~'*¤!||!¤`تجهيزات عرايس البحرين { الاربعين 40}*¤!||!¤*'~`

BASHORAH
متى عرسش ؟
يعني عندش وقت او لا ؟
اني كلش ما في وقت .. باقي اسبوع على الجلوة

مشكوره اختي همس بس فاطمه البستكي في اي صالون؟؟ او جم رقمها؟؟ ابي اروح اجوف مكياجه
ومنيره سبت مو اهي اللي بصالون فاطمه شويطر؟؟
وباروح حق عايشة الريس علشان اجوف مكياجها بعد وبعدين راح احدد
اما سلوى يقولون ان الحين صار مكياجه حلو وايد وانا جفت عرايس تمكيجوا عندها بس خايفه
لان اهي كانت قبل حلو وبعدين صارت مو شي فخايفه اروح ومايطلع علي حلو.
والله يوفقج في دراستج اختي همس ويعطيج الريال اللي يصونج ويحبج وتتزوجين إن شاء الله.

اختي جزر مبشور صفيه شويطر مكياج الاساس مالها حلو وايد وحتى المكياج كله بس مادري ليش
سوت عيوني مسحوبه وايد من اهلنا راجوا لها وطلعوا ايننون وانا بعد طلعتني حلوه بس رسمه عيني
كنت ابيها احلى من جذي مشكورة, وباروح اجيك عايشة وشريفه.
اختي BASHORAH ماقط مره جفت مكياج معصومه بس ان شاء الله باروح اجوفه مشكوره.

نور رائد;9134411:
مشكوره اختي همس بس فاطمه البستكي في اي صالون؟؟ او جم رقمها؟؟ ابي اروح اجوف مكياجه
ومنيره سبت مو اهي اللي بصالون فاطمه شويطر؟؟
وباروح حق عايشة الريس علشان اجوف مكياجها بعد وبعدين راح احدد
اما سلوى يقولون ان الحين صار مكياجه حلو وايد وانا جفت عرايس تمكيجوا عندها بس خايفه
لان اهي كانت قبل حلو وبعدين صارت مو شي فخايفه اروح ومايطلع علي حلو.
والله يوفقج في دراستج اختي همس ويعطيج الريال اللي يصونج ويحبج وتتزوجين إن شاء الله.

روحي بعد صالون سلوى وجوفي اذا عندهم عرايس جوفي مكياجهم يقولون واايد صار احلى
لأن من سبوعين وحده من البنات الي معانه راحت لعرسها هناك وتقول طلعوها حلوه بس اخروها واايد اذا راوتنا صورها بقولج رايي
منيره سبت ماادري في اي صالون اهي بس عندي رقمها وصلني في ايميلي في ملف فيه ارقام حنايات وماكيرات اعتقد الي مسويه الملف وحد هني في المنتدى اذا تبين بطرش لج الرقم ع الخاص
واذا تبين الملف طرشيلي ايميلج وبدزه لج
فاطمه البستكي ماعندي رقمها بس صالونها في الرفاع اسمه صالون سيلينا اذا لقيتي رقمهم اتصلي وسأليهم متى عندهم عرايس عشان تمرين تجوفين مكياجها

هلا اختي همس مشكورة وصلني الملف وايد حلو فيه كل شي حق كل التجهيزات, باروح اجوف صالون سلوى
واذا عجبني باسوي بروفه اما منيرة فاتوقع اللي في صالون فاطمه شويطر عندي رقمها وفاطمه البستكي
اول مره اسمع عنها بس بعد باروح اجيك, مشكوره فديتج

عفواا وان شاء الله تطلعين احلى عرووس انتي والعرايس الي هني كلهم

سلاااااااااااااااااااااااااااااااام عروسااااااااااااااات .. عدنا بعد طول غياب .. مبروك رجعت المنتدى .. مبروك الف مبروووووووك لكل العرايس اللي انخطبوا واللي تزوجوا و الفال للباقي .. والله يرزق العازبااااات ..

لفيت لفة سريعة عالموضوع .. عروس متفرغة مبروك العرس وياليت تكتبين لنا تقرير عرسج من جديد ماشفته بس سمعت البنات بيحكوا عنو ..

فيه ناس تكلموا عن الضيافة والمعجنات .. عندكم ام خالد في مدينة عيسى .. ليلوز .. وهم عندكم امبرس لذييييذ من تجربة ..

اللي قالت عن المكياج تبي ناعم وفيه زهوة .. فاطمة اللبنانية وعايشة البلوشي .. ميساء القلاف جربته مب ذاك الزود خصوصا عالبشرة الدهنية وجهي دهن بسرعة .. ونفس الطريقة ما تغيرها لون او ثنين وعالطرف اسود ..معصومة ماك ماشفته ..عايشة الريس نايس بس اثقل من البلوشي .. صفية شويطر توي شفته من قريب حلو بس ماحسيته مميز .. شريفة فولاذ يمدحونها .. سلوى شفته على عروس من اسبوعين تقريبا ما اعجبني بس عجبني مكياجهم العادي شفته على بنت اختي حلو وسمرا ضابطين لونها ..


الفساتين طبعا ما انصح في فرشة العرايس و لا المحلات اللي من طقتها .. رومان ديزاين اسعاره اوفر احس فيه استغلال .. احلى الوصايف ما حبيت شغله .. مودا غاليري توي شفت فستان عروس عنه ما عجبني كلش .. اليكنزا كنت انصح فيه وبقوة يوم عندهم غلين الفلبيني بس سفروه وماشفت شغل المصمم الجديد يقولون اردني .. بس اللي تدور فستااان ناعم ومافيه ذاك الزود شغل وسعره مناسب تجرب رحاب صاحبة محل حلم العروس في المحرق .. و هم انصح بمشغل جواهر في السهلة ..

اممم بعد شنو .. اللي سالت عن صواني و دلال القهوة والشاي و هالحركات اظن جزر مبشور .. جربي محلات اكبري في القفول قريب شركة التامين ناسية اسمها .. يجيب شغلات راقية من صواني ودلال وكرستالات واشياء للتقديم .. واذا تبين اسعار انسب عندج فخر المملكة يجيبون صواني ودلات حلوة واسعارها ارخص ..

هذيان عاشقة
هلا بش بعد طول غياااب
اتذكر اني من قبل شفت مدحش لرحاب اللي في حلم العروس وان وحدة من اهلكم سوت لها فستان عرس روعة
المهم كنت ابغي افصل جلابيات لي والى امي .. رحت افتريت في سوق المحرق ادور محلات يخيطون جلابيات .. المهم وطاحت عيوني على حلم العروس وتذكرت مدحش فقلت خلني ادخله وعطيناها الخلق وقالت بتسويهم لنا ..
فالسؤال المهم الحين خخخ .. جلابياتها حلوة او لا ؟ تفصيل محلهم مرتب او لا ؟ ومضبوطبن في مواعيدهم او لا

امممم اني رحت حلو العرايس بصراحه اهي لبنيه اللي اسمها رحاب زوينه وطيوبه بس ما رحت لخياط المحل يعني اوكي رسمعت لي الموديل وعطتني السعر بس لما كنت اطالع الفساتين اللي عندهم ما عجبوني احس تفصيهم مدري شلون بس على الجلابيات في اشياء حليوووه

اما موضوع

اما موضوع لدلال سمعت بعد محل اسمه المحمود في المعارض بس اسعارهم توصل 100 الطقم بس بصراحه اني ما شفت ولا دشيت المحل للحين ما بتديت في هالاشياء

جزر مبشور;9134557:
هذيان عاشقة
هلا بش بعد طول غياااب
اتذكر اني من قبل شفت مدحش لرحاب اللي في حلم العروس وان وحدة من اهلكم سوت لها فستان عرس روعة
المهم كنت ابغي افصل جلابيات لي والى امي .. رحت افتريت في سوق المحرق ادور محلات يخيطون جلابيات .. المهم وطاحت عيوني على حلم العروس وتذكرت مدحش فقلت خلني ادخله وعطيناها الخلق وقالت بتسويهم لنا ..
فالسؤال المهم الحين خخخ .. جلابياتها حلوة او لا ؟ تفصيل محلهم مرتب او لا ؟ ومضبوطبن في مواعيدهم او لا

اهلييييييييييييين وسهلين ..

خياطها مرتب وجلابياتها راقية .. عندها موديلات مبتكرة .. مواعيدها مضبوطة جهزته لنا حليلها في ظرف يومين .. والاهم تعاملها كثير راقي طيوووبة المرة .. ان شاء الله بيعجبج .. انا مفكرة اروح لها افصل كم جلابية لبنت خالتي لزواجها عشان ما ننضغط حزة الحزة ..

بقولج بعد جربت شغل خياطة اروى في مدينة حمد سوق واقف هم حلو ومرتب .. وسعره مناااااااااااااسب .. سوى لي مرة جلابية ب 16 لان الكرستالات من عندي اصليين شريت واذا من عنده ب 20 دينار .. وفصلت عنده كم وحدة لاختي طلعوا راقيين ..وشريت القماش من ديفيا المتر ب 1 ونص وفيه باقل.. بس مواعيده بعيدة لان عنده لووود ما شاء الله

BASHORAH;9134586:
امممم اني رحت حلو العرايس بصراحه اهي لبنيه اللي اسمها رحاب زوينه وطيوبه بس ما رحت لخياط المحل يعني اوكي رسمعت لي الموديل وعطتني السعر بس لما كنت اطالع الفساتين اللي عندهم ما عجبوني احس تفصيهم مدري شلون بس على الجلابيات في اشياء حليوووه

اما موضوع

الفستان اللي سووته لنا رااقي لان مافيه شغل موديله بسيط يعني مافيه شغل صعب.. بس الجلابيات اللي تفصلهم ماعليها كلام ..(y)

BASHORAH
المحمود سمعت عنه .. يبغي لي اروح اشوفه لكن اذا غالي واجد اكيد ما بشتري منه خخخ

هذيان عاشقة
خياطة اروى فيه نسوان ياخذون المقاس والله لازم اودي لهم مقاس من عندي ؟

جزر مبشور;9134613:
BASHORAH
المحمود سمعت عنه .. يبغي لي اروح اشوفه لكن اذا غالي واجد اكيد ما بشتري منه خخخ

هذيان عاشقة
خياطة اروى فيه نسوان ياخذون المقاس والله لازم اودي لهم مقاس من عندي ؟

يا اما تودين معاج مقاس مضبوط او حد يروح معاج ياخذ القياسات عليج لان ماعندهم حريم للقياس ..

أكبري قبل مدة خذنا منه طقم دلال هدية ب 25 او 30 ما اذكر ..خذي لج لفة عليه ..

هذيان ....

محلات اكبري اللي اعرفه عند حواج اللي في السلمانيه بس مادليه بالضبط ممكن تدليني لو سمحتي

BASHORAH;9134635:
هذيان ....

محلات اكبري اللي اعرفه عند حواج اللي في السلمانيه بس مادليه بالضبط ممكن تدليني لو سمحتي

اذا انتي جاية من عند مستشفى السلمانية او المنامة او القفول قصدي جهة ديري كوين .. الحواج بيكون على يدج اليمين صح؟ .. بس خلج في اليمين وتجاوزي الاشارة اللي بعد الحواج مباشرة وامشي كم متر بعدها وبتلاقينه على يمينج جنب شركة التامين الي اعلانها اخضر ناسية اسمها :o

مسااكم الله بالخير ..,

أخباركم ؟!

*
*

بيه حذفوا موضوعنا 41 .. بس يالله ما عليه

كنت كاتبة إستفسارات

حق إختي "عروس متفرغة" تمكيجت عند صفاء وأبي رآيها في مكياجهاا

*
*

وأيضاً سآلت عن بوفيه حق 500 شخص

إذا ممكن بنات!

أسامي المطاعم والتكلفة

*
*

ومبروك عرايسنا "خطوبة & زواج "

وعقبال كل العزابية

بإنتظار تقاريركم ..,

السلام عليكم بنات... ملجتي بعد شهر تقريباً -ان شاء الله- وبصراحة مب عارفة وين آروح حق مكياج!!!! ابي شي حلوووو وايبين في الصور، ابي خطيبي لين شافني ايقول لي واااااااااااو، مادري الصراحة آخليه ناعم او ثقيل، ولا آدري عند من آحط

شفت جزء من الردود السابقة انه لازم آروح بنفسي آشوف المكياج، بس صراحة ما عندي وقت ابداً، فرجائي انه تعطوني اسم وحده ثقة، يعني آروح لها عمياني وآنه واثقة انها بتسويني شي ......لون بشرتي اسمر فاتح، او حنطي، مادري الصراحة شيسمونه!!!!! وبشرتي مخلوطة، يعني جزء دهني وجزء جاف

وشكرا

ايه ونسيت آقول، اني ما باسوي حفلة ثانية، لا عرس ولا جلوة -ان شاء الله-، يعني هاي حفلتي الوحيدة