارة عن نوع من أنواع الكاسترد
مع طبقه سميكه من السكر المحروق او الكراميل

الطبق هذا لذيذ جداً واضمنلكم اياه
إنه يكون أحلى من الأنواع
إلي يسوونها في الفنادق
اذا طبقتوه بنفس الطريقه
إلي بعرضها عليكم ان شاء الله
وتتميزون فيه بين اصحابكم وضيوفكم

قبل لا ابدأ .. رجاءاً الموضوع ماينقل
بدون ذكر المصدر لأنه مجهود شخصي
[glint]منتدى عروس - خاص ب لولو بحر مكنون[/glint]
وإلي بتنقله بدون ذكر المصدر
ترى في ذمتها عند رب العالمين

بسم الله
نبدأ بالمقادير :



صفار أربع بيضات



ربع كوب شكر



كوبين من الكريما المخفوقه Whipped Cream



أعواد الفانيلا "وهذي سر النكهه" - نصف عود فقط
وإذا ماتوفرت بإمكانكم تستخدمون نكهة الفانيلا السائله "ملعقه شاي صغيره منها"
بس أفضل الأعواد لأنها فرش والنكهه فيها أحلى



أواني فخاريه خاصه لخبز الحلويات



وألحين نبدأ بالطريقه
وإلي ناويه تطبق اتمنى تلتزم بالتفاصيل علشان تضبط الوصفه

في البدايه وقبل كل شي
نشغل الفرن ونجهزه على حرارة 160 C

ناخذ عود الفانيلا



ونقسمه من النص بشكل عرضي وبطريقه خفيفه



وناخذ نصف العود إلي قطعناه "النص الثاني الباقي رجعوه في الثلاجه :D "
وبحد السكين نمرره على العود وبضغطه خفيفه ناخذ خلاصة الفانيلا



ونحط خلاصة الفانيلا في الجدر



ونحط وياه ايضاً العود إلي طلعنا منه خلاصة الفانيلا



ونصب الكريما فوقهم



ونخليه يفور دقائق علشان تندمج النكهه مع الكريما



إلى ان يفور الخليط
نرجع لصفار البيض والشكر

ناخذ صفار البيض "تأكدوا انه صفار مب بياض البيض"



ونخلط معاه الشكر بالتدريج والخفق يكون بسرعه منخفضه



وهنيه بعد ماخلطناه مع الشكر



ومن بعد مايفور خليط الكريما والفانيلا
نضيفه لخليط البيض والشكر
بس اهم شي نضيف كمية بسيطه من الكريما الساخنه ونخلط
علشان نرفع درجة حرارة البيض بشكل تدريجي ومن بعدها نضيف كامل الخليط





ونخلطهم كلهم



وبعد ماخلصنا الخلط



من بعدها نبدأ نصفي الخليط من حبوب الفانيلا او اي شوائب صغيره ثانيه
تأكدوا انه المصفاه انه فتحاتها صغيره جداً

ماكانت عندي مصفاه "مشخله" فتحاتها صغيره فأستخدمت صفاية ابريق الشاي :D



وهذي النتيجه بعد التصفيه



تلاحظون وجود فقاعات الهوا



لازم نتخلص منهم إما بإزالتهم بالملعقه أو بالولاعه



وهنيه بعد ماتخلصنا منهم



ونبدأ نصب الخليط في أواني الفخار





مانترسه كامل



وهنيه بعد ماصبيت الخليط كله في الكبار والصغار
وحطيناهم في صينية الفرن



نكون مجهزين مسبقاً ماي حار ونصبه في صينية الفرن
يعني كأنه حمام مائي للأواني الفخاريه
بس انتبهوا مايدخل الماي ضمن الخليط



شوفوا مستوى الماي إلين وين
المهم مايكون مرتفع وايد
الماي يساعد انهن ينطبخن بشكل اسرع



ويالله على الفرن



ومثل ماقلنا على درجة 160 C لمدة 30 دقيقه


وهنيه بعد ماخلصنا
نسيتهم شوي في الفرن وتنفخوا بس مب مشكله :D
لأنهن بيتغطن بالشكر
وندخلهم لمدة 4 ساعات في الثلاجه




ومن بعد الثلاجه



نجهز الشكر للحرق (6)



العدة



ناخذ شويه شكر



ونحطه على الكاسترد





وبحركه دائريه وبدون استخدام اي اداة ثانيه
نحاول نغطي الكاسترد كامل بالشكر



ونتخلص من الفائض منه



وانظف الجوانب إلي عالق فيها الشكر بطرف الأصبع



وهذا شكله قبل الحرق



وهذا السايز الصغير منه



نجهز السلاح وننطلق



نبدأ بحرق الشكر
بتشمون ريحة الحرق وبتسمعون صوت فوران الشكر وهو يحترق



نحاول نغطي كل المناطق



وحتى لو احترقت جزئيه بعد عادي ما يأثر في النكهه
بس تحملوا تحرقونه وايد



وهذا شكل البعض منهم بعد الحرق .. باقي 2 ماخلصنا منهم
أهم شي تكون النتيجه عباره عن طبقه سميكه من الشكر مثل قشرة البيض
يعطيكم احساس مقرمش ومن بعده الكاسترد



والنتيجه النهائيه ترااااااااااااااااااا





ومع اضافه بسيطه لكنها تشهي اكثر :wink:



وألف صحه وعافيه

[SIZE=5][SIZE=5]إذا عجبكم الموضوع
[COLOR=darkgreen]لاتنسوني من صالح دعائكم

وقيموني إذا حبيتوا الموضوع