ولادتي بأحلى بنوته

السلام عليكم

حبيت اشارككم قصه ولادتي بأحلى بنوته

كان موعد ولادتي يوم 22 -11 ومن بداية التاسع وانا اتحرك وامشي بحكم وظيفتي (مدرسه) لكنني ماولدت بهالتاريخ واثناء مراجعتي للدكتور قال لي اسبوع زياده اذا ماولدت خلال هالاسبوع راح يولدني باستخدام الطلق الصناعي وقال لي شربي خروع وكنت اشرب ولا فيه فايده وبيوم 24 كنت امشي بالبيت وحسيت بألم يروح ويرد بس الالم كان خفيف واتفقت مع زوجي الساعه 8 بالليل نروح احد المجمعات التجاريه المشهوره عندنا وفي الطريق الالم كان يزيد وصار كل 10 دقايق فقلت حق زوجي نروح المستشفى بدل المجمع وفحصني الدكتور وكنت مفتوحه 3 سانتي وعملولي اوراق الدخول والساعه 3.20 الفجر كنت والده احلى بنوته وسميتها (جود )