~'*¤!||!¤`تجهيزات عرايس البحرين { الاربعين 40}*¤!||!¤*'~`

بنات شلونكم؟؟


طالبتكم طلبه وماعندي احد غيركم استشيركم


انا بسوي حنتي في البيت يعني كلش كلش بسيطه بس اهلي واهله يعني شوي مو وايد ناس


وابي اتحنه في نفس اليوم يعني مع الاهل واليوم اللي عقبه بنسافر على طول يعني مابسوي حفله


فاشلون بيلبسني الدبله؟؟ يعني ينقلها الى اليد اليسرى؟؟ وانا متحنيه ولا اتحنه قبل؟؟ واقعد بس وانا لابسه الخضر مال الحنه؟

ولا شلون شسالفه ابي احد يقولي شاسوي


لان في حنايه ثانيه بتيي بتحني اللي يبي يتحنى وانا بقعد في مكاني

يعني هل لازم خطيبي يدش ويلبسني دبله ولا موب لازم؟


لان اذا مابيدش بخلي الحنايه اتيني العصر ف على مايون الناس يكون انا جريب واخلص بس اقعد انطره ينشف؟

وخطيبي في هالحاله مايدش صح؟

سلاام بنات شخباركم؟ مبروك لكل العرايس اللي بينخطبون واللي بيتزوجون هاليومين وعلى راسهم عروس فريجهم .. وعروس متفرغه .. الله يتمم لكم بخير و ربي ييسر اموركم وتطلعون احلى عرايس ..


أنا الشوووق الف الف الف مبرووك الله ييسر امورج ويتمم لج بخير و جعل ربي يوفقج ويكتب لج الخير والصلااح ..



ماء الكافور في وحدة اسمها ام فاضل تاجر السناحات الخضرا والمناظر الكبار و المساند وكل هالشغلات بمبلغ رمزي انا تاجرت منها مرة مسوية فيهم مشروع فرشة تراثية فالمدرسة .. طلعت واااايد حلوة .. ركبتها انا وزميلة لي بمساعدة العامل فالمدرسة .. بدز لج رقمها ..




وحدة سالت عن سفر بعد اظن .. فيه حريم ياجرون سفر منهم ام طلال وام فاطمة وام فاضل ..




سوري باقي البنات لو فيه حد سال عن شغل ومارديت لان ضروسي يألموني واجد بعيد عنكم ..واحس اني مب مركزة مية بالمية ..

حلم العذارى;9099474:

°
°
°

آلف الصلاة والسلام .. عليك يا حبيب الله محمد

كللللللللووووش

<< حدي مستانسة وبطير من الوناسة بعد

وايد أستانست

لمن قرآت الموضوع

ما شاء الله بنات وايد قربت خطوبتهم .. ما بقى إلا أيام معدودة

وفي بنوتات

خلاص يجهزون للزواج

والخبر الأحلى ( أنا الشوق ) بتنخطب .. من زمان وأنا متابعة وياها

والحين أسمع بخبر خطوبتها

لووووول

يالله عقبال ما أتزوج أنا .. لأن شكلي بسويها قريباً هههههههههه

*
*

أمس كنت رايحة زواج في فندق " إليت "

كانت حفلة عائلية جداً

وهي من أهل خطيبي

الصالة راقية جداً و صغيرونة .. أي وحدة تفكر تسوي حفلة عائلية أو عيد ميلاد أو جلوة بسيطة

أنصحها بهالصالة .. صغيرة و راقية

و البوفيه لا بآس فيه أعطيه 7 من 10 !..

/
\

الديجي كان روعة

ما أدري هو تبع الصالة أو لا !..

/
\

والأهم ( العروسة )

ما شاء الله عليها كانت ناعمة جداً

مكياجها كان " سماوي & برتقالي "

و الباقة كانت تنسيق مع المسرح & قلايد المعاريس

أبيض & سماوي

وايد حبيت اللون وأقول يا ليت أسويه بعرسي

بس صعب!..

لأن ملجتي كان ستايلي ( سماوي )

وفي الزواج أبي لون غير

ومحتارة أي لون بيكون ؟!

إذا ملجتي سماوي .. و حفلتي وردي & موف

العرس شكله ما في إلا ( الأحمر )

مع إني وايد ألبس أحمر

فكرت في درجات " الأورنج & الأصفر " شرايكم ؟!!

*
*

أكثر شي عجبني في العروس

تسريحة شعرها !..

أول مرة في حياتي أشوف تسريحة بهالفخامة وهلأناقة

تسريحة 3 في 1

مرفوعة

نازلة

على جنب

تخيلوا بنات ؟!..

كانت جاية مرفوعة بحركة راقية جداً

و الشعر نازل على ظهرها

و في قسم منه ملوم على جنب و حاطه لها إكسسوار " وردة سماوية " على لون الباقة

شي راقي وناعم وفخم

عن جد عجبتني التسريحة!..

*
*

فستانها ما حسيته مميز يمكن لأنها ضعيفة وايد ؟!!

فما طلعت قصة الفستان ؟!!!

بس الطرحة رهيييييييييييييييييييييييييبة

*
*

الله يبارك لهم و يتمم زواجهم على خير

وعقبال كل العزابية

دمتم بحفظه

°
°
°

أنا الشوق;9099229:
هم الاثنين يناسبوني
بس أحس الثانيه بتناسبني أكثر لأن فيها شوي أصفر وانا ويهي أحمر،، فهميها عاد :tongue:
والحين عندي ناس قالوا لي الاولى وناس الثانيه وناس لا تصبغين :ss:
فيبيله نسوي قرعه:cool:

ماء الكافور;9098927:

هلا خيو هذيان

يا ريت تشوفين لي أهلج اذا عندهم وتردين علي بسرعة

ادري تعبتج وياي بس شاسوي ما عندي احد غيركم :o[/center]

أم سلمان الحلو;9098364:
[/center]

سلام .. عيادة البيان تصير في مدينة عيسى و إنتين جاية من جهة السوق الشعبي في الشارع إللي فيه دومينو بيتزا بس ما تكونين على جهة دومينوز لا .. لازم تكونين على الجهة المقابلة تروحين سيدة و تعدين الإشارة الضوئية و بعدها بتجوفين المدارس على الجهتين (مدينة عيسى الثانوية البنات و الأولاد و عقبها بيجيش الدوار تظلين تمشين سيدة و بعدها طالعي جهة اليمين بتشوفين العيادة لافتتهم تطل على الشارع بس لازم تلفين يمين على الإشارة و تحاولين تدخلين ليها

princess mima;9093710:
فكرة فيه بس مستهلكة واايد الدبلومات مؤتمرات استبعدته لان ماحصلت حجز في وقت الا ابيه وانا اليوم قرارت وحجزت كراون بلازه لان ماعزيم واايد عددهم وعروضهم عجيبه وانشاءلله بالتاريخ 7/5/2009 راح تكون الحفلة باذن لله

وينش انتين؟
تختفين اسبوع وتطلعين يوم ..
العروس في وين مسويه تسريحتها؟

لوووووووووووول

( حلا الشي ندرة وجوده ) << عدال يالواثقة

شسوي خيتو ما أتواجد وايد على النت

والله ما أدري وين مسويه تسريحتها , يبي لي أسآل

لأن صج تسريحة غير شكل 3 في 1

أنا الشوق

الف الف مبرووووووووووووووووووك
الله يتمم على خير ان شاء الله ونشوفش تراكضين على التجهيزات مثلنا


غربة الليل
ملجتش وياي في يوم
ما باقي شي 4 ايام

جاهزة؟؟؟!!!


تحياتي

بنات مارديتو علي :(

أنا الشوق;9097914:





وبسسسسس
لي عودة بسالفه ثانيه :o

عجبتني الاولى واجد

انا سمره
تتوقعون تناسبني
يعني سمره بس مو سوده

شوق الزمن;9100561:
بنات مارديتو علي :(

انا اشوف انج العصر تكشخين وتلبسين فستان نااعم الوانه تناسب مكياجج للحنة وتروحين مع خطيبج الاستوديو .. و تاخذون معاكم كيكة بسيطة وعصير وتصورون هناك وتغيرون الدبل .. وفالليل بعد ما ترجعون تلبسين بدلة حفلة الحنة وتجيج الحناية و عادي تمشي حفلة الحنة..او ممكن تتفقين مع مصورة تجيج البيت وتصورج بعد ما تجهزين مع خطيبج بس قبل حفلة الحنة وتبدلون الدبل وتشربون العصير و الكيك وهالشغلاات .. اتمنى ان يكون رايي مفيد بالنسبة لج ..

هذيان عاشقة;9100686:

انا اشوف انج العصر تكشخين وتلبسين فستان نااعم الوانه تناسب مكياجج للحنة وتروحين مع خطيبج الاستوديو .. و تاخذون معاكم كيكة بسيطة وعصير وتصورون هناك وتغيرون الدبل .. وفالليل بعد ما ترجعون تلبسين بدلة حفلة الحنة وتجيج الحناية و عادي تمشي حفلة الحنة..او ممكن تتفقين مع مصورة تجيج البيت وتصورج بعد ما تجهزين مع خطيبج بس قبل حفلة الحنة وتبدلون الدبل وتشربون العصير و الكيك وهالشغلاات .. اتمنى ان يكون رايي مفيد بالنسبة لج ..

شكرا يالغاليه على ردج


بس انا مابي انروح انصور في الاستيديو

يعني يلبسني الدبله قبل لايون المعازيم؟؟:D

دهن العود;9100447:

الله يتمم لج على خير يا رب

وفعلا كلامج الكراون بلازا
ممتاااااااااز
من كل ناحية وبالذات من ناحية الخدمة

يريحونج بكل شي

وتحسين أن في ناس بروفيشنال تتعاملين معاهم

يعرفون شغلهم عدل

يهتمون بأدق التفاصيل

الفلبينية اللي تشتغل صوب الحجوزات

وايد حليوه راح تراوويج جناح العروسين

وراح تهتم بكل شي للحفلة حتى نوع الأضاءة والساعة كم دخلة العروس
ونوع الدلال والفناجين ولون الكيكة والكورات للكراسي

ومكان الكوشة
وكم عدد أفراد الفرقة لأن لهم بوفية خاص
ورقم اللي راح يسوي لج الكوشة عشان إذا تأخرو أو ما ياو
يتصلون فيج ويعلمونج

غير أشياء ثانية ناسيتها

صراحة تعاملهم رووووووووووووعة

أختيار موفق

والله يهنيج ويتمم لج على خير

السيرفس في الكراون بلازا ممتاااااااااااااااز .. اصلا مايمدي حتى الطاولات تتوصخ عزج الله الا نظفوها ورتبو .. مب مثل اماكن ثانية الطاولات تنملي ورق وكلينكس و عاادي ..


والبلكوناات لو عندج فكرة حلوة لهم بتصير الحفلة واااااااااااااااااو .. نايس ومميزة..:wink:

شوق الزمن;9100768:
شكرا يالغاليه على ردج


بس انا مابي انروح انصور في الاستيديو

يعني يلبسني الدبله قبل لايون المعازيم؟؟:D

ايي سوي لج كورنر فالبيت .. كانه كوشة صغيرة وبسيييطة .. حتى لو يم ستارة فخمة فالبيت تحطين كرسيين وتعلقين عليها ليتات صغيرة .. و تحطين كيكة و بوكيه ورد و عصير .. و قبل ما يجون المعازيم تبدلون الدبل وتصورون وتاخذون كم حركة .. ممكن نفس المصورة اللي بتصور لج الحنة تصوركم .. ولا ما بتجيبين مصورة؟ ترى فيه مصورات يصورون لج كم صورة بس حسب ما تبين واسعارهم مناسبة .. اهم شي توثقين المناسبة <<<<<<<< وحدة تموت فالتصوير ..:o

بنات ...عاجل
ابي تدلوني وين يصير مخبز اللبناني و اللي عندها رقمهم تدزه لي بسرعة لان ابيه بعد ساعة بنروح ....بلييييييييييييز لا تطنشوني

المطعم اللبناني فيه فالمنامة يم السينما الحمرا .. وواحد في اسواق حسن محمود في توبلي .. وواحد في جدعلي قريب دوار الحميدية والمعهد الحديث ..

هذيان اي فرع نقدر نحجز من عندهم بارسلات الخطوبة

نسمة عروس;9101314:
هذيان اي فرع نقدر نحجز من عندهم بارسلات الخطوبة

اعتقد اي لاني مرة حجزت من المنامة ووده لي جدعلي ومرة حجزت من جدعلي مباشرة .. والكاتلوجات مالينهم شفتهم في كل الفرووع ..بس انتي تقدرين تتصلين وتسالين الفرع قبل ماتروحين عشان التاكيد والاطمئنان .. ربي يوفقج ..

اعتقد اي لاني مرة حجزت من المنامة ووده لي جدعلي ومرة حجزت من جدعلي مباشرة .. والكاتلوجات مالينهم شفتهم في كل الفرووع ..بس انتي تقدرين تتصلين وتسالين الفرع قبل ماتروحين عشان التاكيد والاطمئنان .. ربي يوفقج ..

المشكلة ما عندي رقمهم

نسوومه روحي اللي في جدعلي
اني رحت اللي في جدعلي دايركت وسويت عندهم

بنات اشوفكم وايد تمدحون الكراون بلازا..هل اهو نفسه الهيلتون سابقا؟ انزين جم اسعاره احين؟في مستوى الدبلومات او اغلى؟

شخباركم اليوم توفقت الحمدالله:shy: رحت للسعفه وراويته الفستان اللي ابغيه وان شاء الله بسوي لي خبرني ان الموضه الحين تور فرنسي خفيف صج الشك اللي عنده بلاوي انزين الفستان بالطرحه بسوي ليه 300 دينار شي رهيب رسم الموديل وعطاني اياه حدي مستانسه :happy1:ان شاء الله الاسبوع الجاي بروح له حق اعطيه المقدم ياربي الله يتمم لنا على خير:21_112: بنات عندي استفسار اني بنيه امي الوحيده وخلاص اخترت الجميرا البوفيه باخذ رقم 3 وحق 400 شخص يعني 1090 بيطلع عليه شنو تنصحون اخذ خدمات ال في اي بي والله انا اجيب الحلاوه من صوبي:21_159: