زعلانه اوى... وزنى وفستانى وفرحى

بنات





أنا زعلانه أوى أوى





أنا فرحى كمان شهر ونص....
وأنا طول عمرى مليانه يعنى وزنى زايد.
وكنت عادى .........
أوقات أخس كتيييييير. وأوقات أتخن.....
لكن من يوم ماتخطبط وانا تخنت كتير.
انا عامله ريجيم من شهرين....طبعا اتأخرت جدا .بس خسيت شويه ..وكنت فرحانه بنفسى جدا ..وكل الناس لاحظوا جامد..


أنا رحت أتفقت على فستان فرحى ونقيت تفصيله أسمها تايبيست..... لو تعرفوها. وحسيت أنها هاتليق على. لأنى قست زيها وكان حلو اوى على....

المشكله كل أما أروح لحد عشان أعمل الفستان أحس نظراتهم مش بتعجبنى وبتجرحنى... عشان تخينه. وبحس أنهم مش عايزين يعملوهولى أو نفسهم أنى أمشى وماعملش عندهم.

أتفقت مع أتيليه على الفستان. وكانت ست كويسه ومقابلتها زودت ثقتى فى نفسى....

لسه مكلماها من شويه. وبتقولى أنها بعد ماكلمت المصنع الى هايعمل الفستان وأدته المقاسات قالها أن مقاساتى ماتنفعش فى التفصيله دى وقالتلى حاولى تختارى واحده تانيه لأنها بتقول أن المليانين لازم يلبسوا بوسط عشان يرفعهم........
طبعا ده كلام مش عاجبنى عشان القصه الى بوسط بتخنى جداجدا.......
المهم انا كلمتها وحش وقلتلها انا الى أقرر التفصيله. ومش هم. وأنى قست حاجات كتير ودى الى عجبتنى على .وأنى مصممه على التفصيله وقلتلها أنى هاروحلها بكره عشان نتفاهم.

انا بجد متضايقه من طريقتها ومن الموقف الى حطيت نفسى فيه .ومن جسمى. لأنى أنا الى عملت فى نفسى كده. حاسه انى غضبانه من نفسى. وحاسه انى عايزه أأذى نفسى كعقاب.
بحاول أغير تفكيرى وافكر بطريقه ايجابيه بس زعلانه. وكرامتى مزعلانى أوى

خايفه أشوف من الست دى بكره الى شفته من غيرها. وأصلا ماعدش فى وقت اغير الفستان.
وبقيت حاسه أن هايكون شكلى وحش فى فرحى. وبفكر ألغيه أصلا عشان ماضحكش الناس عليا.

أنا أسفه طولت عليكوا.

بس أنا زعلانه من جوا اوى...........