جدول العنايه بكل ما يخص الجسم ...لكل عروس استعدادا لزفافها

ربي ايسلمج حبووووبه ^_^

وأشكر مروورج

الغالية بغيت أسأل...

بخصوص خلطة مبروك لبنت عذاري.. يوم أحط الخلطة على جسمي وأوزعها كل مكان.. عقب ما أخلص كيف أيلس؟؟ يعني الخلطة بتكون كلللللل مكان في جسمي من الظهر للمؤخرة اعذروني وللبطن واليد والرجل يعني كللل مكان..

هلابج الغلا ^_^
شوفي الغلا ...انتي يوم اتحطين الخلطه اتحطينها بالتدريج يعني بتبدين بايدج وتفركين مثل التقشير اصلا بتكون طبقه رقيه بجسمج مب وايد وانتي اتكملين يعني بعد ايدج ابدي ببطنج وبعدين المؤخره وعقب ريلج لين اتخلصين كل جسمج وكل مكان بطريقة التقشير لين اتخلصين كل مكان...وتقدرين تشغلين نفسج بوضع ماسك عالشعر..ولو فكرتي تيلسين عادي مو مشكله ما راح ايصير شي باللي بجسمج ^_^ لمدة نصف ساعه وعقب شغلي الماي الدافي وابدي اغسلي جسمج بطريقة الفرك بس برقه ..وراح تنزل كل الخلطه عن جسمج ...وبتلاحظين الفرق...وما بتحتاجين شاور جل ولا صابون ..بس ماي دافي

فكيف أيلس يعني؟؟ أدري هالسؤال مفروض أوجهه للغالية بنت عذاري ولكن صعب تتحصل أحس!


وسؤال ثاني.. مكتوب في الخلطة إنه أترس البانيو ماي وأحط خل التفاح.. هذا متى أيلس فيه؟؟ لأنه بعد مكتوب إنه أسويلي شور داي دافي بدون صابون... فهل ملئ البانيو بالماي وقطرات خل التفاح يكون قبل الشور ولا بالنيابة عن الشاور؟؟

هالطريقه تستعملينها قبل الخلطه عسب تفتحين مسامات جسمج وتقدرين انج ما تملين البانيو ماي حار..بس يكفي انج تغسلين جسمج بماي حار لين تفتح مساماتج وايكفي 10 دقايق عسب تفتح المسامات ^_^وعقب حطي الخلطه وجسمج مبلوول..
وان شاء الله تستفيدين من الخلطه وربي ايوفقج ^_^

سامحيني حبوبة طولت عليج ومشكووووووووووووورة واااااااااااايد عالموضوع الرائع وربي يوفقج ويا ريلج دنيا وآخرة آآآمين[/quote]

مسموحه الغلا ..واي سؤال انا بالخدمه وما ايردج الا الكيبورد ^^

ويكفيني الدعاء الصدق...

ربي ايوفقج ويعطيج العافيه^_^