في البدايه اشراق الوجه مب محتاج مجرد ماسكات او كريم او مقشر..بشرة الوجه سطح مكشوف لكل عوامل الجو من حر ورطوبه وشمس وبرد وغبار..يعني يابنات محتاج عنايه خاصه ومستمره...
وثاني شي ابي اقوله ان بعض المشاكل ماتحلها الخلطات الطبيعيه مثل مشكلة البثور هالامور محتاجة تدخل طبي....
الخلطات تحسن البشره الخاليه من مشاكل البشرة الجديه الكبيره..
وانا استفدت وايد من وصفات منتدى عروس والله يجزيهم خيييييير...
وصفتي اليووووووم وايد سهله وتعطي الوجه اشراق ولمعان مب طبيعي واليوم حسيت بهشي حتى اختي قالت لي شفيه ويهج صاير يلمع ...:21_213:
السر يابنات..


العسل + الليمون
ملعقتين طعام عسل طبيعي
نص ملعقة طعام عصير ليمون
حطيه على وجهج ورقبتج من ربع ساعه الى 20 دقيقه ...
بعد ماتغسلين ويهج ورقبتج بماي دافي مرري ثلجة ماي الورد او اشطفيه بماي ورد باااااااااااارد...
وبعدين حطي اي كريم مرطب ومغذي..
وطبعا العسل له تأثير مغذي للبشرة ويساعد على تجديد البشره ومعالجة الاثار الضاره للتعرض لاشعة الشمس والليمون يعتبر مطهر ومنظف للبشره ويقتل البكتيريا اللي تسبب مشاكل البشره...
للبنات اللي بشرتهم حساسه ضد العسل والليمون يرجى اختبار الماسك على منطقة صغيره من الوجه اذا ماتحسست جربوه على كامل الوجه وتقليل مقدار الليمون والاكتفاء بثلاث نقط فقط...
تحياااااااتي
وامااااااااااااانه اللي تنفع معاها وصفتي تدعي لي ان الله يسهل زواجي.. ولاتنسوووووني في التقييم